1. No category

Lesoni 8 ni Okosita 20, 2016
O Jisu e vakaraitaka na nona lomani ira na tamata ka kauwaitaki ira.
Esa Kalou dauloloma rawa ena Veiyalayalati Makawa.
Ena gauna e yali tamata kina, e vakaraitaka na loloma vei ira era
volekati Koya. E vakayagataka na Nona Vosa kei na veika e
vakaraitaka me vakavulici ira me ra dauloloma talega.
“Sa tagi na tamata dravudravua oqo, ka sa vakarorogo ko Jiova, ka vakabulai
koya mai na nona rarawa kecega.” (Same 34:6)
Na iVeiyalayalati Makawa e vutucoqa ena kedra
italanoa na tamata ka ra talaucaka na nodra leqa
ka tagi vua na Kalou (ena so na gauna na leqa e
vua ga ni nodra ivalavala ca eso).
Na Kalou e sega ni guilecavi ira, ia e vakaraitaka
ga vei ira na loloma ka duavata kei ira ena vuku
ni nodra rarawa (raica na Lako Yani 2:23-25;
Dauveilewai 2:16-18; 2 Tui 13:23; Aisea 54:7-10).
Na Kalou e sega ni guilecavi ira na iBulibuli ni
ligana; “ni sa yalovinaka sara na Turaga, ka sa
dau loloma.” (Jemesa 5:11).
Na Kalou e se rogoca talega na noda tagi ni kua.
E rawa ni da vakadinata na Nona nanumi keda,
baleta na vuravura “e vutucoqa ena Nona vinaka
na Turaga.” (Same 33:5).
“Buita na nomu gagadre, marau, rarawa, veika o kauwaitaka kei
na vei ka o rerevaka ena mata ni Kalou. E sega ni rawa ni o
vakaicolacolataki Koya; e sega ni rawa ni o vakaocai Koya. Na
utona dau loloma e vakila na noda rarawa kei na noda cavuta
mada ga. Kauta Vua na veika kece e matalia ki na vakasama. E
sega ni dua na ka e sa rui ka levu Vua me colata, baleta ni taura
cake tu na vuravura kecega, e vakatulewataka na vei ka kece e
baleta na lomalagi kei na vuravura. E sega ni dua na ka e tara na
noda vakacegu e lailai Vua me raica. E sega ni dua na tiki ni noda
bula eda vakila e sa buto me sega ni wilika rawa; e sega ni dua na
ka matalia e sa rui dredre Vua me sereka. E sega ni dua na leqa e
tara na luvena e lailai duadua, sega ni dua na nuiqawaqawa ni
yalo, sega ni dua na kaila ni marau, se masu ena yalodina ka lutu
mai na tebe ni gusudra, ka sega ni kila na Tamada, se sega ni
kauwaitaka. ‘Sa vakabulai ira sa ramusu na yalodra, ka sa vauca
na nodra mavoa.’ Same 147:3. Na isema ena kedrau maliwa na
Kalou kei na yalo yadua e matata ka vaka sara ga ni sega tale ni
dua na yalo ena vuravura qo me wasea laivi na Nona
veikauwaitaki, sega ni dua tale na yalo ka solia kina na Luvena
lomani.”
E.G.W. (Steps to Christ, cp. 11, pg. 100)
“Ia ni sa raici ira na lewe vuqa ko Koya, sa lomani ira, ni ra
sa malumalumu, ka biu wale tu, me vaka na sipi sa sega na
kedra ivakatawa.” (Maciu 9:36)
Na lomana e dua tale e wili kina kena vakilai na loloma, vakilai ni
rarawa ena vuku ni nodra leqa ka vakila n aka era vakila (loloma,
rarawa kei na veilomani).
Na vakilai ni loloma e sivia na kena vakilai
walega na nodra rarawa na so tale, ia na kena
vinakati me vakalailaitaki ka wali na rarawa.
O Jisu e a lomani ira na tamata. Oya na vuna e
vakavulici ira, ka vakabulai ira o Koya. E rogoci ira
ka masulaki ira.
(Maciu 14:14; 9:35-38; Luke 7:11-16).
O Jisu na noda ivakaraitaki. Na noda loloma
me rua na tikina bibi; me ka dina ka yavala
(me solia na vua ni loloma).
“Dou reki vata kei ira era sa reki, ka tagi vata kei ira era sa tagi.”
(Roma 12:15)
Na cava e a tagi kina ko Jisu ena matani
bulubulu nei Lasarusa kevaka e a laki
vakaturi koya cake? (Joni 11:35)
“Dina ga ni Luveni Kalou o Koya, ia
e a ciqoma na ivakarau vaka tamata
Vua, ka yavalati Koya na rarawa ni
tamata. Na utona malumu, ka dau
loloma e dau vakayadrati ena nodra
rarawa. E tagi vata kei ira era tagi,
ka marau vata kei ira era
marau…Na utona e vakamavoataki
mai na rarawa ni matavuvale ni
veitaba gauna ena veivanua kece.”
(Ellen G. White, “The Desire of Ages”, cp.
58, pp. 533-534).
“Sa qai yalovinaka mai na turaga ni tamata koya, ka sa sereka, ka
biuta ga me kakua ni sauma.” (Maciu 18:27).”
Na Dauveilewai 2:18 e tukuna ni Kalou e a “yavalati me
loloma” ena vuku ni nodra tagi na Nona tamata. Na cava
na ibalebale ni “yavalati me loloma”? Na Luke 10:33 e
talanoataka na italanoa ni dua na kai Samaria ka a
“yavalati me loloma”. E biuti koya ena nona ivava na
tamata mavoa ( e duavata kei koya). Ena kena rawa ni
vakamavoataki ni nona bula se butakoci, e vukei koya.
Na Luke 15:20-32 e talanoataka na italanoa ni dua na tama ka “yavalati me loloma”.
E vakayagataka na nona iyau kei na nona biuta laivi na kena irogorogo me vakasukai
koya lesu main a luvena ka a yali, dina ga ni vakavuna e dua na veiba ni matavuvale.
Na yavalati kina loloma e wili kina na duavata
kei na nona rarawa e dua tale ka vukei ira
veitalia ga na kena isau.
“o koya sa vakacegui keitou ena neitou rarawa
kecega, me keitou vakacegui ira rawa era sa
rarawa ena dua na ka, ena veivakacegui keitou sa
vakacegui kina mai vua na Kalou.” (2 Korinica 1:4)
Ni vakacegui keda tiko o Karisito, era rawa ni vakacegui
ira tale eso. Ni da sa vuli mai na noda rarawa, e rawa ni
da qaravi ira vakavinaka cake eso ena nodra rarawa.
Na iSoqosoqo Lotu e “koro ni drodro” baleta ni Sinai
vei ira na lotu va-Karisito ka ra tu vakarau me ra solia
na veivakacegui. E valenibula ka vakarautaka na
veivakabulai vei ira era rarawa.
Na nodra vakacegui eso e wili kina na loloma dina;
tagi vata kei ira na tagi, na tiko ena gauna ni dredre,
vakarorogo ka sega na veivatonaki, vaqarai ni
veivakasalataki mai vei ira na kena dau, masu vata, ka
baleti ira era gadreva…
“Cavuta na veivosa ni vakabauta kei
na qaqa, ka na yaco me ilumu ni
veivakabulai vua e mavoa tu.
E vuqa sara, era matabuto ka yalo
lailai ena sasaga ni bula, e dua
walega na vosa ni veivakamarautaki
e a rawa ni vakaukauwataki koya
me rawata na qaqa.
Me da kua ni da sivia e dua na yalo e
rarawa ka sega ni wasea vua na
veimaroroi e maroroi keda kina na
Kalou.”
E.G.W (The Desire of Ages, cp. 54, pg. 504)