2.6.gran final festival di tumba 2015 - KIKO TA PASANDO NOTISIA.

1. GENERAL
1.1 Invitashon na Prensa
1.2 Programa pa Konferensha di prensa
1.3 Palabra di Minister di Kultura
1.4Palabra di Presidente di AMAK
1.5 Festival di Tumba riba Facebook i App
1.6Dedikashon di Festival di Tumba 2015
1.7 Kuríkulo di esun ku ta dediká FT2015
2. AKTIVIDATNAN FESTIVAL DI TUMBA 2015
2.1 Inskripshon
2.2 Entrega di letra
2.3 Sound chèk
2.4 Dianan Preliminar
2.5 Bispu di Gran Final
2.6 Gran Final
2.7 Festival di Tumba Hubenil
2.8 Entrega di Premio
2.9 Resumen di fechanan importante
Pag. 2
Pag. 3
Pag.4
Pag.5 - 7
Pag. 8
Pag. 9
Pag.10-23
pag.24
Pag. 26
Pag.26
Pag. 27
Pag. 27 – 28
Pag. 28-29
Pag. 30 – 32
Pag. 33
Pag. 34
3.PUNTONAN DI ATENSHON
Pag. 35 - 37
4. ASPEKTO LOGISTIKO
5. PARTNERNAN FESTIVAL DI TUMBA
6. OTRO PATROSINADORNAN
7. LISTA DI REI/REINANAN DI TUMBA
8. KRITERIANAN PA SKOHE TUMBA GANADOR
9. ISTORIA FESTIVAL DI TUMBA
10 REGLANAN PA FESTIVAL 2015
11. INSTRUKSHON DI HURADO
Pag. 38 - 45
Pag. 48 - 53
Pag. 54 - 55
Pag. 56 – 58
Pag. 59 - 62
Pag. 63 - 81
Pag. 83 - 91
Pag. 92 - 102
1
1.GENERAL
1.1
2
INVITASHON RUEDA DI PRENSA
1.2
PROGRAMA PA RUEDA DI PRENSA
5:45 pm:
Ta kuminsá risibí invitadonan
6:00 pm:
Inisio Ofisial kanto di Rei di Tumba 2014 Ike Jesurun
6:07 pm:
Palabra di Minister enkargá ku Kultura Sra. Irene Dick
6:10 pm
Palabra di Presidente di AMAK, Manfred “Feco” Gomes
6:25 pm
Palabra di representante di Branding Partnernan (+/- 3 minüt )
1.
Refineria Isla
2.
UTS
3.
KFC/Pizza Hut/ Subway
4.
Fatum
5.
MCB
6.
Insel Air
TDS lo papia riba PPV di Festival di Tumba 2015
6:40 pm
Oportunidat pa pregunta di Prensa
7:00 pm:
Klousura di programa ofisial
Seguidamente ratu ameno pa brinda pa un aña musikal 2015
positivo
3
1.3 PALABRA MINISTER IRENE DICK
Sinkuentisinku aña Karnaval di Kòrsou
Kuarentisinku aña Karnaval di Kòrsou - - -
–
E dianan akí e diskushon riba e tema akí ta den
mente i ambiente di vários organisashon.
No por kambia historia! Tampoko nos por
kambia susesonan, pioneronan, organisashonnan
ku a inisiá – ku nan vishon, ku nan ideanan. Ku
nan empeonan, ku nan energia, nan a marka
pouto momentonan ku no tabatin nada riba e
tereno akí na Kòrsou.
Añanan a transkurí i ideanan nobo ta nase i ta brota un otro ambiente, un kambio di
ritmo, un kambio ku a trese tumba na lugá di kalipso den Karnaval di Kòrsou.
Sinkuentisinku aña Karnaval di Kòrsou – Kuarentisinku aña Karnaval di Kòrsou - - Karnaval di Kòrsou den pasado – 55 aña largu - a trese alegria den pueblo i ta sigui,
tin ku sigui trese e mesun alegria pa habitantenan I bishitantenan di Kòrsou. Un
aniversario simper lo sigui ta un momento di para ketu i reflehá kon a bai i ki rumbo
nobo por kue. Reflehá riba tur loke a hasi nos resaltá! Sigui apliká esakinan i amplia
nan ku konosementu nobo ku ta kuadra ku e tempu ku nos ta biba aden.
Proyektá nos mes den tempu, proyektá nos mes aki 40, 50 aña mas leu!!! Kiko nos
tin ku krea awe i durante di e añanan benidero, kiko nos tin ku implementá pa aki 40
pa 50 aña generashonnan di e tempu ei por wak bèk riba logronan? Tene esaki den
mente awe i den henter e temporada di karnaval di aña 2015 i kada organisashon,
kada individuo envolví lo perkurá pa kada akto, kada ekspreshon, kada aktividat ta
unu ku na final di karnaval 2015, pero tambe na aña 2055, 2065 e generashonnan di
e tempu ei lo mira nos ku atmirashon pa nos logronan den 2015.
Felis aña 2015, felis temporada I selebrashon di Karnaval di Kòrsou 2015.
Minister Irene A. Dick
4
1.4. PALABRA DI PRESIDENTE MANFRED “FEKO” GOMES
Manera ya bira un tradishon, despues di tiru nos
dushi tumbanan ta kuminsá ritmo di tumba ta
kuminsá zona, pa duna inisio na nos temporada
di Karnaval i un eksitoso temporada di karnaval
2015.
Laga nos kuminsá di deseá Un felis aña 2015 pa
tur músiko i artista di Kòrsou i pueblo en general,
un felis, i ku bendishon di Todo Poderoso lo keda
drama den tur hogar na Kòrsou.
Aña 2015 mester bira un aña den tur kas di Kòrsou pa por krea progreso pa tur
esnan ku ta biba riba e pida baranka aki, i ku un rumbo positivo por reina den nos
dushi pais. Ban pone man na obra, i Ban krea mas espasio pa formashon positivo di
nos hóbennan, i di e forma ei kontribui na un miho komportashon di nos hubentut.
Tumba i karnaval a bira un konsepto inseparabel, i aki ta bai palabranan di elogio i
rekonosimiento na nos radio emisoranan lokal i plantanan di televishon.
Nos prensa skibi, ya kaba a anunsiá posibel “ line-up”-nan di e diferente
agrupashonnan musikal, i tur kos ta mustra den direkshon, ku nos Festival di Tumba
2015, ta bai bira un evento grandi e inolvidabel.
E festival di tumba e aña aki tin su aspektonan masha spesial i istóriko ku ne, i aki
nos ta referí na e.o. e hecho ku 45 aña pasá den seno di nos músikonan , a sinti e
nesesidat pa nos ritmo di tumba, bira e ritmo ofisial di nos karnaval i ku despues di
algun resistensia a keda aseptá den un forma ofisial.
Nos kier bolbe duna palabra di elogio na esnan ku a kontribuí na dokumentá festival
di Tumba.Nos ta referí aki na Don Felio Colinet i su Yu Ziño .
Hermanito i Patrick Martijn tambe tin hopi material oudiovisual.
5
Ta bon aki tambe pa duna mérito na esnan ku na aña 1973, a sostené e lucha di
Amak ,pa optené e derecho pa organisá festival di tumba pa Karnaval.
Ohalá , ku e sentido di union ei por regresá den nos farándula.
E aña aki tambe, ta e aña ku Curaçao Festival Center ta kumpli 25 aña sin
interupshon, komo e sitio ofisial di festival di tumba.
Pa un festival di kompetensia, mantené su mes durante 45 aña, no ta fásil.
Ounke gastunan pa organisá e festival a subi drástikamente, Amak ta hasi uso di su
kreatividat i kontaktonan pa organisá e festival na un nivel haltu.
Den mundu farandulero, ta masha poko festival di kompetensia ta keda mantené
nan mes durante un periodo largu i na un nivel haltu.
Festival Viña del Mar ta un di e festivalnan di kompetensia na mundu ku a inisia for
di 1960.
Na aña 1971 e organisadónan di festival Viña de Mar a deskualifiká e ganadó pa
motibu di plagia i e siguiente aña, Julio Bernardo Euson, a gana e festival, ku su
komposishon , Julie, representando Hulanda.
Den un festival di kompetensia, e kuerpo di hurado ta algu sagrado, i ta pa e motibu
ei, e konstelashon mester konsistí di hendenan kapas e íntegro, ku por duna na
veredikto di un forma imparsial e independiente.
Hamas i nunka, mester krea espasio pa influensia ningun desishon, pa motibunan
komersial. Tin diferente festival di kompetensia di den regio,no a kontinuá, pa
motibu di verediktonan robes i kaminda organisadónan ta trata di influensia.
Manera ya menshoná, e kuerpo di hurado mester mantené su mes den un forma
independiente. Un aspekto importante di e festival aki ta tambe e mantenshon di e
ritmo di e festival.
Na kuminsamentu di añanan 80, Amak a trata di inkorporá Seú,den e festival, lokual
no a resultá, manera a premirá.
Seguidamente, por menshoná Roadfire festival, ku den prinsipio a dal duru, sigur si
tene kuenta ku e popularidat di e ritmo bou di hóbennan, durante marchanan, pero
6
aki tambe poko poko e interes pa e festival aki a bira ménos, te na momento ku no
por a kontinuá ku ne mas.
Ta importante pues, di parti di nos músikonan mes, pa sigui, duna importansia na
toka mas tantu ritmo di tumba posibel, durante marchanan i otro aktividatnan di
karnaval.
E públiko kant’i kaminda pa 90 % kier tende su ritmo di tumba, i nos mester
komplasé nan, i kontribuí na salvaguardá nos ritmo di tumba.
Radio-emisoranan i nos plantanan di TV sin duda algun ta duna hopi realse na nos
ritmo di tumba promé,durante i despues di festival di tumba.
Pues ta keda na nos músikonan, pa keda mantené Tumba riba un pedestal haltu.
Si nos no a hasi esaki, e popularidat di e festival di tumba ta baha, i
konsekuentemente, e festival di tumba, ta baha na kantidat di públiko, poniendo su
eksistensia na peliger.
Pues futuro di festival di tumba ta den man di nos músikonan mes.
Ta músikonan mester aportá ku partisipashon na festival di tumba, i toka tumba na
tur aktividat di karnaval.
Pueblo di Kòrsou felis karnaval i disfrutá di nos festival di tumba.
7
1.5 FESTIVAL DI TUMBA RIBA FACEBOOK I APP
Mirando ku teknologia no ta para ketu i ta den desaroyo kontinuo, AMAK a disidí ku
pa aktividatnan grandi manera Festival Di Tumba, ta nesesario pa hasi uso di tur e
fasilidatnan tékniko na nos alkanse.
Mas promoshon bo hasi pa un aktividat, mas reakshon positivo bo ta haña tantu pa
loke ta trata presensia e aktividat/espektákulo komo e kobertura ku e aktividat ta
haña via tur media.
Banda di nos wèpsait www.asosiashondimusiko.com , nos ta hasi uso di tambe di
Facebook (FB) pa komuniká. https://www.facebook.com/pages/FESTIVAL-DITUMBA/107672538585
Tur hende por bai riba FB i like Festival di Tumba i asina keda na altura di tur loke
nos a i ta hasi pa Festival di Tumba 2015.
Esnan ku “like” Festival di Tumba riba FB tin chèns tambe di gana premionan
interesante di Festival di Tumba 2015.
Riba e wèpsait di AMAK tin historia kompletu di Festival di Tumba. For di su
komienso te awor aki.
Ademas nos ta alkansabel vía e-mail na festivalditumbadikorsou@gmail.com.
E aña aki AMAK ta hasi uso tambe di e sistema di Android i ta introdusi un App pa
Festival di Tumba. Ront di10 di yanuari 2015 nos lo anunsia esaki definitivo.
8
1.6 DEDIKASHON DI FESTIVAL DI TUMBA 2015
Manera kustumber for di 1982, tur aña Asosiashon di Músiko i Artista di Kòrsou ta
dediká Festival di Tumba na un òf mas baluarte ku durante su trayektorio a nifiká
hopi pa engrandesé Festival di Tumba.
Pa skohe un òf mas baluarte Direktiva tin biaha a proponé sala un òf mas kandidato
òf di parti di miembronan mes, a bini proposishon di un eventual kandidato(nan).
Realidat ta ku ta tuma e desishon final durante reunion general.
E aña aki prensa, ku semper ta hopi agresivo den notisia relashona ku nos gran
festival di tumba, a spekulá ku Festival di Tumba lo ta dedika na sierto personahe.
Riba su mes esei no ta nada malu. Pero e ta trese konfushon bou di miembronan ku
ta na altura kon e prosedura ta bai. I ta pesei durante reunion general a diskuti e
situashon aki i a pidi miembronan di prensa pa tene kuenta ku e forma ku
miembronan ta usa pa yega na e ekoho.
Punto di salida pa yega na e nombramentu ofisial ta ku e persona o instituto por ta
un músiko òf un persona òf instansia ku di un òf otro forma ta relashoná ku Festival
di Tumba.
Pues un músiko, persona òf instansia ku a hasi hopi riba tereno musikal pero ku no
ta direktamente relashoná ku Festival di Tumba, no ta bini na remarke pa risibí e
honor aki.
Mayoria biaha, ora ta trata di un persona, ta skohe pa duné e honor aki na bida. Den
e kaso di aña pasa esei no tabata e kaso ya ku e kuater personahenan, di felis
memoria ku a haña e honor póstumo, tabata hendenan hopi yegá na Festival di
Tumba pero ku lamentablemente diripiente a pasa pa mihó bida.
Pa loke ta e aña aki, manera kustumber direktiva a presentá algun nominado i
finalmente den forma unánime reunion general, esta miembronan, a disidí ku ta
dediká Festival di Tumba 2015 na :
DIREKTIVA DI AMAK
9
1.7 KURIKULO DI DIREKTIVA DI AMAK
E Statutonan pa e Asosiashon di Músiko nobo, inisiativa di New Burn Patricks i Peng
de Windt, a keda aprobá pa gobernador dia 23 di ougùstùs 1968.
Den e dokumento e promé direktiva tabata konsistí di e siguiente persona tur di
felis memoria ku eksepshon di unu.
Edgar Palm
: presidente;
New Burn Patricks
: Vise presidente;
Franklin(Peng) de Windt : sekretario;
W.G. Trappenberg
: Tesorero;
Anselmus Boy Dap
: Vokal;
Alfred van der Dijs
: Vokal;
Ta bon pa remarká, ku Sr.Palm(dfm) nunka no a presidí ningun reunion di direktiva i
miembro.
Sr.Patricks a fungi komo presidente, miéntras sr. Peng de Windt tabata dirigí e
reunionnan na nòmber di sr. Patricks, pa motibu di e komunikashon na Papiamentu.
Djasabra 18 di Mart 1970, miembronan a skohe un direktiva nobo, ku ta konsistí di e
siguiente personanan:
Presidente: Edgar Palm;
Vise presidente: Newburn Patricks; Sekretario: Franklin de Windt; Tesorero: W.
Trappenberg i Vokales: Boy Dap, Chal Atalita i Jose Rosales.
Despues ku durante un reunion na Hotel Avila dia 12 november 1970, kaminda en
prinsipio tabatin basta resistensia, Komite Karnavl a bai di akuerdo, pa asepta
Tumba komo ritmo ofisial di marchanan di karnaval.
Sr Peng de Windt tabata enkargá ku e parti musikal di e festival pa komite karnaval I
a forma un komishon pa traha reglanan pa e festival.
10
Despues ku durante e prome dos añanan, músikonan no tabata kontentu ku e
kompensashon finansiero, músikonan ku tabata sigui lès di Muziek na Arbeidszorg,
tabata reuni na varios okashon despues di lès, bou di dir5ekshon di Feko Gomes.
Sr. Peng de Windt tambe tabata bishitá e reunionna algun ves.
Na sierto momento e músikonan, a propone pa Asosiashon mes òrganisá su festival,
I den korto tempu 30 komposishon a inskribí, i serka Komité a registrá apenas 5
inskripshon. Esei ta motibu, ku diputado di Kultura di e tempu ei a yama un reunion
ku Asosiashon di Músiko I Komité, pa mira kon lo por Sali for di e impase.
Mientras tantu dia di e reuion 20 di yanuari 1973 na B.C., e músikonan a marcha bou
di direkshon di Feko Gomes, ku no tabata den direktiva , pa BC na Skarlo.
Músikonan a eksigí pa Feko Gomes tambe partisipá na e reunion ku diputado, lokual
a keda akordá.
E reunion a kuminsá 8’or di anochi i a terminá 3’or di mardugá.
Tur e músikonan ku a keda para abou, a aploudí e desishon di sr,Jesurun, ku
Festival di Tumba ta keda organisá pa Amak , i Komité lo risibí 10% di e entrada
neto.
E akuèrdo den kua a stipulá ku Asosashon di Músiko lo organisá Festival di Tumba na
1973 den estrecho koperashon ku Komité di Karnaval 1971. Asina pues a kuminsá e
époka, ku direktiva di Amak, a òrganisá e festival di tumba, ku a krese na kanidat di
públiko I na kalidat musikal I a keda riba pia durante 45 aña.
E echo ku e espíritu di e akuerdo tabata ku Asosashon lo organisá e festival, a lanta
un interes enorme bou di e músikonan i alrededor di 30 inskripshon a keda registrá
pa partisipá dia 12 i 14 di febrüari 1973 den Teater Roxy, miéntras ku dia 19 di
febrüari e finalistan klasifiká a kompetí pa premionan máksimo.
Na 1973 e direktiva nobo tabata konsisti di e siguiente personan:
Sr. New burn Patricks:president; Sr. Peng de Windt : vice- president; Sr. Feko
Gomes: sekretario; Sr. Nelson de Windt: tesorero; Sr.W.Trappenberg: komisario;
11
Sr. Alfred van der Dijs: komisario
Na 1981, miembronan malkontentu ku e maneho di direktiva di Amak, a reuni 9 di
aprel 1981 na klup sta.Rosa, I eynan a skohe un direktiva nobo.
Komo ku e kandidato pa president,sr.Beti Doran, no tabata presente, miembronan
despues di a tende e relato di 8 aña di sekretario, Feko Gomes,sala unánimamente
a eligí Feko Gomes komo president. E reunion aki a tuma lugá, despues ku komishon
Bon Marcha bou di direkshon di Wilfred Boerleider a reuní na varios okashon ku
miembronan malkontentu.
E direktiva na 1981 a konsistí di e siguiente personan:
Sr.Feko Gomes: president;
Sr.Toñito Arroyo: sekretario;
Sr. Chal Atalita: Tesorero.
Sr. Wilfred Boerleider: Vise president;
Sr.Stanley Reinilia: Komisario;
Sr. Alfred van der Dijs: Komisario i
Sr.Wilfrido Valeriaan: Komisario
Atraves di añanan diferente persona a forma parti di e direktiva;
Nos ta meshoná aki:
Sr.Ramon Penzo, sr Hildo Manuela,Gerald Carolie, Ernest Willems, Giovanni Atalita,
Elsio Jourdain,Beti Doran, Maynard da Costa Gomes.
12
E aktual direktiva ta kosití di e siguiente personanan:
Sr. Manfred Gomes, Presidente
Sr. Ernest Willems, Vise
Presidente
13
Sr. Giovanni Atalita, Sekretario
Sr. Stanley Reinilia, Komisario
Sr. Hildo Manuela, Tesorero
Sr. Gerald Carolie, Komisario
Algun di e logronan di e actual direktiva:
LOGRONAN I AKTONAN MEMORABEL
 Na 1968, a funda Asosiashon di Músiko i Artista di Kòrsou.
 Amak a organisá i instituí selebrashon di dia di Músiko na 1970;
 Aporte den Introdukshon di Festival di Tumba den Karnaval na 1971;
 Aporte grandi den akshonnan pa logra ku Festival di Tumba a kai bou
di AMAK na 1973;
Aktual presidente di Amak a guia e marcha pa BC, for di Pentraat,
pa kontribuí na optené e derecho pa Amak organisá festival di
tumba pa karnaval.
 Traha plan di edukashon musikal na 1971 riba petishon di direktiva di
Amak na Feko Gomes pa traha riba un proyekto di formashon musikal
pa músikonan aktivo, i dirigí e proyekto aki di 1972 te 1975 den
kolaborashon ku Dienst Arbeidszorg ;
 Logra na 1975 despues di hopi lucha i hopi humiashon,ku minister
Papa Godet(d.f.m.) a eksigí di gerensia di Hotel Curaçao Intercontinental pa duna oportunidat na un orkesta lokal den un oudishon proba
di por lesa muzik a primera vista.
 .Komo sekretario di Amak,Feco Gomes a reforsá su banda bou di
direkshon di Toro Colina pa asina por a kumpli ku e reto importante
aki;
14
 Aporte grandi komo Sekretario pa logra ku AMAK dia 13 di februari
1976 pa medio di un dekreto Ministerial a optené e derechi pa duna
konseho riba atmishon di músikonan estranhero;

Sala a eligí unamamente un direktiva nobo bou di presidensia di
Feko Gomese 9 di aprel 1981 na Club Deportivo Sta. Rosa despues
ku miembronan a ekspresá e deseo pa bi un kambio den maneho di e
organbisashon;
 Na 1981: traha un plan pa strukturá atministrashon finansiero i general di AMAK,I tene reunion general anual tur aña,i trata relato anual i
finansiero for di desêmber 1981;
 Dekreto di Dia di Músiko ofisialmente pa Gezaghebber Ronald
Casseres na 1982 riba petishon di e direktiva nobo;
 Apertura di Sede pa AMAK na San Mateowijk 22 nov.1982;
 Eleminashon di impuesto riba diskonan lokal na 1982;
 Amak ta bira miembro di e organisashon ku na 1983 a organisá e
Ban Topa semanalmente riba djamars anochi den kayanan di Punda .
 Na 1983, Selebrashon di 15 aña di AMAK ku Festival di Tumba mei
mei aña na Isla Verde i Festival Internashonal di kansion den Centro
Pro Arte. A organisá tambe un festival di bos i kansión pa muchanan
di skolnan básiko( E festival aki
aki a karga e nòmber di
Tumbosikan).
Produkson di un Lp. di e mihó kansionnan di e muchanan ku a
partisipá den e festival;Sr.Gomes tabatin 4 komposishon den
e produkshon aki;
 Na 1984, akuèrdo entre AMAK i Amucaba di Republika Dominikana
pa interkambio musikal i tambe e parti di edukashon musikal;
15
 Na 1985, Reglanan nobo pa festival di Tumba i repartishon di reseta
ku mas sumanan fiho;
 Na 1985 promé aña ku a kuminsa dediká Festival di Tumba na
personahenan di AMAK;
 Na 1985,Sr.Gomes a fungi komo ko-hefe di delegashon ku a bai
representá nos pais na OTI-Spaña .Melania a partisipá pa Kòrsou;

Institushon di Galardon Vitrola na 1985 pa premiá esnan ku a
destaká durante aña i honra nos baluartenan ku un pen di mérito. E
magno evento di Galardon Vitrola a tuma lugá te na aña 1991;
 Na 1986, 1987 i 1988 Curifest bou di direkshon di Feco Gomes a
organisá Festival Internashonal di Bos i Kansion na Centro Pro Arte;
 Entrega di regalu i guion di festival di tumba 1987 na su Mahestat
Reina Beatrix den tribuna di Honor 21.05;
16
 Na 1988 introdukshon di e distinshon baluarte pa personahenan ku a
sobresalí den músika;
 Di 1988 pa 1989 prepará i elaborá e proyekto Curacao Festival Center;
 11 di aprel 1990, reunion general ekstraordinario a bai di akuèrdo pa
partisipá ku un parti den e proyekto di Curaçao Festival Center;
 Na 1992,yuda organisá e proyekto Sabado Sensacional den Curacao
Festival Center;

17
Na 1992, Kambio di Statuto i Reglanan Doméstiko;
 Apertura di Curaçao Festival Center ku e promé festival di tumba den
un sitio permanente ku un infrastruktura adekuado riba 5,6,7 i 9 di
februari 1990;
 3 i 4 di ougùstes 1990 inisio di e promé Festival di Salsa ;
 Na 1990, Institushon di Premio Edgar Supriano pa músikonan ku
sobresalí durante e aña koriente;
 Promé festival di merengue 31 di mei i 1 di yüni 1991 den
Cur.Fest.Center.
 Promé festival di merengue 31 di mei i 1 di yüni 1991 den
Cur.Fest.Center.
 Na 1991,organisashon di e Manifestashon Kultural di Banko Maduro
ku partisipashon di músikonan lokal ku ta biba na tur parti di mundu;
 14 Mart 1991 akuèrdo di finansiamentu di Curaçao Festival Center;
Amak a bira miembro di e di komishon pa duna Gezaghebber
konseho riba eventonan internashonal na 1991;
 Na 1992,yuda organisá e proyekto Sabado Sensacional den Curacao
Festival Center;
 Proyekto pa edukashon musikal di músikonan aktivo: “Dat klinkt als
muziek in de oren” na 1991;
 Na 1992,yuda organisá e proyekto Sabado Sensacional den Curacao
Festival Center;
 Na 1992, Kambio di Statuto i Reglanan Doméstiko;
18
 Distinshon den òrden di Mérito José Reyes 1er grado na presidente
Manfred Gomes, otorgá pa presidente di Amucaba, prof.Amable
Boteyo 30 di mei 1992 den Cur.Fest.Center;
 Akuèrdo ku Buma Stemra na sèptèmber 1993 riba un kolaborashon
riba tereno di derecho di outor;
 Asamblea kultural riba “balor di músika” na ougùstes 1993 na
okashon di selebrashon 25 aña di Amak;
 Koordinadó di e biahe di Gibi i Explosivos pa Brazil huntu ku Andy
Corasol na 1993;
 Apertura di Edifisio pa Edukashon Musikal 23 di ougùstes 1993;
 1994: Koordinadó di e proyekto di grabashon di C.D. Internashonal di
Salsa di Boy Thodé i Canario, siguí pa presentashonnan na New
Yersey,Hulanda i Fransia;
 Dak pa steidj den Curaçao Festival Center na januari 1995;
 Organisá riba petishon di Glenn & Friends di Boneiru un show grandi
relashoná ku selebrashon di nan 4 lustro i ku partisipashon di Arnel i
orkesta ,Gibi i explosivos orkesta Super Jumbo i O.K. di Kòrsou.E
aktividat a tuma lugá 27 i 28 oktober 1995;
 Protokòl ku Corpus Misticum pa kolaborashon riba tereno di derecho di
outor na sèptèmber 1995;
 Na 1995 pa 1997 proyekto Edukashon Musikal pa músikonan aktivo
na Curaçao Festival Center.
 Na 1995, produkshon CD,” Despedida di Fraternan” ku diferente
komposishon di Feco Gomes;
19
 Presidente Amak, miembro di hurado di C.B.U. na oktober 1996 na
Barbados ku partisipashon di Kissy Getrouw;
 Institushon di dia di Baluarte riba e di 3 djadumingu di oktober na
1997;

Presidente Amak a dirigí i produsí e C.D. di Kòrsou 500 na
1999;(kompositor di e.o. e tema);
 Na 1995 pa 1997 proyekto Edukashon Musikal pa músikonan aktivo
na Curaçao Festival Center.
 Na 1995, produkshon CD,” Despedida di Fraternan” ku diferente
komposishon di Feco Gomes;
 Presidente Amak, miembro di hurado di C.B.U. na oktober 1996;

Di 1993 pa 1995, Presidente Amak komo koordinadö di proyekto
“Buska Talento Nobo”den diferente bario di Kòrsou,pa lokual ta trata e
parti musikal;
 Institushon di dia di Baluarte riba e di 3 djadumingu di oktober na
1997;
 Produkshon di e C.D. di Kòrsou 500 na 1999;
 Kondekorashon di La Reina pa presidente di Amak: Ridder in de orde
van Oranje Nassau na 2003;
20
 Na 2002 pa 2005, Transmishon di final di Festival diTumba pa
Hulanda i via e sistema “Pay Per View” 4 anochi di festival;
2003: Proyekto di Edukashon Musikal sin limitashon konsistiendo di e
siguiente partinan:
- Strukturá formashon musikal na Kòrsou pa mas
efisiensa i mihó resultado;
- Edukashon Musikal na músikonan aktivo;
- Formashon Musikal na hobennan den barionan marginá;
.
Kondekorashon di La Reina: Ridder in de orde van Oranje
Nassau na 2003;
 Na 2002 pa 2005, Transmishon di final di Festival diTumba pa
Hulanda i via e sistema “Pay Per View” 4 anochi di festival;
 Na 2005, Komienso di e proyekto di Formashon Musikal na 400
hobennan di menos rekurso den 10 bario den kua 15 músiko a haña
oportunidat pa duna lès, despues di a haña preparashon di Toro
Colina;
Entre tantu e proyekto a krese i 1100 hóben ta risibí lés di muzik serka
30 dosente.
 Akuèrdo ku Sonolab di República Dominicana 1 di mei 2006 riba
interkambio musikal entre Kòrsou i Sto.Domingo,i pa usa e merkado
aki komo un medio pa internashonalisá nos artistanan;
21
 Na 2008 Instituto pa Formashon musikal a lansa e proyekto Un Kanto
pa Kòrsou huntu Amak i Srvisio di Kultura ku a krese bira un evento
grandi en preparashon pa selebrashon di dia di Bandera,
 Formashon di 2 orkesta di Junior Allstar 30 di yanüari 2010, tokando
tur género di músika.
E hóbennan den apenas 6 luna , a toka un repertorio di 20 hit di tumba
di último 40 aña, lokual a kousa hopi atmirashon i emoshon di nos
músikonan adulto;
Despues e hóbennan a toka na diferente okashonnan ofisial, manera
Dia di Bandera, Un Kanto pa Korsou, dian di Bario ets.
 Na 2010, despues di hopi lucha Amak i Curacao Festival Center a logra
konstrui un steidj fiho i profeshonal den Curacao Festival Center.
 Desèmber 2010 e dos orkestanan di Junior All Star a duna tremendo
presentashon na Aruba.
 Akuèrdo ku gobièrnu di Aruba pa eleminá e disktrepansia ku tin ku
trato di nos músikonan na Aruba na desember 2011.
 Den 2012 Amak a yuda lanta Asosiashon di Músiko di Aruba, bou di
direkshon di Hildward Croes dfm.
 Na 2013 Amak a yuda lanta e Asosiashon di Músiko di St,Maarten
bou di presidensia di Migthy Dow.
 Na 2013 Amak a organisá diferente tayer, manera e.o. derechi di
outor i improvisashon relashoná ku 45 aña Amak;
 Na 2013 e orkesta di Junior All Star a toka na Valencia i St. Maarten,
kosechando hopi eksito.
22
 2015 direktiva di Amak ta trahando pa duna riba un proyekto di ley,pa
duna Amak mas bos den asuntu di atmishon di musikonan i artistanan
estranhero di Kòrsou ku koerashon di Minister hustisia.
23
2. AKTIVIDATNAN DI FESTIVAL DI TUMBA 2015
2.1. INSKRIPSHON
Ounke ku e temporada di e anja aki ta kortiku i festival di tumba ta tuma luga hopi
trempan,e espektativanan ta haltu, pa lokual ta trata e partispashon di nos
tumberonan.
45 anja ta kos di selebra, i esaki sigur lo inspira kompositornan pa krea un obra
musikal, ku ta kuadra ku e fecha memorabel aki.
Un dje promé aktividatnan despues di konferensha di prensa ta Inskripshon pa
Festival di Tumba ku e Aña aki ta tuma lugá djadumingu 18 di yaniwari di 2 or pa
6’or di atardi.
Dia di inskripshon a bira un aktividat ku ta hala hopi atenshon di públiko ya ku tur
hende ta warda pa mira ken ta bai partisipa, ku kua agrupashon musikal èts èts. Tur
hende ta den espektativa i loke ta hasi henter e dia di inskripshon hopi interesante
ta e spekulashonnan pa wak ken realmente ta den kontienda.
Inskripshon e aña aki atrobe ta parse di bira hopi interesante ku partisipashon di
algún artista hopi popular ku antes no a yega di forma parti di Festival di Tumba.
Esaki teniendo na kuenta e interes ku tin den medionan di publisidat ku turno a
stimula esaki. Direktiva ta kalkulá ku e kantidat di partisipantenan e aña aki sigura lo
oumentá.
Pa stimulá partisipashon e aña aki, Reunion General a bai di akuerdo ku e
proposishon di direktiva pa duna un aporte adishonal na e hoben ku no a klasifiká, i
ku a skor mas haltu, idune e oprtunidat pa presenta na komienso di e festival riba e
dia final.
E inskripshon ta kuminsá 2’or en punto ku un apertura ofisial ku lo ta na enkargo di
Minister di Kultura, siguí (den sekuensia) pa palabranan kòrtiku Presidente di Amak i
Minister di Kultura.
24
Manera tabata e kaso último añanan, Emerys Consulting i su crew profeshonal ta
sòru pa digitalisá inskripshon.
Aspektonan importante ku partisipantenan mester tene kuenta kuné ta konforme
nos reglanan:
 kada agrupashon musikal por kompañá maksimalmente 6 komposishon. Un
intérprete por kanta únikamente 1 komposishon. Kompositornan por inskribí
kuantu komposishon ku nan ke.
 Inskripshon por tuma lugá sea dor di e líder di banda, kompositor òf
interprete. Pero ta nesesario ku esun ku ta inskribí tin un komprobante ku ta
demostrá ku e ta outorisá pa inskribí.
Ta bon pa menshona ku reunión general a desaprobá sierto gruponan ku no ta tuma
inskripshon na serio. Esta nan ta inskribí sin NUNKA partisipá. E personal ku ta
enkargá ku inskripshon a haña instrukshon pa no aseptá inskripshon di sigur un
grupo ku último añanan a bin inskribí, sin NUNKA a partisipá. Tipo di akshonnan aki
ta trese desbalanse den organisashon i programashon.
Entre 2’or pa 6’or radio emisoranan i representantenan di media skibí i televishon,
por entrevistá partisipantenan. Ta bon pa nos bisa ku ta importante pa no warda te
na último momento pa inskribí, pa motibu ku e ora ei no ta sigur ku bo ta haña
espasio di publisidat serka medionan, komo kiera ku ta un eskoho e medionan
mester hasi na e momenmtu ei di esnan ku nan ke entrevistá.
Si ta nesesario pa 4’or di atardi direktiva ta tene un mini konferensha pa asina duna
e último detayenan.
Pa 6’or di atardi, Promé Minister di Kòrsou ta anunsiá siere di inskripshon. Despues
un grupo musikal ta entretené esnan presente. 7’or djanochi ta anunsiá tur esnan ku
a inskribí i digitalmente ta saka e fecha ku nan ta presentá i number kuantu riba e
anochi ei.
Pa loke ta e sekuensia dje diferente komposishonnan, por entregá nan dia di
entrega di letra si no por anununsiá esaki durante e anochinan preliminar después di
e mini konferensha 7’or di anochi.
25
Konforme desishon di Reunion General, e tres gruponan musikal popular ta aktua
riba e diferente dianan preliminar komo último grupo musikal. E agrupashon ku a
kompañá Rei di Tumba 2015, ta aktua riba e di tres (3)dia preliminar komo último
grupo musikal i ta entretené públiko te ora e hurado ta kla i bini ku e resultado pa
hasi anunsio di e 30 finalistanan.
Grupo di hóben “Prime” lo toka un sèt despues ku kaba ku e sorteo di órden di
presentashon riba e dianan preliminar.
E dia di inskripshon lo terminá pa 9’or anochi.
2.2. ENTREGA DI LETRA
Por entregá letra for di dia di inskripshon. Pero esnan ku ta deseá esei por entregá
letra te ku djaweps 22 di yanüari 2015, 8’or di anochi na Curaçao Festival Center.
Ta bon pa remarká ku e letranan mester ta:
1.
Riba CD òf “memory stick”, na ofisina di Curaçao Festival Center.
2.
Via e-mail festivalditumbadikorosu@gmail.com
Si ta nesesario 8’or djanochi direktiva di AMAK ta tene un konferensha di prensa, pa
splika e último detayenan.
Ta publiká e listanan ofisial djasabra 24 di yanuari 2015 den medionan di
komunikashon. Konforme regla 3.2, ta saka e anochi aki e órden di aparishon dje
kantantenan.
2.3. SOUND CHEK
Manera ya ta kustumber, último añanan ta hasi chekeo di tantu e efektonan di lus
komo zonido un (1) djadumingu 25 di yanüari .
26
2.4.DIANAN PRELIMINAR
Djaluna 26 di yanüari 2015:
promé anochi di Festival di Tumba
Djamars 27 di yanüari 2015:
di dos anochi di Festival di Tumba
Djarason 28 di yanüari 2015:
di tres anochi di Festival di Tumba
Tur anochi 7’or ta tene un enkuentro ku prensa den Sala Anselmus Boy Dap, pa
asina duna publisidat dje último detayenan.
Ta importante pa tur agrupashon musikal delegá maske ta un representante di su
agrupashon, ounke ta transmití e konferensha via radio. Despues di tende e último
detayenan eventualmente por hasi pregunta. Ta importante tambe pa den kaso ku
un òf mas intérprete kai afó, e delegado menshoná esaki mesora na Sekretario pa
asina hurado tambe haña sa i tene kuenta ku esaki.
E programa mes ta kuminsá 8’or en punto ku himno nashonal.
Si e kantidat di tumba repartí riba e dianan preliminar ta ménos ku 25, e
agrupashonnan musikal por hasi un wòrm òp.
E promé agrupashon musikal, konforme regla, semper mester toka un piesa pa hasi
e ahustenan final di meksen (mixing).
Na final di e di tres (3) anochi preliminar (djarason 28 di yanüari 2015), na momentu
ku hurado retirá, tin músika di ERA Outéntiko pa warda riba desishon di hurado.
Direktiva di AMAK a hasi un apelashon riba Kuerpo Ehekutivo di Hurado i esnan
enkargá ku prosesamentu di e datonan, pa entregá e resultado pa mas tardá denter
di 20 minüt. Ta bon pa remarka tambe, ku si ta nesesario, pa programashon, riba e
promé anochi por tin presentashon di un grupo di show.
2.5.BISPU GRAN FINAL
Djaweps 29 di yanüari 2015, direktiva di AMAK den koperashon ku e Branding
Partnernan, ta tene su di konferensha di prensa 6:30 di atardi ku transmishon dirèkt
di tantu televishon komo radionan lokal. Durante e konferensha di prensa aki ta
27
presentá e mantel i korona pa ganadó di Tumba 2015 i tambe ta saka òrden di
aparishon di agrupashonnan musikal pa e dia final.
E gruponan musikal ku tin nan òrden di presentashon di nan intérpretenan por
anunsiá esaki mesora. Esnan ku no por hasi esaki, tin oportunidat pa hasié durante e
mini konferensha di prensa djabièrnè, 30 di yanüari 2015 pa 7’or di anochi.
NO TA PERMITÍ pa duna sekuensia:
Ni via telefòn, ni via personanan ku NO ta outorisá. Esaki aki a kousa hopi konfushon
i malkontentu ku n’e den pasado ora algu no a bai bon. Tuma bon nota ku NO TA
PERMITÍ kambio di sekuensia. Ta sanshoná esnan ku violá e regla aki konforme
Artíkulo 3.4 di nos Reglamentu.
2.6.GRAN FINAL FESTIVAL DI TUMBA 2015
Djabièrnè 30 di yanüari 2015, 7’or di anochi ta tene un mini konferensha di prensa
den Sala Anselmus Boy Dap. Aki ta duna último detayenan di e gran anochi aki i tin
oportunidat pa representantenan di agrupashonnan musikal, ku ainda no a hasi
anunsio di nan sekuensia, hasi esaki. E promé agrupashon musikal mester ta kla pa
toka wòrmòp 19:45 (kuartu pa 8). NO TA DESVIÁ di esaki!
Ta pèrmití pa e demas agrupashonnan musikal toka un wòrmòp kòrtiku di 2 minüt.
Durante e anochi final tin transmishon pa Ulanda, St. Maarten, Internèt, Live
Streaming i Pay Per View.
8’or en punto maestro di seremonia (MC) ta anunsiá interpretashon di himno di
Kòrsou. Despues di esei Presidente di AMAK ta hiba palabra.
Direktamente despues, MC ta anunsiá e promé TUMBA pa despues e programa ta
sigui ku presentashon di tur e finalistanan.
Despues di presentashon di e último tumba partisipante ta tuma lugá e parti di
seremonia ku Minister di Kultura, Presidente di AMAK i esun na kende AMAK a
dediká Festival di Tumba 2015.
Despues di e homenahe, Ike Jesurun, Rei di Tumba 2014 ta sera su periodo komo Rei
di Tumba (2014), i ta despedí kantando su tumba “Den e hanchi ei, den e kaya ei, tei
28
mi ta bai”. Entre tantu resultado final mester ta aden pa asina pasa pa entrega di
premio.
Maestro di seremonia ta invitá Presidente di Hurado, Presidente di AMAK, Promé
Minister di Kòrsou i Minister di Kultura, pa bin riba tarima pa entrega di premio. Ta
anunsiá e 12 finalistanan ku ta bai riba CD.
Esaki no ta den órden di puntuashon. Despues ta anunsiá e 10 finalistanan ku
mayor puntuashon.
Ta anunsiá premio pa:
1.
Mihó Areglo
2.
Tumba Chistoso
3.
Premio Bèti Doran i
4.
Tumba Original
Dje 10 finalistanan aki ta anunsiá e sinkunan (5) ku mayor puntuashon. Djei ta pasa
pa e sekuensia di 5, 4,3,2,1. Ta entregá solamente trofeo di Gobièrnu di Kòrsou i di
AMAK na e Rei/Reina di Tumba.
E otro finalistanan ta risibí nan trofeo i premio djamars 3 di febrüari 2015.
Despues di koronashon di Rei/Reina di Tumba e ganadó ta bolbe kanta su tumba
(ganadó), pa djei asistí na su promé konferensha di prensa den “Den Klave “.
29
2.7. FESTIVAL DI TUMBA HUBENIL
2.7.1.Organisashon di Tumba hubenil 2015.
Pa resumí, e festival di tumba hubenil 2015 ta òrganisá pa Meo i asisti pa
Instituto pa Formashon Musikal (IpFM) pa e parti musikal i Fundashon
Seru Bientu pa e parti di trabounan logístiko.
En general por bisa ku Instituto pa Formashona Musikal ta enkargá ku tur
lokual ta trata músika , manera e.o. ehersé trabounan relashoná ku
inskripshon, preparashon di e hóbennan di Junior All Star orchestra,
koordiná ensayo, komposishonnan i aréglonan, preparashon di
koristanan, partisipantenan , I traha instrukshon I reglanan pa hurado.
Fundashon Seru Bientu ta perkurá pa komuniká ku mayornan, tira bista
na e hóbennan ora nan bin lès di preparashon,, atendé ku konsumo pa e
hóbennan, promoshon di e festival na skolnan, atendé asuntu di unifòrm I
yuda koordiná durante ensayonan general.
Konhuntamente e dos organisashonnan ta traha riba informashon pa
prensa, i ta presentá un programa pa e festival na Fundashon Meo.
2.7.2.Fecha i programashon di e festival I Karchi di entrada
E festival di tumba hubenil ta tuma lugá dia 1 di febrüari 2015 den
Curacao Festival Center, riba e tarima grandi ku mesun dekòr ku e
festival di tumba grandi.
E aktividat ta kuminsá 1’or di mérdia ku un “show time” i siguí pa
presentashon di e 14 partisipantenan.
30
Lo tin un “break” kòrtiku pa hurado haña espasio di tempu pa saka e 7
finalistanan.
Promé ku anunsiá esnan ku a kai den premio, lo toka e tumba ganador
di 2014, kompañá pa Junior All Star Orchestra.
Despues ku e rei o reinan di tumba bira konosí, lo toka e número
ganadó un bia mas , I despues lo sigui un “showtime” ku Gio Fuèrtisimo
i Nasty Play for di Hulanda .
Lo trata di hanja tambe e rei of reina di di Tumba grandi pa trese su
tumba.
Prèis di karchi general pa mucha te ku 14 aña ta fls 10, I adulto fls 15,-.
Red Carpet ta kosta fls 25,Djaduming 18 di yanuari, dia di inskripshon, entre 14.00 pa 17.00 lo tin
un gemek special.
Pa kompra di 10 karchi general o Red Carpet, bo ta risibí 2 karchi èkstra.
2.7.3.Puntonan di atenshon ku durante e preparashon a keda
tratá ta:
 Preparashon di e parti téknika di kanto i bon uso di mikrofon i
preparashon músikal general;
 Preparashon pa aktuashon riba steidj;
 Ehersisionan pa mehorá entonashon i oido;
 Ehersisionan pa kanta den kompas i fortifiká sentimentu pa
ritmonan sinkopá;
 Preparashon mental pa eliminá “podium vrees”, (temor pa tarima);
 Partisipashon na aktividatnan sosial;
31
E preparashon musikal di e dos orkestnan di Junior All Star ta na enkargo
di Gedion Chandler, ku sostén di Toro Colina, mientras ku e parti di
kordinashon musikal ta na enkargo di Feko Gomes.
Semanalmente durante 3 seshon di training, e hóbennan di Junior All Star
Orchestra ta haña instrukshon musikal di e areglonan di tur e
komposishonnan partisipante..
E keyboardnan por ehèmpel, ta toka tur e partinan musikal ku e brass ta
toka. ku tur e datayesnan konserní.
Na e momentonan aki ya e orkestanan di Junior All Star a ensayá 9
númeronan di e kompositornan , ku a entregá na komposishon na tempu,
manera e komishon a stipulá.
A kuminsa ku sehonnan di grabashon di tur e piesanan ku ta kla, I asina ei
e intèrprete, ta haña e material pa train na kas, mas tantu posibel.
Den yanüari 2015 e sekshon di brass ta bin aserka pa asina kompletá e
orkesto.
E trayekto aki ta unu hopi efisiente, I ta pa evitá kun a ultimo ora mester
ensayá un pies ate den moranan lat di anochi.
Fundashon Seru Bientu ta perkurá pa e parti di komunikashon ku
mayornan, I tambe supervishon di e hóbennan na momento ku nan
asistí na e lèsnan di preparashon.
E kombinashon di esfuerso di Fundashon Seru Bientu I Instituto pa
Formashon Musikal, ta un garantia pa logra un festival di Tumba hubenil
2015 eksitoso.
32
2.8. ENTREGA DI PREMIO
Djamars 3 di februari 2015 tin entrega premio. Riba petishon di miembronan i
prensa, e aña aki esaki lo tuma lugá na un otro sitio. Probablemente serka un di e
branding partnernan. Manera semper tin aparte di trofeo tambe premionan
atraktivo disponibel di parti di Wimco. Lo tin premio tambe di UTS. Ta bon
menshoná ku ta solamente nr. 1 te nr. 10 ta risibí premio. Nr. 11 i 12 ta bini riba CD.
PREMIONAN PABISHITANTENAN DI FESTIVAL DI TUMBNA 2015
Komo un forma di gratitu komo sosten durante 45 aña bishitando Festival di Tumba,
direktiva di AMAK lo bai aserka diferente kompanianan komersial pa pone
premionan disponibel durante tur anochi di e festival.
Un kondishon masha importante ta ku na momentu ku anunsia e premio ganador,
esnan konserni mester ta presente den Curacao Festival Center. Despues di 15
minut ku a anunsia e premio ganadornan, esnan konserni no bin reklama nan
premio, lo saka otro ganadornan.
33
2.9. RESUMEN DI FECHANAN IMPORTANTE
Konferensha di prensa
8 di yanüari 2015
Dia di Inskripshon Tumba 2015
18 di yanüari 2015
Entrega di letra Tumba 2015
22 di yanüari 2015
Sound Test Tumba 2015
25 di yanuari 2015
Promé Anochi Preliminar Tumba 2015
 Mini Konferensha di prensa 7 or
26 di yanuari 2015
Di dos anochi Preliminar Tumba 2015
 Mini Konferensha di prensa 7 or
27 di yanuari 2015
Di tres anochi Preliminar Tumba 2015
 Mini Konferensha di prensa 7 or
28 di yanuari 2015
Di dos konferensha di prensa
29 di yanuari 2015
Anochi final Tumba 2015
 Mini Konferensha di prensa 7 or
30 di yanuari 2015
Konferensha di prensa ku Rei di Tumba 2014
34

Festival Tumba Hubenil

Entrega di premio
31 di yanuari 2015
1 di februari 2015
3 di februari 2015
3. PUNTONAN DI ATENSHON
Publikashon di Obra promé ku festival
Durante último reunion general a diskutí ampliamente tokante publikashon di e
obra promé ku festival i a yega na e konklushon ku ta difísil pa sera porta kompletu
debí na desaroyonan teknológiko mundial. Pero reunion general a pidi pa hasi tur
loke ta posibel pa mantené un di e prinsipionan mas importante den un festival di
kansion. Esta ku e obra musikal mester ta un obra ineditá.
Komo kiera ku festival di Tumba ta un Festival di kansion, un dje reglanan básiko ta
ku no por publiká e komposishon partisipante promé ku e dianan di festival. Aña
pasá ta tin kaso kaminda por a nota ku ta tin algun komposishon ku a keda publiká
via di youtube. Esaki ta estriktamente prohibí. I manera ta pará den e reglanan, si
esaki tuma lugá ta sanshoná e komposishon en kuestion.
Ta bon tambe pa menshoná ku no ta posibel pa e agrupashon musikal en kuestion,
invitá hende bin wak ensayo. Si esaki sosodé tòg, riba propio inisiativa di e
fanatikonan, no ta problema.
Logo di Festival di Tumba 2015
Uso di e Logo di Festival di Tumba 2015 ta un derecho eksklusivo di AMAK, Branding
Partnernan i esnan outorisá di Festival di Tumba. Ta estriktamente prohibí pa kualke
hende òf instansia usa e logo aki. I sigur no pa finnan komersial. Si esaki sosodé tòg,
lo e tin konsekuensia hurídiko pa esun òf esnan ku a faya ku esaki.
Unifòrm di Banda
E branding partnernan pa Festival di Tumba 2015 ta duna un aporte finansiero hopi
importante pa su realisashon. E aporte finansiero aki ta duna nan derechi eksklusivo
riba tarima durante e dianan preliminar i final di Festival di Tumba 2015.
Ta bon tene kuenta ku manera reglanan ta preskribí no ta permití unifòrmnan
tampoko ku riba dje NIUN logo komersial ku no ta di e branding partnernan. I
sigur no di NINGUN kompetensia di e branding partnernan aki.
35
E aporte finansiero di branding partnernan, ta na benefisio di tur partisipante na
Festival di Tumba 2015. I ta bon tene na kuenta ku UTS (televishon) lo no saka
imágen kompletu di esnan ku violá e palabrashonnan aki.
PROMOSHON ILEGAL DURANTE DIANAN DI TUMBA
Ta konosí ku Festival di Tumba ta un evento hopi kostoso. Poseí pa evitá ku kada
biaha tin oumentonan di gastu ku konsekuentemente ta kondusí na un oumento di
preis di karchi di entrada, direktiva di AMAK a opta pa buska otro alternativanan pa
generá entrada. Den e kaso aki nos ta referí na transmishon di televisá Pay Per View
(PPV), i Branding Partnership.
Esnan ku ta konfirmá nan partisipashon na Festival di Tumba, ta hasi esei pagando
un suma haltu pa “Brand” nan produkto. Esaki ta nifiká ku e produktonan aki tin un
margen amplio di eksklusividat.
Ta bon menshoná mesora tambe ku entradanan generá for di e forma di promoshon
aki, ta na benefisio di TUR músiko partisipante.
E entradanan aki ta un parti esensial den e totalidat di entradanan di Festival di
Tumba. I ta lógiko ku komo organisadó mester garantisá esnan ku ta partisipá komo
Branding Partner sierto bentahanan.
Ta bon pa nos bolbe menshoná ku p.e. no ta permití unifòrm di bandanan riba stage,
ku tin propaganda riba dje. Solamente e Branding partnernan ta permití pa distribuí
material di propaganda o regalito durante dianan di Festival di Tumba, den CFC.
Ta fásil pa un kompania ku no ta invertí komo Branding Partnernan, hasi promoshon
ilegal durante nos máksimo evento kultural musikal.
Direktiva di AMAK lo aktua severamente kontra tur esnan ku hasi promoshon òf
trata di hasi promoshon via aktonan ilegal, pa asina haña promoshon ku no a paga
pe!
36
CD
Konforme kombenio ku UTS, AMAK lo risibí un master di e DVD ku tur e 30
finalistanan pa dokumentashon. AMAK riba propio gastu lo produsí un DVD pa kada
agrupashon musikal finalista. Direktamente despues di Festival di Tumba 2015 ta
produsí un CD ku e 12 finalistanan.
37
4. ASPEKTONAN LOGÍSTIKO
4.1 INFRASTRUKTURA
Meskos ku tur aña, Direktiva di AMAK den kolaborashon ku CFC lo hasi su maksimo
esfuerso pa pone e fasilidatnan den un kondishon optimal. Nos ta referi aki na luga
di stashona outo, tualetnan, limpiesa paden i pafó di CFC i tambe pa duna un chekeo
optimal na e parti elektriko.
4.2 SEKSHONNAN DURANTE FESTIVAL DI TUMBA
E sekshonnan ku tin durante Festival di Tumba 2015 ta lo siguiente:
 Kara pa steich, nos ta haña te dilanti: Sekshon Red Carpet
 Na e parti nòrt, man robes di Red Carpet: Sekshon Diamond
 Parti zùit di Red Carpet sekshon di invitado
Patras di tur e tres Sekshonnan aki: Sekshon General
Pa loke ta e sekshon di Red Carpet, manera ya ta tradishon, e bishitantenan ta risibí
un bibida grátis.
Esnan ku kumpra karchi Diamond, e promé tres dianan por hasi uso di tur sekshon.
Djabièrnè tin espasio separá, pa esnan ku a kumpra karchi di Diamond, ku servisio di
bebida i kuminda.
.
4. 3 PREIS DI ENTRADA
AMAK a mantené e preisnan mas abou posibel, ounke gastunan a subi ku 20%. E
efekto di e oumento di OB tambe ta influensiá oumento di gastunan pa tur
trabounan i servisionan ku ta tuma lugá durante festival di Tumba. Sinembargo ku
koperashon di Branding Partrnernan i Spònsernan, a logra mantené e preisnan
manera aña pasa:
1.
38
pa sekshon general e preis ta Naf. 80,-- (ink OB) i
2.
pa Red Carpet e preis ta Naf.335,-- pa tur kuater anochi.
3.
Prime Naf. 500,-- ( inkl O.B.)
Ta bon menshoná ku NO ta bende karchi separá/lòs. Djasabra awor lo tin un
gimmick speshal mas pa karchi General, na rason di 65 florin i Red Carpet na rason
di 300 florin. Kòrda ku e kantidat di karchinan ta hopi limitá. Aki tambe ta konta “op
is op”. Ta bon pa menshoná tambe e posibilidat pa esnan ku kumpra karchi di Red
Carpet i ku djabièrnè disidí ku nan ke bai den Diamond, nan por kumpra un up
grading pa 235 florin.
Karchinan ta optenibel na: Pòmp Station Jansen na Sta. Maria, Beep Beep Rio
Canario, 24 uur uit de muur, G.L. Jewelry, Samson Saliña, i na Curaçao Festival
Center
Benta di karchi ta kuminsá 15 di di yanüari 2014. Ta bon tambe pa menshoná ku NO
TA AKSEPTA CHEK. NIUN SORTO!
AMAK ta hopi gradesido ku Dewar’s White Label i Licores Maduro un biaha mas a
spònser tur e karchinan di entrada i ku e biaha aki atrobe nan ta diseñá na un
manera hopi kolorido. Ademas nan tin sierto efektonan pa asina evitá falsifikashon.
4.4 TUALÈT
Den sekshon general i den sekshon di Red Carpet, lo hasi revishon kompletu di tur
tualèt. Banda di e tualètnan eksistente, lo tin tambe pòrtapòti di Selikor.
Un súplika for di awor na nos públiko, pa no benta kos grandi den e pòchinan, pa
evitá ku nan ta fèrstòp i mester saka nan for di uzo.
4.5 LUGÁ DI PARKER
Manera tradishon, Robuco ta sòru pa lugá pa stashoná tantu na parti ost komo na
parti wèst di Curaçao Festival Center. Parti west ta reservá pa Platinum Parking. Pa
39
yuda kubri e gastunan ta kobra un montante chikitu pa parker den e sekshonnan aki.
Ademas di e lugánan di parker aki, tin esnan privá na diferente sitio den serkania di
CFC. Den e lugánan di parker di CFC un hende por ta sigur ku su outo ta bon kuidá.
4.6 SEGURIDAT
Durante Festival di Tumba seguridat ta un aspekto masha importante. Tantu paden
komo pafó di Curaçao Festival Center. Tur aña di nobo direktiva ta evaluá
funshonamentu di e kuerpo di seguridat, pa asina oumentá efisiensia di e kuerpo
aki. E gastunan enbolbí a subi enormemente. Pero komo ku Festival di Tumba ta un
festival di kompetensia, kaminda e emoshonnan por ta mas haltu, mester tin un
kuerpo ku ta funshoná di manera optimal. E echo ku tin diferente sekshon ta pone
ku e kuerpo di seguridat mester sòru pa den tur sekshonnan garantisá seguridat.
Lo tin kòntròl severo na entradanan di Curaçao Festival Center. Pero tambe den e
diferente sekshonnan. Banda di e kuerpo di seguridat direktiva di AMAK semper ta
konta ku gran koperashon di Polis, SKS i VKC. Lo no tolerá ningun persona ku no ta
atendé nan mes na reglanan di bon komportashon i tambe na reglanan di
organisashon.
Lo tin vigilansia tambe riba e lugánan di parker ku ta kai bou di Curaçao Festival
Center. Pa hasi uso di e lugánan aki ta kobra solamente f 7,50. Lo tin vigilansha
henter anochi pa asina garantisá ku anti sosialnan lo por hasi daño na bo vehíkulo.
Banda di e lugánan di parker di Festival Center tin esnan privá tambe ku por hasi uzo
di dje. Si ta bon pa atvertí tur esnan ku ta bishitá festival di Tumba pa no parker nan
outo na lugánan alehá di Festival Center kaminda no tin vigilansia.
Ta bon tambe pa no laga kosnan di balor manera kámara, lèptòp, selular, pa asina
evitá ku eseinan ta duna antisosialnan motibu pa nan destruí bo vehíkulo i bai ku bo
pertinensianan.
Tur reglanan di Curaçao Festival Center ta keda vigente. I na tur entrada ta
kontrolá si esnan ku ta bishitá e festival no tin arma òf artefaktonan ku por uza
komo arma. Ta bon pa tambe pa tene kuenta ku no ta permití pa drenta ku NIUN
sorto di bibida ni tampoko otro tipo di konsumo den CFC. Esaki ta konta tambe pa
40
tur esnan ku ta operá un stènt di konsumo i pa medionan di komunikashon (prensa
etc.). Lo bai tin un areglo spesial pa tantu prensa i esnan ku ta operá tènt di
konsumo propio.
4.7 KONSUMO
Konsumo durante Festival di Tumba 2015 tambe, ta algu masha importante. AMAK
ta konsiente ku ta trata aki di un festival, un evento, kaminda e bishitantenan ta
pasa vários ora pa dibertí. Ta p’esei tur esnan ku bishitá Festival di Tumba, den kua
sekshon ku nan ta, mester por gosa di servisio optimal tantu pa loke ta trata bibida
komo kuminda.
Pa loke ta sekshon general, lo tin tres bar grandi parti sùit, wèst i nòrt. Lo tin dos
(2)kushina grandi i lo tin ocho (8) pa dies (10) tènt di kuminda. Lo trata pa e tèntnan
aki ofresé konsumo mas variá posibel. Lo mantené preisnan pa bebida i kuminda
mas abou posibel, ya asina e bishitantenan por disfrutá di kuminda i bebida na
preisnan faborabel.
Direktiva di AMAK a papia kaba ku operadónan di stènt di konsumo i bibida, pa e
servisio ta mas optimal posibel. Esta ku mester tin sufisiente espasio pa por kumpra
bibida i takia pa kumpra ficho.
4.8 KARNÈT/BÈDJ PA KOLABORADÓNAN I INSTANSIANAN
Pa fasilitá trabou atministrativo ku ta hopi intensivo durante dianan promé ku
Festival di Tumba, direktiva a introdusí un sistema nobo di karnèt. Ta trata aki di un
karnèt ku por kontrolá di forma elektróniko. Ta kuminsá atendé ku bèdj entrante 19
di yanuari 2015.
Por reaktivá karnètnan nobo aki tur aña ora ku e miembro paga su kontribushon.
Ku e karnèt aki e miembro por pasa solamente na e entrada pa músikonan parti ost
di CFC.
Ta importante pa miembronan individual o dirigentenan di banda no warda te na
último ora pa atendé asuntu di nan karnèt. Tur miembro ku paga su kontribushon
anual, ku pa hopi aña a keda meskos, por laga aktivá su karnèt korespondiente.
41
Miembronan temporal mester ta riba lista di un agrupashon musikal pa asina ei
nan por keda re-aktivá pa 2015. Un persona ku no ta miembro i ku su nòmber no ta
aparesé riba lista di un agrupashon musikal, ku ta bai partisipá, no ta bini na
remarke pa un karnèt di partisipante.
Manera ta pará den statuto, miembronan temporal òf otro músikonan por apliká pa
miembresia te ku 30 di dezèmber, promé ku Festival di Tumba òf despues di Festival
di Tumba di e aña en kuestion. Direktiva ta supliká tur miembro i dirigente di
gruponan musikal pa akudí na Curaçao Festival Center te ku 25 di yanüari 2015 pa
atendé nan rekisitonan.
Ta bon pa menshoná aki tambe ku tur hende ku tin karnèt i ku trata di falsifik'é ta
haña sanshon i AMAK por suspendé nan durante dos òf mas aña.
Konsekuentemente e no por pa partisipá na festival di tumba durante e periodo ei.
Ademas AMAK por kita e karnèt for di dje. No mester lubidá ku e karnèt ta
propiedat di AMAK. Durante e periodo di sanshon AMAK ta sak'é for di e sistema di
registrashon di manera ku ora swaip e tarheta e sistema NO TA REKONOSÉ.
E aña aki lo bai redusí e kantidat di karnètnan pa kolaboradornan i kompanianan.
Lo limitá tambe esnan ku tin akseso pa drenta e sekshon di Red Carpet.
Lo tin kòntròl severo di parti di e kuerpo di seguradidat.
4.9 ASPEKTONAN TÉKNIKO
4.9.1.Zonido
Durante reunion general miembronan a ekspresá nan deseo pa haña un kalidat di
zonido mas haltu, dor di optimalisá esaki. E zonido ku ta keda produsí ta bon i limpi,
pero e partisipantenan ke sinti mas efekto ku ta keda produsí pa nan agrupashon
musikal den e produkshon final. Ta trata aki di aspektonan rítmiko i tambe di
harmonia, di bos i di instrumentonan di bientu.
Reunion General manera tur aña a instituí un komishon di zonido ku ta bai atendé e
asuntu aki ku esnan envolví.
42
Di parti di direktiva nos ta hasi un apelashon riba e músikonan pa no kambia sierto
ahustenan riba e diferente instrumèntnan (amplfikadornan). Esaki tambe ta
okashoná sierto konfushonnan pa esnan ku ta responsabel pa meksmentu di
zonido.
Un punto importante tambe ta pa nos agrupashonnan musikal, entregá un steidj
plèn (plan di tarima), pa asina ei esnan responsabel pa zonido por tene kuenta ku e
kantidat di instrumentonan ku bo ta bai uza.
Semper e tékniko musikal di kada agrupashon, por para banda di e ingeniero di
zonido prinsipal, pa asina duna sierto sugerensianan pa e meksmentu.
Un punto masha importante tambe, pa loke ta trata zonido, ta ku hopi adelantá ta
kuminsá instalá e ekiponan di zonido den Curaçao Festival Center i tur aña un dia
promé ku Festival di Tumba, ta hasi un sount chèk pa hasi e ahustenan final.
Ta bon menshoná aki nan tambe ku Direktiva di AMAK tin un komishon di zonido ku
ta konsistí di Jean Carlo Hernandez, Aldrin Cornelia, Renard Hurtado i Gregory
Colina. Nan tin outoridat pa komuniká ku maneho di Massive Sound.
E kuerpo profeshonal di zonido bou di direkshon di e ingeniero di zonido prinsipal a
hasi un bon trabou i nos ta sigur ku pa festival di tumba 2015 esaki lo ta meskos òf
asta mihó.
4.9.2.Transmishon
Transmishon di Festival Di Tumba ta eksistí for di kuminsamentu di añanan 70. Si
ántes tabata un òf dos emisora tabata transmití Festival di Tumba, awendia tin sigur
seis pa shete emisora ku ta interesá pa transmití tantu e preliminarnan komo e
anochi final.
Pa loke ta trata Tele Curaçao, AMAK tin un akuerdo ku UTS, kaminda Tele Curaçao
por transmití solamente e fecha final despues di wega di number Kòrsou.
Negoshinan ku ke hasi uso di e señalnan aki mester paga un tarifa spesial i ta bon pa
menshoná ku lo tin inspekshon i ta sanshoná tur esnan ku komersialisá e
transmishon sin outorisashon. E pakete ku TDS ta ofresé ta kosta Naf. 125,-- pa 4
43
dia, ku transmishon bibu i ripitishon durante di dia. Ta bon pa menshoná ku e
kantidat di abonadonan ku a apliká pa PPV gradualmente ta subi tur aña i e
espektativa ta ku esaki e aña aki tambe ta e kaso.
TRANSMISHON LIVE STREAMING PA MUNDU
.4.10. PROMOSHON
Festival di Tumba atraves di aña a bira un aktividat hopi popular i kerí den pueblo. E
festival aki ta e úniko festival na Kòrsou ku ta konsistí di mas ku 300 artista ku ta
kompetí ku otro.
Ta poko ta e lugánan na mundu ku tin un tipo di aktividat asina aki. Pues tur esnan
ku di un forma òf otro ta envolví ku e Festival aki mester aportá pa e evento aki por
mantené su mes na bida i sigui krese. E éksito di e evento aki pa gran parti a bira un
realidat, danki na e nivel di nos músika ku a sigui progresá, pero tambe pa e
promoshon i atenshon ku e evento aki tin.
Den e parti di promoshon lokal nos tin ku bisa ku enbèrdat tur e programanan na
radio, televishon i den medionan skibi, ta yuda konsientisá i lanta e interes di
pueblo den su totalidat. Naturalmente un evento popular i ku ta hala tantu
atenshon ta lanta interes tambe serka komersio.
Den e kaso aki no ta tur esnan den komersio ku ta hasi uso di e evento pa propagá
nan produkto ta aportá na e festival, pero si ta hasi uso di promoshon ilegal di
festival di Tumba. AMAK lo kontrolá tur promoshon ilegal durante Festival di Tumba.
I ta bon pa mesora menshoná ku programanan na emisoranan di radio i na
televishon, kaminda ta bolbe trese tumbanan hit di pasado pa un i tur por disfrutá di
dje, ta yuda stimulá e interes pa e Festival.
Direktiva di AMAK ta hopi agradesido pa e trabou tremendo ku prensa ta hasi den
parti di promoshon.
Ta bon pa menshoná aki nan ku den akuerdonan ku radio emisoranan, AMAK ta
palabrá un kantidat di spòt na kada radio ku ta transmití pa promové e aktividat.
44
4.11. PROMO INTERNASHONAL
Pa loke ta trata promoshon internashonal, AMAK ta kontentu ku koperashon
Ofisina di Turismo (CTB) ku ta promové nos Festival na diferente isla i paisnan den
Karibe, i Latino Amérika.
Di parti di AMAK tambe tur aña di nobo nos ta organisá un konferensha di prensa na
Aruba.
Insel Air ta e liña áreo ofisial di Festival Di Tumba 2015.
45
5. PARTNERNAN FESTIVAL DI TUMBA 2015
46
47
48
49
50
51
52
FESTIVAL DI TUMBA 2015
tambe ta riba BO TDS
53
6. OTRO PATROSINADONAN KU A KOPERA
1.
2.
Dewar’s White Label
Wimco
3.
Selikor
4.
General Catering Services
5.
Coca Cola
6.
Funmiles
7.
D.O.W.
8.
EMERY Consulting
9.
Multi Post
10. Basco NV
Danki tambe na:
1.
Medionan di Komunikashon
2.
Top Flowers
3.
Tur nos músikonan partisipante
54
Pueblo di
Kòrsou
______________________________________________________________________________
Tur kos ku tin di haber ku Festival di Tumba 2015, por manda esaki via di e e-mail adrès
festivalditumbadikorosu@gmail.com
Direktiva di AMAK despues di a negoshá ku Insel Air a yega na un akuerdo ku
durante kada anochi di Festival di Tumba nan ta rifa tres (3) pasashi pa e públiko ku
drenta e Festival Center.
Personal di kabina di Insel Air lo duna tur hende un voucher ku number riba dje i nan
tin chèns di bira ganadó di un pasashi pa un dje destinashonnan di e kompania
aéreo nashonal di Kòrsou.
55
7. LISTA DI REI/REINA DI TUMBA
1971 – 20 14
Aña:
Komposishon:
1971
Bash’é
Boy Dap
Boy Dap
Estrellas del Caribe
Roxy
1972
Den Karnaval
Erwin Kastaneer
Erwin Kastaneer
Sup. Combo Kastaneer
Roxy
1973
Dal’é Kos
Boy Dap
Boy Dap
Estrellas del Caribe
Roxy
1974
Mand’é
Boy Dap
Boy Dap
Estrellas del Caribe
Roxy
1975
Bin bo bula aden
Mr. Saab
Rignald Recordino
Super Special Combo
Roxy
1976
Hak’é
Edwin Thomas+
Edwin Thomasa+
Estrellas del Caribe
Roxy
1977
Antifas di buriku
Rene Samson
Rene Samson
Los Locos Samson
Industriehal
1978
1,2,3, Fásil
Mr. Saab
Rignald Recordino
Doble R.S.S.S.
Cinelandia
1979
Sigui awor
Boy Dap
Boy Dap
1980
Zjogorogo
Harry Zimmerman
Harry Zimmerman
1981
Tur hende kompañ’é
Boy Dap
Boy Dap
Explosion Latina
S.U.B.T.
1982
Kologá
Luti Samson
Rene Samson
Doble R.S.S.S.
S.U.B.T.
1983
Un biaha mas
Boy Dap
Explosion Latina
S.D.K.
56
Kantante:
Kompositor:
Agrupashon:
Explosion Latina
Boy Dap
Casama
Lokalidat:
S.U.B.T.
S.U.B.T.
1984
Habri Sera
Gibi Doran
Beti Doran
Doble R. S.S.S.
S.U.B.T.
1985
Despensa e ta bin
Boy Dap
Boy Dap
Piña Colada
S.U.B.T.
1986
Bon Fanátiko
1987
Efraim Gumbs
Efraim Gumbs
Kòrsou
Mr. Babalu
Nelson Schoop
1988
E barku yama Karnaval
Wilson Frans
1989
Waya pasa bai
Boy Dap
Boy Dap
Arnell i Orkesta
Dr. A. Maduro
1990
E Meresé
Harry Zimmerman
Harry Zimmerman
ERA
C.F.C.
1991
Pia pia man’é un trambia
Elia Isenia
Elia Isenia
Turbo
C.F.C.
1992
Bòlt’é blachi
Boy Dap
Boy Dap
Gibi Explosivos
C.F.C.
1993
Sobredósis di amor
Urvin Yano
Gibi Doran
Gibi Explosivos
C.F.C.
1994
Heé wak un bestia ei
Mr. Saab
Rignald Recordino
Doble R. S.S.S.
C.F.C.
1995
E baranka’ki defend’é
Ike Jesurun
Ike Jesurun
Doble R.S.S.S.
C.F.C.
1996
Den Gol
Ike Jesurun
Ike Jesurun
Doble R.S.S.S.
C.F.C.
1997
Klab’é
Boy Dap
Boy Dap
Gibi i Orkesta
C.F.C.
1998
Ten’é... sakudi’é
Urvin Yano
Gibi Doran
Gibi i Orkesta
C.F.C.
1999
Nos ta bibu
Harry Zimmerman
Harry Zimmerman
Doble R. S.S.S.
C.F.C.
2000
Dal’é klave
Hendrick de Windt
Marlon Conradus
Pleasure/Chispa
57
Nelson Schoop
ENOS
SI
Pimienta
S.U.B.T.
Dr. A. Maduro
Dr. A. Maduro
C.F.C.
2001
Much’i Otrabanda
Izaline Calister
Gibi Doran
Gio Fuertisimo
C.F.C.
2002
Awe
Elia Isenia
Elia Isenia
Gio Fuertisimo
C.F.C.
2003
Awor ta mi ora
Farley Lourens
Farley Lourens
Chispa Band
C.F.C.
2004
Ata Palabra
Farley Lourens
Farley Lourens
Chispa Band
C.F.C.
2005
Lòs Laga Bai
Farley Lourens
Farley Lourens
Chispa Band
C.F.C.
2006 Mi soño
Reinir Lijfrock
Axel Pikero
No Game
C.F.C.
2007 Karnaval Metamorfósis
Tico Balentien
Oko Dap
2008 Den bo brasa mi ke ta
Hendrik de Windt
Hendrik de Windt
2009 Den Bahia
Tico Balentien
Oko Dap
2010 Mi pueblo a manda mi
Elia Isenia
Elia Isenia
2011 Para den mi Sapatu
Hendrik de Windt
Hendrik de Windt
ERA Outentiko
2012
Un humilde piedra
Amos Balentin
Amos Balentin
ERA Outentiko
C.F.C.
2013
Wowo riba bo
Djuric Virginie
Oko Dap
Gio Fuertisimo
C.F.C.
2014
Den e hanchi ei, den e kaya ei Ike Jesurun
Ike Jesurun
ERA Outentiko
2015
58
??
??
??
ERA Outentiko
C.F.C.
Rhydd’m
C.F.C.
ERA Outentiko
Gio Fuertisimo
??
C.F.C.
C.F.C.
C.F.C.
C.F.C.
C.F.C.
8.KRITERIA PA SKOHE TUMBA GANADOR
Festival di Tumba ta un festival di Kansion. Den un Festival di Kansion e loke ta mas importante ta e komposishon.
Un festival di kansion ta un festival di komposishonnan nobo. No kansionnan editá; adaptá.
Kiko ta un komposishon?
Un komposishon ta un obra musikal nobo. Produkto di un kreashon no eksistente.
Komponé ta nifiká konsipiá algu. Den e kaso aki kombiná elementonan musikal.
Si e obra musikal aki tin un melodia nobo, sin letra, e ta un komposishon instrumental.
E obra musikal por tin letra i melodia nobo. E intérprete e ora ei ta kanta e teksto konforme e melodia
korespondiente. Un komposishon ta konsistí di dos parti:
E kompositor di melodia i e outor di letra. Si ta mesun persona krea tantu e melodia komo e letra, é ta e
kompositor.
E sun ku krea e teksto (e letrana) ta outor di letra i no kompositor.
Internashonalmente, e melodia ta 60% di e komposishon i letra 40% di e komposishon.
Aki na Kòrsou nos ta mantené e repartishon 50-50.
Den kaso ku un pèrsona entregá un teksto na un areglista ku ta rekerí basta kambio(40 pa 50%) i mester agregá
mas frase òf teksto na e obra,e areglista ta bira kompositor di melodia i parti ko- outor di letra.
Den e kaso aki e areglista tin derechi di 75 % di e obra musikal.
59
Un obra musikal ku tin liña melódiko di varios kompas (8) di un otro obra musikal, ta konsierá komo plagia.
Un komposishon ta konsistí di diferente parti importante. E aspektonan mas importante ta Letra i Melodia. Pero e
parti di entonashon i areglo tambe ta un parti integral di e totalidat. Den farándula Internashonal, durante e
último 25 añanan, tambe nan a inkorporá e parti di entonashon den e aspektonan ku un kuerpo di hurado mester
tene kuenta kuné ora mester definí un komposishon ganadó.
Den nos festival di Tumba e aspektonan ku ta importante ta:
1.
Letra i Melodia (ku tin e peso mas grandi)
2.
Ritmo i Areglo, i
3.
Ambiente den kaya
E parti di entonashon ta forma parti di e sekshon mas importante ku ta Letra i Melodia. Ta bon pa menshoná ku
asta músikonan partisipante, tin biaha ta interpretá uso di e reglanan, di manera inkorekto.
Tur aña di nobo nos ta splika ku kualkier un dje aspektonan aki por influensia e puntuashon final i
konsekuentemente e Tumba ganadó.
Hopi biaha nos ta pensa ku si un hende gana den letra, ta é mester tin e tumba ganadó. Si nos rasoná di e manera
aki, nos ta eliminá e ora ei tur e aspektonan manera melodia, entonashon, ritmo i areglo.
Pues si nos tin un letra masha bunita ku por sali ganadó, den kualkier kompetensia di poesia, no nesesariamente
e mester gana den un kompetensia di música/kanto, kaminda ta importante pa e letranan bon aki ta sostené pa
bon melodia, bon areglo i bon entonashon.
60
Ta p’esei tambe a introdusí Premio Mihó Letra. Pa asina duna balor i importansha na e letra, ku no
nesesariamente mester ta e tumba ganadó. Ta bon menshoná tambe, ku deskuento di puntonan di sanshon
por influenshá e resultado.
8.1.Komposishon.
Festival di tumba hubenil ta un festival di kansion, pues di komposishonnan nobo.
Den un festival di kansion ta e kompositor ta e figura prinsipal, pero den e kaso di tumba hubenil,
kaminda mayoria di komposishonnan ta ser kreá pa adulto, e atenshon ta mas dirigí riba
interpretashon di e hóben.Ta pesei tambe e kuèrpo di hurado di tumba hubenil ta haña un
instrukshon diferente for di e festival di Tumba grandi.
Komposishon ta e arte den músika pa krea un obra musikal nobo.
Tur hende, grandi i chiki, ku haña un inspirashon por krea algu nobo.
Un komposishon ta konsistí di letra,melodia i komposishon.
Mester pone tur e aspektonan di komposishon den un balanse.
Tur tres parti ta importante pa por yega na e produkto final, pero na hopi okashon, nos ta tende,
kon ta posibel ku un kansion ku mihó letra no a gana durante un festival di kansion.
Internashonalmente último 15 añanan , ta melodia ta e aspekto mas importante, den e total di
puntuashon.
61
E aspekto di entonashon tambe a kuminsá haña su balor den e totalidat.
Ta pesei último añanan òrganisadornan di festivalnan di kansion ( Tumba, OTi, CBU) ta repartí e
peso di un kansion di e siguiente forma:
Letra : 40%
Melodia: 35%
Areglo: 10%
Entonashon: 15 %
E arte pa komponé ta unu masha difisil na Conservatorio i otro Institutonan pa Formashon Musikal
na nivel haltu.
E ta eksigí sierto konosementu di muzik, i idioma.
Pues ta hopi difísil pa bo siña un hende komponé den un tempu kòrtiku i ta eróneo pa krea e
persepshon robes aki serka hóbennan tambe.
Ken ta un kompositor ?
E kreadó di letra i melodia di un obra musikal, ta e kompositor.
Esun ku krea e letra kompleto so, por yama su mes, outor di letra.
Esun ku krea e melodia so, ta kompositor di melodia.
62
9.Istoria di Festival di tumba.
Festival di Tumba su inisio a bira tópiko di reunionnan ku tabata tuma lugá na Zeemanshuis (Hotel Stellaris),
relashoná ku e situashon pésimo den farándula di Kòrsou, kaminda no tabata duna e rèspèt nesesario na
músikonan lokal.
Di tur manera diferente músikonan di e.o. Estrellas del Caribe, San Jose i Jóvenes del Caribe,I diferente Kombo no
tabata satisfecho, ku e sistema ku kosnan tabata bai den farándula, I tabata sinti e nesesidat pa bin ku un
Asosiashon nobo, ku ta mas representativo pa Farándula di Kòrsou.
Asina pues a tuma pasonan konkreto pa yega na un Asosiashon nobo.
E Statutonan pa e Asosiashon di Músiko nobo, inisiativa di New Burn Patricks i Peng de Windt, a keda aprobá pa
gobernador dia 23 di ougùstùs 1968.
Den e dokumento e promé direktiva tabata konsistí di e siguiente person tur di felis memoria:
Edgar Palm
: presidente;
New Burn Patricks
: Vise presidente;
Franklin(Peng) de Windt : sekretario;
W.G. Trappenberg
: Tesorero;
Anselmus Boy Dap
: Vokal;
Alfred van der Dijs
: Vokal;
63
Ta bon pa remarká, ku Sr.Palm(dfm) nunka no a presidí ningun reunion di direktiva i miembro.
Sr.Patricks a fungi komo presidente, miéntras sr. Peng de Windt tabata dirigí e reunionnan na nòmber di sr.
Patricks, pa motibu di e komunikashon na Papiamentu.
Djasabra 18 di Mart 1970, miembronan a skohe un direktiva nobo, ku ta konsistí di e siguiente personanan:
Presidente: Edgar Palm;
Vise presidente: Newburn Patricks;
Sekretario: Franklin de Windt;
Tesorero: W. Trappenberg
Vokales: Boy Dap, Chal Atalita i Jose Rosales.
Reunion importante na Hotèl Avila 1970
Direktiva di Amak bou di direkshon di Peng de Windt (dfm) a reuní ku Komité Karnaval 1971 dia 12 di novèmber
1970 na Hotèl Avila, pa riba petishon di miembronan,pidi Komité pa aseptá tumba komo ritmo di marcha di
karnaval.
Despues di basta diskushon, Peng de Windt a konvensé Komité karnaval pa bai di akuerdo ku e proposishon.
Na 1971 i na 1972, festival a tuma lugá bou di presidensia di Sr.Omalio Merien.
Sr Peng de Windt tabata enkargá ku e parti musikal di e festival.
64
Asina pues a forma un komishon pa organisá e Festival di Tumba kombiná ku Festival di Kalipso. E promé
reglanan pa Festival di Tumba, ku a keda kompilá i redaktá pa un komishon konsistiendo di Juan Camelia
(q.e.p.d.),Alfred van der Dijs (q.e.p.d.) I Manuel “Shoma” Salsbach (q.p.e.d.) .
Sr.Jose Rosales a fungi komo sekretario di e komishon.
E festival di Tumba di 1971 bou di ouspisio di Komité Karnaval 1971,Omalio Merien a tuma lugá dia 1 di febrüari
1971 den Teater Roxy,i un bon públiko a okupá e sala a disfrutá di e promé partisipantenan. Esnan ku a partisipá
Na momento ku durante e dos añanan n, miembronan tabata mal kontentu, ku e kompensashon
finansiero(apénas fls 50,- pa agrupashon) i pa kolmo e cheknan no tabatin fondo, músikonan tabata hopi rabia.
Na ougùstùs sr. Feko Gomes a kuminsá ku un proyekto di Edukashon musikal na Vak Centrum di Arbeidszorg na
Penstraat, i einan kasi 120 músiko tabata sigui lès di muzik.
Despues di lès músikonan tabata papia riba e asuntu i demostrá nan malkontentu.
Miéntras tantu direktiva di Amak, a disidí ku anan ta bai organisá Festival di Tumba i a logra haña 30 inskripshon,
miéntras Komité Karnaval a haña algun inskripshon pa Kalipso i algun inskripshon pa festival di Tumba.
Sr.Edsel Papy Jesurun e ora ei a yama un reunion dia 20 di yanüari 1973 na Bestuurscollege pa pone partidonan
sinta huntu.
Na Penstraat miembronan a reuní i bou di direkshon di Feco Gomes un grupo di 50 músiko a marcha bai
Bestuurscollege.
Miembronan a insistí pa sr.Feco Gomes, kompañá sr, Peng de Windt dfm, huntu ku Alfred van der Dijs dfm i
Nelson Boy de Windt , pa bai reuní ku Komité Karnaval bou di direkshon di Papi Jesurun.
65
Sr.Jossy Martina dfm a fungi komo sekretario di sr Jesurun
E reunion a kuminsá 8’or di anochi i a terminá 3’or di mardugá.
Tur e músikonan ku a keda para abou, a aploudí e desishon di sr,Jesurun, ku Festival di Tumba ta keda organisá
pa Amak , i Komité lo risibí 10% di e entrada neto.
E akuèrdo den kua a stipulá ku Asosashon di Músiko lo organisá Festival di Tumba na 1973 den estrecho
koperashon ku Komité di Karnaval 1971.
10% di e entrada nèto lo bai pa komité di Karnaval,miéntras ku Asosiashon lo traha un repartishon di reseta pa su
miembronan.
Asosiashon a forma un komishon dia 21 di Yanüari 1973 konsistiendo di Don Juan Camelia,Alfred van der
Dijs,Shon Ma Salsbach, tur di felis memoria i Jose Rosales I nan a presentá e siguiente repartishon : 12.5 % pa
agrupashonnan musikal partisipante,12.5 % pa e tumba ganadó,12½%,12½% pa Asosiashon, 7 ½ % pa e areglo
premiá.
Pa ilustrá e repartishon e.o. ku un agrupashon musikal tabata risibí apénas Naf. 50,- pa kada número ku nan a
kompañá, miéntras ku e tumba ganadó tabata risibí Naf. 300,-, promé Finalista Naf. 200,- i 2do Finalista Naf.
100,- komo premio.
E echo ku e espíritu di e akuerdo tabata ku Asosashon lo organisá e festival, a lanta un interes enorme bou di e
músikonan i alrededor di 30 inskripshon a keda registrá pa partisipá dia 12 i 14 di febrüari 1973 den Teater Roxy,
miéntras ku dia 19 di febrüari finalista klasifiká lo kompetí pa premionan máksimo.
66
For di momentu ei a kuminsá un periodo di hopi trabou pa direktiva di Asosiashon di Músiko pa sigui traha pa
perfekshoná organisashon di Festival di TUMBA durante e siguiente añanan.
E parti logístiko i di desaroyo musikal a kambia drástikamente.
Den istoria di Festival di Tumba,por distinguí 3 fase:
- Temporada di Sala kubrí
1971 – 1978
- Temporada di Stadion di SUBT
1979 – 1989
- Temporada di CFC
1990 te awe
E fasenan aki a korespondé ku e kambio fisiko di e diferente lokalidat,nivel di organisashon, I desoroyo musikal I
konsekuentemente e músika.
Ku influensia di e yunan di tera ku a bai studia muzik na Conservatatorio, nos ritmo di tumba I su músika a bira
un produkto, ku ta kousa rèspèt I rekonosimiento, di músikonan profeshonal, ku ta bishitá nos pais.
E nivel di organisashon a krese I bira mas kompliká, ya ku e eksigensianan pa un públiko di apenas 500 persona
den un sala kubri, ta totalmente diferente for di un públiko di riba 10.000 person den un kompleho di aire liber.
Puntonan di atenshon ta oumentá tantu pa lokual ta trata e stup, komo e kantidat di instansianan, ku mester
atendé ku ne.
Un sala ku su tarimata totalmente diferente for di konbertí un stadion di deporte den un amfiteater.
Den e temporada di CFC por fin, a bin un kompleho, ku su infrastruktura a bira permanente pa aktividatnan
cultural, kaminda bo tin un tarima adekuá grandi, salanan airekondishoná pa artistanan I atministrashon,
sufisiente parkeo, bon iluminashon I un suela sólido, sin e públiko mester move den tera.
67
Pa lokual ta trata e desaroyo musikal, por konkluÎ ku e kontenido di músika, pa lokual ta trata, areglo,
komposishon di letra I melodia, pero tambe e forma di interpretashon, ta kambia konforme e 3 fasenan.
Aspektonan musikal
Durante e 44 añanan tras di lomba nos Festival di TUMBA a konosé un desaroyo musikal interesante. Hopi biaha
bo ta tende sierto komentarionan ku nos Festival di TUMBA riba nivel musikal no tabata tin masha kambio. Esei
no ta kuadra ku realidat. P.e. pa loke ta trata e reglanan ku ta e fundeshi pa husga e TUMBAnan partisipante, a
bin hopi kambio adaptá na tempu.
Seguidamente nos ta ban hasi un análisis riba e tres temporadanan ku anteriormente nos a menshoná i kiko
eksaktamente tabata e kambionan mas importante ku a tuma lugá den desaroyo musikal den nos Festival di
TUMBA.
TEMPORADA DI SALA KUBRÍ ( 1971 – 1978)
Durante e époka aki un TUMBA tabata konsistí di sierto partinan masha kòrtiku ku ta forma e struktura total di e
komposishon. Tur e partinan menshoná tabata partinan hopi kòrtiku. Por ehèmpel un TUMBA tabata konsistí di
un entrada (intro musikal kòrtiku), un intro vokal kòrtiku, un estribiyo kòrtiku, pregon i koro kòrtiku, anto hopi
biaha e final ta un parti di e estribiyo hopi kòrtiku tambe.
E reglanan tabata pèrmití pa un piesa dura 5 minüt i mayoria biaha hasta aki nan por menshoná ku e piesanan tur
tabata limitá na 4 minüt o kuater minüt i mei.
68
Pa loke ta trata e temanan di e periodo aki, hopi biaha bo ta haña títulonan hopi kòrtiku i hopi biaha e temanan ta
trata un tópiko dòbel sentido, tòg na un nivel hopi haltu. Kompará temanan manera “Bash’é”, “Dal’e Kos”,
“Mand'é”, “Stot'é”, ”Drent’é” èts.
Ta bon tambe pa menshoná ku e tèmpo, esta e velosidat ku kua ta interpretá e piesa , tabata hopi abou. E
metrónomo tabata midi e temporada ei un tempu di 90 pa 100.
Areglonan i kompañamentu e tempu ei en general tabata mas simpel, pero tòg bunita.
TEMPORADA DI SUBT 1979 – 1989
Den e époka aki , temporada di SUBT, Festival di TUMBA a haña un dimenshon nobo. Mas kompositor a kuminsá
inskribí i partisipá i e kantidat di gruponan musikal tambe a kuminsá oumentá. Durante e époka aki tambe a
oumentá e kantidat di dianan preliminar di dos pa tres.
Struktura di e komposishonnan, tur e partinan musikal a bira mas largu. Tantu e intro musikal, intro vokal,
estribiyo, koro i pregon a bira mas largu. Den hopi komposishon kompositornan a introdusí un di dos koro:
un koro largu i un koro mas kòrtiku.
Den e temporada aki tambe a kuminsá ku e sistema di dòbel mambo.
Durashon di e piesa tambe a bira muchu mas largu i e temanan a bira mas profundo. Temanan ku ta trata
aspektonan kultural, aspektonan di nos papiamentu, aspektonan turístiko i tambe bo t’a haña algun tema ku
títulonan straño manera: “Tede deibo kachi weinato”, “Aloa”, “Den mes un wea”, ku ta títulonan ku ta trata
balornan patriótiko i kultural di Kòrsou.
69
Ta bon pa menshoná tambe kon grandi nos kompositornan ta hasi uso di nan fantasia. P.e. ku nos a laga un Trein
kore den karnaval, nos ta hasi uso di personifikashon di nos founa i folklor ku titulo manera Kologá.
Ta bon pa para ketu tambe na e struktura i kalidat di areglonan den festival di TUMBA, influensiá pa nos
músikonan ku a bai studia afó i a regresá.
E parti di e areglo mas i mas a bira parti importante i hopi mas integral di e di e komposishonnan.
E tèmpo (loke hopi ta yama velosidat) ku den e époka anterior tabata marka entre 90 pa 100 riba metrónomo, (
p.e. den e époka di SUBT) poko poko a bai subi i alkansá tin biaha hasta un pik di 130.
TEMPORADA DI CFC 1990 TE KU AWE
Den e époka aki e struktura nobo di TUMBA a desaroyá i mas i mas e “postura” tambe di e komposishonnan di
manera ku Reunion General di AMAK mester a rèk durashon di e komposishonnan i miembronan a bai di akuerdo
pa durashon di TUMBA bira 6 minüt.
Influensia di Jazz i hasta algun parti klásiko a infiltrá den nos areglonan i esei a duna un realse na e liña melódiko
di nos komposishonnan.
Un ehèmpel klásiko: e komposishon “Spiritu di alegria ” kantá i komponé pa Ultiminio Gonzales, ku ya
anteriormente nos a referí na dje.
E tèmpo/kompas a bolbe oumentá den e époka aki i esaki influensiá hopi biaha pa nos hóbennan ku ta amante di
ritmonan mas purá i ku nan por òf ta move fásilmente riba dje. Ya kaba metrónomo registrá TUMBANAN ku t’a
alkansá un tèmpo di 150 pa riba.
70
P'esei mester paga tinu pa e desaroyo aki no kontinuá ya ku e meta prinsipal di nos Festival di TUMBA ta pa krea
un TUMBA pa karnaval pa gruponan por marcha ariba, ounke hóbennan ku ta baila e ritmo di tumba, ta duna
preferensha na e ritmo di tumba hopi purá.
Mas i mas durante di e époka aki bo ta nota ku kompositornan ta akudí seka areglistanan ku ta bin ku inovashon:
“kambionan moderno”.
Algu remarkabel ta ku e intérpretenan ku den hopi kaso ta ai ku nan propio komposishon, mas i mas ta akudí na e
kompositornan i areglistanan di mas eksitoso. Aki a krea e fenómeno di kompositornan i areglistanan di klase ku
ta partisipá ku hopi komposishon.
Pa loke ta trata e diferente instrumèntnan den e époka aki, ta notabel ku wiri, kampana, base-drùms i konga a
bin ku efektonan nobo. Tambe e TUMBAO di piano i e parti rítmiko di e baho a bira muchu mas agresivo.
Temanan den e époka aki tabata interesante i ku konsentrashon hopi profundo riba nos kultura. Djis pa nos
menshoná algun manera “Dinosouro”, Sa sa na Awasá”, Ata Palabra” èts.
Esaki ta un análisis, kòrtiku, di e desaroyo musikal. Naturalmente e no ta kompletu, pero por sirbi komo kuminda
pa pensamentu.
Un di e personanan ku ta tin un influensia enorme den nos Festival di TUMBA ta Boy Dap ku a logra konkista 10
titulo di Rei di TUMBA di Kòrsou i un di Antia.
71
ALGUN DI E KOSNAN CHISTOSO DURANTE FESTIVAL DI TUMBA
 Den stadion Dr.Antoin Maduro,Stanley Reinilia a pidi, Wilfrido Valeriaan dfm pa skucha su tumba, pa
despues e dune su opinion riba e presentashon.
a momento ku Wilfrido a ripará ku e tumba di Stanley ta zona bon I ta bira un kompetensia pe, ela indiká
Stanley, ku man na su orea ku e no ta tende nada.
Stanley a pidi pa para e muzik, riba kual, Juan Camelia dfm, presidente di hurado, a deskualifiká Stanley.
Wilfrido a hala kita I na final di e anochi, su tumba si a klasifiká.
Stanley a buska Wilfrido tur kaminda, pa atende e asuntu aki ku ne, pero sin resultado.

Un grupo musikal a kuminsá su presentashon sin bahista,pero ku durante e “warm-up” a djoin e banda.
 Un agrupashon musikal ku no tabatin pianist, na momento di presentá, a hasi apelashon riba e popular
Arnel Salsbach pa djòin e grupo pa nan po presentá I evitá deskualififashon.
 Un pianista ku tabata hopi lat I a tende na radio, ku su agrupashon musikal, ya a subi steidj, dor ku tráfiko
tabata pegá , a pidi un persona na pia, pa parker e outo, I e mes a saka un kareda, pa yega nèt na
momento ku e banda tabta bai kuminsá ku e “warm-up”.
 Na momento ku huma tabata sali for di kleedkamer na SUBT, presidente Feko Gomes a drenta den
kamerin, pa pidi e musikonan, pa minimalisá e lokual nan tabata hasiendo.
 Doble a pidi presidente na 1994 pa saka òrden di presentashon, I den e kaso aki ela saka nr.1.
Músikonan mester a kore sali ensayo, sin bai kas, rumbo pa festival Center.
72
 Despues ku a anunsiá finalistan den stadion Dr. Antoin, sr Dietmar Curiel dfm di e agrupashon musikal, La
Tremenda, a hinka rudia riba vèlt, pa plega vise presidente di Amak, alegando ku ela mòrs kiu sifranan di
kompiuter. Den e kaso aki e vise president no tabatin nada di haber ku votashon.
 Wilfrido Valeriaan dfm a duna òrdu pa no laga integrantenan e orkesta Exploshon Latina na SDK drenta,
komo ku nan no a presentá ku karnèt.
Presidente Feko Gomes mester a intervení, ya k u na e momento ey nan mester a presentá , I pa nan no ser
deskualifiká.
 Na varios okashon tabatin, intérpretenan ku a “freeze” riba steidj. Tabtin ku no a kanta ningun frase, I tin
algun kua ripití mesun pregon hopi bia.
PA REKORDA
 Partisipashon na Festival di TUMBA di 1971 a konta ku 10 komposishon i na 1972 solamente 7 komposishon a
kompetí?
 Ku Boy Dap ta e promé Rei di TUMBA den Teater Roxy, Promé Rei di TUMBA den Stadion di SUBT?
 Ku Erwin Kastaneer ta e di dos Rei di TUMBA pa Karnaval di Kòrsou?
 Ku Rene Samson ta e úniko Rei di TUMBA di Industriehal Zeelandia?
 Ku Elia Isenia nunka a keda premiá komo promé finalista
 Ku Mr. Saab ta e úniko Rei di TUMBA den Cinelandia
 Ku Harry Zimmerman ta e promé Rei di TUMBA den Curaçao Festival Center
 Ku Elia Isenia ta e promé Reina di TUMBA
 Ku Elia Isenia dos biaha a keda koroná komo Reina di TUMBA, 25 di yanüari 1991 i 25 di yanüari 2002
 Ku Elia Isenia a Sali Reina di TUMBA 25 di yanüari 1991 i su yu muhé a sali Reina di TUMBA Hubenil 27 di
yanüari 1991
73
Ku - Farley Lourens ta e úniko tumbero ku a konkista e titulo di Rei di TUMBA 3 aña konsekutivo
 Ku Ike Jesurun a sali Rei di TUMBA na 2 okashon i 11 biaha komo promé finalista?
 Ku tin 13 Rei òf Reina di TUMBA ku a konkista e titulo durante e último 24 aña den Curaçao Festival Center?
- Ku 6 Rei(na) di TUMBA a keda koroná 2 aña sigui:






Harry Zimmerman
Elia Isenia
Boy Dap
Urvin Yano
Ike Jesurun
Farley Lourens
1990 – 1999
1991 – 2002
1992 – 1997
1993 – 1998
1995 – 1996
2003 – 2004
- Ku Boy Dap a konkistá e titulo di Rei di TUMBA komo kompositor/intérprete na 10 okashon:
1971, 1973, 1974, 1979, 1981, 1983, 1985, 1989, 1992, 1997
- Rei di TUMBA di Antia na 1 okashon: 1989
- Ku Feco Gomes ta 41 aña aktivo den direktiva di AMAK?
- 1973 – 1981 Sekretario (8 aña)
- 1981 te ku awe Presidente ( 33 aña)
- Ku Sr Stanley Reinilia ta 33 aña aktivo den direktiva di AMAK ( 1981 te ku awor)
- Ku den e époka di teatro ( añanan 70) ta na último ora direktiva ta haña konfirmashon di e lokalidat?
- Ku na aña 1975 Pèng de Windt i Fèco Gomes a pasa basta ora na ofisina di polis pa kontestá lista di pregunta
di Festival di TUMBA pa por bin na remarke pa pèrmit
74
- Ku inskripshon pa Festival di TUMBA tabata tuma lugá durante 2 siman largu i tòg te na último fecha tur
kompositor ta bin inskribí?
- Ku for di 1982 inskripshon ta tuma lugá riba un mèrdia di 1’or pa 6’ or di atardi?
- Ku Radio Hoyer ta e promé emisora ku na 1982 a start ku kampermentu (na San Matheowijk)
- Ku for di 1982 direktiva a kuminsá ku dedikashon di e festival na baluartenan?
- Ku e promé maestro di seremonia tabata:
- 1971 Hector A. Rosario (d.f.m.)
- 1972 El Gordito de Oro (Angel Job d.f.m.)
- 1973 Ced Ride
- Ku Radio emisoranan a menasá AMAK ku un kaso den korte pa motibu ku Tele Curaçao a transmití “live” for di
Stadion di SUBT?
- Ku tabata tin diskushon i malkontentu riba TUMBA popular?
- Ku na aña 1993 un instansia a korona un kantante no finalista komo Rei di TUMBA?
- Ku na 1987 Reina Beatrix, Prins Claus d.f.m. Prins Willem Alexander a bishita Festival di TUMBA i ku na e
okashon ei Sr. Feco Gomes a hasi entrega di un regata na su mahestat?
- Ku na 1992 Carlos Coffie a komponé i kanta e número “Dodo Kima e Momo”, ku a keda un hit te awe.
- Ku durante 44 aña di Festival di TUMBA, tabata tin 9 intérprete kompositor ganador.
Nan ta:
 Boy Dap
 Rene Samson
 Harry Zimmerman
 Efraim Gumbs
 Elia Isenia
 Ike Jesurun
75
 Farley Lourens
 Hendrik de Windt
 Amos Balentin
- Ku Festival di Tumba a tuma lugá den 6 diferente lokalidat
o Roxy
o Zeelandia
o Cinelandia
o SDK
o SUBT
o Curacao Festival Center
76
RÈKÒRTNAN PA HISTORIA
Rèkòrt ta un logro ku hopi biaha ta difísil igualá o superá. Internashonalmente, rèkòrt ta forma un parti integral
di historia.
Den e kompilashon aki, semper tin espasio pa adaptashon.
Hopi reakshon a drenta pa loke ta e rekòrtnan aki.
Durante trayektoria di Festival di TUMBA a establesé hopi rèkòrt.
A kontinuashon nos lo bai menshoná e rekòrtnan aki i ban mira si enbèrdat sierto rekòrtnan por wòrdu igualá o
superá. Naturalmente tin sirkunstansia ku ta hasi difísil pa por igualá rekòrt ya ku p.e. tin lokalidat ku ni sikiera ta
eksistí mas.
 Boy Dap ta e promé Rei di TUMBA pa historia;
 Boy Dap ta e promé Rei di TUMBA den e siguiente lokalidatnan:
 Roxy
(1971)
 S.U.B.T.
(1979)
 S.D.K.
(1983)
 Rene Samson ta e promé i úniko Rei di TUMBA di Industriehal na Zeelandia (1977);
 Mr. Saab ta e promé i úniko Rei di TUMBA na Cinelandia (1978);
 Harry Zimmerman ta e promé Rei di TUMBA den Curaçao Festival Center (1990);
 Boy Dap ta e Rei di TUMBA ku mas titulo (10 di Kòrsou i 1 di Antia);
 Boy Dap ta e úniko Rei di TUMBA ku a keda kompañá pa seis diferente grupo musikal’
 Elia Isenia ta e promé Reina di TUMBA (1991);
 Elia Isenia ta e úniko Reina di TUMBA ku a kue 2 titulo (1991 – 2002);
77










78
Gibi Doran a komponé durante 28 aña siguí pa Festival di Tumba, ku un total di 80 komposishon;
Elia Isenia ta e promé Reina di TUMBA den Curaçao Festival Center (1991);
Dos aña sigui ta tin Reina di TUMBA (2001 Izaline Callister i 2002 Elia Isenia);
Rignald Recordino e lider i dirigente di banda ku a kompaña mas Rei di TUMBA den añanan 70 i 80: 7 komo
Doble R S.S.S. i 1 komo Super Spesial Combo;
Gibi Doran, e lider dirigente di banda ku den dékada 90 pariba a kompaña mas Rei di TUMBA: 4 komo Gibi
Explosivos/ Gibi i Orkesta i 4 komo Gio Fuertisimo;
Gibi Doran ta e Rei di TUMBA di mas hóben na edat di 17 aña (1984)
Farley Lourens úniko Rei di TUMBA ku a bai ku tres titulo sigui: (2003, 2004, 2005)
Chispa Band úniko grupo musikal ku a kompañá mesun Rei di TUMBA 3 aña sigui i den e kaso aki e mes un
Rei di TUMBA, Farley Lourens;
Clarck de Windt for di 1978 a fungi komo maestro di seremonia pa Festival di TUMBA sin interupshon. (durante 29 aña);
Boy Dap ta e úniko Rei di TUMBA ku na 10 okashon tabata intérprete/kompositor den festival di Tumba di
Kòrsou;
GANADORNAN DI TUMBA DI 1971 PA 2014
Boy Dap
Elia Isenia
Farley Lourens
Harry Zimmerman
Hendrick de Windt
Ike Jesurun
Mr. Saab
Tico Balentien
Urvin Yano
Amos Balentien
Djuric Virginie
Edwin Thomasa
Efraim Gumbs
Erwin Kastaneer
Gibi Doran
Izaline Calister
Luti Samson
Mr. Babalu
Reinir Lijfrock
Rene Samson
Wilson Frans
79
10
3
3
3
3
3
3
2
2
1
1
1
1
1
1
1
1
1
1
1
1
AGRUPASHONNAN MUSIKAL KU A GANA FESTIVAL DI
TUMBA 1971 - 2014
Doble R. S.S.S.
ERA Outentiko
Gio Fuertisimo
Estrellas del Caribe
Chispa Band
Gibi i Explisivos
Super Combo Kastaneer
Super Special Combo
Los Locos Samson
Explosion Latina
Casama
Pina Colada
ENOS
SI
Pimienta
Arnell i Orkesta
TURBO
Rhydd'm
Pleasure/Chispa
No Game
80
7
6
5
4
3
2
1
1
1
1
1
1
1
1
1
1
1
1
1
1
KOMPOSITORNAN KU A GANA FESTIVAL DI TUMBA
1971 – 2014
Boy Dap
10
Rignald Recordino
3
Harry Zimmerman
3
Elia Isenia
3
Ike Jesurun
3
Farley Lourens
3
Oko Dap
3
Gibi Doran
3
Rene Samson
2
Nelson Schoop
2
Hendrick de Windt
2
Erwin Kastaneer
1
Edwin Thomasa
1
Beti Doran
1
Efraim Gumbs
1
Marlon Conradus
1
Axel
81 Pikero
1
AMBIENTE DI FESTIVAL DI TUMBA 2014
82
10. REGLANAN GENERAL FESTIVAL DI TUMBA 2015
1.
Festival di Tumba di Karnaval 2015 ta tuma lugá dia 26,27,28 i 30 di yanüari
2015.
Tur agrupashon musikal serio ku ta partisipá den festival di tumba 2015, mester
firma un papel di inskripshon pa mas tarda djaluna 19 di yanüari 2015 5 ‘or di
atardi na C.F.C., i paga un bòrg di Naf. 250,-.
E bòrg aki ta bira parti di e kontribushon ku kada agrupashon (segun regla) tin ku
paga. Den kaso ku e grupo no partisipá, no por haña e avanse aki bèk.
E lista di e integrantenan ( inkluso refuerso i bailarin) mester keda entregá pa
mas tarda djabièrnè 16 di yanüari 2015 5’or di tardi na C.F.C.( maks. di 25
persona). Esaki ta fasilitá trahamentu di badge, kontrolá si e músikonan ta kumpli
ku regla ( músikonan por partisipá den maksimal 5 agrupashon musikal.) i evitá e
káos di trahamentu di badge último ora. Solamente un agrupashon musikal por
laga traha bedj pa bailarin(a)
Tur grupo musikal ku partisipá ku por lo ménos 2 tumba ta haña un
kompensashon di fls 2.500,-. E grupo ku ta partisipá ku 1 tumba, ta risibí 50% di e
kompensashon finansiero ( f 2.500,-) di gruponan musikal no klasifiká.
E agrupashon ku inskribí mas ku 2 tumba i despues partisipá ku 1 tumba so,
tambe lo risibí e suma di Naf. 1.250,-Si den kaso di forsa mayó, mester kanselá e festival, e gruponan ku no a aktua,
lo presentá na inisio di e festival e siguiente dia. Den kaso ku esaki tuma lugá
djarason anochi,e gruponan menshoná lo aktua riba djaweps anochi. Lo no tin
kompensashon èkstra pa e kambionan aki.
Fecha di inskripshon ta djadumingu 18 di yanüari 2015. Riba e fecha di
inskripshon mester entregá e siguiente detayenan di un komposishon:
2.
Titulo di e komposishon
3.
Nòmber(nan) di kompositor
83
4.
Nòmber di kantante
5.
Nòmber(nan) di areglista i
6.
Nòmber di agrupashon musikal.
Último dia pa entregá letra ta djaweps 22 di yanüari 2015 t/k 8’or djanochi na
Sekretariado di AMAK na Curaçao Festival Center. Mester apuntá ku entrega di
letra por tuma lugá for di dia di inskripshon i tur e dianan despues, bou di ora
di trabou.
Entrega di Letra mester sosodé riba:
1.diskèt,
2. CD òf memory stick
3. festivalditumbadikorosu@gmail.com
Entrega di e letranan mester sosodé den Microsoft Words.
E listanan di partisipashon ofisial ta keda publiká pa mas tardá djasabra 24
di yanüari 2015 den Medionan di Komunikashon.
1.2 E komposishon mester ta na bon papiamentu. Palabranan di otro idioma ku a
bira parti di nos lenga naturalmente tambe ta pèrmití. Ritmo di e komposishon
mester ta pre-dominantemente Tumba. Ta pèrmití un kambio di ritmo di 24
kompas binario máksimo.
E 24 kompasnan aki por ta: 1x24, 2x12 òf 3x8 kompas.
E miembronan di hurado, pa ritmo i areglo ta kontrolá e kantidat di kompas di
kambio di ritmo. Pa kada kompas adishonal ta redusí punto di e siguiente forma :
25 te ku 48 kompas: hurado ta kita 25 punto
Mas ku 48 kompas: hurado ta deskualifiká e komposishon.
Por uza tur ritmo den e kambio!
84
1.3 E komposishon por trata tur tópiko di nos komunidat pa engrandesé nos
karnaval. E intenshon ta pa e tumba por zona henter aña i no solamente den
temporada di karnaval.
1.4 No ta pèrmití komposishon ku tin un melodia eksistente. Esaki lo ser husgá pa
Presidente di Hurado den konsulta ku e kuerpo di hurado ,pa evaluá konforme e
kriterianan eksistente, si ta trata aki di un situashon di plagia.
No ta pèrmití komposishon eksistente ku a adaptá su letra pa Festival di Tumba.
No ta pèrmití toka komposishonnan ku ta kompetí zona públikamente promé ku
presentashon ofisial.
Pues si e komposishon aparesé riba e.o. YOU TUBE o kualkier otro red sosial riba
Inernet, lo sanshoná, e komposishon.
No ta pèrmití partisipantenan na invitá e Festival invitá públiko na ensayo.
Pa loke ta trata plagia(nan) konstatá pa miembron partisipante, tin un prosedura
athunto pa atendé.
Tur keho ofisial por tuma lugá únikamente pa medio di un partisipante na Festival
di Tumba 2015 i entregá por eskrito pa mas tardá 1 siman despues di Festival di
Tumba 2015 ( 6 di febrüari 2015) Serka Presidente di Hurado.
Den kaso ku violá e reglanan i ku ta proba ku e komposishon no ta original,i ta
deskualifiká e komposishon i ta apliká un but igual ku e suma ku ta korespondé
na e premio i/o klasifikashon.
Den kaso ku e kompositor tin duda ta bon pa e mes akudí serka Presidente di
Hurado pa un opinion riba esaki. Si e komishon aki sugerí kambio den letra di e
komposishon ta e pone Presidente di Asosashon di Músiko i Artista na altura di su
evaluashon. Violashon di e regla aki tin komo konsekuensia ku e komposishon ta
haña un but di 50 punto.
85
1.6 Solamente komposishonnan ku klasifiká pa final ta bini na remarke pa e
premio di areglo mas sobresaliente. Tur areglista ku ke bini na remarke pa gana e
premio aki mester entregá skor di e piesa pa mas tardá djaweps 29 di yanüari
2015 8’or di anochi.
2.SISTEMA EVALUASHON DI E TUMBA
2.1 Sistema di puntuashon konforme artíkulo 7 di instrukshon di
Hurado.
2.2 E kantante por balia i aktua riba tarima i ta pèrmití pa tene
mikrofon den man. Ta prohibí pa hasi moveshonnan bulgar i pa baha for di
steidj.
2.3 Un piesa por dura maksimal 6:15 minüt. Na di 5 minüt ta sende lus
oraño i na di seis minüt i 15 sekònde ta sende un lus kòrá. E “taim kiper” ta
registrá e kantidat di sekònde despues di 6 minüt i 15 sekònde i ta informá
presidente di hurado di esaki. E presidente di hurado ta dedusí dos (2) punto pa
kada sekònde riba 6 minüt. Despues di 6 minüt i 30 sekònde ta kita e zonido.
2.4 Pa evitá ku e tumba ta keda interpretá demasiado purá, ta fiha e tèmpo entre
120 pa 150 (riba metrónomo) pa toka e tumba.
2.5 Durante tur 4 anochi di e festival ta hasi uzo di e mesun kuerpo di hurado ku
ta huzga basá riba kriterionan menshoná den artíkulo 7 di Instrukshon i
Hurado.
86
3.ORGANISASHON
3.1 Na final di dia di inskripshon 18 di yanüari 2015, lo saka fecha di presentashon
den un forma elektróniko. Den kaso ku esei no ta e kaso o pa motibunan tékniko e
no por tuma lugá, pa medio di lòt, ta saka fecha di presentashon di gruponan
musikal pa tur 3 dia preliminar. Ta uza dos kèlki/kúp òf tómbola. Unu ku ta
kontené bandanan mas popular i konosí i e otro bandanan ménos popular òf no
konosí.
E mesun dia aki ta saka órden di aparishon di e gruponan musikal pa dia ku nan
tin di presentá. Atrobe ta hasi uzo di e sistema deskribí ariba. E grupo ku ta
kompañá Rei di Tumba 2014 ta aktua riba e di tres dia komo último grupo.
E grupo musikal aki mester keda riba steidj, pa entretené e públiko, te ora anunsiá
e finalistanan.
3.2 Djaweps 22 di yanüari 2015, 8’or tur letra mester ta entregá.
Ta saka pa medio di lòt e órden di aparishon di e diferente kantantenan. Den
kaso ku no tin representante di un agrupashon ta mantené e órden di aparishon
riba e lista di AMAK. Anunsio ofisial i definitivo ta tuma lugá dia 24 di yanüari
2015.
3.3 Riba tur e anochinan di e festival, gruponan musikal 1, 2 i 3 mester ta kla pa
aktua pa mas tarda 19.30. Den kaso ku un grupo ku mester ta kla pa aktua no ta
kompleto ta deskualifik’é.
3.4 Ta saka órden di aparishon di e agrupashon musikal pa e anochi final djaweps
29 di yanüari 2015 pa 7’or en punto. Esaki ta tuma lugá den Curaçao Festival
Center konforme e mes un sistema pa balansá e anochinan preliminar. Riba e
anochi aki e areglistanan ku ke kompetí pa mihó areglo mester entregá nan skor.
Djabièrnè dia 30 di yanüari 2015 pa 7or di anochi ta saka e órden di
aparishon di kantantenan. Eventual kambio riba steidj, pa loke ta trata órden di
aparishon di e partisipante, ta keda sanshoná ku 20 punto di e total di punto ku e
komposishon risibí.
87
Ta repartí e bandanan Popular i no Popular. Bandanan Popular por skohe entre
5, 7, 9, 10, 11, èts. i no Popular por skohe entre 1, 2,3,4,6,8, èts.
E banda ku ta kompañá e Rei di Tumba e aña aki tambe mester saka su
sekuensia pa presentá riba e anochi final.
E último grupo musikal ta toka dos número despues di su presentashon ofisial, si
ta nesesario pa programashon.
3.5 Riba e anochi final e grupo musikal ku ta kompañá Rei di Tumba 2014 pa
interpretá su tumba Ganadó komo despedida ta subi tarima. E steidj
mènèdjer ta duna señal pa interpretá e tumba ganadó.
3.6 Ta instalá un (1) ekipo di zonido.
3.7 Tur partisipante na festival di tumba mester ta miembro di Asosiashon di
Músiko i Artista. Esnan ku no ta miembro ta haña un karnèt speshal ku ta bálido
pa solamente e kuater anochinan di Festival di Tumba 2015. Despues di e festival
nan por solisitá pa bira miembro manera statutonan i reglanan doméstiko ta
preskribí. Ta kontrolá tur karnèt promé ku kada presentashon.
3.8 Tur músiko ku partisipá na festival di tumba 2015 mester paga nan
kontribushon promé ku dia 26 yanüari 2015.
3.9 Tur agrupashon musikal mester ta uniformá. No ta pèrmití vestuario erótiko ni
moveshonnan bulgar riba tarima. No ta permití unifòrm ku propaganda
komersial sin outorisashon di direktiva di AMAK.
3.10 Kada agrupashon musikal mester konsistí di por lo ménos 5 (sinku) músiko.
3.11 No por hasi promoshon ni promé ni durante ni despues di presentashon di
un grupo musikal pa ningun kas komersial sin outorisashon di Asosashon. Durante
e “breaknan” ta solamente anunsionan komersial outorisá por pasa den Curaçao
Festival Center.
3.12 Un agrupashon musikal mester konsistí di mas ku 50% Antiano.
88
3.13 Un agrupashon musikal ku mantené mas ku 50% di su konstelashon original i
kambia di nòmber ta konsiderá komo un agrupashon original. Si konstatá ku e
diferente grupo ta formá p e mesun músikonan, esnan envolví ta keda
deskualifiká.
3.14 Kada direktor òf su representante ta responsabel pa inskripshon di tur
kompositor i kantante ku su agrupashon ta kompañá. Esaki ta enserá ku e mester
disponé di tur dato di su agrupashon musikal i kumpli ku e parti finansiero. E
agrupashon mester presentá den mesun konstelashon ku ela inskribí. Den kaso di
forsa mayor direktiva di Asosashon ta duna dispensashon. Violashon di e regla aki
por kondusí na deskualifikashon.
3.15 Un agrupashon musikal por kompañá un máksimo di 6 komposishon. Un
kompositor por partisipá ku kuantu komposishon ku e ke. Un músiko por aktua
den maksimalmente 3 agrupashon musikal. Esaki no ta konta pa koristanan i
brass.
3.16 Despues di e tres anochinan preliminar ta saka e 30 tumbanan ku
puntuashon mas haltu pa kompetí riba e anochi final, si tin minimalmente 60
tumba ku a inskribí.
Si e kantidat di tumbanan inskribí ta ménos ku 60. 50% lo pasa pa final.E
promedio ta “afgerond” ariba.
Si 57 tuma inskribí, 50% ta 28,5 i den e kaso aki 29 ta pasa pa final.
Den kaso di empate lo uza e total di e kategoria di ambiente den kaya pa
desempatá. Si despues di esaki ainda keda empatá ta uza e total di e kategoria
letra i melodia pa desempatá. Riba e anochi final ta uza e total di e 2 kategorianan
ambiente den kaya i letra i melodia huntu pa desempatá.
3.17 Pa e programa di e anochi final no terminá demasiado lat ta entregá premio
djamars 3 di febrüari 2015 na un sitio ku lo keda anunsiá despues. entre 7or pa
9or di anochi. Ta anunsiá e 12 finalistanan ku ta bai riba e CD (no den órden di
89
puntuashon). Despues ta anunsiá e di 4e, 3e, 2e, promé finalista i e
ganadó.Solamente 1 te 10 ta risibí premio.
3.18 Despues di e resultado e Rei òf Reina di Tumba ta interpretá e tumba ganadó
den presensia di tur e 12 finalistanan.
3.19 Despues ku kaba di interpretá e tumba ganadó Asosiashon di Músiko i
Artista ta tene un konferensha di prensa p’asina prensa por entrevistá e rei òf
reina di tumba.
3.20 Tur partisipante na e festival mester respetá desishon di hurado I komportá
nan mes komo un digno miembro di AMAK. Puntonan di diferensia di opinion
mester keda diskutí den reunion.
Komportashon no ehemplar por mancha imágen di e organisashon i afektá futuro
di e magno evento aki i por kondusí na medida(nan) disiplinario.
3.21 E agrupashon musikal ku kompañá e tumba ganadó durante Festival di
Tumba, mester ta disponibel pa partisipá tambe durante Gran Marcha i marcha
di despedida. E intérprete ta risibí un kompensashon pa kubri su gastunan,
na un montante di f. 2.000,-, inkluso gastu di security.
3.22E Rei òf Reina di tumba mester karga su korona na presentashonnan ofisial
i bisti e mantel o Shal. Esaki ta e forma pa duna rèspèt na AMAK i
brandingpartnernan ku a yuda sostené festival di tumba.
3.23 Despues di festival di tumba tur partisipante ku ta deseá esaki, por solisitá
te ku djaluna 23 di febrüari 2015 pa 5’or di atardi serka presidente di hurado pa
un sita pa e por haña un bista riba su resultadonan final.
E presidente ta stipulá fecha , ora i lugá ku por optené e informashonnan
menshoná. Despues di e fecha aki presidènt ta entregá e resultadonan na
presidente di AMAK pa archivo.
90
3.24 Den tur kaso ku eventualmente e reglanan aki no ta kubrí ta keda na
Direktiva di Asosiashon di Músiko i Artista pa tuma un desishon.
91
INSTRUKSHON PA HURADO DI
FESTIVAL DI TUMBA 2015
11. INSTRUKSHON HURADO
RESPONSABILIDAT
Hurado ta kai direktamente bou di responsabilidat di presidente i sekretario di
Asosiashon di Músiko, respektivamente Manfred Gomes i Giovanni Atalita.
KOMISHON DI KOORDINASHON DI HURADO
Presidente: Glenn Camelia
Vice Presidente: Frederick (Iko) Benjamin
Sekretario: August Pieternella
Koordinadó: Irma Pieters Philbert
“Input Official”
Time Keeper: Ellen Zijlstra
Akountentnan di A. B. Bureau ta enkargá ku
supervishon di datonan
92
1.
NOMBRAMENTU DI MIEMBRONAN DI HURADO
1.
Presidente di Asosiashon di Músiko i Artista ta risibí un proposishon di
miembronan di Asosashon di Músiko i Artista pa mas tardá 29 di desèmber
2014. Direktiva diario di AMAK ta evaluá e nominadonan di miembro i
agregá nan na eventual kandidatonan di parti di direktiva di AMAK.
2.
Despues ku direktiva di Asosiashon di Músiko i Artista risibí kandidatonan
manera stipulá den punto A i komplementá pa Presidente di Hurado ta
aprobá e proposishon final i despues Presidente i Sekretario di Asosiashon
di Músiko i Artista i Presidente di Hurado ta firma e akta di nombramentu
di e lista ofisial di hurado pa 2015 pa mas tardá 16 di yanüari 2015. Ta bon
pa remarká ku konforme deseo di reunion general semper bai por hasi
kambio pa e fecha final si ta nesesario.
3.
Promé ku Festival di Tumba 2015 Presidente di Hurado ta invitá
miembronan di Hurado pa un reunion informativo djasabra 24 di yanüari
2015. Na e reunion aki Presidente i Sekretario di Asosiashon di Músiko
tambe ta presente. Presidente di AMAK ta tene un introdukshon i kontestá
eventual preguntanan logístiko i di kontenido. Seguidamente Presidente i
Vise Presidente di Hurado ta kontinuá ku e reunion.
2. KANTIDAT DI MIEMBRONAN DI HURADO
1.
Pa letra, melodia i entonashon:
5 miembro.
2.
Pa ritmo i areglo:
4 miembro
3.
Pa ambiente di karnaval:
1 miembro
93
3. TAREA DI MIEMBRONAN DI HURADO
1.
Husga e tumbanan segun reglanan di Asosiashon i di manera ophetivo.
2.
Duna e puntuashon korespondiente konforme e tabla di puntuashon.
4. REGLA PA HURADO
1.
No ta pèrmití un miembro di hurado komuniká ni komentá resultado di e
festival na NIUN persona pafó di e kuerpo di hurado.
2.
Miembronan di Hurado mester ta presente un ora promé ku e ora stipulá
pa kuminsamentu di festival.
3.
Miembronan di hurado no por laga ningun persona influenshá nan huisio i
puntuashon.
4.
Miembronan di hurado ta sigui solamente instrukshon di e kuerpo di
kordinashon.
5.
No ta pèrmití un miembro di hurado aseptá nada di kome ni bebe for di
públiko.
6.
Miembronan di Hurado no ta pèrmití pa bebe mas ku 4 bibida alkohóliko
pa anochi. E miembro di hurado mester tin kòntròl kompleto di su
abilidatnan mental. Kuerpo ehekutivo ta kontrolá uso di bebida alkohóliko
pa evitá ku ta surpasá e kantidat di bebida alkohóliko. Presidente di Hurado
lo kontrolá esaki konforme instrukshon.
7.
Miembronan de hurado mester vota independiente i no mester influensiá
koleganan di hurado.
8.
Miembronan di hurado no por komentá nada ku prensa ni públiko riba
kosnan interno di kuerpo di hurado
9.
Violashon di e reglanan aki por kondusí na ekspulshon inmediato di e
miembro konserní for di hurado i apliká regla nr. 8.
94
5. KAPASIDAT DI MIEMBRONAN DI HURADO
Pa Letra – melodia i Entonashon:
 E persona mester tin konosementu di idioma papiamentu. Preferiblemente e
mester ta un kompositor, eskritor òf deklamadó.
 E mester ta gusta ambiente di karnaval
 E mester konosé muzik di Kòrsou
 E mester tin eksperiensha den ramo musikal pa e por rekonosé sierto liñanan
melódiko.
 E mester tin bon oido musikal, i
 E mester ta íntegro i imparsial.
Pa Ritmo i Areglo:
 E persona mester gusta ambiente di karnaval
 E persona mester tin eksperiensha den ramo di músika i tin konosementu
di harmonia
 E persona mester tin konosementu di músika di Kòrsou
 E persona mester ta íntegro i imparsial
Pa Ambiente den kaya:
 E persona por ta aktivo den un grupo di karnaval.
 E persona mester gusta ambiente di karnaval
 E persona mester tin konosementu di muzik di Kòrsou
 E persona mester ta íntegro i imparsial.
95
Pa tur kategoria ta konta ku un miembro di hurado (en prinsipio) no por sinta
komo miembro di hurado mas ku tres (3) aña konsekutivo.
Basá riba eksperiensha i konosementu por alargá e periodo aki.
6. TAREA DI KUERPO DI KORDINASHON
Presidente di Hurado
1.
Supervishon general
2.
Kòntròl general riba votashon (di miembronan di hurado)
3.
Tuma kontakto ku Presidente di Asosiashon di Músiko den kasonan
nesesario
4.
Mantené kontakto regular ku e akountent enkargá ku supervishon di
votashon i prosesamentu
5.
Eventualmente enkargá Vise Presidente ku algun tarea
6.
Entregá lista di finalistanan na Presidente di Asosiashon Músiko i Artista
7.
Entregá resultado final na Presidente di Asosiashon di Músiko i Artista
8.
Supervisá tur loke tin di haber ku hurado
9.
Si ta nesesario tuma sanshon konforme e reglanan aki
Visepresidente
1. Remplasá Presidente ora ta nesesario
2. Remplasá un miembro di hurado ekspulsá
3. Ehersé un òf mas tarea di e presidente, si pa efisiensia esaki ta nesesario
4. Sostené Presidente di Hurado den e sentido mas amplio di palabra
96
Sekretario di Hurado
10.
Atendé ku prensa konforme instrukshon di Presidente di Hurado
11.
Atendé atministrashon dia di Inskripshon
12.
Fasilitá miembronan di Hurado material nesesario pa nan funshon
13.
Kontrolá e print out di kòmpiuter despues di input di e datonan di
miembronan di hurado.
Kordinadó
14.
Entregá lista di votashon pa prosesá den kòmpiuter
15.
Kontrolá si miembronan di Hurado a vota konforme reglanan
16.
Atendé demas asuntunan di atministrashon
Timekeeper
Kontrolá durashon di komposishonnan ku ta kompetí i registrá esaki.
Akountent
Un kompania di akountent ta supervisá i kontrolá prosesamentu di tur dato di
votashon. Despues di e anochinan preliminar e kuerpo aki ta verifiká i akordá e
lista di 30 finalista konforme e reglanan di AMAK. Riba e anochi final e kuerpo aki
despues di kòntròl ta akordá e lista di ganadónan i despues di firma di Presidente i
Sekretario ta entregá e resultado final na Presidente di Hurado.
Solamente e akountent(nan) tin akseso na e puntuashon preliminar komo e
puntuashon final.
97
7. TABLA DI PUNTUASHON
Ta huzga e siguiente tres (3) kategorianan:
7.1
LETRA – MELODIA I ENTONASHON:
Maksimal 225 punto.
Ta huzga e siguiente aspektonan:
7.1 1. LETRA (75 pt.)
1.
E letra ta hopi kreativo i original. E tin un kontenido koherente i e ta
komprendibel pa tur hende. (50 pt.)
2.
E letra ta un bon basilon pa e fiesta di karnaval. E por sòru pa un bon
ambiente den aktividatnan di karnaval. (25 pt.)
7.1.2 MELODIA (75 pt.)
1.
E melodia ta pegahoso i fásil pa kanta. (25 pt.)
2.
E melodia tin aspektonan nobo den dje. E no ta zona meskos ku tur otro
tumba fo’i ora e kuminsá te ora e kaba. (50 pt.)
7.1.3 ENTONASHON (75 pt.)
E intérprete mester kanta den tono. Un máksimo di 75 punto ta keda
otorgá pa e kategoria aki.
7.2 RITMO I AREGLO: Maksimal 125 punto.
Ta huzga e siguiente aspektonan:
7.2.1 RITMO (50 pt.)
E ritmo di tumba ta pegahoso; bon será i e ta duna bo gana di lanta balia.
E ritmo tin un bon tempu pa marcha riba dje. No muchu purá, ni muchu slo. (25
pt.)
98
7.2.2. AREGLO (75 pt.)
1.
E areglo ta kreativo i original. E ta apart i no ta parse otro piesanan
eksistente. E ta bunita i komprendibel. (25 pt.)
2.
E aspektonan musikal: harmonia, dinámika, klave, èts. ta hopi bon. (25 pt.)
3.
E areglo ta funshonal den e piesa. E relashon entre e diferente
komponentenan ta bon. Esaki ta nifiká ku tin un bon sinkronisashon entre e
komposishon, kantante, agrupashon musikal i e areglo. Ta tene kuenta ku
ehekushon di e areglo di parti di e agrupashon musikal i si e areglista a tene
kuenta ku e habilidatnan vokal di e kantante. (25 pt.)
7.3 AMBIENTE DEN KAYA
Ambiente den kaya: maksimal 50 punto.
Ta huzga e siguiente aspektonan:
1.
E piesa ta dushi pa djùmp riba dje. No muchu purá ni muchu slou.
(10 pt.)
2.
E piesa tin sufisiente variashon di manera ku e no ta kansabu. (10 pt.)
3.
E piesa ta fásil pa hende kapta; e ta fásil pa kanta i tin un koro ku ta trèk bo
bai kuné. (15 pt.)
4.
E piesa ta tene e públiko presente for di kuminsamentu te fin riba pia.
(15 pt.) E piesa ta hala bo atenshon for di momentu ku e kuminsá zona.
Nota: Dia final di e Festival kuerpo di hurado ta huzga mesun sistema pero di
nobo. Ku eksepshon di e total di puntuashon ku e letra a optené den preliminar,
ku ta konta pa final. E hurado di letra riba dia di final ta kontrolá si a bin kambio
den letra. Ta pèrmití solamente kambio di 7 pa 4 pregon. Ta sanshoná violashon
di e regla aki ku 10 punto si e ta muchu eksagerá.
99
7.4 VOTASHON PA MEDIO DI SMS
Kuater aña pasá a kuminsá ku e votashon di SMS riba dianan preliminar i ela
resultá un éksito rotundo. E influensia riba e resultado ta konta pero den un grado
mínimo. Meskos ku aña pasá, e aña aki e votashon via SMS ta konta pa preliminar
i final. E kantidat máksimo ku por haña ta 20 punto.
8. EKSPULSHON DI MIEMBRO DI HURADO
Ekspulshon ta tuma lugá den kaso ku kuerpo ehekutivo di kordinashon konstatá
ku un miembro di Hurado no por kontinuá ku su tarea. Den kaso di ekspulshon ta
traha un prosèsverbal di e desishon tumá i entregá esaki na Presidente di
Asosiashon di Músiko i Artista. E presidente di Hurado ta apuntá un miembro di e
kuerpo ehekutivo òf un miembro di hurado “standby” pa remplasá e hurado
konserní.
9. TUMBA ORIGINAL
En general ta konsiderá un tumba komo original ora e ta reflehá un aspekto nobo
den su género semper konsiderando reglanan di Festival di Tumba pa Karnaval. E
tumba original mester ta un komposishon den kua fantasia i kreatividat ta
aspektonan importante den e totalidat. Skohementu di e tumba original por tuma
lugá a base di konseho di e kuerpo di Hurado.
10. TUMBA POPULAR
Skohementu di Tumba Popular ta sosodé atraves di Asosiashon di Gruponan di
Karnaval i/òf radio-emisoranan.
11. TUMBA KU E MIHÓ AREGLO
E puntuashon optené konforme regla 7.2.2 ta indiká e tumba ku e mihó areglo ta
risibí Naf 1.500,-- i un trofeo. Kompositor di e tumba ta risibí 500 florin. Nr. 2 i nr.
3 ta risibí un trofeo i f 250,- komo premio estímulo.
100
12. PREMIO BÈTI DORAN
E premio Mihó Letra ta konosí despues di e promé 3 anochinan preliminar. E
komposishon ku mayor puntuashon pa letra ta risibí ƒl. 1.000,-- (fl. 500.- opsekio
di AMAK i famia Doran tambe ta pone un 500 florin disponibel pa e premio aki
komo muestra di apresio pa e rekonosementu).
13. PREMIO TUMBA CHISTOSO
E premio chistoso ta bai pa e komposishon ku su kontenido tin aspektonan
chistoso aden i ku por kousa hilaridat. No nesesariamente ta tumbanan finalista
SO por bini na remarke pa e premio aki. Naturalmente e parti di ritmo/areglo i
melodia/letra tambe ta influensiá e desishon final.
14. PREMIASHON
Pa Festival di Tumba 2015 tin e siguiente premionan:
1.
Premionan kèsh konforme repartishon di reseta pa ganadó
2.
Promé, di dos, di tres i di kuater finalista: trofeo i otro artíkulonan di balor.
Trofeo i artíkulonan di regalo pa:
3.
Rei òf Reina di Tumba
4.
Promé finalista
5.
Di dos finalista
6.
Di tres finalista
7.
Di kuater finalista
8.
Mihó areglo, number 2 i 3
9.
Tumba Popular 2014
10.
Tumba original 2015
11.
“Premio Bèti Doran”
101
16. ENTREGA DI RESULTADO
E Presidente di Hurado ta hasi su máksimo esfuerso pa entregá e resultado
preliminar i final den un lapso di tempu responsabel, pa mas tardá djaluna 23 di
febrüari 2015 despues di kontrolá tur dokumento konserní.
102