1. Espiritual

Djaluna 3 novèmber 2014
- Grátis-
Hopi straño dikon te awe no a duna keho
KÁMARANAN KOSTOSO A DISPARSÉ
FO'I PASSANGRAHAN
Partido nobo Tim Magno
Djabièrnè Boneiru a konosé un partido polítiko mas ku ta karga e nòmber Tim MAGNO, bou di liderazgo di Aljano Emerenciana. MAGNO ta para pa
‘Movementu Adelanto Gobernashon na Òrdu’. Den oranan di mainta Aljano Emerenciana ku no ta un deskonosí aki na Boneiru den e mundu di polítika,
ofisialmente a firma akta di e partido serka Notario Schouten i asina lansa su partido Tim MAGNO ku ta rekonosé pa e koló lila. Esaki a sosodé kaminda
tres di e miembronan di partido ku tabata presente pa firma e akto. Riba e foto momentu ku a brinda riba e partido nobo.
1500 KILO DI
BLÒKI DI
SÈMÈNT SAKÁ
FOR DI
STORMVOGEL
èxtra
2
Djaluna 3 novèmber 2014
Hopi straño dikon te awe no a duna keho
KÁMARANAN KOSTOSO A DISPARSÉ
FO'I PASSANGRAHAN
KRALENDIJK -- Dos kámara di filmashon sumamente balioso a disparsé for
di e sala di reunion di
Konseho Insular, ubiká den
e edifisio di Passangrahan.
Ta un misterio grandi na
unda e kámaranan aki a bai.
Echo ta ku te ku awe no tin
keho duná tokante des-
aparishon di e kámaranan
aki, ku ta destiná pa 'video
conference', segun Extra a
komprondé.
Despues ku a restorá e
edifisio di Passangrahan,
sede di Konseho Insular, a
pone tambe algun aparatura
elektróniko moderno. Entre
otro un aparato di televishon
grandi konektá na dos
kámara, destiná pa loke nan
ta yama 'video conference'.
Esaki ta enserá ku sintá den
e sala aki miembronan di
Konseho Insular, òf otro
instansianan ku hasi uso di
e sala di reunion, por reuní
ku otro hendenan rònt
mundu. Ta trata di un sèt di
aparatura hopi sofistiká.
For di masoménos kuater
luna pasá kaba sinembargo
no ta mirando e dos kámaranan mas. Pregunta grandi
ta na unda nan a bai? Extra
a kombersá ku sigur dos
miembro di Konseho Insular
ku tambe, segun nan ta bisa
en todo kaso, a ripará ku
diripiente e dos kámaranan
no tabata mas na nan lugá
di kustumber. Ta parse ku un
hende mester a kita i bai ku
nan. Straño sinembargo ku
ningun miembro di Konseho
Insular, inkluso esnan ku
kende Extra a papia, no a
atendé e asuntu aki ku e
griffier di e órgano aki. E ta
e persona finalmente responsabel pa algu asina.
Motor tras di e operashon
aki ta François van der
Hoeven na Kòrsou. El a
establesé kontakto algun
aña pasá kaba ku Bòi Antoin. Patrick Holian, kende
ta biba na Boneiru, a pone e
kosnan kana i finalmente a
saka Stormvogel for di
laman.
Martins Felida, kende
personalmente tabata enkargá ku drechamentu di su
barku den dékada nobenta,
a pone 1500 kilo di blòki
(50) den bodega di e barku
komo balaster. E peso aki ya
kaba ta indiká kon grandi
Stormvogel ta. Kada blòki ta
pisa 30 kilo. Ta trata di
blòkinan di ocho inch.
Djaluna tambe a bora
tres buraku den e kurpa di
Stormvogel pa laga awa di
yobida sali si tin áwaseru e
dianan aki.
Mientrastantu na Boneiru
trámitenan ta tumando lugá
pa landa un fundashon ku
lo bai atendé ku restorashon
di e barku i tambe habrimentu di un museo marítimo
riba e isla. Patrick Holian ta
atendiendo e parti aki.
Operashon Stormvogel ta kontinuá:
1500 KILO DI BLÒKI DI SÈMÈNT SAKÁ FOR DI STORMVOGEL
KRALENDIJK -- A saka
djaluna último alrededor di
1500 kilo di blòki di sèmènt
for di e barku 'boneriano'
Stormvogel ku tabatin hopi
aña mará na un waf den Baai
Macola na Kòrsou. Famianan a duna pèrmit pa saka
e barku aki, pa asina por
reskat'é pa futuro generashonnan. Siman pasá djaweps a saka e barku aki for
di laman. E ta riba tera na
Parera, for di unda despues
lo mester transport'é pa
Boneiru, su 'kas', den kuadro
di plannan pa bini ku un
museo marítimo.
èxtra
Djaluna 3 novèmber 2014
3
Boneiru ku un partido polítiko mas
PARTIDO POLÍTIKO TIM MAGNO BOU DI LIDERAZGO
DI ALJANO EMERENCIANA
KRALENDIJK — Djabièrnè Boneiru a konosé un
partido polítiko mas ku ta
karga e nòmber Tim MAGNO,
bou di liderazgo di Aljano
Emerenciana. MAGNO ta
para pa ‘Movementu Adelanto Gobernashon na Òrdu’.
Den oranan di mainta
Aljano Emerenciana ku no ta
un deskonosí aki na Boneiru
den e mundu di polítika,
ofisialmente a firma akta di
e partido serka Notario
Schouten i asina lansa su
partido Tim MAGNO ku ta
rekonosé pa e koló lila. Esaki
a sosodé kaminda tres di e
miembronan di partido ku
tabata presente pa firma e
akto.
Emerenciana a duna un
splikashon kòrtiku di e
nifikashon di e logo di
partido unda tin 6 persona
ta brasa otro den union. E
tres balanan abou ta
Boneiru, Aruba i Kòrsou i e
tres balanan ariba ta simbolisá Saba, St. Maarten i
Sint Eustatius. Esaki ta
mustra e union ku mester
bini bèk entre e islanan ku
ántes tabata forma parti di
Antia i sin restrikshon por
pasa di un pa otro, no
manera ántes, pero kada un
ku su propio gobièrnu.
Despues di e parti ofisial
di e firmamentu di akta di e
partido miembronan a kontinuá na Misa San Bernardo
unda bendishoná e akto di
Partido MAGNO. Pader
Vikario Ivan Dario-Perez a
hasi orashon i a bendishoná
e akta i a bisa ku ta promé
bia ku un partido polítiko ta
bendishoná un akta. Esaki
ta un bon komienso pa e
partido nobo.
No ta algu ku ta sosodé
ku regularidat. Dios bendishoná boso ku hopi sabidoria loke boso mester pa guia
henter e komunidat di e isla.
Boso no ta úniko riba e isla
komo partido polítiko, pero
boso mester trese un diferensha kompará ku e otro-
nan. Ku Dios su sabidoria i
bendishon boso ta logra,
Vikario Ivan a finalisá
bisando.
Nòmber di e sinku miembronan di direktiva di e
partido ta Aljano Emerenciana, presidente, Niyana
Faneite, sekretaria, Glenn
Albertina, tesorero, Dave
Lauffeur, miembro Komishon
di Bario i Antoinette Cicilia,
miembro Komishon di Hubentut.
Fotonan ta ilustrá lansamentu di e partido nobo i
tambe momento ku a bai
misa pa risibí bendishon di
Señor.
ENTREGA STAMPIA NA GEZAGHEBBER
KRALENDIJK — Dia 30 di
òktober representantenan di
Flamingo Express Dutch Caribbean (FXDC), a presentá su
promé stampianan na gezaghebber Edsion Rijna.
E stampianan ta úniko
pa motibu ku ta FXDC a
diseñá nan na Boneiru i na e
kompania Flamingo Communications ku ta ligá FXDC, a
imprentá nan i instalá na
nan un aplikashon mobil
spesial.
Por instalá grátis riba
kada smartphone e Cee aplikashon mobil. Mester skèn e
stampianan pa e funshoná.
Banda di informashon
tokante e kompania, tin riba
e stampianan tambe informashon tokante e islanan. Di
e forma aki FDXC ta yuda
hasi propagandapa Boneiru.
Riba e foto Nicole Merkies,
Managing Director di Flamingo Express Dutch Carib-
bean i Bart Bergman, Managing Director Flamingo
Communications, hasiendo
entrega di e stampianan
nobo na gezaghebber Rijna.
èxtra
4
Djaluna 3 novèmber 2014
SELEBRASHON HALLOWEEN
KRALENDIJK — Fin di
siman a selebrá e fiesta
tradishonal mundial di Halloween. Boneiru no ta keda
afó di e selebrashon aki. Den
pasado no tabata selebrá e
fiesta aki sigur no ku disfrasnan manera por mira
riba potrètnan.
Mirando ku último añanan diferente kultura ta
drenta e isla, ta pone ku
kustumber di estranheronan
tambe ta kuminsá manifestá
nan mes den esun di nos i
poko poko pero sigur, ta
motivá nos hendenan lokal
pa partisipá na e selebra-
shon di fiesta di Halloween.
Durante fin di siman Extra a disidí di bishita dos
evento ku tabatin den sentro
di suidat, unu na Cuba
Compagnie i tambe na
Karel’s Beach, den kombinashon ku Da Ridlaz di
Kòrsou, ku a estrená su disko
kompakto durante e anochi
di su presentashon na
Karel’s Beach Bar.
èxtra
Djaluna 3 novèmber 2014
5
PREMIASHON KAMPIONATO
DOMINÓ DI RINCON
KRALENDIJK—Djasabra
último tabatin e último dos
partido-nan di e final di tres
dia di kampionato dominó
2014 di Rincon.
Tabata Real Dynamite ku
a titulá kampion. The
Friends supkampion. Ahichi
di tres.
Stea di Oro di kuater lugá
di e kampionato.
Riba fotonan e premiashon di e kampionato, tambe
entrega di plakat na sr. Lucio
“Bubu” Mercera na ken e
kampionato tabata dediká.
ALL DENTURE LAB
Tandprothetische Praktijk
Bonaire N.V.
Kaya Dr. J.G.Hernandez s/n
(banda di Botika Korona)
AKI TA TRAHA I DRECHA PLANCHA PA DJIENTE.
BO TA WARDA MIENTRAS NAN TA DRECHE,
SERVISIO RAPIDO.
Habri di djaluna pa djaweps di 9’or mainta pa 12’or /
2’or pa 4’or di atardi i djabierne di 9’or mainta pa 12’or
merdia atardi ta SERA.
Por yama pa un sita na tel. 717-2248 òf selular 786-3714
E.M. Rijswijk.
E ekipo di sòftbòl Red Sox a tene nan promé dia di famia na Sorobon. E fuertísimo
ekipo di Red Sox ke laga tur fanátiko sa ku dia 15 i 16 awor nan ta bin arasá na
Jossy Boekhoudt Ballpark pa bai ku tur premio. Riba e foto e ekipo ta disfrutá na
Sorobon di nan dia di famia.
èxtra
6
Djaluna 3 novèmber 2014
“TRIO LOS PRINCIPES” DEN KONSTELASHON NOBO
KRALENDIJK—E trio Los
Principes ku Calixto Coffie na
kabes, e doño di e trio aki,
ta sigui padilanti i awó den
un konstelashon nobo ku dos
músiko nobo den e trio.
Djamars último na residensia di Calixto Coffie na
Antriòl Pabou, Calixto a reuní
ku e dos integrantenan nobo
ku ta Frenk Evertsz i Nacho
Alberto pa papia riba un ke
otro.
Despues ku Cheno Thomas (e.p.d.) a bai laga nos,
a keda un bashí den e trio.
Eddy Melaan a bin yuda
un temporada, meskos tambe Mamita Thomas, ruman
muhé di Cheno.
Mamita ku no mester di
ningun klase di introdukshon, no opstante su edat, su
bos ketu bai ta meskos, tremendo bos por sierto,
tremendo kantante.
Mamita ku tabata di
fakansi a yuda un temporada i awó ku e ta na punto
di regresá Hulanda, tabata
nesesario reorganisá e trio.
Calixto a haña huntu kuné Frenk i Nacho ku sin duda
no tin mester tampoko ningun klase di introdukshon.
Frenk lo ta riba kitara
huntu ku Calixto, Nacho riba
kitaron okupando e bashí ku
Cheno Thomas a bai laga
tras.
Calixto ta masha masha
agradesido na Mamita i ta
yama danki pa su aporte ku
e trio por a sigui huntu ku
Eddy Melaan pa un temporada.
Hopi agradesido tambe
Calixto ta debí n’e echo ku e
la logra haña dos gran músiko pa sigui ku e trayektoria
di e trio.
Nos ta deseá e trio aki tur
pero tur klase di éksito
rumbo pa su 25 aniversario.
Riba foto momentu ku
Calixto a reuní ku e dos
músikonan Frenk i Nacho
djamars último den oranan
di anochi.
SI BO MIRA ALGU STRAÑO TA SOSODÉ RIBA KAYA,
AKSIDENTE ÒF KUALKE TIPO DI INSIDENTE NO DUDA YAMA:
KULTIVÁ PROPIO BÈRDURA ESENSIAL
KRALENDIJK — Komementu di fruta i bèrdura ta
hopi importante pa nos salú.
Kiko por ta mas saludabel i
dushi ku fruta i bèrdura di
bo propio hòfi.
Durante algun tayer binti
persona di Antriol ta siñando
kon pa kultivá nan propio
bèrdura. Rocky Emers di LVV,
a organisá e tayernan den
koperashon ku Fundashon
Antriol Avanti.
Durante e promé enkuentro e partisipantenan a siña
traha un meskla di tera ku
mèst di kabritu i galiña i tera
pretu. Tera fértil ta e base di
kada hòfi.
Tur e partisipantenan a
traha duru, apesar di e kalor.
Durante e segundo enkuen-
tro a sembra e simianan di
bèrdura. E partisipante por
kultivá esakinan den nan
propio ‘greenhouse’.
Aki kuater siman Rocky
Emers lo bishitá e hòfinan i
lo papia ku e partisipantenan tokante e éksito i eventual problemanan.
Segun Emers, kultivo di
propio bèrdura ta fortifiká e
komunidat. Hendenan ta
kompartí i interkambiá nan
bèrduranan i nan ta interkambiá eksperensianan.
Konsekuentemente amistatnan nobo ta nase. Ademas
komementu di bèrdura propio ta yuda baha e gastunan
ora di bai hasi kompra.
Durante e próksimo dianan lo organisá tayernan di
kultivo di bèrdura pa e otro
barionan. E tayernan aki ta
posibel ku apoyo di e programa pa desaroyo rural.
786-6818 / 788-0177 / 700-0145 / 786-0200
Djaluna 3 novèmber 2014
èxtra
7
SKLABITUT MENTAL TA UN DESABILIDAT DEN PENSAMENTU
Pa: Noël Janga
I no sea konforme e mundu aki, ma sea transformá pa medio di e
renobamentu di boso mente, pa boso por komprobá kiko ta e bon i agradabel
i perfekto boluntat di Dios. (Rom.12:2)
Ma sea transformá pa medio di e renobamentu di boso mente.’ Kier men
renobamentu di nos mente ta nos mes tin ku hasi esaki. Ta un desishon ku
bo ta tuma na momentu ku bo wòrdu konfrontá ku e bèrdat. (Lesa Juan
8:31) Emansipá bo mes for di sklabitut mental, ningun otro sino nos mes
por liberá nos mente.
SKLABITUT
Katibu: Un individuo ku ta someté na un persona di influensia. Si nos
tira un bista bèk den historia nos por lesa asina tantu historia ku tabatin
di aber sklabitut. I tambe den Beibel. Un simpel nifikashon di sklabitut ta:
un grupo di individuo koutivá pa ta den servisio laboral obligá. Un katibu
ta un individuo ku no tin derecho di funshoná konforme su propio boluntat.
Ta imponé tur lokual ku e tin ku ehersé riba dje i ta spera di dje pa e
kumpli ku esaki sin murmurá. Si e katibunan no hasi lokual ta eksihí di
nan, nan ta kore e rísiko di haña kastigu. Nos sistema estatal aktual awe
na Boneiru ta un réplika di esaki, simplemente den un cover moderno.
SKLABITUT MENTAL
Ta eksistí tambe un forma di sklabitut no visibel i esei yama sklabitut
mental. Sklabitut mental ta un desabilidat den pensamentu di un individuo
ku ta afektá e persona aki su forma di rasoná korektamente. E ta stroba
un persona di aseptá su mes i ta pon’é mira kosnan diferente for di bèrdat
of realidat.
Sklabitut mental ta e efekto mas hororoso ku nos historia di sklabitut a
laga atras den nos komunidat boneriano. E ta hasi su víktimanan mankaron
den nan forma di rashonalisá i siegu pa mira realidat. E ta hasi nan
inefektivo i ta generá aktitutnan destruktivo, pasivo òf miedu. Odio personal tambe ta originá dor di sklabitut mental i por hasi un persona bira
peligroso.
Sklabitut mental por hiba su víktima asina leu di traishoná miembronan
di famia, su propio tera i tur esnan ku ta poseé un forma di pensa diferente
di esun di dje.
Un katibu mental lo no investigá ni buska pa sa tokante historia ni
kosnan aktual. Nan tin un ábito malu pa aseptá i kere tur loke ta bisa na
nan, sea esaki ta bèrdat òf no. Nan abilidat pa pensa konstruktivamente
ta paralisá.
Otro karakterístika di sklabitut mental ta por ehèmpel un persona ku
konstantemente ta envidiá òf ta rebahá otronan. Esakinan ta algun di e
síntomanan di sklabitut mental, pero tin hopi mas ainda ku por menshoná.
E katibunan mental aki a adoptá un forma di pensa ku tur loke e opresor a
skirbi òf bisa ta bèrdat i ku tur otro hende mester mantené nan mes tambe
na e programashon aki. Konformidat di nan benefisionan personal ta laga
nan keda ketu i no kier mira realidat. (p.e. IVA, initiatie, Visie & Actie)
Un hende por tin den su poseshon diferente diploma òf titulo i tòg keda
mentalmente sklabisá. Un bon edukashon no ta garantia pa ta liberá for
di sklabitut mental. Bo ta liberá for di sklabitut na momentu ku bo sera
konosí ku bo mes i bo potensial. I pa bo sera konosí ku bo mes, bo mester
di tin un enkuentro ku bèrdat. Pa sa e propósito di un produkto bo mester
akudí serka e fabrikadó.
LIBERASHON
I boso lo konosé e bèrdat, i e bèrdat lo hasi boso liber.(Juan 8:31) Kiko
bèrdat ta anto? Un simpel definishon di bèrdat ta, e informashon original.
Den e versíkulo aki Señor Hesus ta referí na Su mes. E ta e bèrdat. Dikon, E
ta e infor-mashon original, pasobra na momentu ku a forma hende E tabata
presente.
E Kreador tabatin den su mente e propósito di tur loke ku lo a bin na
eksistensia kla kaba promé ku a traha e opheto òf persona ku lo bai kumpli
ku e propósitonan aki. Kada kos den su área. Nada ku Dios a krea, ni
tampoko nada ku man di hende a traha no krea òf traha pa loko. Tur kos
tin su propósito. Te asta e djèm ku nos ta koba saka for di
nos orea tin un propósito. Esaki ta pa prevení pa sushi no
penetrá den bo orea.
Na momentu ku bo tin e informashon korekto (original)
di algu i bo apliká esaki tambe e propósito lo kumpli sigur.
Na momentu ku bo no tin e informashon korekto di algu
úniko kos ku bo por hasi ku esaki ta malus’é.
Bonerianonan, nos tur tin e kapasidat i potensial pa
asumí e responsabilidat pa dirigí nos mes isla di Boneiru.
Ban hasi esaki. Ban kibra ku sklabitut mental, pa mañan
nos yunan por ta hendenan responsabel.
$ 17.80 KÈSH pa 25 palabra inklui 6% ABB
ta risibí aviso te ku 3’or di tardi
SUPER
KLASIFIKADO
MERKANSIA
Dushi Shoes i Reef Store a
haña hopi merkansia nobo,
eo slòf, keds, t-shirt, short,
tas, potmoni. Reef-Guess,
Birkenstock, DC, Nike,
Clarks i Fitflop. Nos ta warda
bo na Kaya Grandi/tel.7177080.
OPVANG
Gilbert Isabella, Representante di Reino, djarason a hasi un bishita di kortesia na
Cocari. Isabella su bishita a bira unu hopi aktivo, pasobra el a partisipá na e
aktividat di e grandinan i alabes a praktiká ku palabranan na papiamentu. Riba
e foto Isabella durante su bishita na Cocari i tambe por mir’é huntu ku e motor di
Cocari, Carmen Goeloe.
Naschoolse opvang nobo
entrante 12 yanüari 2015 pa
grupo 5 t/k 8(skòl basiko). Ta
ofresé: guia ku lesnan di
skòl, kuminda kayente,
espasio pa desaroyá kreativo
i edukativo i hopi mas. Guia
di un kolaboradó pedago-
gikó. Pa mas inf. 795-4452.
TA HÜR
Op de FD Rooseveltweg voor
vakantiegangers volledig
gemeubileerd 1+2 kamersapp. Goed beveiligd en veel
privicay. Huur per dag v.a. $
55.-. Voor inf. tel. 0059996616969/005999-8890250/
www.sandy-apartments.com
PEDIDO
Bo ta interesá den un bon
pastechi di galiña, di karni,di
keshi òf empaná? Pa
unikamente $ 1.10. Tur dia nos
tin i por entregá tambe. Hasi
bo pedida na 788-5320.
èxtra
8
Djaluna 3 novèmber 2014
Sekura ta pone nan ataká tronkonnan di kadushi
ANIMALNAN TA KOUSA DAÑO GRANDI NA NATURALESA
KRALENDIJK — Un
drama grandi ta manifestá
su mes den mondinan di
Boneiru. No solamente hopi
bestia, manera kabritu, karné, buriku, yuana i paranan
ta muri debí na falta di
alimento, sino tambe hopi
mata i palu. Entre otro hopi
palu grandi di kadushi ta
sukumbí despues ku sea
buriku òf kabritu kome e
kaska di nan tronkon.
E sekura ekstremo ku tin
ta eksigiendo no solamente
víktima den founa, sino
tambe den flora. Normalmente palunan di kadushi,
meskos ku yatu, ta hopi
resistente kontra sekura.
Pero awor nan tin un ‘enemigu’ kontra kua nan no por
resistí, esta tantu buriku
komo kabritu ku ta pone e
kaska na nan tronkonnan,
ku komo konsekuensia ku
despues di tempu e palunan
aki ta kai.
Extra tin hopi foto pa
proba loke ta pasando den
naturalesa. Den vários área,
manera Colombia, Bolivia i
Washikemba, por mira kaba
kuantu daño e animalnan
aki, en buska di alimento, ta
kousa na palunan di kadushi.