1. Turismo

Date – 6/2/2015
Time - 07:30 - 07:40Hrs
R EGIONAL N EWS B ULLETIN (M IZO )
H EADLINE S ( MORNING )
1.
UD & A Minister Pu Zodintluanga’n Lawipu a mirethei
chenna in sak mek chu peihfel tep a ni a ti.
2.
Mizoram Legislative Assembly hnuaia Committee
on Estimates chuan Industries Dept
hnuaia
Bamboo Development Agency
hmalakna hmun
hrang hrang te an tlawh.
3.
Naktuka Delhi Assembly inthanvote thlak turin
ruahmanna engkim peihfel a ni tawh.
4.
Nagaland Chief Minister TR Zeliang-a’n Chief
Minister ni chhunzawm zel tura fiahna hneh
takin a paltlang.
<><><>
UD
&
PA :
Urban Development & Poverty Alleviation Minister Pu
Zodintluanga’n nimin khan Lawipu a mirethei chenna in
sak mek Lawipu BSUP Housing Project a tlawh a. Amah
tawiawmtu Urban Development & Poverty Alleviation
Department Director leh a thawhpuite, Public Health
Engineering leh Power & Electricity Department-a engineer
te nen he Project hnuaia insak te enin a hmun hma te an
fangkual a, helai hmuna tui leh eng pek dan kawng te sawi
hovin hemi chungchangah hian ruahmanna leh rawtna an
siam bawk a ni.
Pu Zodintluanga chuan he project hi kum 2008 vel
atanga tan anih thusawiin harsatna tam tak paltlanga he
project peihfel tep a ni chu lawmawm a tih thu a sawi a.
Hun engemaw chen a sak hna a khaihlak hnuin tunah a
satu contractor te hi tlawmngaia sa chhunzawm turin a
ngen a, anni pawhin hlawkna em em nei lovin an sa
chhunzawm hram hram a, a rate te hi kum 2007 rate a ni
a, a sakna rate hi ennawm theih a nih loh avangin a satute
pawh hian tlawmngaih chhuahin an sa hram hram nia a
hriat thu a sawi bawk.
Sawrkar Laipui atanga he project atana sum lokal
fund flow lamah harsatna a awm a, chumi hnuah a satu
contractor in harsatna a neih avangin hna a tawp a. Hun
engemaw chen hna a khaihlak hnuin, sak chhunzawm leh a
ni a. Tunah hian a building te hi sak zawh thawkhat niin
tui, electric connection leh rawng hnawihte la hmabak a ni.
Lawipu BUSP Housing Project hi Sawrkar Laipui
Ministry of Housing & Urban Poverty Alleviation sum
ruahman hmanga sak niin he project atan hian cheng nuai
3403 ruahman a ni a. A project neitu hi Urban
Development & Poverty Alleviation Department niin a
implementing agency chu Hindustan Prefab Ltd. a ni. He
project hnuaiah hian Building Block 28 sak a ni a, heng ah
hian chenna ina zavaiin 408 a awm. Hemi bakah hian he
project atan Community Centre leh Livelihood Centre te
sak a ni bawk a, building block tin tan tui dahkhawlna
tanky pawh sak tel a ni.
Nimin vek khan UD & PA Minister Pu Zodintluanga
chuan Lawipu Field a tlawh aan Community Hall sak mek
pawh a en nghal bawk a ni. Lawipu Field laih hna hi
tunhma khan Minister hmalaknain a bul tan a lo ni tawh a
ni.
<><><>
LAWNGTLAI BADP :
Ramri hnaih a awmte dawmkanna tur a Sorkar
laipui
hmalakna
Border
Area
Development
Programme hnuai ah Lawngtlai District chhung a
kum 2015-2016 a hmalak na tur ruahmanah
Infrastructure ah cheng Nuai 380 chuang dah niin
Zirna tihhmasawn nan cheng Nuai 100 chuang dah a
ni bawk,
Nimin khan Lawngtlai DC Conference Hall ah DC
Pu J.Hmingthanmawia ho a District Planning and
Implementation
and
Monitoring
on
BADP
thukhawmin kum 2015-2016 chhung a hmalakna
tura ruahman an thlir ho a, ramri hnaih a awmte
dawmkan nan mipui nawlpuiin an chhawr tangkai
theih tur ram rohlu siamna tur ah cheng Nuai 384
ruahman niin, zirna tihhmasawn nan cheng Nuai
119, Loneih leh a kaihhnawih a hmantur in Nuai 68
ruahman niin, heng bak ah hian Hriselna lam a
hmalakna atan te, Vantlang hmunhma siamna tur
leh venhimna lam tihchangtlun nan te sum ruahman
a ni tih tarlan a ni a,
Meeting ah hian Lawngtlai DC chuan BADP
hnuaia hmalakna te chu Programme dang nen tun
aia
nasa zawka
kalkawptir dan
ngaihtuah
a
pawimawh thu a sawi a, he meeting ah hian BADP in
a kaihhnawih Department te bak ah LADC a Chief
Executive
Member
Pu
V.Zirsanga,Chakma
Autonomous District Council a CEM Bhuda Lila
Chakma
leh
Parliamentary
Secretary
Pu
H.Zothangliana te an tel a ni.
<><><>
ESTIMATE COMMITTE :
Mizoram Legislative Assembly hnuaia Committee
on Estimates chuan Industries Department hnuaia
Bamboo Development Agency hmalakna hmun hrang
hrang te an tlawh a, sum hmanna leh a taka a
hmuna an hnathawh dan te an enfiah a ni.
Estimate
Committee
hian
Zamuang
leh
Zawlnuama Bamboo Wood Park for Export te,
Bungthuama Bamboo Wholesale & Retail Market te,
Lengte a Export Promotional Industrial Park (EPIP),
Chuhvela Bamboo Chipping Unit atana Plant &
Machinery leh Mizoram Venus Bamboo Products Pvt.
Ltd., Sairang te an tlawh a, heng hmuna mau
sawngbawl nana BDA sum senral leh hmalak dan te
uluk takin an enfiah a, mau lei leh hralh bakah
khawl hmanga mau sawngbawlna kawnga harsatna
industry dintu ten an tawh avanga an hmalakna a
thuanawp dan te an inhrilhfiah a ni. Harsatna hrang
hrang avanga sawrkar sum tam tak senga mau
sawngbawlna industry te a thuanawp thin siamthat
nan hmalak zel dan tur te an sawiho bawk a.
Committee on Estimates hian Bairabi-Zamuang
kawnga Tlawng lei Bairabi-a dawh mek an tlawh
bawk a, PWD Chief Engineer Pu K.Lalsawmvela sawi
danin, he lei siam nan hian cheng vbc 12 chuang
hret ruahman a ni a, kumin May thla chhung hian
zawh hman tumin ngawrh takin an thawk mek a ni.
Estimate Commitee hian Sihhmui-a Tlawng lei dawh
hna kal mek an tlawh bawk.
Committee on Estimates ah hian MLA paruk an
awm a, Chairman Pu Lalrinliana Sailo niin member
dang te chu Dr Ngurdingliana, Pu Vanlalzawma, Pu
T.Sangkunga, Pu R.Vanlalvena leh Pi Vanlalawmpuii
Chawngthu te an ni. Assembly Secretariat leh
Industries Department official ten an tawiawm bawk
a ni.
<><><>
SEC :
Mizoram
State
Election
Commission
chuan
Chakma Autonomous District Council hnuaia Village
Council 83 a inthlanpui neih turah tun thla ni 25
zing dar 7 atanga tlai dar 4 thleng vote thlak a ni
ang a ti a, inthlan hun puan anih tak avang hian
LADC huamchhungah model code of conduct hman a
nih thu a puang tawh bawk.
Tun thla ni 25 a neih tur VC inthlanah hian
Sorkar hnathawk reng rengin Political Party awn
lam a neih a thiang lova, party tan zawng emaw do
zawng emaw in a campaign tur a nilo a ti a, Inthlan
kaihhnawih a vantlang inkhawm ah sorkar hnathawk
tan thusawi emaw tel emaw a thiang lo a, Inthlan
campaign tura Minister leh political party hruaitute
fehchhuak reng reng sorkar hnathawkin an tawiawm
tur a nilo, a ti.
Puan tawh angin, SEC ruahman dan chuan, he
inthlana chuh tumte tan tun thla ni 11 thleng hun
hawn a ni anga, ni 12 ah hming thehluh te endik a ni
anga, ni 13 thleng inhnukdawk duh te tan hun hawn
a ni bawk ang. Ni 14 ah chuan candidate te symbol
pek a ni anga, hemi ni vek hian candidate te hming
tarchhuah a ni anga, ni 25 ah vote thlak tur a ni
dawn a ni. Vote tla te hi vote thlak ni a vote thlak
hun tawp atanga chhiar tan nghal tur a ni a, Vote
thlak that ngai a awm anih chuan ni 26 ah thlak that
a ni ang. Inthlan kaihhnawih thil zawng zawng ni 27
aia tlai lovah zawhfel vek tur a ni bawk.
CADC hnuaia Village Council 83-ah hian vote nei
thei mi 28,317 an awm niin electoral roll ennawn
thar berah tarlan a ni a, CADC huamchhungah hian
In 11,575 a awm a, Village Council chhunga In 50
awm chinin V/C seat 3, In 51 atanga 100 in seat 5,
In 101-150 in seat 6 leh In 151 atanga chung lamin
seat 7 zel an nei thei a ni.
<><><>
GOVERNOR :
Governor Dr. Aziz Qureshi chuan ni 2 zan a Aizawl
Mission Venga kangmei chhuahna hmun chu nimin tlai
khan a hmunah a tlawh a.
Governor in kangmei tuarte a tlawh lai hian bialtu MLA
Pu Z.S. Zuala; Mission Veng YMA; Local Council leh
vengchhung hruaitu ten an lo dawngsawng a ni. Governor
hian kangmei vanga vanduaina tuartute hnenah cheng
nuai 1 a pe a, vanduaina tawkte chu thinlung taka a
tawrhpui thu a sawi a ni.
<><><>
A LL ARRANGEMENTS
D ELHI : EC
IN PLACE FOR FREE
&
FAIR POLLING IN
Naktuka Delhi Assembly inthanvote thlak turin
ruahmanna engkim peihfel a ni tawh.
He thu hi Chief Election Commissioner H.S.
Brahma-a’ chuan All India Radio hrilhin, mipuiin an
aiawh tur an mi duh zawng thianghlim taka an thlan
chhuah theih nan kawng engkimah ruahmanna
peihfel a ni tawh, a ti a, Vote thlakna atana hman
tur Electronic Voting Machine, EVM chu khawih
chingpen theih a ni lo a ti bawk.
Puan tawh angin, Delhi Assembly intrhlan
campaign theih hun hi nimin tlai khan a tawp a,
campaign theih hun ni tawp ber nimin khan he
inthlan neih tura political party l;angsar zual BJP,
Aam Aadmi Party leh Congress te chuan thiehtawp
chhuahin an party thlang tling turin mipui an sawm
a; BJP-in Chief Minister ni tura an ruat Kiran Bedi-i
chu Mangolpuri, Kirari leh a dinna bial
Krishna
Nagar-ah te a campaign a, an Party President Amit
Shah-a pawhin heng hmunah te hian a \awiawm a
ni.
Congress Vice President Rahul Gandhi-a pawh
Sultanpur Majra-ah a campaign a, ani bakah hian
party tana \hahnemngaite hmun hrang hrangah
mahni party tan \heuh \hahnemgnai takin an
campaign a ni.
Delhi Assembly inthlan hi candidate 673-in an
chuh a, an zinga 63 chu hmeichhia an ni. Vote nei
mi vbch. 1 leh Nuai 33 an awm.
<><><>
NAGALAND CM ZELIANG WINS FL OOR TEST IN ASSEMBLY
Nagaland Chief Minister TR Zeliang a chuan
Chief Minister ni chhunzawm zel tura fiahna
paltlangin, nimina an state assembly-a vote laknaah
member 60 zinga member 59 te’n Pu Zeliang-a an la
rintawk zia vote hmangin an tilang a ni.
Governor PB Acharya an nimin Assembly-ah
Special
emergent
session
neia
Chief
Minister
Zeliang-a dinhmun fiah tura house member-te vote
thlak tura a hriattir angin Nagaland Assembly
member-te hian vote hi an thlak a, hei hi thla hmasa
ni 5-a sawrkar lai, Naga Peoples Front, NPF, MLA 22
ten Pu Zeliang-a an thlawpna an tihtawp vanga tih a
ni a, heng member-te hi Governor hnenah kala an
hruaitu G. Kaito Aye-a kaihhruai sawrkar thar din an
phut avangin Governor hian Pu Zelianga hian thleptu
member a ngah tawk em tih hi a hre duh a ni.
<><><>
S WINE
FLU DEATH TOLL REACHES
62
IN
G UJARAT ; 9
DEATHS
TODAY
Gujarat sorkar chuan an stae-ah nimin khan
Vawk a=\anga natna mihringin a kai theih, Swine
Flu vangin mi 9 an thi leh tih a sawi a, heng mite
nen hian Gujarat-ah kumin hian H1N1 natna vangin
mi 62 an thi ta a ni.
Nimina Swine flu vanga thite hi Kutch-ah mi 3,
Ahmedabad-ah 2 leh Anand, Valsad, Bharuch leh
Navsari district-ahte mi 1 \heuh an ni.
Nimin khan Swine flu hri vei mi 61 hmuh chhuah
thar leh an ni a, heti hian he state-a swine flu vei
hriat chian chu mi 476 an ni ta a ni.
<><><>