EN LA GRAN MISIÓN CONTINENTAL CON LA NUEVA EVANGELIZACIÓN LECTIO DIVINA Árateĩ VI del Tiempo Ordinario Ciclo B Hno. Ricardo Grzona, frp Peteĩha ñemoñe’ê: Levítico 13, 1-2.45-46 Salmo ñembohovái: Salmo 31 Mokoĩha ñemoñe’ê: 1 Corintios 10,31-11,1 IÑEHENÓI PYTU MARANGATÚPE: Eju Pytu Marangatu, Eju ore rekovépe, ore korasõme, ore retepýpe. Emomýi ore arandu renda ha ore retia’e, roikũmby haĝuã ore Ru he’iséva ita’ýra Hesu rupive. Upe neñe’ê toĝuahê ore rekovépe ha toikove orendive. Ta upéicha. ÑANDEJÁRA ÑE’ ÑEMOÑE’: Marcos 1, 40-45 «nde ripotárõ, ikatukuaa chemonguera» 1,40: Peteĩ kuimba’e ikuru vaíva oñemboja Hesu rehe ha ñesuháme he’i chupe: —Nde reipotárõ, che mongueráne che mba’asýgui. 1,41: Hesu oiporiahivereko chupe. Opoko hese ha he’i chupe: —Aipota. Ekuera! 1 www.fundacionpane.com – www.cristonautas.com EN LA GRAN MISIÓN CONTINENTAL CON LA NUEVA EVANGELIZACIÓN 1,42: Upé vove ojei chugui ikuru vai , ha okuera. 1,43: Hesu omondo pya’e ha he’i jevy jevy chupe: 1,44: —Aníke remombe’u avavépe.Terehónte ehechauka pa’ipe umi mba’e Moisés he’i va’ekue oñekuave’êva’erãha, ojehecha haĝua rekuerámaha. 1,45: Pe kuimba’e katu oho ha omombe’u opárupi upe ojehu va’ekue. Upévare Hesu ndaikatu veima oike umi távape, umi okahárente opyta. Ha opáguio ojehóva hendápe. ÑANDEJÁRA ÑE’ 1.- ÑEMOÑE’Ẽ: ¿Mba’e he’i ñemoñe’ê? Ñandejára ñe’ê ñemyesakã. Pe Evangelio ko árateĩmegua oñekarama upe ñe’ê hypy’ũvévare oĩva Antiguo Testamento-pe, ko’aĝa ohecháva Hesu. Upe kuru vai ha’e peteĩ mba’asy he’ímiva hikuéi ha’eha peteĩ mba’e vai Tupã omoĩva ipekádo rupi upe ava. Ndaipóri mba’asy hasyvéva ko kuru vaígui. Upe Peteĩha ñemoñe’ême, ojeiporavóva Levítiko arandukágui, pehê 13 pukukue omyesakãmba’éichapa ojeipe’a va’erã upe távagui umi orekóva ã mba’asy, ha ko’ãa mba’éichapa oikova’erã ojerure tembi’u oikove haĝua. Oiko asyeterei ha ndoje’apói chupekuéra mba’evéramo. Avave ndaikatúi opokó oguerekóva ko mba’asýre, he’igui Antiguo Testamentope epokórõ umívare ne ánga ja iky’amaha avei. Pa’i añoite upe ikatúva oja hesekuéra ha he’i okueráma térã ndokueráitipa hikuái. Okuerárõ upe mba’asýgui avei Tupã oheja rei chupe umi hembiapo vai ojapova’ekue. Pe ñemongeta ha’ete ku ndha’éia mba’eve ha katu hypy’ũeterei. Upe ikuru vaiva oja ikatuha peve Hesúre. Peteĩ tenda pevénde ikatukuaa oja. Oñesũ, omboja iñakã yvýre ha he’i chupe upe ñe’ê omopirĩ ha omomýiva Hesu korasõ: “eipotáto, ikatu chemonguera”. Jahechakuaa upe kuruvai orekóva ojeroviáitereiha Hesúre. Oime va’erã ja ohendúma ra’e Hesu omonguera ha oipe’aha mba’evaígui hetápema. Upévare, noporandúi “ikatúrõ, chemonguera”, katu he’i chupé “eipotárõ”. Upe hasýva ojeroviaiterei hese ha oikuaauka chupe ojaposéva ojapotaha oipotárõ. Marcos ohechauka ñandéve mba’éichapa ikatukuaa ñañembo’e avei, mbyky ha oikóva. Pe Evangelista pya’eterei omoĩ irundy ñe’êtéva Hesu ojapóva mba’e porã ko karia’ýre: ombyasy chupe, oipyso ipo, opoco hese ha he’i chupe: aipota, epyta ekuera. iporã jahechakuaa opavave ñe’êtéva, ikatukuaa ohechauka umi mba’e porã Hesu ojapóva ko karia’ýre. Tenondete ombyasy chupe. Ja’ekuaa ha’e ohechakuaaha mba’asý imba’e’ŷva, oñandú ha oñemomba’éva hese. Oiporiahuvereko ohasa asývape. Ha’e peteĩ ñe’êtéva hyepýpegua, oikóva ikorasõ ryepýpe, ndaikatúiva ojehecha, katu ha’e peteĩ mba’e oikó ha omombe’uva Marcos. Pe mokoĩhápe Hesu oipyso ipo, ja’ekuaa ha’e osê hague upe ojehasa’ŷhágui ha oho upe hasýva rendápe. Pe mbohapyha ñe’êtéva ha’e: “opoco hese”. Ko’ape Hesu ojapo peteĩ mba’e ndojapóiva’erã ojehechakuaáramo Moisés Léi. ikuruvaíva ha i ángaky’ávare ndikatúi ojepoko. Katu Hesu ou ohasapa Moisés Léi ári. 2 www.fundacionpane.com – www.cristonautas.com EN LA GRAN MISIÓN CONTINENTAL CON LA NUEVA EVANGELIZACIÓN Ñambohete jey ko ñemoñe’ê: 1. 2. 3. 4. 5. 6. 7. 8. ¿Mba’éicha oñepyrũ ko ñemoñe’ê? ¿Máva oja Hesu ypýpe ha mba’éicha ojejuhu upe jave? ¿Moisés léi rupive ikatukuaápa ãichagua ava oja tetãyguakuérarehe? ¿Mba’e mba’e umi ñe’ê he’iva’ekue chupe Hesu? ¿Mba’e ojapo Hesu, mba’e mba’e umi ojapóva’ekue? ¿Mba’e he’i chupe Hesu upe javete? ¿Okuera rire, mba’e he’i chupe ojapo haĝua ha mba’e ani ojapótei? ¿Mba’e oiko umi tapichakuéra oikuaámava oikóva’ekue? 2.- JEPY’AMONGUETA: ¿Mba’e he’i chéve ha ñandéve? Jajapo porandueta oikeve haĝuã ñandéve ko Ñe’ê ñandeipe’átava aña poguýgui: 1. Peteĩ jey pe ñemonguera ha’e jehecharã oĝehêmaha pe Mesías. ¿Chépa añeha’ã añemboja aje’apo’ŷme Hesu rendápe, che arekóva, che ha’ehaicha, che aipotáva? 2. ¿Ahechakuaápa che apañuãikuéra? Péicha ndahasymo’ãi ñañemoĩ Tupã renondépe jejerurévo chupe ñanemonguera haĝuã, omopotĩ haĝuã ñane ánga, hetave jave ha’eva umi mba’e vai oguerúva. 3. Tupã, reipotárõ chemongueráta ¿moõ ha mba’e jave ha’e jepi upe ñe’ê che rekovépe? 4. ¿Añandúpa Tupã oipysórõ ipo che ári, opokórõ che rehe akuera haĝuãapytávo?¿Ahejápa Tupãme ojapo upéva?¿añembotýpa ani avave oike che rekovépe? 5. Heta jave añeme’ê’ŷme oikóvare, oĝuahêche rekovépe mba’e porã.¿Ame’êpa aguije che rekovére, Ha’e ome’ê va’ekue chéve reheve?¿térã chemandu’a aikóvo umi mba’e ndarekóiva ha upévare ndavy’aiha? 6. Hesu ñeime che rekovépe ¿ojapópa che asê haĝuã amosarambi Momarandu Porã? 7. ¿Ahejapa Hesu chedive añónte, amombe’u térã agueromandu’a’ŷme avavéndi? 8. ¿Mba’éicha che ikatukuaa amosarambi porãve mba’eporãita Tupã ojapó ha ome’êva opavave rekovépe? 3 www.fundacionpane.com – www.cristonautas.com EN LA GRAN MISIÓN CONTINENTAL CON LA NUEVA EVANGELIZACIÓN 3.- ÑEMBO’E: ¿Mba’e ha’e térã ja’e Tupãme? Ñembo’e, ha’e ñembohovái Ñandejárape oñe’êva ñandéve tenonde. Ñaime ñahendusévo iñe’ê ñandeipe’áva mba’e vaígui. Ko ñe’ê ndojoguáiva tekovepy ome’êséva ñandéve ha ja oĝuahêaha aravo ja’évo peteĩ mba’e Tupãme. Jajesarekóta upe mokõiha ñemoñe’ê ko árateîmegua ha ñañemomba’e hese, ojeipe’áva Carta a los Corintios-gui: 1,31: Ha péicha, he’iháicha Tupã Ñe’ê: “oimérõ ojejaposéva, tojejapo Ñandejára rehe” 10,31: Opáichavo, peteĩchante pe’u ramo ha pemboy’u ramo, térã pejapo pejapóva, opa pejapóvape pemomba’e guasu Tupã. 10,32: Ani pehechauka ivaíva avavépe, judíope ha judío’ŷme, ha péicha avei umi Ñandejára Tupão reheguávape. 10,33: Che rehe ramo, añeha’ã aporombohory opa mba’épe, aheka’ŷre chéve iporã va’erãnte, ñande rapicha kuérape ĝuarã katu avei, osê haĝua jejopy vaígui. 11,1: Pejapóva che ajapóva, che ajapoháicha Cristo ojapo va’ekue. Ta upéicha. Jajapo peteĩ pa’ũ henuhêva kirirĩ ha jepy’amongueta ñambohovái haĝuã Tupãme. Ñamoĩ avei mba’epa jajerurese ko ñembo’épe. 4.- MOMBA’EGUASU: ¿Mba’éichapa añemoigue térã ñañemoingue Tupã ñe’ême? Ko aravo jajepy’amonguetá haĝme ikatukuaa ja’e jey ko ñe’ê mbykymi Evangelio pegua oikévo ohóvo ñande rekovépe ha ñande korasõme. Ja’e heta jey ko ñe’êmbyky Evangelio pegua oike haĝuã ohóvo ñane korasõme: «Nde reipotárõ, ikatu chemonguera» (Ñe’êrysýipehê 40) Ha péicha, jajerurévo Tupãme ñande ha’eseha hembiguái jahecha ha hahechaukaseha hesape opavave ojerovia haĝuã avei hese, péicha ñañeha’ã ñaime. 4 www.fundacionpane.com – www.cristonautas.com EN LA GRAN MISIÓN CONTINENTAL CON LA NUEVA EVANGELIZACIÓN 5.- JEJAPO: ¿Mba’épe che térã ore ro’éta rojapotaha Ñandejárape? Oĩ va’erã peteĩ mba’epyahu ojehecháva che rekovépe. Nda’ipyahúirõ, upéicharõ, ndaha’éi peteĩ cristiano añetéva. Aĩ ramo che año, amoñe’êjey mbeguekatu umi amoñe’êva’ekue. Iporã, omombaretépa upe che ánga ha opavave mba’e. ¿Mba’e ajapova’erã añeñendu haĝuã teko porãme Tupãndi? Añemoĩ ha ha’e ajapotaha peteĩ mba’e ndatuichái ha iporãva che rapicha oikotevêvape ĝuarã, ahechauka haĝuã nemba’e porã jejapo rupive. Ñaiméramo heta, ñanemandu’ata opavave tapicha hasýva oĩva ñande tava’i ryapýpe ha ñañembo’e peteĩ teĩre. Ko Evangelio rire, ñañeha’ãmbaitéte ñaha’anga Hesúpe, jaha ñañandu umi hasývape, ñaime hendive ha jagueraha chupekuéra Momarandu Porã. 5 www.fundacionpane.com – www.cristonautas.com
© Copyright 2024