TALLER TRANSFORMADORES IDEALES Un

25.000 ehemplar pa dia - $ 0.85
Ekstra Boneiru
Djaluna 6 òktober 2014
...ketu bai number unu!
Krítika riba ousensia di frakshon di Demokrat na reunion Konseho Insular
DEMOKRAT A LAGA PROTEKTORNAN DI
NATURALESA NA KAYA
Shou outo Auto City
Auto City a tene un tremendo Regatta Car Show. Esaki a tuma lugá riba dos dia, esta djabièrnè i tambe djasabra. Diferente persona a pasa pa tira bista
durante e show di outo. Notabel tabata e hopi atenshon pa e Suzuki Grand Vitara 2015. E modelo aki awor ta den un diseño nobo. Despues di mas ku 10
aña awor a modifiká e modèl. Bankonan Maduro i RBC tabata tei pa atendé ku klientenan. Riba e foto representantenan di Auto City durante e shou di
outo.
Kaya Dr. J. Gregorio Hernandez 45A
Djaluna te djabièrnè
Yama hasi bo sita!
Tel: +599 788-2228 / +5999
529-2228
Mucha i
adulto plat $7
hair cut
Página koló
Krítika riba ousensia di frakshon di Demokrat na reunion Konseho Insular
DEMOKRAT A LAGA PROTEKTORNAN
DI NATURALESA NA KAYA
KRALENDIJK — Den seno
di hende i instansianan ku ta
sali na vanguardia di naturalesa, esta protektornan di
naturalesa, nan ta kuestioná
den un forma hopi serio e
ousensia di frakshon di
Partido Demokrat na e reunion di Konseho Insular
siman pasá kaminda a trata
naturalesa di e isla aki.
Konseho Insular djarason
atardi a trata e institushon di
parke marino di Boneiru. Riba
dia 8 di òktober 2008 e
ordenansa insular pa maneho
di naturalesa di Boneiru a
drenta na vigor. Desde 10 di
òktober 2010 Boneiru ta forma
parti di konstelashon hulandes, na unda ta nesesario pa
adaptá e ordenansa en kestion
na e legislashon vigente pa
Boneiru, komo parti di e
konstelashon hulandes.
Pa sorpresa di hopi hende
frakshon di Partido Demokrat
no a asistí na e reunion aki
ku a tuma lugá den oranan di
tra’i mèrdia. Pero frakshon di
e partido tabata presente sí
ora ku a trata referèndem.
Frakshon di e partido te awe
no a splika pakiko e no a
presentá na e reunion pa trata
asuntunan di naturalesa.
Frakshonnan di UPB i
Santana a kaba ku naturalesa
i hendenan ku ta protehá
naturalesa na Boneiru. Ku un
plaser enorme e miembronan
di e dos frakshonnan aki a
ataká hende, ámtenar, instansia i fundashonnan ku ta
sali na protekshon di naturalesa.
“Nos a sinti falta di frakshon di Demokrat, un partido
ku semper ta bisa ku e ta pará
na vanguardia di naturalesa,
den e reunion aki. Niun hende
pa defendé nos. Ta pasa nan
a pasa riba hendenan ku ta
protehá naturalesa”, un persona ku ta aktivo di un organisashon di medio ambiente
a deklará na Extra.
Den e reunion ei pa kolmo
frakshon di UPB i Santana a
aprobá un moshon pa medio
di kua ta duna espasio pa bai
mishi ku e lei di naturalesa,
lógikamente no na fabor di
naturalesa, sino kontra naturalesa.
E moshon ta bisa ku for di
aña 1985, Boneiru ta protehá
su naturalesa den forma legal pa medio di e ordenansa
maneho di naturalesa di 2008,
number 23;2.
-Ku protekshon di naturalesa ta algu pa kua Boneiru
a skohe, semper i kuando ku
esaki tabata òf ta den balansa
ku e desaroyo general di
Boneiru;
-Ku e último dékada a bin
ta mira un forma di prosedé
di gruponan konserní, ku ta
kibra e balansa entre protekshon di naturalesa,
desaroyo ekonómiko i general
di Boneiru;
-Ku e gruponan aki, ta
basa nan forma di prosedé
riba e ordenansa ariba
menshoná;
“Great leaders don’t die, they just fade away”
Tristu pasobra el a bai muchu lihé pero konforme ku
boluntat di Dios i agradesido pa tur loke el a nifiká pa nos,
nos ke partisipá morto di
Sr. Ambrosio Albert Molina
Mihó konosí komo ‘Broer of Broertje’
Na bida Presidente di Krus Korá, sekshon Boneiru
E famia di Krus Kòrá ke deseá Marcela, Roderick, Lisa,
Ingemar i demas famianan hopi forsa
den e dianan difisil aki!
Direktiva i miembronan di Krus Kòrá Boneiru
-Ku e ordenansa aki den
kombinashon ku e forma di
prosedé di e gruponan konserní, no ta duna espasio pa
diálogo, te pa yega na un
konsenso pa ku bienestar general pa e;
-Ku komo representantenan demokrátikamente
skohé i responsabel, Konseho
Insular tin e obligashon legal
i moral pa atendé ku tur
aspekto ku ta diseñá pa
kanalisá un desaroyo efikas i
duradero pa nos isla;
-Ku pa e motibu aki no por
aseptá e ordenansa aki sin
mas.
Pa medio di e moshon aki,
aseptá pues pa frakshonnan
di UPB i Santana, ta urgi kolegio ehekutivo pa enkaminá
di forma inmediato, e proseso
pa yega na adaptashon di e
ordenansa aktual i pa presentá esaki huntu ku e kambionan tékniko na Konseho
Insular; Ku e adaptashonnan
ta enserá e siguiente artíkulonan: artíkulo2 (zonanan
en bes di e isla i su awanan
teritorial den su totalidat),
artíkulo 3 (e komishon mester
tin den su mayoria 1 konosedó
di e diferente áreanan protehá,
huntu ku personanan ku ta
direktamente dependiente di e
sektor òf sekshon, sostené pa
ekspertonan atministrativo),
artíkulo 12 (pa duna espasio
pa e posibilidat di re-alokashon di espesienan protehá), artíkulo 13 (adaptashon
di insisonan 1te ku 4
(dunando espasio i posibilidat
ora esaki ta nesesario na
fabor di desaroyo generá!),
Artíkulo 14 (adaptá den e
mesun espíritu ku e splikashon bou di artíkulo 13),
artíkulo 15
insiso1 i 2(kambia e
palabra ‘slechts’ pa ‘doorgaans’i insiso 2 e frase ‘en
indien’ mester bira ‘of indien’.)
Pa despues di e adaptashonnan aki presentá konsepto di e ordenansa aki bek
na Konseho Insular pa
akseptashon.
Mensahe den promé manifestashon kultural
BONERIANONAN MESTER DEMOSTRÁ
INTERES DEN FUTURO
DiviFlamingoBeachResortisoneoftheDiviResortsbasedintheCaribbean.Colorful,unpretentiousandfun,theDivi
FlamingoBeachResortandCasinoistheperfectbaseforvacationersdrawntothesereneislandofBonaireandto
worldͲclassCaribbeanscubadiving.Spaciousoceanfrontandgardenviewguestroomsandsuitesaregailydecorated
inbright,tropicalcolors.PrivatebalconiesoverlooktheCaribbeanSeaandinvitegueststorelaxafteradayofdiving.
TheDiviFlamingoBeachResort&CasinooffersDiviDiveBonaireͲaPADIfiveͲstardiveoperationwithcustomdive
boats,equipmentandanexperienceddivecrew.
Food&BeverageManager
TheF&BManagerprovidesallmembersandguestswiththehighestlevelsofservice.Coordinates,supervises,and
directsallpropertyfoodandbeverageoperationswhilemaintainingaprofitableFoodandBeveragedepartmentand
highqualityofproductsandservicelevels.
Qualifications:
ƒ Bachelor’sDegree(4year)HBOwithmajorinHotelManagement/Hospitality,Extensiveexperience
ƒ Isfriendly,courteous,attentive,andhelpfultoallmembers,guests,andfellowemployees
ƒ Maintainsstandardsoffoodandbeveragequalityandguestservicequalityasestablishedbycompany.
ƒ Achievesbudgetedrevenues,controlsexpenses,andmaximizesprofitabilitywithinallareasofthefoodand
beveragedepartment.
ƒ Creates,organizes,andimplementsnewmenuconceptsfromconceptiontocompletionincludingmenu
design.AndcoordinateallBanquets+EventsFunctionsandmenus.
ƒ Regularlyreviewsandevaluatesthedegreeofcustomeracceptanceandrecommendstomanagementnew
operatingandmarketingpolicieswheneverdecliningorconstantsalesimplydissatisfactionbythecustomers.
ƒ Maintainsahighlevelofquality,cleanlinessandservicethroughouttheoperation.
ƒ Develops,implements,andmaintainsfoodandbeveragemarketingprogramsfortheproperty.
ƒ Maintainsproceduresforsecurityofcash,creditandfinancialtransactionsandinventorycontrol.
ƒ ManagesschedulesforentiredepartmentincludingStaff/Supervisors
ƒ Musthaveflexiblehoursandbepresentatthehotelforimportantevents,inventorydays,andmanagement
meetingsconductdepartmentalmeetingstoencouragecommunication.
ƒ MustadheretoandpromotetheEmployeeHandbookStaffguidelineswithakeyfocusonscheduling,holiday
schedules,employeebenefits,andstaffentitlements.
ƒ MustworkcloselywiththeBanquetReservationsmanagertocarryoutmeetingsandeventsaspertheir
contract.
ƒ Mustworkwithourmanagementtraineesontheirdevelopmentwhileonaworkprogramhereatthehotel.
Information:
FormoreinformationyoumaycontactMr.StevenCicilia(HRM)athr@diviflamingo.com
Pa: Belkis Osepa
KRALENDIJK – Bonerianonan mester informá nan
mes bon i nan mes demonstrá
interes pa formulá un vishon
tokante futuro di nan isla.
Esaki ta e mensahe durante e
promé manifestashon kultural di fundashon Nos Ke
Boneiru Bèk.
Kankan di hende e tereno
na Nort di Saliña kaminda a
tuma lugá e manifestashon
kultural di fundashon Nos Ke
Boneiru Bèk, no tabata. Mas
ku sinkuenta bishitante a bai
skucha i mira e sine di historia tokante kolonialisashon, diskurso, deklamashon,
kanto i baile. Apesar di e echo
ku e referèndem konstitushonal no ta tuma lugá mas
promé ku elekshon lokal,
presidente James Finies a
organisá tòg su enkuentro
informativo. “Pueblo mester
informá su mes i no laga polítikonan hasi manera nan ke
ku nan”, Finies ta haña.
DEMOKRASIA
E bishitantenan a zona
positivo ku e kampaña di
informashon di Nos Ke
Boneiru Bèk. Mayoria di e
presentenan a ekspresá nan
mal kontentu riba e posishon
di struktura estatal di
Boneiru. “Boneiru a bai atras,
no ta respetá ni nos opinion
ni demokrasia”, un hòmber un
Gabriel van Arneman.
tiki mas bieu ta bisa. Den e
diferente reakshonnan ta
zona e lema di fundashon Nos
Ke Boneiru Bèk: “Realmente
nos ke nos Boneiru bèk”.
Venota Coffie di 79 aña ta
hopi skèrpi: “Mi a bin tende
tur e kosnan aki, pasobra mi
ta haña ku nos no por sigui
asina. Nos no por biba asina.
E makamba tin di bisa riba
nos, ta kobra belasting i e sèn
ta disparsé pa Hulanda. Nan
ta bisa ku nan a bin yuda. Ami
no ta satisfecho.”
VISHON
Kolumnista Gabriel van
Arneman ta sigui e desaroyonan na Boneiru djaserka. E
ta analisá e diskushonnan
rònt di e status estatal di
Boneiru i ta pone tur kos den
perspektiva. E poblashon
mester di un push pa informá
su mes i bira konsiente di su
posishon estatal. “Boneiru
mester disidí unda e ta pará i
unda e ke bai. Kua ta e vishon
pa Boneiru? Nos por keda
keha tokante tur loke a pasa,
pero na un dado momentu nos
mester mira e situashon ku
nos ta den i formulá un vishon
tokante futuro.”
Van Arneman ta rekonosé
ku tin hopi mal komunikashon entre aktornan riba
tereno. P’esei e ta na fabor di
komunikashon kla i transparente. E tres aktornan ku ta
gobièrnu, i agrupashonnan i
organisashonnan sosial i
pueblo tin e responsabilidat
pa hala e garoshi i informá e
poblashon bon, e ta haña.
“Pero e kos di mas importante
ta e pueblo mes ku tin ku bisa
kiko e ke.”
PHU ta pidi pa wak eksperensianan di Sürnam i otro islanan
REFERÈNDEM POR KREA PROBLEMA GRANDI
PA PENSA ARIBA: Kaminda laman ta dominá, tera
mester obedesé.
***
SITUASHON FUTBÒL. Despues di e publikashon di
siman pasa den Extra tokante e situashon di futbòl
boneriano, tabatin hopi reakshon positivo i
konfirmashon di susesonan tantu na radio emisoranan
komo tambe ekiponan afiliá na FFB i fanátiko nan. Hopi
komentario positivo riba e puntonan tresé den e
publikashonnan. Por a tuma nota tambe ku a tuma
sierto pasonan kaba den e kuerpo di rèfri. Rèfrinan a
yama reunion den nan seno pa papia riba sierto
puntonan i mehorá kosnan. Lo bini mas kontròl i disiplina
riba tereno.
Por a komprondé ku tur rèfri lo bai aktua uniforme.
A diskutí ku no por ta asina ku un rèfri ta flùit tur
infrakshon, anto otro siman su kolega ta subi pa flùit i
e no ta flùit e infrakshonnan korespondiente i ta krea
un káos i konfushon tantu riba e tereno komo serka e
hungadónan. Esaki sigur ta un kambio ku lo bai ripará
den seno di rèfrinan.
Tambe rèfrinan tin oportunidat pa a bai un kurso
den eksterior pa hisa e nivel, pero pa motibu di direktiva
di Federashon Futbòl Boneriano
(FFB) no ta kompletu na e momentu aki pa tuma
desishon, esaki lo no por bai dor mas. Awor tambe tur
rèfri ta dispuesto pa bira aktivo bèk pa duna koperashon
na FFB. Asina dos di e rèfrinan ku a retirá den pasado
ta bèk pa duna un man, pasobra a mira ku kosnan no ta
kana bon. Tabatin falta di rèfri i futbòl a bai a tras riba
tereno.
Tambe ta asina ku rèfrinan lo no bai tene
konsiderashon ku ekiponan mas. Si mester duna karchi,
sea hel òf kòrá, nan lo bai kumpli debidamente ku esaki.
No ta importá ku si e ekipo lo por pèrdè e wega; disiplina
mester bini bèk riba tereno di wega. Ámbos ekipo ta
bini pa hasi deporte, no pa hasi otro mankaron òf krea
leshon riba otro. Asina lo por nota diferente otro kambio
serka e kuerpo di árbitro, unifòrm nobo, kuminsá wega
na tempu, kumpli debidamente ku tur regla.
Pues e publikashonnan di Extra a yuda. Ta mirando
resultado. Naturalmente Extra ta kontentu di por a duna
su kontribushon. Lástima ku serka FFB mes sí no a
mira kambio ainda, pero riba esaki Extra ta bini
despues.
***
PA PENSA ARIBA: Si hende hòmber hura ku nan ta
bai hasi bo malu, bai drumi trankil. Si hende muhé hasi
esaki, keda lantá.
***
DEMOKRAT. E echo ku Partido Demokrat su frakshon
no a asistí na e reunion di Konseho Insular ku a trata
asuntunan di naturalesa djarason último a kai den mal
tera. Den vários skina di komunidat, spesialmente den
e sektor di persona i instansianan ku ta defendé
naturalesa, e echo ku frakshon di Demokrat
(intenshonalmente) no a asistí na e reunion importante
ei a keda kondená. Demokrat mester sali i splika pakiko
nan no a asistí, ku komo konsekuensia ku Konseho
Insular por a trese vários kambio den e lei en kestion,
perhudikando naturalesa.
***
U17 I U18. Otro punto ku a yega na nos redakshon
ta ku U17 i U18, tambe henter e organisashon di ‘U’ no
ta funshoná mas. Ta di lamentá inmensamente, pasobra
e sekshon di U aki a produsí hóbennan talentoso i por
bisa ku tur ekipo den e kampionato aktual ta drai ku
hóbennan ku a bini di U17 i U18. Si esaki no ta funshoná
mas kon lo sigui den futuro? Lo bai bek atrobe riba e
sistema di junior ? Dikon FFB no ta sòru pa e sekshon
aki sigui funshoná? Kiko a pasa ku a stòp ku e sekshon
di U-nan? Ta di spera ku pronto direktiva di FFB ta pone
tur kos riba un rei i tambe hasi maske ta e kos chikitunan
ku tin pa hasi na interes di hungadónan, i tambe na
bienestar di e ekiponan di futbòl di Boneiru.
***
PA PENSA ARIBA: Un galiña no ta laba su paden,
pero tòg su webunan ta blanku.
***
KRALENDIJK – PHU, e
partido di Michiel Bijkerk, no
ta kontra referèndem, pero ta
kere ku dos di e tres opshonnan ku hopi probabilidat lo
por kondusí na problema
grandi den futuro. Esaki Rob
Bonke di e partido aki ta bisa
for di Sürnam. E ta pidi pa
mira e situashon aktual na
Sint Maarten ku solamente 4
aña komo pais outónomo den
reino. Tambe e ta referí na
Aruba ku e debe nashonal di
mas haltu den reino i Kòrsou
ku no ta skor malu riba e
índise di korupshon. Bonke:
“Por asumí ku asosiashon
liber pa Boneiru lo kondusí na
mesun konsekuensianan.
Sigur ku e polítikonan aktual.”
E ta kere ku un referèndem
mester bini, pero esaki mester
ta hustu, transparente i n’e
momentu korekto. Bonke:
“Oposishon tabatin e ordenansa di referèndem kla kaba
ku opshonnan: independensia, asosiashon liber i integrashon. Esaki no ta korekto
i PHU ta rechasá un proposishon asina pa un referèndem, pasobra tur ta tapá
ku palabranan apstrakto i
pues muchu vago. Esaki
miéntras dos di e tres opshonnan ku hopi probabilidat ta
bai kondusí den futuro na
problema grandi.”
Bonke ta pidi pa traha riba
futuro na un manera rashonal
i no emoshonal. “No tin
kaminda pa bai bèk mas,” e
ta bisa. “Komo PHU nos ta
para pa ‘huntu nos mes por’.
Nos no tin konfiansa ku e
partidonan polítiko tradishonal por hasi esaki. Nunka
nan no a laga mira esaki.
Interes propio promé i despues
e pueblo.”
Tokante Sürnam, e ta bisa
ku emoshonalmente e pais aki
a bira independiente den dos
aña di tempu. Esaki ta bin
dilanti den e mémoires di
Jaggernath Lachmon, kende
tabata e forsa grandi tras di
esaki. Nan no tabata kla
p’esaki. Esaki tambe a inisiá
emoshonalmente dor di e falta
di boluntat di Hulanda pa
duna Sürnam mas outonomia. Nan tabata kansá di e
100% metementu hulandes i
tabata ke mas espasio.
Bonke: “E pueblo tabata ke
independensia, di krènk dor di
polítikonan oportunístiko
surinameño i fortifiká dor di
polítikonan tèrko i sabelotodonan hulandes ku tabata
goberná Sürnam di un manera
rígido i no ker a tende di
entregá algu. Nos a mira e
konsekuensianan: revolushon
militar, violashon di derecho
humano i politikeria diario.
No tin diferensia ku e Antia
anterior. Historia ta ripití su
mes. Tantu Hulanda komo e
islanan mester siña di esaki i
no manera un buriku dal
kontra mesun piedra dos
biaha.”
Bonke ta bisa ku PHU ta
manda e mensahe aki tambe
pa Hulanda pa reflehá riba
esaki i duna pueblo di Boneiru
loke komo siudadano hulandes e tin derecho riba dje:
igualdat di derechonan sosial
i ekonómiko, un grado haltu
di libertat, supervishon i
seguridat. E a konkluí: “P’esei
PHU ta para pa un estado federal outónomo dentro Hulanda, dentro di kual Boneiru ta
haña e libertat gubernamental
nesesario, miéntras Hulanda
ta sigurá kalidat dor di
supervishon. Esaki ta e mihó
opshon pa tantu Hulanda
komo Boneiru.”
E tiki áwaseru ku a kai ayera mainta den área di Rincon a kousa algun aksidente. E
foto aki ta mustra kon un outo a kita for di kaminda na altura di Onima. No tabatin
herido. E outo no a haña masha daño. Foto ta mustra momentu ku tabata sakando e
outo.
EDITORIAL
KOSNAN TA SIGUI MESKOS DEN FUTBÒL
Resientemente Extra tabatin algun komentario krítiko riba e forma kon kosnan
ta kanando den deporte di futbòl na Boneiru. Nos a kuestioná tantu e aktitut di
Federashon di futbòl Boneriano komo e kuerpo di rèfrinan di futbòl. Por nota
mientrastantu ku e rèfrinan a kuminsá hasi esfuerso pa trese mihorashon, loke
ta di aploudí.
Serka FFB sí no a mira kambio despues di e publikashonnan. Por tuma
nota ku kosnan a keda meskos. Fanátikonan no por a tuma nota di niun esfuerso,
ni riba e terenonan di futbòl, ni den e maneho di FFB.
Hopi ta e komentarionan riba FFB, tantu di e ekiponan mes komo fanátikonan
di futbòl. Hopi fanátiko a aserká nos di redakshon i tambe na radio-emisoranan
tokante kon ta manehá FFB aktualmente. Puntonan fásil ku por a remediá ta
entre otro e echo ku ekiponan a pidi pa tin un brankar riba tereno pa si algu
pasa un hungadó. Nada no a tuma lugá. Ya kaba tres wega a tuma lugá i no a
mira un brankar na tereno òf den Stadion Antonio Trenidad. Algu ku direktiva di
FFB por a hasi fásil, pero FFB no a hasi esaki ainda. E argumento ku no tin
hende adekuá pa manehá e brankar aki ta un esküs hopi flou, ya ku sin e
brankar ta transportá e hungadó tòg fo’i riba tereno, loke ta mas kompliká ?
Transportá e hungadó riba un brankar òf his’é na man ku pia karga trese pafó?
Ta p’esei mes ekiponan, hungadónan, fanátikonan ta bisa ku FFB no tin
interes di hungadó na pechu. Ora a puntra pa direktiva diario di FFB, a haña
komo kontesta ku e presidente ta sinti kebrante salu i ta den eksterior, sekretario
tambe ta den eksterior, i ta e tesorero so ta riba e isla. Nos di redakshon no por
a haña sa ta ken ta e presidente suplente, ni sekretario suplente. Ta parse ku
kada miembro di e direktiva di FFB ta funshoná riba nan mes, no tin
kordinashon i no tin desishonnan tumá konhuntamente. Ta parse ku kada
miembro ta tuma nan propio desishon i esei ta konta.
Rèfrinan mester a bai afó pa un kurso ku FIFA ta organisá, presidente no
t’ei, sekretario no t’ei, no por tuma desishon. Esaki ta inaseptabel, tantu di
parti rèfrinan, timnan, komo fanátikonan. Un direktiva ku ta respetá su mes
mester por sigui funshoná, un persona no ta indespensabel. Si mañan e persona no t’ei mas, kosnan mester sigui funshoná.
Tambe redakshon di Extra a haña remarke riba funshonamentu di e
presidente aktual. E presidente no ta un persona di tomo di desishon. E ta
drai rondó di tur punto i no ta tuma desishon. Si e kabes di un organisashon no
ta funshoná bon, e restu di e organisashon tampoko no ta funshoná bon.
Meskos ku rèfrinan a tuma desishon i a hasi kambio drástiko den nan
organisashon, asina tambe FFB mester tuma desishon pa manehá e
organisashon aki komo debe ser.
Mester bini kambio den e maneho segun dirigente di algun ekipo ku kende
Extra a kombersá. Na luna di febrüari aki lo mester tin elekshon . Ta di spera
ku e direktiva aki sa di pone su kosnan na òrdu i organisá nan mes asina bon
ku nan por sigui drai e organisashon aki na un manera responsabel i bon. Ta
di spera ku tur direktiva di kada ekipo mira bienestar di futbòl Boneriano.
RADIO DIGITAL 91.1 A KUMPLI 11 AÑA
KRALENDIJK—E emisora
Radio Digital 91.1 djabièrnè
último 3 di òktober 2014 a
rekordá e echo ku 11 aña pasá
e la mira lus di dia, e emisora
a bai den aire pa promé bia
riba nos isla.
Awe e emisora aki segun e
último enkuesta, ta e emisora
number 1, e emisora mas
skuchá di nos isla.
Djabièrnè último tabatin e
selebrashon unda e oyentenan por a pasa buska pida
bolo i tambe a selebrá esaki
den seno di e empleadonan
huntu ku gerensha ku bolo,
pasapalu i di bebe.
Den e studio prinsipal
dado momentu tabata yen yen
di hende momentu ku DJ
Marvin Abdul tabata na
timon.
Fotonan ta ilustrá esaki.
Pabien na e emisora i hopi
aña mas.
INOUGURASHON FOKKER 70 INSEL AIR
KRALENDIJK — Djabièrnè
mainta tabata un dia históriko pa Insel Air unda a
inougurá yegada di un Fokker
70 na Boneiru. Manera a
stipulá, esta pa 10’or e avion
a aterisá na Aeropuerto Flamingo unda miembronan di
prensa tabata sper’é.
E fokker aki ta bai forma
parti di e otronan avionnan
di e kompania di aviashon
Insel Air ku e meta pa bula
entre islanan Aruba, Boneiru
i Kòrsou, ‘Hub Flight’.
Despues ku e avion a
aterisá, tur hende a pasa
paden na aeropuerto i algun
persona a hiba palabra i
tambe tabatin algu di kome i
di bebe pa tur presente.
PA PENSA ARIBA
Sòldachi ku ta warda su kaska, lo biba
largu!
Dushi tempu bieu
The Defenders Steelband
MORDE SUPLA
Pa: Paul Brenneker
Pastor tin doló di kabes. E debe riba su misa a
montoná mashá. Ta kon ta hasi? Riba prekstul e
ta supliká hende ku tin moda, di komprondé e
pena, i di yud’é ku un kos èkstra, un kos gordo.
E mesun dia e ta haña un telefon. Un parokiano
bon pará ta bisa ku el a
tende pastor su predikashi. E ke yuda. Pastor
bin hasi un bishita na su kas; un kos èkstra ta
ward’é. Kontentu pastor ta sali. Kiko nan tin
p’e? Un kaha pisá ku un San Rafael di un metersesenta aden, un santu ku ta hari di alegria ku
un piská bou di su brasa, grandi manera un buní
karèt. Hesusea. Ata pastor tin dos San Rafael
kaba.
PALABRA DI SABIDURIA
No laga bo kurason envidiá pekadó, ma biba
semper den e temor di SEÑOR.
BOLETIN DI TEMPU
Tempu: Por lo general parsialmente nublá ku
algun áwaseru lokal.
Temperatura máksimo lo ta 32°C i temperatura
mínimo, 26°C.
Solo ta sali: 06:25 i e ta baha 18:23.
Bientu:
For di direkshon generalmente ost i moderá te
basta fuerte; forsa 4 te 5 (20 te 39 km/ora, 11
te 21 nudo). Ráfaga okashonalmente fuerte i den
áwaseru te posiblemente duru; forsa 6 te 7 (40
te 61 km/ora 22 te 33 nudo).
Situashon general: Un ola tropikal riba Laman
Karibe sentral ta propagá wèst i ta yuda ku
desaroyo di nubia. Áwaseru lo kai lokalmente
riba nos islanan, pero esaki lo gradualmente bira
ménos. Di un otro banda, kondishon di e laman
lokal por lo general moderá lo kontinuá ku un
fluho di bientu moderá te basta fuerte.
Kondishon di laman: Moderá, ku altura di olanan
entre di 1 i 2 meter.
Sistemanan tropikal signifikante: Ningun
Fenómeno speshal: Ningun.
Mundu aki ta yen di problema.
Ata awor ISES ta terorisá
hendenan na Irak i Siria. Ta kon
ta zo????
Esaki ta The Defenders Steelband di Nikiboko. Integrantenan d.r.p.d. Henry Rodrigues, Ibi de
Palm, Humphrey Thodé, Monty Rodrigues, Rishi Hart, Fincho, Bano Pourier, te na robes parti
patras Ibi Pourier i Tuyo Hart. (Kolekshon Extra)
AGÈNDA BONEIRU
Numbernan importante
Polis 717-8000
Polis Emergensia 911
Brantwer 919
Wardakosta 913
Hòspital 717-8900
***
Storing awa òf koriente 9215
***
Orario bishita Hòspital
Mèrdia 11;30 pa 1’or; anochi
di mitar di shete
pa 8’or.
***
Asilo di Bestia
Kaminda Lagun 26
tel. 717-4989
***
Rekohé bestia morto
tel. 788-2999
***
Atrakshonnan
Parke Washington-Slagbaai:
8’or pa 5’or tur dia
Mangazina di Rei:
8’or pa 5’or den siman
Awèl si... Ata algun aña pasá
tabatin Hesbolah i awor ku
Besbolah no ta aktivo mas a bini
Ebolah. Ki dia ta kaba?
***
Museo Bonaire (SKAL):
8’or pa 12’or/mitar di dos pa
5’or den siman
We Dare to Care Park
1;00 p.m. – 7;00 p.m.
***
Orario selebrashon Santu
Sakrifisio di Misa:
Parokia San Bernardo
Djaluna, djarason, djabièrnè,
djasabra 7;00 p.m. Djaweps
6;30 p.m. Djadumingu 8;00
a.m., 10;00 a.m., 7;00 p.m.
Bírgen Maria di Coromoto
Antriol
Djaluna 6;30 a.m., djamars
7;30 p.m., djaweps 7;30
p.m., djabièrnè 6;30 a.m.,
djasabra 6;00 p.m.
(na ingles), 7;30 p.m.
(papiamentu), djadumingu
9;00 a.m. – 6;00 p.m.
San Luis Beltran Rincon
Djaluna 7;00 p.m., djamars i
djarason misa den bario,
djaweps 7;00 p.m., djabièrnè
7;00 p.m., djasabra 7;00
p.m., djadumingu 7;00 a.m. –
10;00 a.m. – 6;00 p.m.
(na spañó)
***
SNECHI DI
PALABRA DI DIOS
06.10. Lk. 10, 25-37. San Bruno.
Den e tempu aya, un eksperto den lei a bin papia
ku Hesus, pa purba laga Hesus kai den trampa.
El a puntr’E: “Maestro, kiko mi mester hasi pa
risibí bida eterno?” Hesus a kontestá: “Kiko ta
skibi den Santa Skritura? Kiko bo ta lesa eiden?”
El a bisa Hesus: “Stima Señor, bo Dios, di henter
bo kurason, ku henter bo alma i ku tur ho forsa”
i “Stima bo próhimo manera bo ta stima bo
mes”. Hesus a bis’é: “Bo ta korekto. Hasi e
kosnan aki i lo bo biba!” Palabra di Señor.
E úniko kaminda pa Shelu ta kaminda di amor - amor
ku ta un entregá sin límitenan den sirbishi di Dios i
nos próhimo, amor basá riba humildat i obediensia.
Pa yega shelu nos mester kumplí ku Dios Su
mandamentunan. Pero no komo un obligashon sino
ku amor. Nos mester mustra nos amor pa Dios, den
tur nos pensamentunan, den tur nos palabranan, tur
nos aktonan, nos mester mustra e amor aki na kas,
na trabou, riba kaya. Pa yega shelu nos mester trata,
kuida i sirbí nos próhimo, manera nos ta sirbí nos
mes. Amor no ta un wega, no ta un emoshon, no ta
loke nos ta tende di dje den kantikanan profano amor ta un duna i duna i duna, sin pidi ningun
rekompensa. Amor ta un entrega, manera esun di
Kristu, te último gota di sanger. Esaki ta posibel si
nos ta alimentá nos mes ku Santa Eukaristia, orashon
i Palabra di Dios.
Señor, laga nos krese den un amor kristian, pa nos
por alkansá Bo reino.
SHOU DI OUTO AUTO CITY
KRALENDIJK -- Auto City
a tene un tremendo Regatta
Car Show. Esaki a tuma lugá
riba dos dia, esta djabièrnè i
tambe djasabra. Diferente persona a pasa pa tira bista durante e show di outo.
Notabel tabata e hopi
atenshon pa e Suzuki Grand
Vitara 2015. E modelo aki
awor ta den un diseño nobo.
Despues di mas ku 10 aña
awor a modifiká e modèl.
Pues ainda por pasa si no
a wak e modelo nobo aki pa
bo komprobá pa bo mes ku e
Grand Vitara ta algu ku
masha tempu bo tabata spera.
DJ Juan Danger tabata
enkargá ku e parti di músika
durante e show di outo,
miéntras Banko Maduro i RBC
tabata tei pa atendé ku
klientenan.
Deliberashon produktivo ku kompanianan aéreo Latino Amerikano
RESULTADO POSITIVO NA KONFERENSIA
‘WORLD ROUTES’
KRALENDIJK — E konferensia anual ‘World Routes’
ku a tuma lugá di 20 pa 23 di
sèptèmber na Chicago, Illinois, tabata produktivo pa
Boneiru. ‘World Routes’ ta e
foro prinsipal di mundu pa desaroyo di rutanan di aviashon. Mas ku 300 kompania
di aviashon 3 mil delegado di
turismo i aeropuertonan, ta
partisipá representando 110
pais.
Durante e konferensha
mas ku 10 mil reunion palabrá di antemano ta tuma lugá
entre kompanianan di aviashon i paisnan destinashon.
E delegashon di Boneiru,
enkabesá pa diputado enkargá ku turismo Edsel Winklaar
i inkluyendo Ethsel Pieternella, direktor di TCB, huntu
ku Candice Adams Kimmel,
representante di TCB pa Nort
Amérika, a tene kòmbersashonnan sustantivo ku un
kantidat haltu nunka bisto di
kompanianan di aviashon ku
tabata interesá pa reuní ku
Boneiru.
E delegashon a reuní prinsipalmente ku kompanianan
di aviashon ku ta kubri e tres
merkadonan mayó di unda
turismo pa Boneiru ta originá,
ku ta entre otro e kompanianan AZUL, COPA, LANTAM,
KLM, Delta, United, JetBlue,
American, Southwest Airlines, WestJet i Inter Caribbean
Airways.
Nos a bini bon prepará pa
hasi negoshi i nos a logra, diputado Winklaar a bisa. Nos
a presentá datonan aktual di
Boneiru su prestashon na e
kompanianan di aviashon di
nos merkadonan eksistente
na Nort Amérika i Europa.
Alabes nos a entregá konklushonnan klave di un análisis
di e merkado Sur Amerikano
hasí dor di e kompania ASM
Global, na e kompanianan di
Latino Amérika.
Ku e pronóstikonan di
tráfiko i rendimentu di e
estudio nobo aki, Boneiru a
logra di posishoná su mes
riba un nivel mas haltu ku
otro destinashonnan ku e
areolineanan aki ta konsiderando. Esaki definitivamente
a kapta atenshon di e kompanianan di aviashon Latino
Amerikano. Nos a yega hopi
leu den e periodo entre nos
bishita na ‘Routes Americas’
na febrüari i e konferensia aki
di ‘World Routes’, dor di tene
diálogonan dirigí ku tur
kompania di aviashon klave
di Latino Amérika den e último ocho lunanan. Konsekuentemente, awor nos ta
posishoná firmemente den e
opshonnan ku nan ta konsiderando, diputado Winklaar a
konkluí.
Pa ku e merkado di Nort
Amérika, nos ta hopi kontentu di informá ku Delta a
konfirmá ku operashon di nan
di dos buelo pa Boneiru lo
kontinuá durante e temporada
haltu di otro aña, Ethsel
Pieternella, direktor di TCB, a
agregá.
Pieternella ta felisitá i
gradisí tur esnan den sektor
privá ku a koperá. Ta asina
si, ku nos mester mehorá e
okupashon di e buelo. Sinembargo, e echo ku e tráfiko riba
e buelo di djabièrnè tabata
adishonal i no a afektá e okupashon di e buelo di djasabra,
tabata sufisiente pa yega na
desishon pa mantené e buelo
èkstra.
Shofùr di un djip ku no a paga tinu riba tráfiko a bai
dal ku su vehíkulo den atras di un outo di NOS-TV. E
aksidente aki a tuma lugá riba kaminda di Rincon na
altura di Onima. E fotonan ta duna un bista di e dos
outonan embolbí.
SELEBRASHON 30 ANIVERSARIO “OBERSI GROUP”
KRALENDIJK—Djabièrnè
último 3 di òktober 2014
Obersi Group a selebrá su di
30 aniversario na su ofisina
den Kaya Grandi Playa Pabou.
Promé ku e parti ofisial di
e selebrashon, Pastor Santiago di Parokia San Bernardo di
Playa a hasi orashon i bendishoná tur ku tabata presente pa e okashon aki.
E parti ofisial di e selebrashon a inisiá ku palabranan
di MC pa e okashon aki, sr.
Andrew Tweeboom, pa despues palabra pa sr. Alvin
Obersi, direktor gerente general di e empresa ku e anochi
aki a hañ’é ku diferente
sorpresa agradabel di su
empleadonan ku e ta masha
masha orguyoso di nan, loke
e la ekspresá tambe den su
diskurso.
Sr. Alvin Obersi a inisiá su
diskurso ku palabranan di
gradisimentu mashá mashá
spesial pa su kerida esposa,
sra. Lala Obersi, ku tur tempu
te ku awor, for di tempu ku
nan tabata frei pa kasá,
momentu ku e la kuminsá ku
negoshi, a para su tras, su
dilanti i tur kaminda pa
apoy’é den esakinan.
Den su diskurso sr. Obersi
a bai den historia tresiendo
dilanti ku for di su edatnan
hopi yòn komo mucha e
tabatin vishon.
Un dia ku su edat di 11
aña e la bisa un besiña ku e
tin deseo di tin hopi negoshi
den Karibe i tambe un djèt pa
biaha rònt Karibe pa su
negoshinan.
Tambe sr. Obersi a elogiá
diferente persona ku e la hasi
menshon tambe di nan, entre otro su tata defuntu, sr.
Juancho Obersi (e,p.d.) i sr.
Hugo Gerharts ku tabata
presente tambe pa e selebrashon, for di kendenan i algun
amigu mas ku e la siña
masha masha hopi mes di
nan ku awe e por a yega asina
leu den negoshi.
Tur su amigunan tambe
tabata presente pa e okashon
bunita aki.
Na final di su diskurso sr.
Obersi tabatin plakat di
gradisimentu i regalu komo
elogio pa diferente di su
amigunan i empleadonan pa
e forma kon nan a yud’é krese
den e empresa no solamente
aki na Boneiru pero den
Karibe.
Tambe tabatin di su
amigunan ku a hasi entrega
di regalu komo rekuerdo na
sr Obersi. Hopi tabata esnan
presente, su famia, amigunan
i relashonadonan empresario
ku tabata presente pa e okashon aki pa felisitá sr. Obersi
ku e logronan den e 30 aña.
Despues di e partinan
ofisial a sigui músika di Sensation Band.
TUR KOS TA KLA PA FESTIVAL REGATA 2014
KRALENDIJK—Tur kos ta
kla pa Festival di Regata 47
ku ta kuminsá djárason awó
8 di òktober 2014 den Parke
Wilhelmina.
Esaki nos por a komprondé for di diputado sra.
Jona Chirino-Felida i su
komishon organisadó den
konferensha di prensa
djabièrnè último 3 di òktober
2014 den oranan di traimèrdia
na ofisina prinsipal di
gobernashon di Boneiru.
Tabata sr. Robert Sances di
e komishon organisadó ku a
habri e konferensha d prensa
pa despues pasa palabra pa
diputado Chirino-Felida.
E mandatario a splika ku
a hinka un pakete di aktividat
bon balansá den otro pa e festival ku ta kuminsá djárason
awó.
Despues e mandatario a
pasa palabra pa sr. Johnny
Leoneta di SKAL ku tambe ta
forma parti di e komishon
organisadó pa amplia riba e
programa.
Johnny Leoneta a splika ku
e aña aki e “stage” lo ta den
e lugá pa stashonamentu di
outo dilanti di Ofisina Prin-
Diputado Jona Chirino.
Robert Sances (VP&O).
Malinda Hassell (TCB).
Djòni Leoneta (SKAL).
sipal di Gobernashon di nos
isla.
Esaki lo bini kara pa nort
o sea kara pa e parke.
Mas aleu Johnny a amplia
riba e programa ku ta kuminsá djárason awó 8 òktober
i finalisá djasabra 11 di
òktober 2014.
Johnny a splika tambe ku
un festival di kuater dia por
ofresé un programa di mihó
kalidat na e komunidat
boneriano i su bishitantenan.
Tambe a hiba palabra sra.
Malinda Hassell di TCB ku ta
sumamente kontentu ya ku e
aktividat aki a kai nèt bon
awó ku ta temporada abou di
turismo.
Huntu ku Insel Air, TCB a
trata na trese turista for di
nos islanan pa nos regata 47.
TCB di akuerdo ku sra.
Malinda Hassell, ta apoyá
totalmente nos regata i su
komishon organisadó i ta
spera hopi bishitante for di
nos islanan pa e siman di
regata ku a kuminsá ofisialmente ayera nochi na bordo
di Freewinds ku reunion di
kapitannan i apertura ofisial
pa e kompetensianan ku ta
kuminsá awe mainta den
bahia di Kralendijk.
Tambe a hiba palabra
Christen Cranston di Selibon
ku tabata kompañá pa Claris
Trinidad, tambe di Selibon
n.v., pa duna splikashon di e
dianan di limpiesa di e
kompania den siman di
regata.
Lo pone kliko o sea kònteiner di sushi for di Kas di
Regata na Playa Pabou riba
malekon te na altura di Parke
Wilhelmina unda e festival di
regata lo konsentrá su mes.
Lo bini ku kònteinernan di
sushi di diferente koló pa
diferente tipo di sushi.
Christen ta pidi tur hende
pa trata ta mas responsabel
posibel i tira sushi den kliko
i no abou, trata na tene nos
Boneiru limpi.
ATC – URUGUAY AWE NOCHI
KRALENDIJK—Despues di
e partido futbòl ayera nochi
entre e ekiponan Flamingo i
Vitesse, partido bálido pa e di
dos buèlta kampionato futbòl
2014 di nos isla, e kampionato ta sigui awe nochi,
awe djaluna 6 di òktober 2014
8or anochi na Kompleho
Deportivo Antonio Trenidad
na Rincon.
Pa awe nochi ta enfrentá
otro e ekiponan ATC di Tera
Kòrá i Uruguay di Antriòl
Pariba.
Den nan promé partido di
e kampionato entre e ekiponan aki den promé buèlta
di e kampionato, tabata Uruguay ku a golia ATC ku skor
KOREKSHON BOLETIN OFISIAL
KRALENDIJK—E boletin
ofisial di FFB numerá 2014/
13 ku nos a duna publisidat
na dje tabatin un fayo den e
federashon ku inskripshon di
un hungadó.
E boletin ofisial a hasi
menshon ku e hungadó
Llewelyn, Phildrick Deion M.
T. Nasé 25-09-1993 na Curacao
a inskribí den Flamingo, loke
tabata robes.
Tabata un fayo di e
federashon o sea e direktor di
kampionato ku a korigí esaki
tambe den un otro boletin
ofisial numerá 2014/13A emití
30 sèptèmber 2014.
E hungadó a inskribí den
S.V. Uruguay i no Flamingo.
Phildrick LLewelyn pues ta
miembro hungadó di S.V. Uruguay di Antriòl Pariba.
$ 17.80 KÈSH pa 25 palabra inklui 6% ABB
ta risibí aviso te ku 3’or di tardi
SUPER
KLASIFIKADO
REGATA
Dushi Shoes i Reef Store a
haña hopi merkansia nobo,
eo slòf, keds, t-shirt, short,
tas, potmoni. Reef-Guess,
Birkenstock, DC, Nike,
Clarks i Ritflop. Nos ta warda
bo na Kaya Grandi/tel.7177080.
di 10-1.
Uruguay ta na di tres lugá
ku 28 punto di e kampionato
aktualmente. Un viktoria pa
Uruguay awe nochi e ekipo
aki ta bai 31 punto i ta pasa
pa di dos lugá lagando e
kampionnan di Juventus su
tras ku 30 punto na di tres
lugá, pero ku un partido mas
hungá ku Juventus.
Un viktoria pa ATC awe
nochi e ekipo aki ta bai 7
punto pero no ta move di
posishon i ta keda di ocho o
sea penúltimo lugá riba e
tabla di posishon.
Representantenan di SELIBON.
ALL DENTURE LAB
Tandprothetische Praktijk
Bonaire N.V.
FLAMINGO
SNACK
Speshal di
Regata
Djaluna
6 òktober
galiña hasá ku
salada di kolo i
un bleki di coke
Kaya Dr. J.G.Hernandez s/n
(banda di Botika Korona)
AKI TA TRAHA I DRECHA PLANCHA PA DJIENTE.
BO TA WARDA MIENTRAS NAN TA DRECHE,
SERVISIO RAPIDO.
Habri di djaluna pa djaweps di 9’or mainta pa 12’or /
2’or pa 4’or di atardi i djabierne di 9’or mainta pa
12’or merdia atardi ta SERA.
Por yama pa un sita na tel. 717-2248 òf selular 786-3714
E.M. Rijswijk.
Tsunami atrakshon spesial
PROGRAMA FESTIVAL REGATA
KRALENDIJK—Awe ta
kuminsá nos regata 47,
Regata Internashonal 2014 di
nos isla den bahia di Kralendijk ku kompetensianan
den e diferente kategorianan.
Ayera nochi tabatin e
apertura ofisial na bordo di
Freewinds.
Djárason awó 8 di òktober
ta apertura Festival di Regata
2014 dilanti ofisina prinsipal
di gobernashon di nos isla na
Plasa Wilhemina.
Aki ta sigui e programa pa
festival regata 2014.
Programa.
Djárason 8 òktober 2014.
19:00 Músika di DJ i
seremonia di apertura ofisial
di e festival.
19:30 Grupo Kaña Brabu.
20:30 Músika di DJ.
20:40 Illusion Freak/Magic
Booi (promé parti).
21:10 DJ.
21:15 Kara Kòrá.
22:15 DJ.
22:30 Illusion Freak/Magic
Booi (di dos parti.
23:00 DJ.
23:15 Egual R & J.
Djaweps 9 òktober 2014.
19:00 DJ.
19:30 DJ Robert 2 ku
“Latino DVD Mix” (salsa, merengue, bachata, vallenato).
20:30 Creme de la Creme
(Toke Latino).
21:30 DJ Robert 2.
22:00 Proyekto Tres
(Bachata i Merengue)
23:00 DJ Robert 2.
23;30 DJ.
23:45 Sensation Band
(Toke Latino).
Djabièrnè 10 òktober 2014.
19:00 DJ.
19:15 Premiashon regata
47.
20:30 DJ.
20:45 Silver Bullet.
22:00 DJ.
22:15 The New Generation
Dancers.
22:45 DJ.
23:00 Grupo Kariño.
23:50 Grupo ESO.
00:40 Foyan Boyz.
01:30 Krioyo Mix ku ta un
mix di e tres agrupashonnan
huntu.
Djasabra 11 òktober 2014.
16:00 DJ.
17:00 Brass Band.
17:30 DJ.
19:45 Gradisimentu i
seremonia di klousura.
20:00 Sabor Krioyo.
21:00 DJ.
21:15 Son Boneriano.
22:00 DJ.
22:15 Happy Band.
23:15 DJ.
23:30 Tsunami (promé
parti).
00:30 Intense Brass.
01:00 Tsunami (di dos
parti).
Ta bon pa menshoná ku
djasabra durante henter dia,
for di mainta te ku atardi, tin
e asina yamá “Boat & Beach
Party den bahia di Kralendijk.
Tur e botonan lo move i
tambe lo ta stashoná den
bahia di kralendijk.
Tambe si tin doñonan di
stènt ku ke, por kuminsá
bende nan produktonan, mui
spesial kuminda for di den
oranan di dia.
REGATA 47 TA KUMINSÁ AWE
KRALENDIJK—Despues di
su apertura ofisial ayera
nochi na bordo di Freewinds
despues di reunion ku
kapitannan, awe djaluna 6 di
òktober 2014 den oranan di
mainta ta kuminsá ku e
kompetensianan di Regata 47
den bahia di Kralendijk den e
diferente kategorianan.
Ayera mainta na Kas di
Regata tabatin registrashon
pa e kompetensianan.
Pa 6or atardi na bordo di
Freewinds tabatin reunion di
kapitannan siguí pa e
apertura ofisial di Regata 47
pa 7or anochi.
Kompetensianan.
Awe di 10or mainta te ku
6or atardi tin kompetensianan
den e diferente kategorianan
den bahia di Kralendijk.
Pa 1or di mèrdia na Kas di
Regata tin konferensha di
prensa.
Di 7or anochi pa 9or anochi
registrashon di botonan mikro
na Kas di Regata.
Di 6or atardi a 8or anochi
“happy hour” i “dinner” pa
partisipantenan na El Mundo
Restaurant.
Representante di e diferente organisashonnan enkargá ku Festival di Regata.
Djasabra BMX Bonaire a organisá un labamentu di outo pa asina rekoudá fondo. E grupo a hasi esaki en konekshon ku un flur di betòn ku mester
keda realisá pa nan por kontinuá ku treinen di kenshi riba baiskel. Mester trein duru, pasobra ora aña bòltu, nan mester ta bon prepará pa por bai
representá Boneiru den eksterior. Esaki ta un bon inisiativa pa yega na sèn, esta e grupo mes ta organisá kos pa generá entrada. Orlando Francisca
di Rento Fun, a koperá ku e hóbennan pa por a usa su tereno i tambe awa pa por a hasi e aktividat aki posibel. BMX Bonaire ta kontentu ku e gesto
di parti di Francisca.
BUNITA
GESTO DI LIONS NA ASILO DI BESTIA
KRALENDIJK—Djasabra hasi entrega di un kantidat di
último tabata Dia Internashonal di Bestia. En konekshon ku e dia spesial aki, e
organisashon Bonaire Lions
Club no a lubidá riba entre
otro e animalnan ku ta biba
na Aslo di Bestia.
Mayoria di e miembronan
di Lions, tabata presente pa a
saku grandi di kuminda ku ta
sirbi pa e animalnan.
Presidente di e organisashon ku ta manehá Asilo di
Bestia, Paul Dichers, a bisa e
ta masha kontentu ku e
donashon ku Lions a hasi na
pa e animalnan. Tur dia ta
duna e animalnan na e sentro
aki hopi atenshon amor i
kariño.
Kasi no tin espasio pa hasi
algu spesial pa nan riba Dia
Internashonal di Animal,
pasobra tur dia pa e asilo ta
un dia spesial pa nan i ta
duna tur atenshon pa nan
sinti nan mes konfortabel.
VESPO A GANA ARRIBA PERÚ 2-1
KRALENDIJK—E ekipo di
Vespo di Rincon djabièrnè a
gana di e peruanonan di
Arriba Perú ku skor di 2-1 den
kontinuashon di kampionato
futbòl 2014 di nos isla den su
di dos buèlta.
Tabata Arriba Perú ku a bai
dilanti 1-0 den e partido ku
gol di Cesar Villar.
Despues di esaki Quentin
Losette ta anotá pa Vespo
LOGRO
DI BODY BUILDERNAN
KRALENDIJK — Informa- na e di 42 edishon di Central Ruvelio Josephia a keda na di
shon no ofisial ku Extra ta
disponé di dje ta ku e Bonerianonan a duna un bon
presentashon na St. Maarten
den e kompetensia di body
building fin di siman tras di
lomba.
Diferente atleta a partisipá
American and Caribbean
Games Bodybuilding Championships i diferente di e
atletanan a kai den premio.
Ariën Cado di 4 lugá den e
kategoria di Master, tambe di
6 lugá pa loke ta trata e
kategoria Heavy Weight.
tres lugá den e kategoria di
Men’s Physique. Lito Saleh na
di kuater lugá den e kategoria
di Body Classic i Marvin Nagelbloem na di dos lugá den e
kategoria di Light Heavy.
Riba foto por mira e grupo
di boneriano na St. Maarten.
empatá e partido 1-1, skor
tambe ku e partido ta parti na
dos kuné pa sosiegu.
Den di dos mitar Ashluwin
Frans ta anotá pa Vespo bai
dilanti 2-1 den e partido, skor
tambe ku e partido a finalisá
kuné den viktoria di 2-1 pa
Vespo bai ku e tres puntonan
importante aki pa su
klasifikashon.
Vespo ku e viktoria ta
empatá ku Estrellas i Flamingo na di kuater lugá pero
pa saldo di gol mas favorabel
ku +8 Estrellas ta na di
kuater lugá, Vespo ku saldo
di gol negativo di -4 ta na di
sinku lugá riba e tabla di
posishon, lagando Flamingo
di seis lugá ku saldo di gol
negativo di -25.
E ekiponan aki ta den bataya kontra otro pa klasifikashon na di kuater lugá pa
semifinal i no mester deskuidá e ekipo hóben di Vitesse
ku ta djis nan tras ei ku 12
punto.
Arriba Perú ku e derota ta
keda na di último o sea di
nuebe lugá riba tabla di
posishon ku solamente 4
punto den e kampionato ya
den su di dos buèlta.
E situashon ta birando
importante pa klasifikashon
pa loke ta ekipo number 4 pa
semifinal.
Aki ta sigui e posishon di
e ekiponan te ku djabièrnè
último 3 di òktober 2014.
Posishon ekiponan.
Real Rincon 12 ganá 0
pèrdí, 57 gol na fabor 6 kontra
(+51), 36 punto.
Juventus 10 ganá 2 pèrdí,
51 gol na fabor 14 kontra
(+37), 30 punto.
Uruguay 9 ganá 1 empatá
2 pèrdí, 42 gol na fabor 17
kontra (+25), 28 punto.
Estrellas 4 ganá 2 empatá
6 pèrdí, 23 gol na fabor 15
kontra (+8), 14 punto.
Vespo 4 ganá 2 empatá 6
pèrdí, 16 gol na fabor 20
kontra (-4), 14 punto.
Flamingo 4 ganá 2 empatá
6 pèrdí, 17 gol na fabor 42
kontra (-25), 14 punto.
Vitesse 3 ganá 3 empatá 6
pèrdí, 23 gol na fabor 29
kontra (-6), 12 punto.
ATC 1 ganá 1 empatá 10
pèrdí, 12 gol na fabor 54
kontra (-42), 4 punto.
Arriba Perú 1 ganá 1
empatá 10 pèrdí, 7 gol na
fabor 51 kontra (-44), 4 punto.
RESULTADO TORNEO CRUSHER DJABIÈRNÈ I DJASABRA
KRALENDIJK—Fin di siman pasá, pa ta eksakto di
djárason 1 di òktober 2014 te
ku djadumingu último 5 di
òktober 2014, e organisashon
di sòftbòl Crusher a organisá
torneo di sòftbòl femenino i
maskulino na Jossy Boekhoudt Ballpark, inisiando
djárason ku “Homerun Derby”
di kua Phildrick Llewelyn a
bira ganador.
Djaweps e partidonan di e
torneo a inisiá di kua ya nos
a amplia riba e resultadonan.
Djabièrnè último 3 di
òktober tabatin kontinuashon
di e kampionato ku kuater
partido riba skema pero
solamente tres partido a tuma
lugá riba e dia aki.
E ekipo di Kòrsou ku
mester a enfrentá La Sonrisa
no a yega.
Tambe e ekipo di Braves
último dia segun por a
komprondé, a duna di konosé
ku nan lo no por ta presente
pa e weganan di e torneo i
Crusher mes ku ta organisadó
a drenta e torneo.
Aki ta sigui e resultadonan
di djabièrnè último.
Astros a gana Blue Jays 81.
New Angels a gana e ekipo
GBSP di Kòrsou ku skor pèrtá
di 5-4.
E di tres partido entre La
Sonrisa i e ekipo di Kòrsou no
a tuma lugá, ya ku e ekipo di
Kòrsou no a yega.
E último partido djabièrnè
último tabata e partido entre
Crusher i Red Sox, partido ku
Red Sox a gana ku skor di176.
Den nos edishon di mañan
nos lo amplia riba resultado
final di e torneo.
Resultado djasabra.
New Angels a gana Yellow
Birds 11-4.
Marlins a gana Astros 12-
Picture perfect with a LIFE full of Colors
Time : 10 pm
Date : October 10, 2014
Place : Centrum -Kralendijk
Give Away : FREE lifestyle
2.
Queens a gana GBSP
Kòrsou 7-6.
Red Sox a gana Energizer
11-6.
New Angels a gana
Queens 10-3.
Energizer a gana Crusher
15-14.
Kòrsou a gana La Sonrisa
11-10..
Kiri Thodé a terminá na di tres lugá den e kompentensia mundial ‘Freestyle World Tour
2014’. Na promé lugá a keda Jose ‘Gollito’ Estredo i na segundo lugá Steven Van
Broeckhoven. Amado Vrieswijk, tambe di Boneiru a keda na di kuater lugá, siguí pa
Björn Saragoza, Tonky Frans i Taty Frans. Riba e foto e bonerianonan ku a partisipá
na e último kompetensia di ‘Freestyle World Tour’ di e aña aki.
DIBO
awor habrí non-stop
í
r
b
hoan-stop
Horario nobo
Djaluna te ku
Djasabra for di
8:00 - 18:00
Tur promé
Djadumingu di luna
for di 9:00 - 13:00
n
,PPZNBO#POBJSFt Kaya Korona 11
tDjaluna - Djasabra 08:00-18:00 t Tur promé Djadumingu di luna for di 09:00-13:00
tXXXLPPZNBOCWDPNtGBDFCPPLLPPZNBOCPOBJSF