1. No category

infoCarreño n´Asturianu
ESPOSICIÓN “LITTLE HOPES”, PINTURES CON ESPERANCES DE PAZ
4/2/2016
La ONG Global Humanitaria trai a Candás la esposición “Little hopes”, pintures con
esperances de paz, formada por 43 cuadros de gran conteníu emocional, pintaos por
neñes y neños refuxaos sirios que viven nel Bader Center de Ammán, Xordania, centru de
salú especializáu en terapies pa neños que sufrieron una guerra. El taller d'arte ye una de
les sos terapies de recuperación psicosocial gracies a les que aprienden a vencer les
escenes d'horror que vivieron y a encarar una nueva vida.
Dicha esposición forma parte de la campaña “Ayudar a caminar”. Tien como oxetivu la
captación de fondos y l'apadrinamientu de dalgunos de los 1200 neños y neñes que la
organización Global Humanitaria tien alcontraos na zona y que precisen ayuda urxente.
Los fondos recaldaos van destinar a construyir nueves instalaciones pa centros d'acoyida
de refuxaos, ampliar l'equipu de profesionales médicos, financiar la fabricación y
allugamientu de prótesis, y ampliar la ufierta de talleres del programa educativu y
psicosocial.
Podrá visitase nel Centru Polivalente “La Baragaña”, del 15 al 28 de Febreru, de Llunes a
Vienres de 9:00 a 22:00, y Sábados, Domingos y festivos de 10:00 a 13:00, y de 16:30 a
21:00.