1. Espiritual

Nis ni rguád ganɨban
Agua que da vida
Rbidxruua, rbidxyaniia canzá rguiliia lii,
caiyá, caiguét zugaa adxu ni nady xjabnii.
Zaalacaa xnez guɨw, zaalacaa laan ra zin
rbɨdxdía nis, nis ni dizi rdalɨ laan zin,
¿cunuu?, dá bguád ganɨban laa bniaty.
Nis, nis ni rguád ganɨban laa bniaty,
bdalɨ, adruguɨsiaandiuu bniaty, adyágdiuu.
Adguɨsándiuu guɨbidxroo guɨbidxyandu,
tal adliidii, siasú laxtódu, dizi yaandu.
Nis, nis ni rdaguélɨ, ne ni rguád ganɨban
adgunliádxdiuu, adyágpaquɨdiiu nez lo dan.
Nis ni ree bniety adguɨnitylodiiu yandan,
nis, lii ni rguaduu laa bniety ganɨban.
Profeta Chávez Vásquez, Diza xten guɨdx San Miguel (Zapoteco de San Miguel Tilquiapam), http://www.sil.org/mexico/zapoteca/tilquiapan
Publicado por el Instituto Lingüístico de Verano, A.C., México, D.F., 2014. Primera edición, zts 14-036 (Versión electrónica)
© 2014 por el Instituto Lingüístico de Verano, A.C. Derechos reservados conforme a la ley.
Licencia de uso, Creative Commons (Reconocimiento-NoComercial-SinObraDerivada) http://creativecommons.org/licenses/by-nc-nd/3.0/deed.es_ES