1. No category

E tukuni ena wase e 1 kei na 2
ni vola nei Jope ni beitaka na
Kalou o Setani ena
veivakalougatataki vei Jope, kei
na ka vakarau ni nona ciqoma o
Jope na leqa e kauta yani na
tevoro kina nona bula.
 Veibeitaki nei Setani:
 Viribaitaki koya.
 Isau ni Kuli na Kuli..
 Na dina nei Jope:
 Jope kei Atama.
 Jope ke na watina.
 Jope kei Jisu.
“Sa qai kaya vei Jiova ko Setani, Sa sega li ni yaga vei Jope na nona rerevaka
na Kalou? 10 Ko ni sa sega beka ni viribaiti koya, kei na nona vale, kei na nona
ka kece e na veiyasana kecega? ko ni sa vakalougatataka na cakacaka ni ligana,
ka sa tubu kina me ka levu na nonai yau e na vanua..’” (Jope 1:9-10)
Vuqa na iyau, matavuvale levu, rogorogo vinaka….e viribaiti dina tu o Jope ena liga
dau veimaroroi ni Kalou.
E turaga yalo dodonu o Jope ka dau qarava na Kalou ena yalo dina. Ia, ena qarava
dina na Kalou o Jope ke vaka e sega ni sovaraki tiko vua na veivakalougatataki?
E taroga o Setani na itovo nei Jope ka vakagolei na veibeitaki vua na Kalou. E
vakamarici Jope beka na Kalou me qaravi koya? Ena rawa beka ni dua e qarava na
Kalou kevaka e sega ni dua na ka e soli tiko vua??
Na cava au
lomana kina ka
qarava tiko na
Kalou? E yavalati
au beka tiko na
loloma se na vei
ka au na rawata
mai kina.?
E rau sota tale na Kalou kei Setani ka
vakaraitaka vei Setani na Kalou ni se
yalo dina tuga Vua o Jope.
E vakamaduataki na tevoro ena
matadra na lewei lomalagi, ia e tovolea
ga me vakamacalataka na nona rai me
rawa ni coqa kina na Kalou. “Kuli kina
kuli”; na tamata ya dua e tiko na kena
ivoli. Ena rai nei Setani, e kaya, ni sega
ni dua e rawa ni qarava wale tu ga na
Kalou ka sega ni namaka tiko me
rawata mai kina edua na ka. !
E tiko ga na vakatataro me baleta na
itovo ni Kalou. E Kalou cudrucudru se
dau loloma?
“Ka sa vosa vei Jiova ko Setani, ka
kaya, nai sau ni kulina na kulina, ia na
nona ka kecega ena solia na tamata me
bula kina. Ia mo ni dodoka mada na
ligamuni, ka tara na suina kei na
lewena, ena qai vosavakacacataki
kemuni ki matamuni.!’” (Jope 2:4-5)
Nai Tuvatuva ni Veivakabulai e wili kina e vuqa sara na k aka sega ni
kena vakabulai wale ga na tamata. E wili kina na kena
vakadodonutaki na rai me baleta na itovo dina ni Kalou.
“Era sega ni vakaila sara na agilosi na tikina
oqo ena itekitekivu ni veivaluvaluti levu [na
revurevu ni valavala ca]….
Ia ena sega ni vaka kina ni sa na oti na
veivaluvaluti oqo. Ena gauna oya, ni sa na
vakacavari na ituvutuva levu ni veivakabulai,
ka sa na vakamatatataki na itovo ni Kalou vei
ira na tamata. Na yavu ni Nona iVunau e sa na
laurai ni dodonu ka dei. Ka sa na laurai votu na
ivakarau dina ni ivalavala ca kei na itovo nei
Setani. E sa na qai vakadeitaka na loloma ni
Kalou na kena sa bokoci vakadua na yavu ni
valavala ca ka sa tauyavutaki na Nona lagilagi
kina dua na vuravura ka sa sinai kina o ira era
taleitaka mera cakava na lomana ka sat u e
lomadra na ivunau.”
E.G.W. (The Desire of Ages, cp. 79, p. 764)
E na ka kecega oqo sa sega ni cala kina ko Jope, se kaya ko koya ni sa cala na
Kalou..” (Jope 1:22
Ena nona veivakatovolei, e sasaga tiko o Setani me biuta
laivi na Kalou o Jope. E yalo dina tug a o Jope dina ga ni
vakarusai kece na vei ka e taukena.
E solia na Kalou vei Jope na galala me digitaki Koya se
sega. E kila na Kalou ni rawa ni vakayacora ga vakataki
koya o Jope na nona digidigi. Ena sega ni vakalaiva na
Kalou meda na temaki ena dua na veitemaki eda na sega
ni rawa ni lako curuma. (1 Koro 10:13).
O Atama kei Ivi, tawa cala ena dua na parataisi
dina, ia rau cala ka lutu kina ivalavala ca ena vuku
ni veitemaki nei Setani; o Jope ena lomani mosi
kei na vutugu, e yalo dina tuga vua na Turaga dina
ga ni ravuravu tu o Setani ena nona bula. Eda
raica ena yasana e rua oqo na ivakaraitaki lelevu
ni vei ka me baleta na galala ni digidigi.
“Sa qai kaya vua ko koya na watina, Ko sa taura matua tiko
beka na nomu yalododonu? Mo vosavakacacataka na Kalou, ka
mo mate ga.!’” (Jope 2:9)
E yalo dina tug a o Jope ena gauna sa tekivu ravuti koya yani kina
o Setani. (Jope 2:3). Ni oti na karua ni nona ravuravu, esa gusui
Setani ena taro o wati Jope ka kaya, “Ko sa taura matua tiko beka
na nomu yalododonu?” E veilecayaki ka vutugu ena tagi o wati
Jope. E sega ni kila rawa o koya se cava e sa qarava tiko ga kina na
Kalou o watina, baleta e nanuma ni Kalou sa ikoya ka kauta laivi
tiko na vei ka kece mai vei rau.
“E vakaevei li? me da rawata beka na ka vinaka vua
na Kalou, me da kakua talega ni rawata na ka ca?
(Jope 2:10) Sa ikoya oya na uto ni vakabauta nei
Jope. E sa kila o Jope na vakararavi vakatabaki dua
vua na Kalou ena vei drake ni bula kecega, me
vakataka e qai vakayacora o Paula ni oti e vica na
senijiuri e muri.
E dodonu me vakadeitaki ena yavu vata oya na noda
vakabauta ena gauna oqo; “Au sa rawata na ka
kecega ena vukui Karisito sa vakaukauwataki au.”
(Filipai 4:13).
“E na ka kecega oqo sa sega ni cala kina ko
Jope……E na ka kecega oqo sa sega ni cala ko
Jope e na gusuna.” Jope 1:22; 2:10)
E vakaraitaka na iVola Tabu ni sega ni
cala o Jope ni oti e rua na
veivakatovolei. E sega ni cakava se
cavuta edua na ka cala. E sega ni kena
ibalebale ni sega ni valavala ca o Jope.
Ea gareva talega e dua na ivakabula
me vakataki keda kece (Jope 19:25). E
a yalo dina wale tu ga vakaoti vua na
Kalou.
Ena vakanananu oqo, e rawa ni da
raici Jope me vaka e dua na
ivakatakilakila, me dua na ivakaraitaki
lailai kei Jisu, o Koya ka sega ni cala
ena gauna ni veitemaki, sega ni soro
ka sauma lesu ga vakadodonu na
veibeitaki nei Setani
“E qaqa ena veitemaki nei Setani o Karisito me vaka
saraga e dua na tamata. E na rawa ni qaqa kece
vakataki Karisito na tamata kece sara. E sa
vakamalumalumutaki Koya ena vukuda. Ea temaki
ena yasana kece sara me vakataki keda. E qaqa ka
vakalesua na lagilagi ena vanua e vakaloloma kina o
Atama ka vakadinadinataka vei ira na vei ka bula e
lomalagi kei vuravura ni tamata e rawa ni muria na
vunau ni Kalou ena vuku ni qaqa e sa sovaraki mai
vua mai Lomalagi. O Jisu na luveni Kalou esa
vakamalumalumutaki Koya oti ena vukuda,
curuma na veivakatovolei ena vukuda, ka sa qaqa
ena vukuda me ivakaraitaki vei keda nida rawa ni
qaqa talega. E sa vauca na lomana vata kei na kawa
tamata ena dua na ivau dredre sara, ka sa solia na
veivakadeitaki ni na sega ni veivakatovolei e basika
me na kena eda na sega ni rawa ni lako curuma ka
qaqa kina, baleta ena solia o Koya na sala meda na
qaqa kina ena veivakatovolei kece sara.
E.G.W. (Selected Messages, vol. 3, section 4, cp. 19, p. 136)