direktiva luti balentin a logra mas ku tur otro - Extra Bonaire

25.000 ehemplar pa dia - $ 0.85
Ekstra Boneiru
Djarason 15 òktober 2014 ...ketu bai number unu!
Federashon di Futbòl Boneriano
DIREKTIVA LUTI BALENTIN
A LOGRA MAS KU TUR OTRO
Padernan a yega Boneiru
Djaluna tabatin apertura di Konferensha Di Klero 2014, kaminda tur e padernan di e diferente islanan di kua Obispado di Willemstad ta konsistí, ta bini
huntu. Vikario Pader Ivan a habri e atardi. Promé ku Monseñor Luis Secco a hiba palabra a papia tambe e kònsùl di Venezuela na Boneiru. Fotonan ta
ilustrá e promé dia di konferensia na Captain Don’s Habitat Bonaire.
MPB
Movementu di
Movementu
di Pueblo
Pueblo Boneriano
Boneriano
Federashon di Futbòl Boneriano
DIREKTIVA LUTI BALENTIN
A LOGRA MAS KU TUR OTRO
KRALENDIJK — E direktiva
di Federashon di Futbol
Boneriano (FFB), bou di
direkshon di Luti Balentin, a
logra kosnan históriko pa
Boneiru i logronan ku ningun
otro presidente di FFB no a
yega di logra. Entre otro
partisipá na Caribbean Cup,
miembro di CFU i CONCACAF,
presidente di CONCACAF i
presidente suplente di FIFA a
bishitá Boneiru etc. Presidente
di FFB Luti Balentin a
reakshoná riba e ponensia di
funshonamentu di su persona, komo presidente di FFB.
Balentin a splika: “FFB a
logra ku selekshon di Boneiru
a partisipá den “Caribbean
Cup”, algu ku nunka no a
yega di tuma lugá. FFB,
Boneiru a subi “ranking” di
CFU. Aktualmente FFB ta
trahando
riba
último
puntonan pa bira miembro di
FIFA. Boneiru a bira den
tempu rekòrt miembro di CFU
i CONCACAF, lokual ningun
otro direktiva di FFB no por a
logra.”
Regla ta, segun Balentin,
ku despues di dos aña por a
bira miembro di CFU, despues
di otro dos aña por bira
miembro di CONCACAF.
Direktiva aktual di FFB a pasa
den CFU i CONCACAF den
tempu rekòrt. Pronto
Boneiru lo bira miembro di
FIFA.
Luti Balentin a sigui
splika: “Mas logro di e
direktiva aktual: presidente di
CONCACAF i presidente
suplente di FIFA a bishitá
Boneiru. Tabata promé bia
den historia di Boneiru ku
presidente di CONCACAF i
vise presidente di FIFA a
bishitá Boneiru. Nos mester
keda pendiente pa e
benefisionan ku lo bai sali for
di CONCACAF pa Boneiru, entre otro kurso pa rèfri,
entrenadó, dirigentenan. FFB
lo haña fondo pa tur e
kursonan aki atraves di e
plannan ku keda traha huntu
ku e komishonnan di FFB”.
Ta p’esei, segun Balentin,
e ekiponan ku ta grita i no ta
kumpli mester kambia e
aktitut ei i kuminsá na dirigí
nan ekipo i kumpli ku
reglanan. Komo presidente di
FFB nan lo sigui traha riba
puntonan ku mester keda
drecha na bienestar di e
deporte futbòl.
Captain Don’s Habitat “the home of diving freedom”, al bijna 40 jaar bestaand; is een van de
bekendste Resorts op Bonaire en heeft zich
gespecialiseerd in duiktoerisme. Om ons Team van
werknemers in dit mooie Resort te kunnen
versterken, zijn wij op zoek naar een:
Assistent Manager Technische Dienst
(Maintenance)
Werkzaamheden:
* Het uitvoeren van elektrische werkzaamheden
* Het
uitvoeren
van
Koel
technische
werkzaamheden
* Het uitvoeren van loodgieter werkzaamheden
* Het uitvoeren van “allround” werkzaamheden
Wij vragen:
* Minimaal een afgeronde LTS-opleiding
* Minimaal 2 jaar werkervaring in soort gelijke
functie
* Iemand
die
verschillende
diensten
(onregelmatige
werktijden)
kan
werken
* Hands on mentaliteit
* Fulltime: (40 uur)
Ben je geïnteresseerd in de bovenomschreven
functie? Richt dan uw sollicitatie binnen twee
weken, voorzien van CV met foto naar
gm@habitatbonaire.com t.a.v. Mevrouw Claire
A. Sealy of naar rdm@habitatbonaire.com t.a.v.
De heer Remi P. Rosa
GRADISIMENTU I INVITASHON
Famia Molina ke a gradisi un i tur
ku a yuda nan di un òf otro manera,
konsolá nan i hasi hopi orashon
durante e dianan difisil ku nan ta
pasando aden ku fayesimentu i
entiero di nan kerido ‘Tati’.
Ambrosio Albert Molina
konosi komo Broertje
Un danki speshal na tur zuster i
dokternan di Fundashon Mariadal i St. Elisabeth Hospital na Kòrsou i mui espeshalmente na dr. Scheper.
Ta invitá na 3 santu sakrifisio di misa awe djarason
15 oktober pa 18.45 na parokia San Luis Beltran
na Rincon, djadumingu 19 oktober pa 7’or anochi
na parokia San Bernardo na Playa i djamars 21
oktober pa 7.30 anochi na parokia di Coromoto na
Antriol
Aseptá esaki komo un invitashon personal.
Representante di Reino Gilbert Isabella:
IGLESIA POR YUDA DEN DESAROYO DI ISLANAN
KRALENDIJK
—
Representante di Reino sr. Gilbert Isabella ta kere ku Iglesia
por yuda hopi den desaroyo
di e seis islanan ku ta kai bou
di Obispado di Willemstad,
sigur den e funshon sosial ku
Iglesia tin. “Un di e retonan
di mas grandi ku nos tin ta
esun di pobresa, esaki Papa
Francisco
tambe
trese
dilanti”, segun Isabella.
E organisamentu di e
Konferensia di Klero 2014,
kaminda padernan katóliko ta
bini huntu, a eksigí hopi
preparashon. Esaki Marugia
Janga a trese dilanti na
nòmber di e ofisina di Vikario
di Boneiru, na apertura ofisial
di e konferensia aki na Captain
Don’s
Habitat.
Gezaghebber Edison Rijna
tambe a hiba palabra.
“Despues di hopi luna di
preparashon porfin e dia a
yega. Nos tin fe ku e esaki ta
unu hopi eksitoso ku e
resultado ta un aporte grandi
na implementashon di e plan
pastoral aki na Boneiru tambe
nos Islanan ruman. Danki na
supervishon di tur e
trabounan, esta preparashon
pa e Konferensha Di Klero por
a tuma lugá aki na Boneiru”,
Janga a bisa.
Despues a hiba palabra
Gezaghebber sr. Edison Rijna
na nòmber di Entidat Públiko
di Boneiru. El a menshoná kue
ta deseá e padernan tur kos
bon i ku nan lo yega na un
bon plan pastoral pa nos
islanan. Tambe gezaghebber a
bisa e padernan ku, si tempu
permití, pa nan bai laman i
Vikario Ivan ku tabatin
disfrutá spesialmente di e
bida bou di awa ku Boneiru
tin pa ofresé.
Djis
despues
ku
Gezaghebber a hiba palabra
agrupashon musical Tutti
Frutti a trese algun kantika
durante e atardi na Captain
Don’s Habitat Bonaire,
kaminda tabatin e promé
enkuentro ku e padernan di
bishita aki na Boneiru, en
konekshon ku e Konferensha
di Klero 2014.
ENTRADA HUDISIAL
KRALENDIJK — Den e
investigashon di e tiroteo ku
a tuma lugá riba djaweps 9 di
òktober na Kaya Maria polis
a konstatá, a base di
resultadonan
di
investigashon,
ku
ta
nesesario pa investigá un kas
situá den e kaya menshoná,
mas aleu. P’esei a hasi un
entrada hudisial djasabra 11
di òktober na e kas. Durante
di esaki a bin topa ku
munishon, droga i un
kantidat di sèn kèsh. Tambe
a detené un hòmber di
inisialnan G.A.B. Ta sigui ku
e investigashon di e tiroteo,
mas aun pa motibu di e
hayasgonan aki.
Ku inmenso doló den nos kurason,pero konforme ku
boluntat di Dios nos ta partisipá fayesimentu
kristianamente di:
Mario Hermano Pourier
Mihó konosí komo Mando eks-selador
*27-05-1926
+ 07-10-2014
Na nòmber di
su esposa:
Benita Pourier- Wanga
Su yunan:
Urbano i Sonja Pourier
Hubert i Rita Pourier
Lupe i Bibio Statie
Sonia Pourier i Orlando Tjin-A-Sjoe
Maira i Harrold Vaseur
Sherwin ia Sapphira Pourier
nietunan, bisanietunan i tumanieta tur ku nan famia
Su sua:
Bubu i Yvonne Wanga i famia
Na nòmber di: Helena Wanga i famia
Primu i primanan ku nan respektiva famia
Bon amigu di kas: Wilmond Sint Jago
Grupo Rekresaroyo 60 + Tera Kòrá
Su ihánan, komèr i kompèrnan
Famia: Pourier,Wanga, Janga, van der Lee, St Jago,
de Jongh,Fenies, Pietersz, Felix, Mercera , Statie,
Vaseur, Emerenciana, Coffie, Tjin-A-Sjoe i Lammers.
Demas famia na Kòrsou, Aruba i Hulanda
Si den nos tristesa nos a lubidá nòmber di un famia,
nos mas sinsero diskulpa.
Akto di entiero ta tuma lugá djasabra 18 di
oktober saliendo for di Misa San Luis Beltran pa
santana katóliko na Rincon. Prome ku entiero
tin un santu sakrifisio di misa pa 4’or. Ta risibí
bishita di kondolensia for di 12’or te ku 1’or na
Consuelo Memorial na Playa i despues di 2’or
pa 4’or na misa di Rincon.
Despues di entiero NO por risibí bishita di
kondolensia na kas.
SI BO MIRA ALGU STRAÑO TA SOSODÉ RIBA
KAYA, AKSIDENTE ÒF KUALKE TIPO DI
INSIDENTE NO DUDA,
YAMA EXTRA NA:
786-6818 / 788-0177 / 700-0145 / 786-0200
Zamir A. den korte pa menasa, maltrato i kitamentu di libertat
PLEITU ENTRE PAREHA TA RESULTÁ DEN KORTE
KRALENDIJK — Ministerio
Públiko a akusá e konosido
personahe di radio Zamir A., nasé
dia 10 di desèmber 1972, ku durante un periodo basta largu
(desèmber 2007 pa desèmber
2013) el a menasá, maltratá i kita
libertat di su esposa A.R. E
abogado di Zamir, mr. Eugene
Abdul, a lamentá ku e kaso aki a
yega korte, na lugá seponé esaki
kondishonalmente, ku ta un
proposishon ku el a hasi tambe
na Ministerio Públiko. Fiskal
sinembargo a rechasá e petishon
aki dentro di dos ora, no opstante
ku Reclassering tambe tabata
pensa riba un posibilidat asina
komo algu real.
Hues Lips a trese dilanti ku
dia 19 di desèmber 2013 e
víktima, señora A.R., ku tabata
esposa di e akusado, a duna keho
di maltrato, destrukshon i
kitamentu di su libertat. Na 8
okashon e akusado a dal e
señora den su kara. Tambe el a
yega di push’é. Mientrastantu
nan dos a divorsiá.
MÉNOS BIA
E akusado Zamir ta atmití ku
el a dal e víktima, pero sigur no
ocho bia, sino un te kuater bia.
No mas. Esaki a sosodé durante
diskushonnan fuerte na
momentu ku a sali kla ku e
señora tabata mantené relashon
amoroso ku un otro hòmber. Ta
algu ku a duel e akusado hopi.
Segun hues, e víktima a bisa
ku na mas ku un okashon Zamir
a dal i push’é. El a keda un bia
tambe ku un plèki blou na un di
su wowonan. A sali na kla for di
e ‘dossier’ ku ta for di aña 2007
kaba tabatin problema serio entre e pareha aki. Tin deklarashon
di diferente testigu. Zamir a
nenga ku tabatin asuntu di plèki
blou na wowo di su eks-esposa.
Riba dia 18 di desèmber aña
pasá e situashon a bolbe sali for
di man ora ku e akusado a bai
asina leu di menasá e víktima
ku un kuchú. El a menasá di
mat’é. Zamir lo a bisa e víktima
e dia ei: “Bisa e hòmber pará eifó
ku e no ta haña bo, pasobra mi
ta kaba ku bo”. E akusado a
desmentí ku el a hasi esaki.
Akusado Zamir ta lamentá
kon kosnan a bai den su matrimonio. E tabatin 9 aña huntu
ku e señora i semper a sòru bon
p’e. E no por komprondé kon e
situashon a yega asina leu.
Segun hues, den e
dokumentashon di e kasi por
mira ku e akusado tabata sera
e víktima na yabi den kamber
na kas. E akusado ta bisa ku
su eks-eposa sa haña krísis di
nervio i ta difísil pa atendé
kuné i mester a ser’é den
kamber. Na polis e akusado a
atmití ku el a sera su esposa
den yabi den kamber. Pero
dilanti hues djamars el a nenga
ku el a ser’é na yabi den
kamber.
Tambe a bini dilanti ku
Zamir a destruí un karchi di
SIM i tambe BlackBerry di su
eks-esposa. E akusado a atmití
esaki, pero a bisa aserka ku el
a kumpra un BlackBerry nobo
despues pa su esposa.
SEMPER FIEL
“Mi tabata semper fiel n’e.
Nos tin tres yu bunita. Mi ta
un tata super bon pa mi yunan.
Nos tin un areglo pa nan ta
serka mi”, e akusado a trese
dilanti. Na sierto momentu e
akusado no por a komprondé i
aseptá ku su esposa a drenta
un relashon amoroso ku otro
hòmber.
Sikiater a bisa ku e akusado
tin un problemátika di
personalidat. Reclassering a
rekomendá pa duna un kastigu
kondishonal di prison. E
akusado, den un forma
emoshonal, a bisa ku e ta
rekonosé su problemanan
sikológiko i ta siguiendo un
entrenamentu kaba riba
Youtube.
Segun fiskal mr. Antoinette
Doedens, e akusashonnan ta
probá. E akusado mes ta atmití,
pero no tur bia kompletu, ku el
a menasá, maltratá i kita
libertat di señora R. Sigur e
menasa di desèmber 2013 ku
kuchú ta probá. Tambe e
kitamentu di libertat di R. ta
probá, pues ku e akusado mes
a atmití na polis ku e tabata
sera e víktima na yabi den
kamber na nan kas.
E akusado a purba na tur
forma, via su abogado, pa evitá
ku e kaso ta bini korte. Su
pensamentu ta ku su aktitut
tabata komprensibel i ku e no
mester aparesé dilanti hues,
loke sinembargo pa Ministerio
Públiko no ta komprensibel ni
aseptabel.
“Na sierto momentu mi a
disidí pa trese e kaso aki korte.
Ta trata di un kaso serio, un
forma di violensia doméstiko
ku no ta aseptabel den nos
sosiedat. Ta kosnan serio”.
Demanda di fiskal tabata 6
luna kondishonal di prison, ku
un periodo di prueba di 3 aña.
E akusado mester sigui tambe
instrukshon di Reclassering,
tambe si e mester sigui
tratamentu sikiátriko òf
sikológiko. Ademas fiskal a pidi
pa e akusado traha 120 ora di
trabou pa komunidat.
STIGMATISÁ
Abogado mr. Eugene Abdul,
defensor di e akusado, a puntra
su mes ku si problema entre
parehanan mester keda tratá den
korte. “Mi a pidi pa seponé
kondishonalmente. Dentro di dos
ora a rechasá mi petishon. Esaki
no opstante ku Reclassering
tabata mira posibilidat pa yega
na un areglo asina. Awe mester
kompartí problema entre un
pareha ku pueblo. Nos no ta na
Amsterdam. Nos ta na Boneiru i
mester tene kuenta ku e eskala
chikitu di Boneiru. Fásilmente
awor ta bai stigmatisá un persona ku mester sigui biba den e
komunidat aki. Mi ta sigur ku lo
sali un ‘sappig verhaal’ mañan
den korant tokante e kaso aki”.
Mas aleu abogado Abdul a
kuestioná henter kontenido mes
di e kaso, kaminda ta famianan
di e víktima a duna deklarashon
kontra a akusado komo testigu.
Nunka tabatin un rapòrt médiko
di posibel slanan ku e víktima a
risibí. Pues no por konsiderá ku
tin prueba kontra su kliente.
PROBÁ
Akusado Zamir A. den su
último palabra a bisa ku, kere òf
laga, su eks-esposa awor a
manda ping p’e pa nan kuminsá
nan relashon atrobe ‘from
scratch’, pero e no ta hasi esaki.
“Awor ta mi yunan i mi trabou ta
konta. Nada mas. Mi no ta i lo
no bai kuminsá atrobe ku un
relashon ku e persona aki”.
Hues Lips a haña e
akusashonnan di maltrato i
menasa ku kuchú ta probá.
Mustra un kuchú so kaba ta
menasa. Kitamentu di libertat
tambe ta probá, basá riba
deklarashon ku e akusado mes
a hasí na polis.
“Violensia doméstiko ta algu
grave. Hendenan ku ta kasá ku
otro mester keda ku nan man for
di otro. Mi ta puntra mi mes ku
si bo ta realisá seriedat di esaki?
P’esei mi ta konsiderá ku
supervishon di Reclassering ta
bon, pa evitá ku muchanan ta
bira víktima di problema entre
nan mayornan”, hues Lips a bisa.
El a sentensiá Zamir na 6 luna
kondishonal di prison, ku un
periodo di 3 aña. Ademas e
mester sigui instrukshon di
Reclassering, tambe si esaki
mester enserá ku e mester pasa
tèstnan sikiátriko i sikológiko, pa
determiná si e tin un òf otro
disturbio i mester di tratamentu.
Ademas e mester traha 120 ora
pa komunidat.
Jan Janga:
“MI POR PAPIA HENTER ATARDI TOKANTE E KAZERNE AKI”
KRALENDIJK — Jan Janga
durante su spich na okashon
di ponementu di promé piedra riba e fundeshi di e
kazèrne nobo di Brantwer ku
e por papia henter atardi riba
e kazèrne. “Mi ta asina felis
ku mi por papia henter atardi
tokante e kazèrne nobo ku ta
na kaminda. Awe nos a pone
promé piedra i trabou ta bai
hopi bon. Nos a traha duru
pa a logra esaki. No ami so,
sino tambe Richard Pietersz
den su tempu komo hefe di
Brantwer huntu ku dòkter
Giovanni Frans”.
Di akuerdo ku Jan Janga,
Pietersz i Giovanni Frans a
hasi hopi esfuerso, pero semper sèn tabata un problema pa
por a realisá e proyekto. E
tempu nan aya mester a rema
ku e remanan ku tabatin.
Jan Janga: “Mi ta sigur ku
tur hende ta kontentu ku e
proyekto aki, tambe sigur tur
nos eks kompañeronan di
trabou ku ta aki presente awe
pa asina selebrá ponementu
di e promé piedra pa e kazèrne.
Boso tur a pone un granito pa
awe nos ta asina leu di por ta
para riba e flur aki ku pronto
ta bira e edifisio brantwer
nobo. Un danki na Ministerie
V&J ku nos por a yega na
konstruí e edifisio. Sin boso
sosten e no tabata posibel.”
Jan Janga a splika ku el a
warda mas ku 30 aña pa yega
e dia di pone promé piedra. A
kuminsá plania pa traha un
kazèrne nobo pa Brantwer
kombiná ku Krus Kòrá den
pasado i tur planifikashon
tabata hasí, pero e sèn no
tabata t’ei. Richard Pietersz a
baha ku penshun sin ku a
traha e kazèrne pa motibu
finansiero. E edifisio aki ta un
di esnan mas moderno den
region.
“Otro aña nos mester ta
pará aki pa apertura ofisial di
e kazèrne nobo di Brantwer.
Mi ke yama danki tambe na e
kompania ku ta hasi e
trabounan di konstrukshon.
Tur dia mi ta bin aki pa mi
wak i saka potrèt kon e
trabounan ta desaroyando.
Nan ta puntra ta kiko mi ta
bin hasi tur dia i mi ta bisa
nan, mi a warda trinta aña
pues mi ta hopi entusiasmá
pa mira kon e trabounan ta
avansando”, segun Jan Janga.
E edifisio ta bin konstruí
di tal forma ku si tin un tem-
blor di kategoria 3 e por
soport’é. Pero si wak kon
stabil e fundeshi ta por
konkluí ku ta parse un di
kategoria 10. “Nunka promé
mi a mira konstrukshon di un
fundeshi di e forma aki, hopi
fuerte i bon ankrá”, Jan Janga
a bisa.
Mensaje del 25 de septiembre de 2014
‘Queridos hijos, También hoy os invito para que vosotros
seáis como las estrellas, que con su resplandor dan luz y
belleza a los demás, para alegrarlos. Hijos mios, sed
también vosotros resplandor, hermosura, alegria y paz y
especialmente oración para todos aquellos que están
lejos de mi amor y del amor de mi Hijo Jesus. Hijos
mios, testimoniad vuestra fe y oración con alegria, con
la alegria de la fe que está en vuestros corazones y orad
por la paz que es un don precioso de Dios.!Gracias por
haber respondido a mi llamada!’ 09/2014
puede visualizar el mensaje en nuestra página web:
http://centromedjugorje.org/santuario/historial-demensajes/
PARTISIPASHON
DI MORTO
Esposa i yunan ta partisipá
fayesimentu di
sr. Emeterio Pio
Scherptong
mihó konosi komo Theo
Akto di entiero ta wordu
anunsiá despues.
$ 17.80 KÈSH pa 25 palabra inklui 6% ABB
ta risibí aviso te ku 3’or di tardi
SUPER
KLASIFIKADO
MERKANSIA
Dushi Shoes i Reef Store a
haña hopi merkansia nobo,
eo slòf, keds, t-shirt, short,
tas, potmoni. Reef-Guess,
Birkenstock, DC, Nike,
Clarks i Fitflop. Nos ta warda
bo na Kaya Grandi/tel.7177080.
TA BENDE
un outo Daihatsu 2006,
motro 3Cy. Den bon
kondishon. Pa mas inf.
por yama 780-4616
Segun persepshon di hulandesnan den rapòrt di ‘Transparensia Internashonal’
KORUPSHON A OUMENTÁ NA HULANDA
KRALENDIJK – Hulandesnan
tin e persepshon ku korupshon
a oumentá na Hulanda. Esaki ta
un di e resultadonan di un
estudio ku e organisashon no
gubernamental internashonal
‘Transparensia Internashonal’
(TI) a hasi i ku a resultá den su
‘Evaluashon di e sistema di
integridat nashonal hulandes’. E
rapòrt aki ta parti di ‘Inisiativa
Anti Korupshon Pan Oropeo’,
GEZAGHÈBER RIJNA A RISIBÍ
KOMANDANTE DI E BARKU HOLLAND
KRALENDIJK — Djaluna
mainta gezaghèber di Boneiru
sr. Edison Rijna a risibí na su
ofisina komandante di Zr.Ms
Holland, Kapitein Luitenant
Ter Zee “KLTS” Eduard De Van
Der Schueren stashoná den
área di Karibe. E bishita di e
komandante serka e promé
mandatario ta pa asina
interkambiá i informá
gezaghèber di Boneiru nan
mishon di trabou den Karibe.
E bishita tabata hopi
fruktífero
kaminda
e
komandante
a
haña
informashon di Boneiru entre
otro di desaroyo di Boneiru.
Na e okashon aki KLTS
Eduard De Van Der Schueren
a hasi entrega di un regalu
na gezaghèber i Rijna na su
turno a pega un pen (eskudo)
di Boneiru na e komandante
di e fragata ulandes.
Job 14:13-15 ‘Tur e dianan di mi lucha
mi lo spera, abo la yama i ami lo
kontesta bo’
A bai sosegá den brasa di Señor
Ruben Simon de Leeuw
Na nòmber di
su esposa:
Florencia ‘Lenny’ de
Leeuw i yunan
rumannan:
Edna Etmon i famia
Mirna Veeris i famia
Audrey de Leeuw i famia
Richinel Brit i famia
Lisette Deleeve i famia
Sandra de Leeuswl i famia
yunan:
Eseline Martis
Ramphis Paulina
nietunan:
Alexander Clemensia i famia
Leonardo Clemensia i famia
Jeandrick Clemensia i famia
Khimberley Martis i famia
bisanietunan: Leonard, Jadan, Theisha, Alexienne
Milliantheley, Milandro
kuñánan:
Joseline Winklaar i famia
Meliana Winklaar i famia
Sisline Lindenberg-Winklaar i famia
Faina Winklaar i famia
sua:
Alfonso Winklaar
Demas famia: de Leeuw, Etmon, Winklaar, Clemensia,
Martis, Brit, Deleeve. de Leesvl i Paulina.
Nos diskulpa si akaso nos por a lubidá algun persona.
Nos kier a yama danki na Mariadal i su tim i zusternan
di Kalor di Hogar.
Akto di entiero ta tuma lugá djabierne 17 oktober
na Consuelo Memorial sigi pa santana di Nos
Sosiegu. Ta risibi bishita di kondolensia for di 1’or
pa 3’or na Consuelo Memorial i respons ta 3’or pa
4’or. Promé i despues di entiero no por risibi bishita
di kondolensia na kas.
sostené pa Komishon Oropeo i
Ministerio di Seguridat i Hustisia
di Hulanda. Meta di e inisiativa
aki ta pa evaluá i repasá e
sistemanan di integridat
nashonal di 25 pais oropeo, i
tambe rekomendá reformanan
duradero i efektivo.
Tabú
E estudio ta konkluí tambe
ku Hulanda ta vulnerabel pa
korupshon i tin un tabú entre
habitantenan di e pais pa papia
tokante korupshon. Ademas, el
a saka afó ku koperashon entre
organisashonnan públiko, sosial
i privá den e ámbito di
esfuersonan anti korupshon ta
pober den e sektor públiko,
sosiedat sivil i komèrsio. Segun
TI, motibu p’esaki ta sintá den e
konsepshon limitá di e grado di
korupshon den e pais, ku e
organisashonnan ei tin.
Den e rapòrt ta bin dilanti ku
poko biaha organisashonnan
gubernamental
òf
no
gubernamental òf di negoshi na
Hulanda
ta
desaroyá
inisiativanan di anti korupshon.
E estudio ta menshoná tambe e
skandalnan di korupshon resien.
Adishonalmente TI ta bisa ku
detekshon, investigashon i
persekushon di korupshon na
Hulanda ketu bai ta difísil den
práktika. Motibu p’esaki ta ku tin
un tenshon entre interes i
mantenshon di hustisia i e interes
ekonómiko
pa
evitá
embolbimentu kriminal. E
tenshon aki a baha e prioridat
pa investigá posibel korupshon
dor di kompanianan hulandes
pafó di Hulanda.
Alarma
E rapòrt ta hopi krítiko ku e
legislashon aktual, notando ku
‘apesar di e koriente kontinuo di
legislashon nobo dirigí pa prevení
korupshon i protehá integridat,
ketu bai tin área kaminda
legislashon no ta adekuá’. Un di
esakinan ta e falta di protekshon
adekuá pa denunsiantenan, e
asina yamá ‘whistle – blowers’.
E rapòrt ta manda un siñal
di alarma p’e echo ku na Hulanda
no ta kastigá sufisientemente
esnan den e sektor privá.
Kompará ku otro paisnan oropeo,
kaminda ta kombatí korupshon
den e sektor aki, Hulanda ta keda
tras.
Ademas, TI a saka afó ku
korupshon den e sektor privá ta
kasi igual ku korupshon serka
sirbientenan sivil, miéntras no
ta eksistí koperashon entre e dos
sektornan
pa
desaroyá
inisiativanan di anti korupshon.
E último tabata di un e
rekomendashonnan eksplísito ku
OECD a hasi na 2009.
Liber di korupshon
E rapòrt ta konkluí ku
frekuentemente ta konsiderá
Hulanda di ta un sosiedat liber
di korupshon den bista di negoshi
internashonal, pero tin siñal di
falta di transparensia, integridat
i akontabilidat.
E estudio di TI a bin ta proba
ku ningun pais ta inmune pa e
echo ku korupshon ta plama
dentro di su sektornan públiko i
privá. Sin embargo, e ta haña,
ku e espektativanan hulandes pa
desaroyo anti korupshon serka
e miembronan nobo di Union
Oropeo, partikularmente Bulgaria, tabata duru i eksigente.
S.S.S. TA FRUSTRA
INTENSHON DI LADRONISIA
KRALENDIJK — Durante
fin di siman ku a pasa den
oranan
di
anochi,
vigilantenan atento di SSS a
deskubrí
ku
tabatin
moveshonnan straño di algun
persona riba tereno di e
kompania Budget Rent a Car.
Inmediatamente e sentral
di SSS a dirigi e patruya di
SSS pa e sitio kende na su
yegada a konstata ku e
malhechornan a bati retirada
drentando
mondi
den
skuridat. SSS a pidi
asistensia di kuerpo polisial
kendenan a presenta rapido
na e sitio kaminda ku e
malhechornan tabata den
pleno akshon pa komete nan
akto di ladronisia di propiedat
di e kliente. Apesar di a
persigui e sospechosonan,
esakinan a logra disparse via
di e mondinan den besindario
di e kompania.
Patruyanan di SSS i di
polis den un akshon kombiná
a hasi un búskeda rigoroso
riba e tereno di e kompania di
hur outo i a bin deskubrí
diferente artikulo manera tire
ku wheel ku e sospechosonan
a prepara kla pa nan por a bai
ku nan.
SSS a notifika e gerensia
di e kompania kende a
presentá na e sitio pa tuma e
pasonan nesesario i pa
entrega un denunsia ofisial na
outoridat.
Gerensia di SSS ta felisitá
e tim di SSS huntu ku e tim
di polis ku tabata enkargá ku
servisio durante di e anochi
aki i ku a yuda frustra e
intenshon di robo di e
antisosialnan kasi na final di
e siman di Regatta ku ta tras
di lomba. SSS lo sigui ta
atento pa asina protehá
propiedat di su klientela
kontra di malhechornan.
STICHTING BONAIRE ISLAMIC
CENTER
ta invitá tur su miembronan na elekshon di
direktiva ku ta tuma lugá
djasabra 18 oktober pa 7’or anochi
na Masjed Hanchi Amboina
Board Bonaire i Board Islamico Curacao tambe ta
presente
Tambe kier a rekordá tur miembro riba nan
kontribushon ku por ser hasi na MCB # 107.719.08
òf serka tesorero Galil òf sekretario Khaled.
Tur musulman ta bonbini.
Dushi tempu bieu
PA PENSA ARIBA
Sloke di: ranka no ta patia.
KUSTUMBERNAN
Promé ku dékada sesenta di siglo pasá Boneiru tabatin
solamente un dòkter pa kubri henter e isla. Originalmente, den
siglo 19, título di e dòkter aki tabata ‘landschirurgijn’. Boneiru a
konosé diferente dòkter, entre otro un yu di Papa Cornes i Ma
Norchi, esta Jean Louis Marten van Strack.
Un di e dòkternan ku a traha na Boneiru siglo pasá tabata
Alfons Gabriel. El a traha meimei di dékada binti di siglo pasá
riba e isla aki. Na 1938, despues ku tabatin hopi tempu kaba ku
el a bandoná Boneiru, Gabriel a publiká un buki interesante titulá
‘Tchogogo’. Banda di su trabou komo dòkter Gabriel tabatin
hopi interes pa e flamingonan (chogogo) di Boneiru. El a hasi
vários estudio, entre otro pa sa na unda e flamingonan tabata
bula bai direkshon sùit. Den e kuadro aki el a bishitá Venezuela
i a skirbi di e biahe aki den e buki ‘Tchogogo’, ku ta tradusí di
aleman pa ingles dor di Udo Lüsse, miéntras ku Bòi Antoin a
hasi un tradukshon na papiamentu, ku a sali den forma di buki.
E hòbi di dòkter Alfons Gabriel a pone ku na sierto momentu,
manera e mes ta skirbi, el a neglishá su pashèntnan. E ta konta
di su pashèntnan: “Diariamente mainta tempran nan ta bini den
e kurá enfrente nos ofisina. Nan ta bisti nan mihó pañanan di
djadumingu. Nan ta hopi modesto i tímido. Nan ta drenta serka
mi na ofisina pa konta nan problemanan di salú.”
Segun e dòkter, diferente di e pashèntnan ta trese profishon
pa henter dia i ta kai sinta komo si fuera nan intenshon ta pa
permanesé aki pa un tempu largu. Nan ke ta sigur di un lugá i di
haña un chèns pa mira e dòkter blanku. Ku pasenshi nan a sinta
warda. Nan ta konta nan relatonan tokante sufrimentu, kon
‘aire malu’ a drenta nan kurpa, kon e ta kore den nan kurpa i ki
triki e ta hunga ku nan.
PALABRA DI SABIDURIA
Tur e kamindanan di un hende ta limpi den su mes
bista, ma SEÑOR ta pisa e motibunan.
BOLETIN DI TEMPU
Tempu: Parsialmente nublá, temporalmente hopi
nublá ku algun áwaseru pasahero. No ta ekskluí e
posibilidat pa welek i bos.
Temperatura máksimo lo ta 33°C i temperatura
mínimo, 27°C.
Solo ta sali: 06:25 i e ta baha 18:21.
Bientu: For di direkshon generalmente ost i moderá
te basta fuerte; forsa 3 te 5 (12 te 39 km/ora, 7 te
21 nudo).
Situashon general: E kondishon atmosfériko den nos
region lo keda faborabel pa desaroyo de bes en
kuando di hopi nubia.
BARKU ALISIO RIBA KOSTA
Na fin di dékada setenta di siglo pasá e barku Alisio a pega riba kosta di Boneiru na altura
di Supladó. Despues a logra saka e barku aki. Un grupo di karnaval ku a lanta den e tempu
ei a skohe e nòmber Alisio.
AGÈNDA BONEIRU
Numbernan importante
Polis 717-8000
Polis Emergensia 911
Brantwer 919
Wardakosta 913
Hòspital 717-8900
***
Storing awa òf koriente 9215
***
Orario bishita Hòspital
Mèrdia 11;30 pa 1’or; anochi
di mitar di shete
pa 8’or.
***
Asilo di Bestia
Kaminda Lagun 26
tel. 717-4989
***
Rekohé bestia morto
tel. 788-2999
***
MONCHI & TONCHI
Ya.... Yonchi ta bèk den kurá.
El a haña loke e tabata buska.
Asina fásil mi ta regla kos
Tonchi....
Awèl si. Master bo ta. Awor
ta di HAK op de TAK. Pober
Chen a kere un kos pa otro.
Atrakshonnan
Parke Washington-Slagbaai:
8’or pa 5’or tur dia
Mangazina di Rei:
8’or pa 5’or den siman
***
Museo Bonaire (SKAL):
8’or pa 12’or/mitar di dos pa
5’or den siman
We Dare to Care Park
1;00 p.m. – 7;00 p.m.
***
Orario selebrashon Santu
Sakrifisio di Misa:
Parokia San Bernardo
Djaluna, djarason, djabièrnè,
djasabra 7;00 p.m. Djaweps
6;30 p.m. Djadumingu 8;00
a.m., 10;00 a.m., 7;00 p.m.
Bírgen Maria di Coromoto
Antriol
Djaluna 6;30 a.m., djamars
7;30 p.m., djaweps 7;30
p.m., djabièrnè 6;30 a.m.,
djasabra 6;00 p.m.
(na ingles), 7;30 p.m.
(papiamentu), djadumingu
9;00 a.m. – 6;00 p.m.
San Luis Beltran Rincon
Djaluna 7;00 p.m., djamars i
djarason misa den bario,
djaweps 7;00 p.m., djabièrnè
7;00 p.m., djasabra 7;00
p.m., djadumingu 7;00 a.m. –
10;00 a.m. – 6;00 p.m.
(na spañó)
***
SNECHI DI
PALABRA DI DIOS
15.10. Lk. 11, 42 -46. Santa Teresa de Jesus.
Den e tempu ayá, Hesus a skual e fariseonan,
bisando: “Ai di boso, fariseonan! Boso ta duna Dios
un désimo parti di menta, ruda i tur sorto di speserei,
ma boso ta neglishá hustisia i amor pa Dios. Ta e
kosnan aki boso mester a kumpli kuné, ma sin
neglishá e otronan. Ai di boso, fariseonan! Boso gusta
sinta riba stul di honor den snoa i boso gusta pa
hende kumindá boso ku rèspèt na marshe! Ai di boso?
Boso ta manera graf sin nòmber, hende ta kana pasa
riba nan sin ku sa ta grafnan ta!’ Palabra di Señor.
Fariseonan! No - ami no. Pero bo ta dispuesto di hasi un
konfeshon públiko, pa tur hende konosé bo manera bo ta?
Pa tur hende konosé bo manera Dios ta konosé bo? Bo ta
dispuesto di laga e aparensianan, e títulonan i presentá
bo dilanti di tur hende komo un sirbidó humilde di Dios?
Ta asina difísil pa nos hasi un konfeshon personal, un
konfeshon sekreto, ku esnan ku a haña e poder di pordoná
nos pikanan, ta kon bo ta bisa ku bo por hasié públiko.
Hipókrita, fariseo. Kisas ta parse ku Dios ta papia awe
muchu duru. Pero kon por papia otro ku un fariseo.
Señor! Yuda mi, kita mi máskara, laga mi presentá mi
mes dilanti di Bo i mi rumannan, manera mi ta, pero ku
un deseo di bira kada dia mas na bo imágen i semehansa.
KORPS POLITIE CARIBISCH NEDERLAND
TA INSTITUÍ UN HUNTA DI PARTISIPASHON
KRALENDIJK — Riba 8 di
òktober
Korps
Politie
Caribisch Nederland a tene un
elekshon pa un hunta di
partisipashon. E hunta ta
konsistí di 5 persona, di kua
3 ta di Boneiru, un di Saba i
un di Sint Eustatius. Nan ta
representá e organisashon i
interesnan di personal pa ku
ehekushon di eksplotashon di
empresa.
E hunta di partisipashon
ta un órgano ku ta
demokrátikamente elegí dor i
for di kolaboradónan. Únabes
eligí e miembronan di e hunta
tin e derecho pa reuní huntu
ku direktiva bou di oranan di
trabou pa por trata tópikonan
relashoná ku eksplotashon di
empresa. Tokante di e
tópikonan ku mester trata,
direktiva lo konsultá ku e
hunta i pidi konseho promé
ku implementá un medida. Por
pensa riba skèdjel, kondishon
laboral, material, etc. Banda
di esei tur kos por papia riba
dje basta e hunta di
partisipashon i direktiva ta di
akuerdo kuné.
E miembronan di hunta di
partisipashon eligí tin e
responsabilidat pa trese e
ideanan i deseonan di nan
koleganan pa reflehá na
esunnan di gerensia. E
miembronan ta protehá
kontra perhudikamentu. Nan
no tin mag di tin efekto
desbentahoso pa nan aporte.
Ademas
e
hunta
di
partisipashon i direktiva ta
ekivalente den e deliberashon.
Pafó di esaki naturalmente e
ambiente laboral regular i
relashonnan usual ta keda
konta.
Un miembro di hunta
tambe ta haña e derecho na
fasilidatnan pa por ehekutá
su trabou di hunta bon i lo
risibí treinen tokante di e
reglamentu, e trabou di hunta
i tambe haña abilidatnan
manera reuní efektivo,
argumentá etc.. E trabou di
hunta ta riba un base
boluntario pero despues di
eligí un hende sigur lo no ta
sin kompromiso. E koleganan
ta konta ku lo atendé e
interesnan di e organisashon
i un bon ambiente i
sirkunstansianan laboral bon.
Resultado di e elekshon
tabata 114 persona ku derecho
di voto. 94 a vota. 1 no valido.
K adidatonan tabata J.
Emerenciana di Boneiru],
S.Senior [Boneiru]. A. Braaf
[Boneiru],
Monseñor Luis Secco:
MENSAHE MESTER TA UN ALIVIO PA PUEBLO
KRALENDIJK – Djaluna
último na Captain Don’s Habitat tabatin apertura e siman di
enkuentro di padernan katóliko
na Boneiru. Na okashon ei
algun persona a hiba palabra,
entre otro tambe Monseñor
Luis Secco lógikamente. Tema
di e Konferensia di Klero 2014
ta: E Alegria ku Evangelio.
Monseñor Luis Secco: “Hopi
biaha nos ta tende ku nos tin
un tarea pa kompañá e proseso,
esta un proseso ku ta no
solamente ta konserní nos
pueblo komo katóliko i
kristiannan, sino tur loke ta
bon i oportuno ku kua nos por
yuda apoyá e proyektonan pa
e bon desaroyo di nos islanan.
Ya pa hopi aña nos a drenta e
proseso di un plan pastoral. E
Djadumingu 12 di òktober tabatin kontinuashon di e
“Korpsspelen 2014”. Esaki tabata e weganan di futbòl
ku a tuma lugá na Stadion Antonio Trenidad na Rincon.
Tabatin basta hende pa a presensiá e weganan i apoyá
nan faborito. Weganan a kuminsá for di mèrdia i a bai e
den oranan di anochi. Agrupashon musikal ESO a pone
ambiente pa tur presente aparte di disfrutá di e weganan
di futbòl di e diferente islanan por a balia tambe i gosa
di e ambiente.
plan pastoral aki ta guia un
mapa riba e kaminda i kada un
di nos, sea komo saserdote
komo laikonan, ta sinti
kontentu di por traha huntu i
por implementá loke nos ta
skirbi.”
Segun Obispu Luis Secco,
hopi biaha nos tur sa ku e plan
ta un ideal, un vishon haltu,
ku nos no por alkansá den 3 òf
6 aña, pero nos mester sigui
pone nos mes na disposishon
pa kada punto. “E pueblo
tambe ta pidi nos pa nos ta
honesto i generoso i e palabra
grandi ta bini for di Papa Francisco, esta ku nos ta bai studia
i implementá loke Papa a skirbi
den su último dokumento. E
alegria di Evangelio mester
yega nos ambiente, nos manera
di prediká tambe e manera di
ta presente den komunidat nos
mester sinti ku nos ta hende
ku ta trese un notisia tristu ku
ta pone hende sufri. Pero e
mensahe mester ta un alivio
pa spesialmente e personanan
mas pober”.
Monseñor a bisa ku e ta
hopi kontentu ku e aña aki ta
pa di tres bia ku padernan ta
reuní aki na Boneiru. E bia aki
ke logra ku e plan pastoral ta
tuma mas e kosnan di urgensia
di Evangelisashon. “Si nos
logra drenta mas profundo den
e kambionan, e parti mas
profundo di nos seno, di bira
disipel mishonero di Kristu
Hesus, e ora ei mi ta kere tambe
nos fruta, lo ta visibel riba den
nos Islanan.”
BBB A HONRA ALGUN KLIENTE LOYAL
KRALENDIJK—E empresa
Best Brands Bonaire situá riba
Kaya Industria, djaluna
último 13 di òktober 2014 den
oranan di atardi, durante un
agasaho spesial na e empresa,
a
honra
i
duna
rekonosementu na algun
kliente di i den regata ku a
keda loyal ku e empresa,
despues ku a saka Polar i otro
produktonan d e empresa for
di Regata den forma di bòikòt
inhustu kontra e empresa ku
sèmper a koperá ku tur loke
ta festividatnan di pueblo.
Na e okashon aki a hiba
palabra Chal i tambe Meriam
di e empresa, kendenan a
gradisí e representantenan di
e empresanan pa honra nan
ku nan bishita i tambe a
gradisí nan pa keda loyal ku
e empresa i Polar.
Na e okashon aki tabata
presente K arel di Karel’s
Beach Bar, Byron Tromp di
BSaF ku ta kere den e
empresa, tambe Shèndel ku ta
sòru pa tur kos na Kas di
Regata durante e siman di
Regata di nos isla, tambe Ibi
Piar di e matutino aki ku
sèmper a kubri tur aktividat
di e empresa.
Tabatin
algun
representantenan
di
empresanan ku debí na otro
okupashonnan no por tabata
presente.
Na final a hasi entrega di
un makutu ku produktonan di
e empresa aden na esnan
presente.
Durante e agasaho por a
disfrutá di algu di bebe i
tambe di kome.
Riba fotonan momentu ku
a hasi e entreganan ariba
menshoná.
SBT DRAGONS TA ORGANISÁ KAMINATA
REAL RINCON A GOLIA ATC
K R A L E N D I J K — E
supkampionnan di futbòl di
nos isla i kampion Kopa MCB
2014, e ekipo Real Rincon di
Rincon, djaluna último 13 di
òktober 2014, a golia e ekipo
di futbòl di Tera Kòrá ku ta
ATC ku skor di 8-0.
Na momentu ku e partido
a parti na dos pa sosiegu
esaki tabata mas o ménos
pareu ya ku Real Rincon
tabata dilanti solamente ku e
bentaha mínimo di 1-0.
Tabata den di dos mitar ku
Real Rincon ta habri e wega
for di otro anotando no ménos
ku 7 gol pa finalmente bai ku
e viktoria di 8-0 riba ATC.
E golnan di Real Rincon
tabata di Ilfred “Tètè” Piar ku
a hinka 5 gol pa totalisá 27
gol anotá den e kampionato
te ku awó, Jurnick Clarenda i
Debro Trinidad a hinka 1 gol,
Rishison Frans a hinka un
pinalti.
Ku e viktoria aki Real
Rincon ta mantené su invikto
den e kampionato den su di
dos buèlta i ta bai 40 punto
faltando dos partido mas di e
di dos i último buèlta di e
kampionato regular.
ATC ku e derota ta keda den
dòm ku solamente 4 punto
faltando tambe dos partido di
e kampionato regular.
Aki ta sigui posishon di e
ekiponan te ku djaluna último.
Posishon ekiponan.
Real Rincon 13 ganá 1
empatá 0 pèrdí, 66 gol na
fabor 7 kontra (+59), 40
punto.
Juventus 10 ganá 1 empatá
2 pèrdí, 52 gol na fabor 15
kontra (+37), 31 punto.
Uruguay 10 ganá 1 empatá
2 pèrdí, 47 gol na fabor 17
kontra (+30), 31 punto.
Estrellas 5 ganá 2 empatá
6 pèrdí, 25 gol na fabor 15
kontra (+10), 17 punto.
Flamingo 5 ganá 2 empatá
6 pèrdí, 19 gol na fabor 42
kontra (-23), 17 punto.
Vespo 4 ganá 2 empatá 6
pèrdí, 16 gol na fabor 20
kontra (-4), 14 punto.
Vitesse 3 ganá 3 empatá 7
pèrdí, 23 gol na fabor 31
kontra (-8), 12 punto.
Arriba Perú 1 ganá 1
empatá 11 pèrdí, 7 gol na
fabor 53 kontra (-44), 4 punto.
ATC 1 ganá 1 empatá 12
pèrdí, 12 gol na fabor 67
kontra (-55), 4 punto.
Éksito na e ekiponan den
e kampionato ku a sigui ayera
nochi ku e partido entre Vespo
i Vitesse, awe djárason e
partido entre Flamingo i Uruguay. Éksito..
KRALENDIJK—E tim di
sòftbòl veterano 50+, SBT
Dragons, dia 1 di novèmber
benidero
ta
organisá
kaminata.
E kaminata aki ta start 5or
mainta na Panaderia Selekta
Antriòl Pariba i finalisá na
kunuku di Sùr Swinda na
Wamari.
E distansha ta di 8KM.
Karchi pa e kaminata aki
ta
optenibel
serka
miembronan di SBT Dragons
50+ na rason di 10 dollar.
Durante e kaminata lo tin
awa i na final tin un sòpi di
bèrdura, tambe un fruta i
djus.
Pa mas informashon di e
kaminata aki por tuma
kontakto ku Norman Warner
na telefon 7007401 òf Simon
“Monchi”
Quandt
na
7887074.
Meta di e kaminata ta pa
SBT Dragons rekoudá fondo
pa biaha pa St, Maarten pa
partisipá den torneo di sòftbòl
ku lo tuma lugá dianan 7, 8 i
9 di novèmber benidero aya
na Isla Riba.
Ban kana pues ku SBT
Dragons, loke ta bon pa bo
salú, na mes momentu
kontribuí tambe ku e ekipo pa
por partisipá den e torneo di
sòftbòl aya na St. Maarten.
ARUBA KAMPION SÒFTBÒL
“SIMAN DI POLIS”
KRALENDIJK—E polisnan
di Aruba a titulá kampion di
sòftbòl Siman di Polis djaluna
último 13 di òktober 2014 den
oranan di anochi.
Djaluna
último
e
enkuentronan deportivo di
Siman di Polis a sigui den
oranan di anochi ku e
weganan di sòftbòl a Jossy
Boekhoudt Ballpark na Tera
Kòrá.
Tabata e polisnan di Aruba
ku a titulá kampion despues
di a gana di e polisnan di
Kòrsou ku skor pèrtá di 10-9
den e partido final di e torneo.
Ku e resultado aki e
polisnan di Kòrsou a keda di
dos lugá o sea supkampion
di e torneo.
Aki ta sigui e resultadonan
di e partidonan.
Kòrsou 0 Kustwacht 7-0.
Boneiru – Hulanda 11-1.
Aruba – St. Maarten 10-0.
Kustwacht – Sürnam 140.
Aruba – Boneiru 7-0.
St. Maarten – Hulanda 54.
Kòrsou – Sürnam 17-0.
Hulanda – Aruba 3-10.
Boneiru – St. Maarten 19.
Final.
Aruba – Kòrsou 10-9
manera menshoná mas ariba.
Pabien na e polisnan di
Aruba i Kòrsou ku nan
títulonan di kampion i
supkampion.
Presidente di FFB Luti Balentin:
“MI NO TA TUMA DESISHON SIN KONSULTÁ”
KRALENDIJK — “Mi no ta
un presidente ku ta tuma
desishon sin konsultá.” Esaki
presidente di Federashon di
Futbòl Boneriano (FFB), Luti
Balentin, a deklará den un
entrevista eksklusivo ku Extra. E ekiponan afiliá na FFB
ta haña ku Balentin no ta
tuma desishon i ta keda drai
riba kada punto ku presentá.
Segun Balentin, e ekiponan
ku ta grita ei ta ekiponan ku
si e mester tuma desishon,
nan no tin mag ni di partisipá
mes den e kampionato di FFB
aktual. Nan no a kumpli ku
pago di plaka di inskripshon
promé ku febrüari. Ta esnan
ku ta grita mas duru aki, ta
nan ta esnan ku no ta kumpli
ku regla.
Luti Balentin a bisa ku
últimamente FFB a yama reunion pa papia riba segundo
buèlta di e kampionato. Tres
ekipo a presentá. No tabatin
kórem. Nan no ta presentá,
pero sí ta grita ku kosnan no
ta kana bon. Ta pretendé ku
nan sa tur kos mihó ku tur
hende. Kon direktiva ta
kuminsá drecha kos, ku si
ekiponan ku ta kere ku nan
sa tur kos mihó, no ta
presentá na reunion?
Balentin a sigui splika: “A
bini ku reglanan nobo,
ekiponan no ta tene nan mes
na regla. Ekiponan no mester
tira falta riba e presidente ku
no ta tuma desishon. Pero
buska e falta serka nan mes.
FFB a sòru pa bala adekuá,
manera tur ekip a pidi.
Hungadó di e mesun ekiponan
aki ku ta grita duru ku
presidente no ta tuma
desishon, ta skòp bala benta
afó di stadion. E ekiponan,
dirigentenan, no ta papia ku
nan hungadónan, pa evitá
lokual ta pasa riba tereno.
Disiplina i regla ta kuminsá
den e ekiponan. FFB ta kobra
kada ekipo ku benta un bala
pafó di kura, i no haña e bala
aki mas, un suma di sesenta
dòler di but pa e bala ku a
pèrdè. E mesun ekiponan aki
ta bisa kita e but aki for di
reseta, tin ekipo ku no ta
haña reseta i nan ta keda
debe FFB. Ora un ekipo ta
reklamá e mes mester ta riba
e liña, esta di kumpli ku regla
i mantené disiplina.”
Na porta pa kada wega, ta
bintidos persona por pasa pa
ekipo, djesocho hungadó i
kuater ofisial. Tin ekipo ta
bin ku bintisinku hungadó i
ta pretendé ku tur mester pasa
sin paga. Ora presidente bin
ku regla pa para esaki na
porta, mesora ta e presidente
no ta funshoná bon i ta buska
tur sorto di kos pa trese
dilanti den reunion. Ekiponan
mester tin dirigente ku por
dirigí e ekipo. Esaki ta e
problema mas grandi di
ekiponan; nan no tin bon
dirigente . Ekiponan no tin
dirigente ku ta tuma desishon
i ta manehá e ekipo.
“Ekiponan no mester tira
e problema den skochi di FFB,
pero nan mester hinka man
den nan mes bus i kuminsá
na dirigí nan ekipo i manehá
esaki riba un nivel. Mi ta mira
kosnan ku ta tuma lugá riba
kancha di wega i ta puntra mi
mes ta na unda dirigente di e
ekipo aki a keda. Na
momentu ku pone un
hungadó riba tereno i e
dirigente no por dirigí e
hungadó aki, e asina yama
‘dirigente’ aki mester saka su
konklushon i retirá”, segun
Luti Balentin.
Balentin ta haña ku tin
falta di komunikashon entre
e direktiva di e ekipo i e
hungadónan. Tin hopi regla i
otro kos ku FFB ta saka den
su órgano ofisial ku
dirigentenan no sa di dje i
tampoko e hungadónan no ta
kumpli ku e reglanan aki.
Esaki no ta falta di FFB, sino
falta di ekipo mes. Ta p’esei
no mester tira falta riba e
presidente di FFB, sino e
falta ta serka ekiponan ku no
ta kumpli ora FFB hasi
yamada.
HOMENAHE NA SINKU HUNGADÓ
K R A L E N D I J K —
Djadumingu último 12 di
òktober 2014 na final di e di
nuebe edishon di e torneo di
sòftbòl maskulino Regata
2014, e ekipo organisadó ku
ta Nrd Braves, a duna
homenahe na sinku di su
hungadónan ku sèmper, fo’i
prinsipio te ku awor, a keda
loyal na e ekipo, nunka no a
bai ningun ekipo.
Sèmper e hungadónan aki,
di akuerdo ku e doño di Nrd.
Braves, sr. Leopold “Apò”
Melaan, e sinku hungadónan
aki nunka a bai bin bèk,
sèmper nan a keda ku e ekipo
den bon i malu, p’esei ta na
su lugá duna honor i
rekonosementu na e sinku
hungadónan aki.
E sinku hungadónan aki a
risibí un bunita sertifikado
den su leshi komo muestra di
apresio pa nan loyalidat na e
ekipo.
Ta trata di e hungadónan
ku ta sigui:
Carlos “Djuni” Thomas.
Jemuel “Choko” Melaan.
Robert “Obi” Winklaar.
Jacintho “Chinto” Muller.
Rishi Marin jr.
Riba fotonan momentu ku
e doño di e ekipo, sr. Leopold
“Apò” Melaan, a hasi entrega
di e sertifikadonan, tambe e
grupo di tambú, Grupo Chill,
ku a deleitá e presentenan riba
e último dia di e torneo
djadumingu último na Jossy
Boekhoudt Ballpark na Tera
Kòrá.
Si keda kla ku e reparashonnan nesesario
CHÈNS KU KAMPIONATO DI FUTBÒL LO BINI BÈK PLAYA OTRO AÑA
KRALENDIJK — Si keda
kla ku e reparashonnan
nesesario na e stadion di
Playa e chèns ta grandi ku lo
bolbe laga weganan di
kampionato di futbòl tuma
lugá na Playa. Esaki Luti
Balentin, den su kalidat di
presidente di FFB (Federashon
di Futbòl Boneriano), a
deklará den un entrevista ku
Extra, relashoná ku hopi
krítika
ku
tin
riba
funshonamentu
di
e
federashon aki.
Manera
ta
konosí,
weganan di e kampionato
aktual di futbòl ta tuma lugá
den stadion di Rincon.
Pregunta ta dikon FFB no ta
laga e weganan tuma lugá den
stadion di Playa? Segun
direktiva di FFB, stadion di
Playa tabatin algun kos
chikitu pa drecha. Tanten ku
FFB no haña lus bèrdè di e
manehadó di e stadion aki ,
nan no por bin Playa. Ta e
mesun ‘beheerder’ aki a
puntra FFB pakiko no ta bai
hunga weganan na Rincon,
pasobra tin algun kos kibrá.
Luti Balentin: “Si FFB bai
pone wega den e stadion di
Playa, ta FFB ta responsabel
si un kos pasa na e momentu
ei. FFB no tin kapricho, ta ora
FFB haña lus bèrdè di e
‘beheerder’, e ora ei FFB ta bin
Playa. A mira si ku a drecha e
portanan , a bari i drecha e
kancha i a limpia parti paden
di e kancha. Nan a keda bon i
bunita. Komo ku ya FFB a
programá i tin skema di e
weganan na Rincon, FFB ta
hunga e ‘play off’ i final di
kampionato na Rincon. Ta
keda na FFB pa tuma e
desishon unda ta hunga e
weganan di kampionato.”
Segun Luti Balentin, FFB
a hasi esfuerso pa a bin hunga
e weganan na Playa. Ta FFB
a paga pa drecha e kosnan ku
a drecha últimamente. Fondo
di FFB no ta destiná pa drecha
stadion, pero a paga pa lokual
a drecha. Pero tin kosnan mas
grandi ku mester hasi ainda
i eseinan FFB no ta paga pa
hasi nan. Si stadion di Playa
keda
kla
ku
e
reparashonnan, tin posibilidat
ku e kampionato di otro aña
ta kuminsá na Playa.
Presidente di Federashon
di Futbòl Boneriano (FFB),
Luti Balentin, a kontestá
vários di e otro preguntanan
lansá den direkshon di FFB pa
ekipo i fanátikonan di e rei di
deporte boneriano, ku ta
futbòl. Ku fanátikonan i
ekiponan ta gaba adelanto di
rèfrinan ta motibu di esfuerso
di FFB. “Mi mes tambe a papia
ku vários di e rèfrinan pa nan
a bini bèk. Dikon nan a bin
bèk? Pasobra nan ta mira ku
e organisashon di rèfri a
kuminsá funshoná bon. Ta
esfuersonan grandi ku FFB i
e persona ku ta para na kabes
di e departamentu di rèfri ta
hasi, tresiendo e kambionan
aki.”
Un pregunta ku a surgi ta
pakiko ku U-17 i U-18 no ta
funshoná mas? Segun Luti
Balentin, e gruponan di U tin
nan mes komishon i ta
funshoná bou di presidensia
di Arturo Charles. Ta ekiponan
ta forma e U-nan. FFB a bai e
último reunion di e U-nan.
FFB tin un representante den
e komishon di U-nan, den
persona di Freddy Piar, ku ta
yuda pa guia e komishon di
parti di FFB. “Ta e ekiponan
mes ta laga di deseá. E
komishon ta organisá e
weganan i si e ekiponan no
manda nan tim di U, e
weganan no por bai dor. Mi a
komprondé ku enbèrdat ku
e weganan di U no ta
funshoná awor. Aktualmente
FFB mester tende di e
komishon presidí dor di Arturo
Charles pa sa ta kiko ta e
problema, pa asina FFB por
trese un solushon den e kaso
di U aki na Boneiru.”
Riba e pregunta ta dikon
no tin un brankar ainda den
stadion di Rincon, Balentin a
kontestá lo siguiente: “Esei ta
un bèrdat. Aktualmente no tin
un brankar den stadion di
Rincon. FFB tabatin un
brankar den stadion di Playa
, pero ora a bai buska esaki
ta parse ku a hòrt’é. FFB a
kuminsá na pone kontakto
kaba ku e organisashon di
Krus Kòrá pa asistí na kada
wega. Atrobe mester bisa e
ekiponan, pasobra trese Krus
Kòrá na wega ta enserá gastu.
FFB lo planta esaki na e
ekiponan i tambe lo
menshoná e gastunan.
Ekiponan lo mester bai di
akuerdo ku e punto aki pa
esaki keda implementá.”
Riba e pregunta ken ta e
suplentenan di direktiva
diario di FFB, Balentin a bisa
ku vise presidente ta Gamby
Oleana, segundo sekretario ta
Danuta de Jong, suplente di
tesorero ta Gilbert Janga.
Ku FFB no tin interes di
hungadónan na pechu? FFB a
kontestá ku tin tur sorto di
interes, pero hungadónan ta
kai bou di un ekipo, e ekipo
ta
responsabel
pa
e
hungadónan, no ta FFB. Ta e
ekipo ta miembro di FFB. FFB
no ta bai trata ku
hungadónan individual. Ta e
ekipo mester sòru pa su
hungadónan. Lo bini ku un
kurso, pa ekiponan sa kon pa
nan organisá nan mes den
nan seno di ekipo.
Luti Balentin a sigui bisa:
“Ku rèfrinan ta kambia paña
dilanti
públiko
ta
responsabilidat di rèfrinan
mes. FFB tabatin palabrashon
ku rèfrinan ku nan mester ta
presente na tereno un ora
delantá. E un ora delantá na
stadion nan por hasi uso di e
kamber di kambia paña. Mei
ora promé ku e partido
kuminsá e komishon di doping ta tuma e kamber over pa
hasi prueba. Esaki ta e
palabrashon ku tin ku e
rèfrinan. Si esaki ta sosodé
dilanti di públiko ta
responsabilidat di rèfrinan no
di FFB.”
Den órgano ofisial a sali
hopi kambionan ku FFB a bini
kuné i si esnan konserní no
kumpli ku e reglanan aki,
ekiponan ta kuminsá na haña
but segun Luti Balentin
presidente di FFB.
NRD BRAVES KAMPION TORNEO REGATA 47
K R A L E N D I J K — E
organisadónan ya pa nuebe
aña di e torneo di sòftbòl
maskulino di siman di regata,
Torneo Regata 47, e ekipo di
Nrd. Braves, djadumingu
último 12 di òktober 2014, a
titulá kampion di e torneo
Regata 2014, ganando di e
ekipo di Energizers ku skor di
19-11 den e partido final den
oranan di anochi na Jossy
Boekhoudt Ballpark na Tera
Kòrá.
Nrd Braves dado momentu
tabata tras den e partido di
kua Energizers tabata dilanti
kómodamente, pero un Braves
ku a sigui batayá pa titulá
kampion, den e último
inennan di e partido ta empatá
i pasa dilanti pa despues
amplia su bentaha pa
finalmente nòkout e ekipo di
Energizers den di seis inen
ganando ku skor di 19-11.
Djis despues di e partido
final a sigui e parti di
premiashon
i
tambe
homenahe na sinku hungadó
loyal na e ekipo, hungadónan
ku fo’i prinsipio a lanta ku
Braves, sigui i keda ku Braves
te ku e dia di awe sin bai
ningun ekipo.
Aki ta sigui e premiashon
di e torneo, tantu ekipo komo
individual.
Premiashon ekipo.
Kampion Nrd. Braves.
Supkampion Energizers.
Di tres lugá Destroyer di
Kòrsou.
Premiashon individual.
Mihó batidó di e torneo ta
Gilmar Velder di Destroyer di 66 ku ta bon pa un averahe di
1000.
Kampion honronero di e
torneo ta Shurmel Soleana ku
5 homerun.
Kampion picher ta David
Conquet di Energizers.
Hungadó mas balioso di e
torneo ta Rishi Marin jr.
Riba fotonan empayernanm
papiando ku kapitannnan
promé ku tòsmentu promé ku
e partido final, empayernan ku
a dirigí partido, e ekiponan Energizers i Braves, Grupo Chill
ku a deleitá e presentenan ku
e músika di tambú, tambe e
parti di premiashon.