EN LA GRAN MISIÓN CONTINENTAL CON LA NUEVA EVANGELIZACIÓN LECTIO DIVINA Arateĩ I Cuaresma Ciclo B Hno. Ricardo Grzona, frp Peteĩha ñemoñe’êrã: Génesis 9, 8-15 Salmo ñembohovairã: Salmo 24 Mokõiha ñemoñe’êrã: 1 Pedro 3,18-22 IÑEHENÓI PYTU MARANGATÚPE: Eju Pytu Marangatu, Eju ore rekovépe, ore korasõme, ore retepýpe. Emomýi ore arandu renda ha ore retia’e, roikũmby haĝuã ore Ru he’iséva ita’ýra Hesu rupive. Upe neñe’ê toĝuahê ore rekovépe ha toikove orendive. Ta upeicha. ÑANDEJÁRA ÑE’ ÑEMOÑE’: Marcos 1, 12-15 «Jahechakuaa ñane rembiapo vai ha jajerovia Momarandu Porãre» 1 www.fundacionpane.com – www.cristonautas.com EN LA GRAN MISIÓN CONTINENTAL CON LA NUEVA EVANGELIZACIÓN 1,12: Ko’ã mb’e rire, Espíritu ogueraha Hesuspe yvy ojeiko’ŷháme, 1,13: upépe oiko 40 ára tymba saite apytépe. Oipy’a ra’ã chupe Aña ha Ñandejára remimboukuéra ou oipytyvõ haĝua chupe. 1,14: Juan oñemyakasã rire, Hesu oho Galiléape omyerakuã haĝua Tupã Marandu Porã, 1,15: He’i: —“Oñembotýma upe ára oje’e vaekue, ha Tupã sãmbyhy hi’aĝuima. Pejevy Tupã gotyo ha pejerovia pe Marandu Porãre”. Ñandejára Ñe’ê. 1.- ÑEMOÑE’Ẽ: ¿Mba’e he’i ñemoñe’ê? Ñandejára ñe’ê ñemyesakã. Evangelista Marcos omombe’u umi mba’epota Hesu ohasava’ekue yvy ojeiko’ŷháme, ha’e oikohaicha, opavave ára ndohecharamóiva mba’e yvypórakuéra ojapóva. Ñañepyrũma kuaresma, upe ára jajepy’a mongeta ha ñenemandu’avo Tupã jehasa asy opavave yvypóra rayhupare. Ha ñañepyrũ ñanemandu’ávo upe Hesu ñepy’ara’ã yvy ojeiko’ŷháme. Umi ambue Evangelistakuéra avei omombe’u. Ha’e peteĩ aravo jahecharamova’erã. Hesu oñepyrũ oñembo’e, ikatukuaa ja’e nohenduiha mba’eve oĩva ijerére, oñemoĩ kirirĩhaitépe ha oñangareko Ñandejára he’iséva chupe. Upévare, iporãiterei ñeñembo’e ñeñemongueta Tupãndive, ñañepyrũ mboyve tembiapo pyahu ñande rekovépe. Opavave tekove ha tembiasa oguereko vore pehê. Oñembotýma ohóvo hina vore Antiguo Testamento. Ko’aĝa oñepyrũ upe vore Tupã ojeikuaaukaveha. Omba’apo 3 ary añónte omosarambivo iñe’ê mba’e porã yvágapeguáre. Upe yvy ojeiko’ŷháme ojehechauka chupe Aña ra’anga, he’iséva ndoipotaiha ojapo upe mba’e. (ñanemandu’e Hesu he’i hague ko ñe’ê avei Pedrope, he’ivo: esê che rendágui , Aña. Upéva he’ise osê haĝua hapégui, ani ohape jokoséti chupe). Hesu oñemoĩ oñembo’evo, ojepy’amongueta ojuhu haĝua mba’épa upe ojeruréva chupe Ñandejára, ha katu Aña hapykuéri, oñeha’ãmbaite ani ohendútei Tupãme. Iporã jaikuaa Hesu guive ohasa hague py’ara’ãme oñemingutata jave Ñandejáranndive, ohapenonde’ami avei chupe Aña. Marcos ñanegueromandu’a ha he’i jey ñandeve Hesu osêha omosarambi upe Marandu Porã. Peteĩ ikatukuaa oporandu ijupe, ¿Mba’eichaitéoa iporã upe Marandu?¿Mba’erã oñeikotevê? Ha upe yvaga oñembotyva’ekue opavave yvypórape, aĝa katu upe yvaga ojesape’a ñandéve Bautismo ha Hesu ñe’ê rupive, ko Momarandu Iporãitéva Ha’e ouva’ekue omoingove jey. 2 www.fundacionpane.com – www.cristonautas.com EN LA GRAN MISIÓN CONTINENTAL CON LA NUEVA EVANGELIZACIÓN Jahechakuaava’erã ko mba’e “Jahechakuaa ñane rembiapo vai ha jajerovia Marandu Porãre”. jahechakuaa ñane rembiapo vai he’ise: ñambopyahu ñande rekove. Jaguevi jey va’erã upe tape hakã sarambihápe ha jaguata upe tape potĩ porãvape, ñandeguerahátava yvágape Tupã rendápe. Upéva ha’e upe oipotáva Ñandejára. Upe aravo ja amýima, añete ja oĝuahêma. Ja oikóma. Kóva he’ise ñandéva nañaha’arõvéimaha. Ára ha’e umi profetakuéra he’iva’ekue oñembopyahutaha, Hesu ñanendive. Oĝuahêma ára Tupã he’ihague. Upévare ñañeha’ãva’erã jajapo porã ñane rembiapo, ñambopyahu ñande rekove, ñahuĝueiti haĝua ko Ára Pyahu. Ñambohete jey ko ñemoñe’ê: 1. 2. 3. 4. 5. 6. 7. ¿Mba’éicha oñepyrũ ko ñemoñe’ê? ¿Máva ogueraha Hesúpe yvy ojeiko’ŷháme? ¿Mba’e ojapo Hesu yvy ojeiko’ŷháme? ¿Mboy ára oĩ upépe? ¿Máva oiko hembiguáiramo? ¿Mba’e jave Hesu osê omombe’u Ñandejára Momarandu Porã? ¿Mba’e he’ise ko ñe’ê “Ja oĝuehêma upe ára paha”? ¿Mba’épa ñaikotevê jaguerovia ha jajerovia haĝua Momarandu Porãre? 2.- JEPY’AMONGUETA: ¿Mba’e he’i chéve ha ñandéve? Jajapo porandueta oikeve haĝuã ñandéve ko Ñe’ê ñandeipe’átava aña poguýgui: 1. Hetave jave umi ava ohasava peteĩ araty pahápe ha oñembopyahu ramóva ombetise opavavére. ¿Nde, mboy aravo eme’ê nderekove ñembo’épe, Tupãoñe’ê haĝua ndéve? 2. Hesúpe oipy’ara’ã avei Kuri Aña, oñembo’e jave ¿Ñande piko ñane michĩve?¿Ñane ñembo’e ha’e peteĩ aravo mbyky oikóva pya’e pya’épe ani ohasa reínte? 3. ¿Ahejápa peteĩ aravo ajapo haĝua ejercicio espiritual ary pegua?¿Ahejápa oĝuahê Tupã aimo’ã’ŷ jave? 4. Opa ára iporãvéva Hesu rekovépe, oñepyrũ peteĩ ára pyahu oñeñembo’e haĝua. ¿Ajapópa che upéicha avei? 5. ¿Che rekovépe, mba’e he’ise añembopyahu ha aguerovia Marandu Porãre? 6. ¿Máva ha’e umi mba’e amoĩva che rapépe ani haĝua ambopyahu che rekove? 3 www.fundacionpane.com – www.cristonautas.com EN LA GRAN MISIÓN CONTINENTAL CON LA NUEVA EVANGELIZACIÓN 3.- ÑEMBO’E: ¿Mba’e ha’e térã ja’e Tupãme? Ñembo’e, ha’e ñembohovái Ñandejárape oñe’êva ñandéve tenonde. Ñaime ñahendusévo iñe’ê ñandeipe’áva mba’e vaígui. Ko ñe’ê ndojoguáiva tekovepy ome’êséva ñandéve ha ja oĝuahêaha aravo ja’évo peteĩ mba’e Tupãme. Jajesarekóta upe mokõiha ñemoñe’ê ko árateîmegua ha jajapo chugui ñanemba’e ramoguáicha, ojeipe’áva Peteĩha Carta Pedro mbaiegui: 3,18: Hesu jepe niko omano ñane rembiapo vaikuére, peteĩ jevy opa ára ĝuarã. Ha’e nahembiapo vaíri va’ekue, ha umi iñañáva rupi ohasa asy, pendereraha haĝua peême Tupã rendápe. 3,19: h upéicha oho omoherakuã osê porã hague, umi Espiritu ojeheko jopy va’ekuépe. 3,20: umíva Na’iñe’ê rendúi va’ekue yma, Noe oikoveha árape, Tupã oha’ãrõ ramo hina py’a guapýpe, ojejapo aja pe kanoa guasu, yvypóra omo’a haguépe hekove ýgui. 3,21: Ha upe y upéva niko ohechauka va’ekue upérõ pe y ñañemongaraiha ñande pe’áva jejopy vaígui. Pe ñemongarai ndaha’éi ipotĩ haĝua nande rete, upéva hina jajerure haĝua Tupãme ta’ipotĩ ñande py’apy. ha ñande pe’a haĝua jejopy vaígui Hesucristo oikove jevy rupi, 3,22: ha ojupi va’ekua yvágape oĩ haĝua Tupã akatúape, ha opyta haĝua iguýpe umi Tupã remimbou, ha opa espíritu ipokatúva ha ikatúva oporoguereko ipogu´tpe. Ta’upéicha Jajapo peteĩ pa’ũ henuhêva kirirĩ ha jepy’amongueta ñambohovái haĝuã Tupãme. Ñamoĩ avei mba’epa jajerurese ko ñembo’épe. 4.- MOMBA’EGUASU: ¿Mba’éichapa añemoigue térã ñañemoingue Tupã ñe’ême? Ko aravó ñamomba’eguasu haĝua, ikatukuaa ja’e ko ñe’êrysýi pehê Evangeliope guare, toike tohóvo ñande rekovépe ha ñane korasõme. Ja’e heta jey ko ñe’êmbyky Evangelio pegua oike haĝuã ohóvo ñane korasõme: « Jahechakuaa ñane rembiapo vai ha jajerovia Momarandu Porãre » (Ñe’êrysýi pehê 15) Ha péicha, jajerurévo Tupãme ñande jagueroviaha hesapére ambue oguerovia haĝua ojerovia haĝuã, péicha ñañeha’ã ñaime. 4 www.fundacionpane.com – www.cristonautas.com EN LA GRAN MISIÓN CONTINENTAL CON LA NUEVA EVANGELIZACIÓN 5.- JEJAPO: ¿Mba’épe che térã ore ro’éta rojapotaha Ñandejárape? Ambopyahu va’erã che rekove. nambopyahúirõ, upéicharõ, che ndaha’éi peteĩ Cristiano añete. Si estoy solo, amoñe’êjey Ñandejára Ñe’ê. Ahechaukase ajapo porãtaha che rembiapo. Ahekata che rapicha oikotevêva che rehe. Ambohasáta che po peteĩ ava mboriahu oikotevéva che rehe, térã karai oikotêvéva. Ahechauka va’erã che jerovia ha’eha añete ha omýiha oñeikotevêhápe. En el grupo, haremos un diálogo cada vez más serio sobre los obstáculos que ponemos a la oración y al compromiso. Después ver de imitar a Jesús, ir a visitar a los enfermos, a los ancianos, acompañarlos compartir nuestro tiempo y llevarles la Buena Noticia. jajapo peteĩ ñomongueta umi mba’e ñanepy’a’ãva aní haĝua ñañembo’étei. Upéi ñañeha’ã ñaha’ãnga Hesúpe, jaha hasýva ha itujáva rendápe, ñaime hendivekuéra jaguarahávo Marandu Porã. 5 www.fundacionpane.com – www.cristonautas.com
© Copyright 2024