1. No category

25.000 ehemplar pa dia - $ 0.85
Ekstra Boneiru
Djaluna 23 febrüari 2015
...ketu bai number unu!
Smart shopping Better living
Gezaghebber Rijna a keda pa investigá
EMPRESARIO TA DRENTA
BESTUURSKANTOOR ANOCHI
®
Janiro Chatlein deportista di aña
E hóben Janiro Chatlein, tremendo hungadó di biar ku a representá nos isla na diferente okashon na weganan
Panamerikano Hubenil di Bola-9, a keda eligí komo Deportista di Aña 2014 pa e programa di deporte radial di Voz di
Bonaire 94.7. Djabièrnè na sede di ABVO durante un agasaho a premia e 12 atletanan ku a keda eligí deportista di luna di
aña 2014, di yanüari te ku desèmber, tambe deportista di aña. Riba e foto momentu ku e deportista di aña ta risibí su
rekonosementu for di man di diputado James Kroon i reina di deporte, den kompania di Rayen Frans di Deporte Voz di
Boneiru.
Kaya Dr. J. Gregorio Hernandez 45A
Djaluna te djabièrnè
Yama hasi bo sita!
Tel: +599 788-2228 / +5999
529-2228
Mucha i adulto
for di $7
www.votampb.com
facebook.com/votampb
hair cut
SI BO MIRA ALGU STRAÑO
TA SOSODÉ RIBA KAYA,
AKSIDENTE ÒF KUALKE
TIPO DI INSIDENTE NO
DUDA YAMA NA 7178482
Página koló
Gezaghebber Rijna a keda pa investigá
EMPRESARIO TA DRENTA
BESTUURSKANTOOR ANOCHI
KRALENDIJK — E komersiante Kabbara di orígen libanes, amigu i kampañadó di
lider di UPB James Kroon, ta
kana drenta e edifisio di Gobièrnu di Boneiru (Bestuurskantoor) ora ku e ta haña
bon. Den dia no ta un problema, pero sí e echo ku Kabbara
aki ta drenta Bestuurskantoor
anochi. E tin yabi pa drenta e
ofisina di gobernashon. Gezaghebber Edison Rijna a
keda sorprendé na momentu
ku Extra a konfront’é ku e situashon straño aki i el a keda
pa hasi un investigashon.
Na diferente okashon e
manifestantenan di NKBB
(Nos Ke Boneiru bèk) a yega
di señalá e tal Kabbara aki ta
drenta ofisina di gobernashon
di Entidat Públiko Boneiru den
oranan di anochi, na momentu ku no tin otro hende den e
edifisio aki. Kiko e ta drenta
hasi ta un pregunta grandi.
Ta pensa ku e lo ta drenta e
kantor di Diputado James
Kabbara na un di e diferente okashonnan ku e tabata
bishitá Bestuurskantoor den oranan di anochi.
Kroon, unabes ku e ta un
kampañadó ferviente di e lider
di UPB.
Extra a buska kontakto ku
James Kroon pa averiguá ku
si t’e kisas a fasilitá su yabi
di Bestuurskantoor i di su
ofisina pa Kabbara por drenta.
“Ami nò. Kisas otro hende a
dun’é yabi”, Kroon a kontestá
den un forma no masha
kombinsente.
Tambe Extra a aserká
Gezaghebber Edison Rijna ku
e pregunta ku si e ta kisas na
altura di e baiben di Kabbara
den oranan di anochi na
Bestuurskantoor. El a keda ku
e no sa di esaki, pero ku e lo
bai hasi un investigashon.
“Señor ta mi Wardador, mi no tin
falta di nada,
Den kunuku di yerba berde E ta
ponemi sosegá” Salmo 23
Nos ta partisipá fayesimentu di nos
esposo, tata, welo, bisawelo,
ruman i tio:
Uranio Amabel Neuman
mihó konosi komo Shoma
*20 december 1932 +20 februari 2015
Eks-empleado di Lago, Eks-empleado di MCB (Bonaire)
N.V., Fundador di General Security Services (Bonaire) N.V.
Su esposa:
Su yunan:
Elzy J. Neuman-Rosario
Ruthline Comenencia-Neuman i esposo
Errol Neuman i esposa
Albert Neuman
Victor Neuman
Casper Neuman
Desiree Neuman
Yu di kriansa: Ettienne Janga
Nieto(a)nan:
Emeray Martha-Neuman i famia
Aldrin Comenencia i famia
Melendy Neuman
Rujina Comenencia
Erjon Neuman
Gideon Williams
Giolijah Williams
Yurick Neuman
Brett Neuman
Sariah Neuman
Bisanietonan: Noah Martha
Levi Martha
Alana Comenencia
Su ruman:
Jeanette Marten-Neuman
Sobrinu- i sobrinanan, primu i primanan, kuñánan,
amigunan, bisiñanan, konosinan i demas famia:
Neuman, Rosario, Comenencia, Ramos-Montaña, Marten,
Martha, Williams, Janga, Coffie, Thodé, Goedgedrag, Sint
Jago, Josephia, Rojer, Blanken, Thielman, Pourier, van
Arneman, Silië, Francees i Tjin-Asjoe.
Nos diskulpa si den nos tristesa nos por a lubidá un òf otro
famia.
Akto di entiero ta tuma lugá djahuebs, 26 di febrüari,
saliendo for di Misa San Bernardo pa Santana Katoliko
na Playa.
Ta kuminsá risibi bishita di kondolensia na misa pa
2’or sigí pa un respons. Despues di entiero NO por
risibi bishita di kondolensia na kas. Famia ta pidi pa
bisti trahe alegre.
Djarason,25 di febrüari ta risibi bishita di kondolensia
na Consuelo Memorial di 7’or pa 9’or anochi.
Página koló
A KUMINSÁ DRECHA WAF NA DONKEY BEACH
KRALENDIJK — Porfin ta
mustra ku a kuminsá ku
reparashon di e waf na Donkeys Beach. Extra a kuestioná
kondishon di e waf aki
resientemente. Ora Extra trese
sierto ponensianan dilanti
esaki ta haña oido i tin ora
hasta ta mira mehoransa den
lokual nos ta trese dilanti .
Extra por ta krítiko pero
hustu den su ponensianan.
Extra a publiká siman
pasá tokante e waf na Donkey Beach ku esaki ta den
dekadensia i ku e kapitan di
puerto, for di yüli aña pasa
a papia di un plan pa a
kuminsá drecha e waf i ku
dentro di un siman lo a
kuminsá ku mantenshon di e
waf.
Por bisa ku e publikashon
di Extra a haña oido. Por mira
e siman aki moveshon na e
waf i ta parse ku ta trahando
i a kuminsá ku e reparashon
di e waf.
Awor ta di bai spera ku ora
e barku di kombustibel pa
avion bin Boneiru, ku tin e
seguridat pa hende no por
yega asina fásil na e barku
aki.
Estela, amigunan i famia ku
profundo doló pero konforme
boluntat di Dios ta partisipá
fayesimentu na Colombia dia
20 di febrüari di:
Alexander Statia
Mihó konosí komo Chando
Nos ta gradesidu na tur persona ku a mustra atenshon na
ora di su malesa
Chando sosegá na pas!
A fayesé
Thamares Ansia Bart
konosi komo Thamares yu di Petra Pinda
òf Petra Bart
Na nòmber di
su yunan:
Ysbertha ‘Bèti’
Engelhardt
Sharline Engelhardt i yunan
Elly Engelhardt i
Wendel Pieters i yunan
Edward Engelhardt
Albertico ‘Tiko’ Engelhardt i yunan
Shaileyma ‘Uka’ Bart i Minguelito Martis
i yunan
su nietunan, bisanietunan na Kòrsou i Hulanda
su partner:
Daniel Morillo
rumannan:
Aurora Molina-Bart i Eddy Molina i famia
Mizraim ‘Mientje’ Bart i yunan
Salathiel ‘Thiel’ Bart i Belinda Bart-Janga
i famia
Ezequias ‘Keke’B art i yunan
Hensley Bernabela i famia
Hunkli Bernabela i famia
Gerda Pieters i famia
Mirna Bernabela i famia
Adelle Winklaar i famia
Famia: Bart, Engelhardt, Martis, Molina, Winklaar, Pop,
Pieters, Janga, Bernabela, Morillo, Thodé, SintJago i demas.
Akto di entiero ta tuma lugá djamars 24 febrüari
saliendo di Consuelo Memorial pa santana katóliko na
Playa. Ta risibi bishita di kondolensia di 1’or pa 3’or
na Consuelo Memorial, sigi pa un respons.
Despues di entiero NO por risibi bishita di kondolensia
na kas.
Reakshon sumamente ridíkulo di parti KPCN
MANIFESTANTE LO TABATA STROBA POLIS
REAKSHON RIDÍKULO. Kuerpo polisial (KPCN) a
tuma nèt un siman despues ku Extra a pidi reakshon
pa bini ku un komentario riba e insidente ku tabatin
djadumingu dia 15 di febrüari último na pia di Waf
Chico Mercelina. Ta papia di strobamentu di polis den
hasimentu di su trabou. E reakshon ta bisa
spesífikamente riba e punto aki: “Sinembargo un
manifestante tabata stroba polis di hasi su trabou dor
di filma hopi djaserka. Polis a pidi e manifestante ku
tabata filma na vários okashon pa tene distansia pa
asina e por hasi su trabou.”
Na mesun momentu ku un polis femenino a aktua
kontra Kevin Thodé (e manifestante ku tabata filma
hopi djaserka) tabatin sigur dos pa tres persona
(turista) ku tabata filma mas djaserka ainda ku Kevin
Thodé. Awor dikon nan sí no tabata stroba polis? Dikon
no a aktua kontra nan? Kon filmashon di un akshon
asina ta stroba polis?
Tur hende por a mira (afortunadamente esaki ta filmá)
ku polis a interferí ku Kevin Thodé sin ku tabata
nesesario. Ta bon ku el a filma pa asina tur hende por
a mira kiko a pasa e mainta ei, kaminda Extra tambe a
yega djis despues. Gewon Kevin Thodé a keda bisa ku
e tin derecho di filma. Nada mas!
***
PA PENSA ARIBA: Demokrasia ta manera un vlòt.
E no ta senk, pero semper bo pianan ta keda muhá.
***
PAPIAMENTU. Djasabra último tabata dia
internashonal di ‘Idioma Materno’. Manera ta kustumber
tabatin aktividat organisá pa Fundashon Akademia di
Papiamentu. Banda di e fundashon aki tin un fundashon
mas ku ta aktivo riba e tereno aki na Boneiru, esta
Fundashon Dushi Papiamentu.
Loke nos ta sinti falta di dje ta akshonnan mas
konkreto di parti e dos fundashonnan aki pa sali na
vanguardia di nos idioma materno ku ta Papiamentu.
Un ehèmpel simpel: dikon no ta tuma akshon pa kita e
palabra ‘bushalte’ poné riba e paradanan di bùs na
Boneiru? Pakiko no ta pone un bòrchi simplemente ku
‘Parada di Bùs’, ku ta kuadra mas ku nos idioma materno?
Otro sumpiña den nos wowo ta e diferente
nòmbernan di kaya ku no ta bon skirbí, manera Kaya
Spanja na lugá di Kaya Spaña. Esaki ta djis un dje hopi
ehèmpelnan kaminda ta maltratá nos idioma materno.
***
LAMENTABEL. Fin di siman pasá tabatin atrobe un
kaso lamentabel di un kuedó di kokolishi ku a kai na
laman i despues a resultá di a pèrdè su bida. E aksidente
aki a sosodé na kosta di Spelonk, na unda mas bia den
pasado e tipo di aksidentenan aki a tuma lugá. Tambe
na otro partinan di e kosta boneriano. Aña pasá tabatin
un kaso asina i e aña aki atrobe otro kaso.
Nos ta kere ku ta tempu pa hendenan ku ta piska na
baranka òf ta bai kue koncha i kokolishi kuminsá tuma
medida di protekshon di nan mes. Por ehèmpel usa
chaleko salbabida. Esaki por skapa nan bida.
***
KRALENDIJK — E motibu
ku polis a aktua kontra e
manifestante Kevin Thodé
siman pasá djadumingu,
tabata pasobra e tabata stroba
polis di nan hasi nan trabou.
Esaki KPCN, kuerpo polisial di
Karibe Hulandes, ta bisa den
un reakshon na Extra riba
pregunta di e korant aki. Un
reakshon hopi ridíkulo,
pasobra ta simplemente Thodé
tabata filmando e aktuashon
polisial kontra dos hóben ku
tabata karga un spanduk e
mainta ei. Tantu e dos hóbennan komo Kevin Thodé ta
pertenesé na e movementu
‘Nos Ke Boneiru Bèk’ (NKBB).
KPCN den su reakshon ta
bisa: “Riba djadumingu 15 di
febrüari den oranan di mainta
tabatin un manifestashon den
e área di pir na sùit den Playa.
Tin regla pa manifestashon
na kua tur hende mester tene
nan mes. Polis a bai na e pir
pa papia ku e manifestantenan.
Na e sitio tabatin algun
manifestante ku spanduk.
Polis a pidi e manifestantenan
pa bai un otro sitio.
Sinembargo un manifestante
tabata stroba polis di hasi su
trabou dor di filma hopi
djaserka. Polis a pidi e
manifestante ku tabata filma
na vários okashon pa tene
distansia pa asina e por hasi
su trabou.”
E polis a laga e manifestante komprondé mas ku
un biaha pa hala patras
pasobra e tabata stroba e
polis. E manifestante no a
duna oido na esaki. Loke
KPCN no ta bisa ta ku tabatin
sigur dos persona, turista, ku
tambe tabata filma pará mas
pegá ainda ku a dos manifestantenan. Aparentemente
nan sí no tabata strobando e
dos polisnan den eher-
sementu di nan trabou.
E reakshon di KPCN ta
konkluí: “Polis no ta kontra
di libertat di ekspreshon ni
tampoko hendenan ku ke hasi
filmashon, pero no por stroba
polis di ningun manera pa
ehersé su trabou. Polis a kita
e manifestantenan for di e
sitio ku preshon moderá.
Seguidamente polis a para e
manifestashon di forma
pasífiko kaminda a kita tambe
e spanduk tambe.”
Remarkabel ta ku KPCN
den e komunikado ta bisa ku
nan a kita e spanduk, pero
nan no ta bisa ku mesora
despues a entregá esaki bèk
na e manifestantenan.
Afortunadamente
e
manifestante Kevin Thodé a
filma henter e suseso aki, di
manera ku tur hende por mira
ku sigur no tabatin strobamentu di trabou den
hasimentu di nan trabou.
A HAÑA KURPA DI HÒMBER KU A
KAI NA LAMAN
KRALENDIJK – Manera
publiká den nos edishon di
djasabra, ola grandi ta saka
un hòmber fo’i baranka hiba
laman brutu. Djasabra den
oranan di mèrdia a lokalisá
kurpa di e hòmber na kosta.
Djabièrnè 20 di febrüari un
hòmber ku a bai piki koncha
na baranka ku su yu, a resultá
den laman. E insidente aki a
tuma lugá den área di
Spelonk algu promé ku 12’or
di mèrdia.
E hòmber tabata riba un
baranka kantu di laman i
dado momentu un ola grandi
a dal na e baranka i saka e
hòmber hiba laman brutu.
E yu di apénas 10 aña, a
purba di yuda su tata i asta a
stür e vehíkulo di tata pa buska yudansa. El a topa ku algun turista ku a bati alarma.
For di djabièrnè mèrdia a
kuminsá ku akshon di búskeda kaminda vários instansia manera Warda Kosta,
KMar, Polis, Stinapa, Lucht-
macht, Brantwer, pero tambe
famia i konosínan, a yuda. A
hasi uso di helikòpter, avion
i boto den e búskeda.
A buska djabièrnè te ora a
bira skur i djasabra mainta a
bolbe reanudá e búskeda. Djasabra pa mas o ménos
2’or di atardi famia a logra
saka e kurpa ya sin bida for
di laman. Por sierto na un
sitio sumamente peligroso
kaminda tin laman brutu,
olanan grandi i koriente di
laman.
Dòkter a konstatá morto
na e sitio i djasabra atardi mes
a dera e hòmber na bida yamá
Marlon Trenidad, nasé 18 di
sèptèmber 1978 na Boneiru.
Pas na su restunan i forsa na
e famia.
$ 17.80 KÈSH pa 25 palabra inklui 6% ABB
ta risibí aviso te ku 3’or di tardi
SUPER
KLASIFIKADO
PA MUCHA
REEF
STORE
i
DUSHI
SHOES a haña hopi slof pa
mucha di bon kalidat. Tambe
hopi sandalia pa bisti na krèsh.
Nos ta keda den Kaya
Grandi tel. 717-8300
No tin duda ku te na e
momentu aki e lider di MPB, Elvis
Tjin-Asjoe, ta kapta mas
atenshon. Sea bo ta di akuerdo
kuné òf nò, Kompa Chen, manera
hendenan di UPB ta yam’é, ta
move. Su partido ta move, su
hendenan ta move, loke ta
dunando resultado tambe. Siman
pasá MPB a tene un konferensia
di prensa pa presentá su
programa di akshon. Mester bisa
ku ta un programa bunita
presentá. Ainda nos mester bai
studia e kontenido di e programa
aki pa por duna komentario.
***
Kompa Chen a drai i bolbe drai
manera un tròm, ora a hasié e
pregunta den su konferensia di
prensa tené djaweps último ku si
e ta dispuesto pa publiká for di
unda MPB ta haña su fondonan
pa kampaña. Kompa Chen no
tabata sa unda e kuminsá, pa
despues e bisa ku Boneiru ta
muchu chikitu i si nan bai
oposishon lo tuma represaya
kontra e hendenan ku a spònser
su kampana. Tur partido ku ta bai
elekshon, ta bai pa ta den
gobièrnu. Kompa Chen i MPB
tambe, mirando tur e ambishonnan ku MPB tin.
E partido PHU di Bijkerk sí ta
publiká di unda, i ken ta spònser
nan kampaña, hasta nan programanan na un radio-emisora ta
menshoná e spònsernan ku ta
hasi e programa posibel. Serka
MPB si no por “pasobra Boneiru
ta muchu chikitu.”
Por ta ku MPB ta lubidá ku e
partido PHU di Bijkerk sí ta
publiká, nan ta bai e elekshon aki,
na Boneiru, dia 18 di mart
binidero, riba e isla ku Kompa
Chen ta bisa ku ta muchu chikitu
pa menshoná for di unda e
fondonan ta bini pa kampaña.
Nada nobo Kompa Chen! Ta
mesun kosnan tradishonal di e
partido for di unda Kompa Chen
ta bin. Pueblo ta skucha i ta
opservá, i ta bisa, “ta blo Bla Bla
Bla”, nada nobo.
***
En todo kaso MPB a tuma un
posishon kla: MPB no ta bai traha
ku UPB den un Bestuurscollege
despues di elekshon. Pues no por
spera un koalishon blou-bèrdè.
Nos ta kere ku MPB a tuma e
posishon aki pa trata na kita e
echo ku tantu Demokrat komo
otro partidonan ta plak e stèmpel
ku no tin diferensia entre UPB i
MPB riba e dos partidonan aki.
PHU a asta yama e dos partidonan
aki ohochi, un denominashon
hopi kreativo.
Nos ta haña e posishon di MPB
hopi radikal. Polítikonan versá ta
bisa semper ku nunka bo mester
bisa nunka den polítika. Kiko ta
bai pasa si surgi un situashon
kaminda MPB mester traha pa
UPB na bienestar di Boneiru?
***
1 Tim Magno tambe a presentá
su plan di gobernashon siman
Bla
Bla
Bla
Bla
POLITIKA
pasá. 1 Tim Magno a bisa ku nan
ta bai pone tur kos na òrdu. “Un
gobièrnu t’ei pa sirbi pueblo i no
kontrario. Un gobièrnu ku ta traha
na benefisio di nos Bonerianonan.
P’esei nos ta na bo òrdu! Nos ta
boga pa transparensia. Tambe lo
reevaluá e modelo di direktorado
ku solamente a trese doló di
kabes pa tantu empleadonan
públiko komo nos poblashon.
& Politikeria!
Ningun hende a mira un adelanto.
Al kontrario ta mas patras a bai i
e aparato gubernamental a bira
mas grandi i mas karu. Esaki a
trese kuné mas inefisiensia”, e
partido ta opiná.
E 15 puntonan di 1 Tim Magno
ta lo siguiente: 1. Traha pa nos
Gobernashon ta na Òrdu!; 2.
Traha pa kresementu di nos
Ekonomia ta na Òrdu!; 3. Traha
pa Rekonosementu di nos
derecho di Outodeterminashon
na Boneiru ta na Òrdu!; 4. Traha
pa stòp Pobresa na Boneiru i pone
e situashon na Òrdu!; 5.Traha pa
stòp e hecho ku nos Bonerianonan
ta siudadanonan di segundo
rango riba nos propio isla i pone
e situashon aki na Òrdu!; 6. Traha
pa nos tin bon Edukashon i
Sistema di Enseñansa pa e
Boneriano mes por yega na su
potensial profeshonal i pone
Boneiru na Òrdu! ; 7. Traha pa
revoká e lei nobo di impuesto riba
propiedat “Vastgoedbelasting” ku
ta inhustu pa nos pober
Bonerianonan i pone na Òrdu!;
8. Traha pa respetá Dia di Rincon
komo Dia Nashonal di Fiesta i uni
tur hende pa asina reina Òrdu!;
9. Traha pa un Presupuesto
balansá den nos Finansa Públiko
pa tene Òrdu! ;10. Traha pa duna
nos grandinan un mihó kalidat di
bida i pone tur nan nesesidatnan
na Òrdu!; 11. Traha pa drecha nos
Salubridat Públiko i perkurá pa
nos hendenan haña bon trato i
na Òrdu!; 12. Traha pa
Departamentu di Hustisia ta bon
ekipá i ku sufisiente hende pa
kombatí kriminalidat riba Boneiru
i pone Òrdu!; 13. Traha pa nos
Infrastruktura i Transporte
Públiko ta na Òrdu!; 14. Traha pa
nos Bonerianonan por práktika
bon deporte riba nos isla den un
forma na Òrdu!; 15. Traha pa nos
Departamentu Sosial funshoná na
Òrdu!
***
Un echo ta ku Demokrat for di
1999 ku UPB a gana elekshon no
por a logra kibra forsa di e partido
aki. Demokrat de fakto pa 15 aña
kaba no tabata un menasa pa
UPB. MPB en kambio sí awor ta
un menasa grandi pa UPB. P’esei
tambe UPB tin miedu di MPB i ta
kontinuamente den defensa.
Segun dianan ta bai UPB lo bini
ku atakenan pisá i asta bou di
nivel kontra Kompa Chen. Pero
nan no mester hasi e fout di kere
ku esaki lo yuda. Tin ehèmpelnan
“de sobra” ku fásilmente bo ta
kombertí esun ku bo ta ataká bou
di nivel den un víktima. E kos por
traha nèt kontrario! Historia a
mustra esaki.
***
FRATERNAN NA BONEIRU
Dushi tempu bieu
Dia 10 di mei 1940, ku ta e dia ku Alemannan a invadí
Hulanda, a trese konsekuensianan negativo pa enseñansa
na Boneiru. Riba òrdu di gezaghebber mester a manda tur
mucha di skol kas. A saka tur banki for di e klasnan, pa
asina a krea espasio pa e Alemannan i otro tiponan peligroso
pa estado, ku tabata na Kòrsou na e momentu ei i ku nan a
kue presu pa motibunan di siguridat.
Na St. Dominicusschool e nabegantenan aleman a haña
akomodashon. Tabata trata aki di 173 hòmber. Te dia 5 di
yüli 1940 a usa skol di frater ku e meta aki. Dia 10 di yüli e
bida normal di skol a reanudá na Boneiru.
Dia promé di sèptèmber 1947, ku aprobashon di gobernador
di Kòrsou, a transformá e skol di frater na Boneiru den un
asina yamá skol di U.L.O. (Uitgebreid Lager Onderwijs) ku
8 aña/klas.
Na aña 1951 e kantidat di alumno di skol di frater a oumentá
atrobe, di manera ku mester a konstruí dos lokal aserka,
ku dia 28 di aprel 1952 a drenta servisio. Na aña 1954 e
kantidat di alumno di St. Dominicusschool tabata di 358
mucha, partí den 7 aña. Tabatin e tempu ei dos promé klas
i dos segundo klas.
Den tur bondat ku nan a hasi pa otronan por ripará tòg ku
fraternan no tur bia tabata bon pa nan mes (salú). Esaki
debí ku mayoria di nan tabata huma i ta konosí ku
humamentu no ta bon pa salú.
Frater Kachimba por ehèmpel semper tabata ku su pipa
den boka, loke a pone nan dun’é nòmber di Frater
Kachimba, refiriendo na e tipo di pipa ku e tabata huma.
Hopi mas frater tabata huma pipa òf sigá.
E delaster superior di fra-ternan na Boneiru, Candidus, tambe
tabata un gran amante di sigá. Frater Candidus a splika ku
na momentu ku e tabata den proseso pa bira frater un di su
superiornan a bis’é ku pa e bira un bon frater e mester
huma. Asina el a kuminsá huma sigá. No opstante nan
bisio di humamentu, fraternan ta biba largu. Ta parse ku
Dios mester ta protehá nan pulmonnan.
Diploma kurso di músika
Fraternan gusta huma pipa i sigá.
Centro Cultural Bonaire reguralmente pa medio di dosente Rudy Bedacht, tabata
organisá kurso di músika pa alumnonan di skolnan básiko. Riba e foto un grupo
di alumno di St. Bernardusschool ku a terminá un di e kursonan aki ku eksito.
(Kolekshon Herbert Cesilia)
AGÈNDA BONEIRU
Numbernan importante
Polis 717-8000
Polis Emergensia 911
Brantwer 919
Wardakosta 913
Hòspital 717-8900
***
Storing awa òf koriente 9215
***
Orario bishita Hòspital
Mèrdia 11;30 pa 1’or; anochi
di mitar di shete
pa 8’or.
***
Asilo di Bestia
Kaminda Lagun 26
tel. 717-4989
***
Rekohé bestia morto
tel. 788-2999
***
MONCHI & TONCHI
Tonchi bo sa ku tin un lider
polítiko konosí ku a tuma pa
kustumber pa bati su partner?
Awèl si. Ta nèt e lider ei ta
kana prediká ku e ta íntegro
i ku mester vota pe.
Atrakshonnan
Parke Washington-Slagbaai:
8’or pa 5’or tur dia
Mangazina di Rei:
8’or pa 5’or den siman
***
Museo Bonaire (SKAL):
8’or pa 12’or/mitar di dos pa
5’or den siman
We Dare to Care Park
1;00 p.m. – 7;00 p.m.
***
Orario selebrashon Santu
Sakrifisio di Misa:
Parokia San Bernardo
Djaluna, djarason, djabièrnè,
djasabra 7;00 p.m. Djaweps
6;30 p.m. Djadumingu 8;00
a.m., 10;00 a.m., 7;00 p.m.
Bírgen Maria di Coromoto
Antriol
Djaluna 6;30 a.m. djamars
7;30 p.m. djaweps 7;30 p.m.
djasabra 6;00 p.m. (na
ingles), 7;30 p.m.
(papiamentu), djadumingu
9;00 a.m. – 6;00 p.m.
(hulandes)
San Luis Beltran Rincon
Djaluna 7;00 p.m., djamars i
djarason misa den bario,
djaweps 7;00 p.m., djabièrnè
7;00 p.m., djasabra 7;00
p.m., djadumingu 7;00 a.m. –
10;00 a.m. – 6;00 p.m.
(na spañó)
PRONOSTIKO DI TEMPU
Tempu: Leve te parsialmente nublá i prinsipalmente
den mainta trempan, shelu por bira brevemente hopi
nublá i algu di áwaseru por kai.
Temperatura máksimo lo ta 31 °C i temperatura
mínimo, 25 °C.
Solo ta sali 06:55 i e ta baha 18:44
Bientu: Ost nortost i moderá te basta fuerte; forsa 4
te 5 (20 te 39 km/ora, 11 te 21 nudo). De bes en
kuando, ráfaga te posiblemente fuerte; forsa 6 (40
te 50 km/ora, 22 te 27 nudo).
Situashon general: Un área di preshon haltu fuerte
den Atlántiko ta mantené e fluho bientu, moderá te
basta fuerte, tambe den fin di siman. Durante e
próksimo dianan, no ta spera hopi áwaseru..
Kondishon di laman: Moderá ku altura di olanan entre 1 i 2 meter
Fenómeno speshal: ningun.
PA PENSA ARIBA
Solo ta goberná dia, anochi no.
PALABRA DI SABIDURIA
Kas i rikesa ta erensia di tatanan, ma un esposa
prudente ta di SEÑOR.
JANIRO CHATLEIN DEPORTISTA DI AÑA
KRALENDIJK—E hóben
Janiro Chatlein, tremendo
hungadó di biar ku a representá nos isla na diferente
okashon na weganan Panamerikano Hubenil di Bola-9, a
keda eligí komo Deportista di
Aña 2014 pa e programa di
deporte radial di Voz di
Bonaire 94.7.
Tabata djabièrnè último 20
di febrüari 2015 den oranan
di anochi na sede di Abvo na
Kaminda Yato Bako, durante
un agasaho a premia e 12
atletanan ku a keda eligí
deportista di luna di aña
2014, di yanüari te ku desèmber 2014, tambe deportista di
aña.
Entre e 12 deportistanan di
luna a eligí e deportista di aña
2014 den persona di Janiro
Chatlein.
E anochi di premiashon a
kuminsá ku yegada di e 12
atleta deportistanan di luna
di aña 2014 den bùs, unda
Gezaghebber di entidat públiko di Bonaire ta
partisipá ku debí na kurso, Gabinete di
Gezaghebber lo ta será riba djaweps 26 di
Febrüari 2015.
Ta pidi públiko pa tene kuenta ku esaki.
Nos diskulpa pa e inkumbinensia ku esaki por trese
ku n’é.
De Gezaghebber van het Openbaar Lichaam
Bonaire deelt mee dat in verband met een cursus
het Kabinet van de Gezaghebber gesloten zal zijn
op donderdag 26 Februari 2015
Gelieve hiermee rekening te houden.
Onze excuses voor het ongemak.
De Gezaghebber
Edison Rijna
diputado di deporte sr. James
Kroon i esposa, organisadónan, mayornan, prensa i otro
invitadonan a risibí e atletanan ku gran aplouso.
E parti ofisial di e anochi
a kuminsá ku palabranan di
bonbiní di MC, sra Liesje
Saragoza, pa despues hiba
palabra sra. Erica Mercera ku
ta e organisadó di deportista
di luna pa e programa presentá pa Wòti Emerenciana,
Ryan Frans i Lenny tur dia na
e emisora ariba menshoná.
Despues a hiba palabra
diputado di deporte sr. James
Kroon ku e anochi aki tabatin
hopi elogio pa su persona pa
su kontribushon i sosten na
e programa.
Erica a pasa tambe den tur
e trabounan ku e mandatario
a realisá na bienestar di
deporte di nos isla, entre otro
na e fasilidatnan di deporte
ku e la drecha i krea pa nos
isla.
Despues a sigui premiashon di e 12 deportistanan di
luna di aña 2014 pa despues
pasa pa premiashon di
spònser di aña di e programa,
federashon di aña, ekipo di
aña, talento di aña, prospekto
di aña i deportista di aña ku
tabata na enkargo di Reina di
deporte Lady-Ann Abrahamsz
ku a entregá e premionan.
Promé ku e premiashon a
papia tambe sr. Wòti Emerenciana i Ryan Frans, presentadónan di e programa.
Despues di e premiashon
a sigui bríndis ku algu di pasa
boka.
E anochi aki a hasi entrega
tambe di bukèt di flor na e MC
sra Liesje Saragoza, sra
Lenny, i tambe e atleta
femenino di luna di novèmber
ku ta Akira Cecilia.
Riba fotonan yegada di e
atletanan na Sede Abvo,
premiashon deportista di aña,
tambe entrega di bukèt di flor
na e sernan femenino enbolbí
den esaki den e anochi di
premiashon.
PREMIASHON DEPORTISTANAN DI AÑA 2014
KRALENDIJK—Djabièrnè
último 20 di febrüari 2015 den
oranan di anochi, pa ta
eksakto 7or anochi na sede di
Abvo na Yato Bako, e programa di deporte, Deporte Voz
di Bonaire 94.7 presentá pa sr.
Wòti Emerenciana i sr. Ryan
Frans huntu ku sra. Lenny i
komo organisadó deportista di
luna sra. Erika Mercera, a premia e deportistanan di luna
di aña 2014, deportista di aña
2014 den persona di Janiro
Chatlein.
Aki ta sigui e atletanan
deportista di luna di aña 2014
i tambe e premiashon.
Yanüari 2014.
Emanuel Lont ahedres.
Febrüari 2014.
Marvin Abdul biar.
Mart 2014.
Reuel Trenidad futbòl.
Aprel 2014.
Maurison Martinus BMX.
Mei 2014.
Xavier Janga yudo.
Yüni 2014.
Thuersten
Winklaar
bòkseo.
Yüli 2014.
Mishair Wanga atletismo.
Ougùstùs 2014.
Hanleyson Engelhardt
kareda di outo.
Sèptèmber 2014.
Ilfred Piar futbòl goliadó
kampionato 2014.
Òktober 2014.
Oscar Martijn karate.
Novèmber 2014.
Akira Cecilia yudo.
Desèmber 2014.
Janiro Chatlein biar (Deportista Aña 2014).
Riba fotonan e parti di
premiashon di e deportistanan di luna aña 2014.
FUNDASHON SÒFTBÒL RINCON
KRALENDIJK – Resientemente algun persona a funda
Fundashon Sòftbòl Rincon. E
fundashon primariamente ta
bai sostené i dirigí e ekipo
nobo di sòftbòl Rincon Diamonds. Den futuro por tin
espasio pa ekspandé e aktividatnan den otro kategoria
di sòftbòl tambe.
E direktiva di e fundashon
ta konsistí Davis Piar,
presidente, Jerick Janga,
sekretario, July Ann Frans,
tesorero. Otro miembronan di
direktiva ta Natanael Melaan
i Pamela Janga. Fundadonan
di e ekipo ta Merry Piar-Janga
i Laurienne Francis.
Direktiva no ta bai spar
niun energia, pero ta bai
traha duru pa haña koperashon i fondonan nesesario
pa realisá lo máksimo for di
awor pa dilanti.
Foto ta ilustrá momento ku
algun di e miembronan a
firma na Notario Aniek
Schouten.
Sekretario di Estado Fred Teeven
TIN SUFISIENTE RETO AINDA PA ORGANISASHONNAN HUDISIAL
KRALENDIJK — For di 18
te ku 20 febrüari, Sekretario
di Estado, Fred Teeven, a
bishitá Boneiru, komo parti di
su bishita pa sera konosí ku
e islanan di Hulanda Karibense. Na final di su bishita,
e sekretario di estado a konkluí ku ainda tin sufisiente
reto ainda pa organisashonnan hudisial den e área.
Na komienso di e siman aki
Tevven a bishitá St. Eustatius, Saba, Kòrsou i St.
Maarten tambe.
E sekretario di estado a
keda risibí na Aeropuerto Flamingo dor di gezaghèber
Edison Rijna i Representante
di Reino Gilbert Isabella.
E sekretario di estado a
bishitá miembronan di
Kolegio Ehekutivo pa papia
riba e último desaroyonan na
Boneiru riba tereno di hustisia
VACATURE
Het Openbaar Ministerie is belast met de strafrechtelijke handhaving van de rechtsorde en vormt daarmee een belangrijke schakel in de
veiligheidsketen. Curaçao, Sint Maarten en Bonaire, Sint Eustatius en Saba beschikken elk over een eigen OM. Aan het hoofd van de
GULH20·VVWDDWeen gezamenlijke Procureur-generaal.
De Procureur-generaal zoekt ter versterking van het Openbaar Ministerie, standplaats Sint Maarten, twee geschikte
kandidaten voor de functie van
ADMINISTRATIEF JURIDISCH MEDEWERKER M/V
Algemeen:
De Administratief Juridisch Medewerker verricht werkzaamheden in het kader van executie voor het Openbaar Ministerie, verricht
administratief-juridische werkzaamheden en werkzaamheden die in het verlengde van de functie tot het takenpakket van het parket
behoren.
Hoofdtaken:
Het beoordelen of processen-verbaal aan de formele en materiële vereisten voldoen en het (laten) verhelpen van
onvolkomenheden
Het vormen, completeren en schonen van dossiers
Het regelen van voorgeleidingen aan de rechter commissaris en de raadkamers en de indeling van gevangenen
Het bijhouden van het register voorlopige hechtenis
Het bijhouden van de rollen van strafzittingen ter bepaling van dagen van invrijheidstelling
Het regelen van de executie van opgelegde geldboetes en aanmaningen en het voorbereiden van arrestatiebevelen
Het aanmaken van strafkaarten en andere stukken in het kader van executie
Het voorbereiden van zittingen
Het registreren, inboeken en dossiers opmaken van in verzekering gestelden
Functie-eisen:
x
kennis van de relevante wet- en regelgeving, procedures, termijnen, regels en voorschriften ten einde deze nauwkeurig te
kunnen toepassen
x
een afgeronde middelbare juridische opleiding;
x
communicatieve vaardigheden
x
vaardigheid in het individueel en in teamverband tot stand brengen van resultaten
x
vaardigheid in het omgaan met geautomatiseerde systemen
x
zelfstandig kunnen werken, integer, flexibel en stressbestendig
Arbeidsvoorwaarden
De salaris geschiedt afhankelijk van kennis en ervaring conform de bezoldigingsregeling Ambtenaren van het Land Sint Maarten.
Salarisindicatie is afhankelijk van je kennis en ervaring maximaal schaal 6
Nader informatie
Voor nadere informatie over de functie, kan contact worden opgenomen met mevrouw Cindy Rake van de afdeling HRM, bereikbaar
op telefoonnummer +1721 544 4774.
Uw sollicitatiebrief alsmede CV kunt u binnen 14 dagen na het verschijnen van deze advertentie richten aan de heer Gilbert Bodok via
email [email protected]
i siguridat.
Banda di esei Teeven a
bishitá prizon JICN , Reclassering, Ministerio Públiko,
IND, Ofisina di Impuesto i
Duana, Brantwer i Polis. E liña
kòrá den tur e kòmbersashonnan aki ta kon organisashonnan hudisial por traha
aun mas huntu ku otro dor di
kompartí tarea i kompetensianan.
“Tin sufisiente reto ainda
pa organisashonnan hudisial
den área. Mi a mira ku mi
mes wowo kon organisashonnan riba maneranan sabí
i kreativo ta atendé ku
problemanan ku e grandura di
e islanan ta trese kuné. Mi ta
mira ainda mas posibilidat pa
traha huntu riba tereno di
hustisia, pero aun mas mi ta
impreshoná pa e determinashon ku mi a enkontrá den
tur organisashon”, Teeven a
bisa na final di su bishita.
E sekretario di estado
tambe a realisá e promé akto
pa konstrukshon di un prizon
nobo. El a haña esaki un echo
memorabel den historia di
JICN. Esaki ta bon no solamente pa e kadena hudisial
riba e isla, pero tambe pa
oportunidat di trabou. E
instituto lo tin kapasidat pa
125 detenido.
Pa miembronan di ABVO
KAMBIO FECHA
KURSO DERECHO
ESTATAL
KRALENDIJK — E plan di
formashon di ABVO pa su
miembronan ku mester a
kuminsá awe djaluna 23 di
febrüari a keda kanselá pa
otro fecha.
E kurso di derecho estatal
ta un seri di kurso ku mester
a keda duná pa mr. Anthony
Nicolaas. Debí na motibunan
imprevisto ku ta konosí, a
disidí pa laga e kurso tuma
lugá kuminsando 2, 4 9 i 12
di mart benidero.
ABVO ta konta ku
presensia di su miembronan
riba e fechanan stipulá. E
kursonan lo tin un durashon
di dos ora.
Fin di siman tras di lomba e partido polítiko Union
Patriótico Boneriano tabata den e bario di Tera Kòrá pa
di e forma aki informá spesialmente hendenan di e bario
en konekshon ku elekshon ku ta na kaminda. Riba foto
por mira e lider polítiko di e partido bèrdè, James Kroon,
dunando splikashon na esnan ku tabata presente na kas
di Bubui Goeloe.
Domi protestant tabata hopi preokupá ora ku el a yega Kèrki djadumingu i tende muzik
duru den Parke Wilhelmina, en konekshon ku bishita di barku di turista. El a puntra su
mes kon e ta bai tene sirbishi den e bochincha aki? El a ekspresá su preokupashon na
Papi Cicilia di TCB. Pero e persona ku ta pone muzik den parke a baha su muzik di mes
kaba. Semper e ta hasié ora tin sirbishi riba djadumingu. Domi pues por a hasi su
sirbishi trankil. Tabatin asina tantu hende ku tin di nan ku mester a keda sintá pafó
pa sigui e sirbishi.
ALL DENTURE LAB
Tandprothetische Praktijk
Bonaire N.V.
Kaya Dr. J.G.Hernandez s/n
(banda di Botika Korona)
AKI TA TRAHA I DRECHA PLANCHA PA DJIENTE.
BO TA WARDA MIENTRAS NAN TA DRECHE, SERVISIO
RAPIDO.
Habri di djaluna pa djaweps di 9’or mainta pa 12’or /
2’or pa 4’or di atardi i djabierne di 9’or mainta pa 12’or
merdia atardi ta SERA.
Por yama pa un sita na tel. 717-2248 òf selular 786-3714
E.M. Rijswijk.
Foro Polítiko
Kámara di Komèrsio ta organisa dia 26 di februari
awor un Foro Polítiko. Den e foro aki lo bai enfoka
riba “Desaroyo Ekonómiko di Boneiru”.
Empresarionan tin e oportunidad di hasi pregunta
na tur e partido politiekonan presente.
Kámara di Komèrsio ke duna tur
empresa, fundashon i assosiashon nan
ku ta inskribi den e Registro di Komèrsio
un chens pa por ta presente na e evento
grandi aki.
Tin 100 karchi disponible.
Pa reservashon i informashon tuma
kontakto ku Kámara di Komèrsio via
e-mail : [email protected]
De kern van de zaak
Kamer van Koophandel en Nijverheid Bonaire
Kaya Grandi 67 I P.O. Box 52 I Kralendijk Bonaire, Dutch Caribbean
T: 599 717 5595 I [email protected] I F: 599 717 8995
BONEIRU TA BAI HAÑA PISTA PA “FEVER” I “BMX”
KRALENDIJK—Boneiru ta
bai haña pronto e loke basta
dia hóbennan ta anhelá ku ta
un pista pa ponementu di “fever” i tambe “drag”. Esaki
diputado di deporte a duna di
konosé djabièrnè último na
momentu di premiashon di
deportista di aña di e programa di deporte di e emisora Voz
di Bonaire 94.7, tambe den
kombersashon ku nos redaktor deportivo Ibi Piar, a amplia
riba esaki.
Sekretario di Estado di
Hulanda, sr. Teeven, ku ta di
hustisia i seguridat, ku
tabata di bishita riba nos isla
pa ponementu di promé piedra pa prizòn nobo, a papia
tambe ku Kolegio Ehekutivo
relashoná ku pista pa “drift”
ku ta tantu ponementu di “fever” ku oportunidat pa amplia
esaki pa “drag” ariba.
Promé ku sr. Teeven a
bandoná Boneiru pa regresá
Hulanda, riba su petishon, a
entregá e mandatario un
konsepto di e proyekto pa e
trata esaki na Hulanda.
E pista aki lo bini na Tra’i
Montaña i primeramente manera menshoná, lo konsentrá
riba e pista pa ponementu di
“fever” ku oportunidat pa
amplia i konbertí esaki den un
pista pa “drag”.
PISTA PA BMX
Tambe den kombersashon
ku nos a hiba ku diputado
Kroon, e la splika tambe di un
pista pa baiskel BMX ku ya
tin un konbenio entre
Gobièrnu di Boneiru, Bonaire
Lions Club i BWM ku ta bezig
pa realisá esaki.
APERTURA KURSO
DAM PA HÓBEN
KRALENDIJK—Mañan
djamars tin apertura ofisial di
kurso di e deporte di mente
“dam” pa hóbennan.
Federashon
di
Dam
Boneriano den su afan pa
promové e wega di dam i
tambe
pa
duna
un
oportunidat mas na nos
hóbennan pa praktiká un
deporte di mente, ta kuminsá
mañan djamars 24 di febrüari
2015, un kurso pa hóbennan
ku ke siña i praktiká e wega
di dam.
Banda di siña e deporte
dam tin posibilidat pa e hóben
talentoso por partisipá na
weganan di dam eskolar, insular, interinsular, den Karibe
i tambe Panamerikano.
Dianan di kurso:
Esaki ta riba djamars ku
djabièrnè.
Orario di kurso ta di 16.0017.30.
Lugá di e kurso: Sentro
Bario Nikiboko.
BWM n’e momentunan aki
ta bezig ku e diseño pa e pista
ku lo bini banda di Fèlt Elio
Flores segun por a komprondé.
Gobièrnu di Boneiru ta
trahando duru riba esaki pa
pronto realisá i inisiá ku e
proyektonan aki.
Roderick ‘Rodi’ Martes # 27 riba lista # 5
Movementu di pueblo Boneriano MPB
Dia 18 mart vota pa un hòmber humilde i sinsero di
kurason kla pa sirbi bo mihó.
Roderick ‘Rodi’ Martes # 27 ku karakter vota p’é.
Like page facebook: roderick martes rodi
Duna mi bo sugerensia na email:
[email protected]