1. Espiritual

25.000 ehemplar pa dia - $ 0.85
Ekstra Boneiru
Djasabra 18 òktober 2014 ...ketu bai number unu!
Si tin persona lokal ku por tuma e trabou
NIUN IMIGRANTE LO HAÑA
RENOBASHON DI PÈRMIT MAS
Entrega di bandera
Polis a sera siman di Kuerpo Polisial ku un tremendo anochi kultural na Tera Kòrá Ranch djarason. diferente grupo folklor, entre otro di Kòrsou tambe
di Boneiru, a duna diferente presentashon. Na final Ibi ‘Kampin’ Statie, a entregá un bandera di Boneiru na representante di e grupo di polis di Sürnam
ku tabata na Boneiru, en konekshon ku e siguiente Siman di Kuerpo Polisial di otro aña ta tuma lugá na Sürnam, loke por mira riba e foto.
Habri tur dia pa bo!
Dama dilanti hues pa eksportashon di droga
KOKAINA TA KOUSA HOPI PROBLEMA I MOLÈSTER
KRALENDIJK — Hues Lips a
sentensiá e dama hóben Marisol
M., nasé na 1993, na un kastigu
di 12 luna di prison, kitando e
periodo ku el a pasa den aresto
preventivo,
totalmente
kondishonal, ku periodo di prueba
di 3 aña. Ademas e mester traha
240 ora di trabou pa komunidat.
E hues a mustra riba e
problemanan i molèster ku uso di
kokaina ta kousa den un
komunidat.
Marisol M. dia 9 di ougùstùs
e kier a transportá 1080 gram di
kokaina desde Boneiru pa
Hulanda. Na su detenshon el a
atmití ku e tabata sa ku e tabata
transportá droga. El a kere sí ku
tabata un kantidat ménos di
kokaina nan a dun’é pa transportá.
Duaneronan a deskubrí e droga
serka e akusado durante un
kontròl rutinario. Tèstnan di
laboratorio a indiká ku tabata trata
di kokaina.
PROBLEMA
“Pakiko bo a kometé echo
aki?, hues Lips a puntra e
akusado. Marisol a konta ku
kuater luna pasá su tata a fayesé.
Su mayornan tabata biba di nan
penshun. Su mama no por
sobrebibí solamente ku un
penshun di 200 dòler despues ku
su tata a muri.
Segun e akusado, e no tabatin
trabou, pero sí a solisitá sin por a
haña un empleo. El a pidi
ònderstant pa mantené su mes i
su yu hòmber di 1 aña. Te ainda
no a konsed’é ònderstant. E no
tabatin otro alternativa i na
momentu ku el a haña e
oportunidat pa gana algu ku
transporte di droga pa Hulanda el
a aseptá. E no tabata sa ainda, na
momentu ku el a aseptá pa
transportá e droga, kuantu plaka
e lo a haña komo pago. El a keda
será di 7 pa 20 di ougùstùs.
Marisol nunka anterior a haña
su mes den problema ku hustisia.
Reclassering den su rapòrt ta
indiká ku e akusado no tin trabou.
Tambe ku nan ta mira ku e
promedio di chèns ku e akusado
lo bolbe hasi algu asina hopi
chikitu. Reclassering a proponé un
kastigu kondishonal komo un
palu tras di porta.
DIFÍSIL
Fiskal Antoinette Doedens a
kuminsá na bisa ku e akusado,
ku su aktitut, ta hasié difísil pa
Ministerio Públiko. E tabatin mas
ku 1 kilo di kokaina den su poder,
loke ta bon pa un kastigu di prison
di asta un aña. “Pero Reclassering
ta bisa ku nan tin konfiansa den
bo ainda. Ami ta duda, si mi tuma
nota di e informashon ku a haña
den bo telefòn. Pero mi ta duna bo
benefisio di duda. Mi ta haña ku
bo no mester bai bèk prison, pero
ku bo mester haña un bon kastigu
di trabou pa komunidat”.
Demanda di fiskal tabata di 12
luna di prison, kitando e periodo
ku e akusado tabata será kaba,
pero riba un base kondishonal, ku
un periodo di prueba di 3 aña.
BUSEO PA LIMPIA FONDO DI LAMAN
KRALENDIJK – Djasabra 18 di
òktober tin un aktividat di limpiesa
den laman. E ‘clean up dive’ /
‘buseo di limpiesa’ aki ta habrí pa
tur hende ku ke pa Boneiru keda
‘blou i bunita’. E aktividat ta
kuminsá pa kuartu pa 10 di
mainta na Dive Inn ku un
LADRONISIA DI
VEHÍKULO
KRALENDIJK — Djaweps pa
mas o ménos mitar di ocho di
mainta a drenta keho di
ladronisia di outo koló blou
Toyota Yaris, model ‘Hatchback’, numerá B-1096.
E outo tabata stashoná na
Kaya Dorado. E kaso ta bou
di investigashon.
splikashon pa 10 or. Ta pidi tur
hende pa no lubidá nan karchi di
sertifikashon.
Lo bai limpia Waf Nobo, esun
parti di sùit. Lo bai kolektá mas
tantu liña di piska posibel, i p’esei
ta pidi pa bai ku un kuchú òf algu
otro pa kòrta.
Esnan ku no ta daif tambe ta
bonbiní. Nan lo por yuda pa limpia
kosta i registrá loke ta kolektá pa
Padi su proyekto Aware.
Pa 6 or di atardi lo tin un
barbekiú estilo di beilèg. Lo tin un
plato prinsipal ku un bebida, pero
ta invitá tur hende pa trese algu
mas pa kompartí manera un snèk,
algu pa komplementá e kuminda,
òf pasaboka.
Pa mas informashon por yama
717-2929.
KIEBRO DEN KAS
KRALENDIJK — Djaluna pa
mas o ménos 3’or di atardi a
drenta notifikashon di un kiebro
den un kas situá na Kaminda
Lagun na sentral di polis.
A bai ku entre otro un laptop
Asus i e tas den kua esaki tabata.
Den e tas tabatin tambe diferente
kabel, un ‘hard disk’ eksterno di
500 GB i diferente ‘memory stick’.
Tambe a bai ku un telefon
selular bieu Samsung. Ta
investigando e kaso.
Kondishon ta ku e ta sigui
instrukshon di Reclassering.
Ademas e mester kumpli ku un
kastigu alternativo di trabou di
240 ora.
Abogado mr. Anneke van Toll
a deskribí e sirkunstansianan den
kua su kliente a haña su mes,
despues di morto di su tata, komo
hopi difísil i penoso. Ademas su
mama tabata den problema
finansiero, e mes tabatin sin
trabou, loke a pone ku el a kai den
tentashon pa bai transportá droga
pa Hulanda, ku promesa di risibí
pago pa esaki.
POSITIVO
Tambe Van Toll a referí na e
rapòrt positivo ku Reclassering a
skirbi di su kliente. E ta kontentu
tambe ku fiskal a sigui e konseho
di Reclassering, esta pa no manda
e akusado prison. E 240 ora di
trabou pa komunidat lo por yud’é
tambe pa prepará su mes i haña
un trabou den futuro.
Kokaina ta hasi un hende
adikto. Komo ku e hendenan
adikto aki hopi bia no por finansiá
nan adikshon, nan ta bai kometé
ladronisia òf otro delito. Dor di
eksportá kokaina e akusado tambe
ta kontribuí na e problema i
molèsternan ku kokaina ta kousa.
E kantidat di 1080 gram ta hopi.
Di otro banda e hues a tene kuenta
ku e sirkunstansianan den kua e
akusado a haña su mes aden.
Hues a sentensiá e akusado
konforme e demanda di fiskal.
Predikador 3:1-2a, Tur kos tin
su ora i su tempu, tur kos aki
na mundu; ora pa nase i
ora pa muri
Salmo 23:1-3, Señor ta mi
Wardador, ni n’tin falta di
nada; den kunuku di yerba
bèrdè E ta pone mi sosegá. E ta
hiba mi na awa trankil, pa
mi bolbe haña forsa
Dunando danki na Señor ku nos por a kompartí bida kuné, nos ta partisipá
fayesimentu di:
Sr. Pio Emeterio ‘Theo’ Scherptong
Ridder in de Orde van Oranje Nassau
*5-5-1922
+13-10-2014
Su esposa:
Su yunan:
Cipriana Fortunata ‘Chata’ Scherptong-Clarinda
Franklin Scherptong i Meredith
Yolanda Anthony i Ubaldo
Gerlinde Scherptong
Jenny Delima i Franklin
Geraldine Scherptong
Jeffrey Scherptong
Su nietunan:
Shannon i Elvinia, Ulrich, Curtis, Heinrich, Elroy i Marjolein,
Jo-Ann, Eliane i Ricardo, Sainara, Siegfried i Germaine,
Thurston, Xaviera, Quentin, Jeremy, Kendrick
Bisanietunan:
Shantelly, Shandrick, Tyciano, Joy, Ziëgelly, Abigail,
James, Riandro, Riczard
Rmannan:
Lucia Janga-Scherptong i Gladys Candido Scherptong
Suánan:
Salvador i Nelly Clainda i famia, Salomon i Edith Clarinda i
famia, Leopoldo i Irene Clarinda i famia
Subrinonan:
Viola Aniceta-Troeman i rumannan, Gerda Mercera-Janga i
rumannan, Kennethson Scherptong i rumannan,
Sieglin
Seraus i rumannan, Jeffrey Schoop i famia,
Wolter
Conquet i famia, Carol, Caroline,
Xiomara i famia
Primu i primanan:
Thelma de Palm i yunan, Ramon Scherptong i famia na
Kòrsou, Hildo Scherptong i famia na Kòrsou, Juliana Bernadina-Scherptong i
rumannan na Kòrsou, Yguaniona Scherptong de Hernandez i famia na Merka,
Joan Scherptong i famia na Inglatera, Jose Wanga i rumannan na Kòrsou, Henky
Mackaai i rumannan, Ena i Rumoldo Ilario i famia, Marisia Mariana
Demas famia: Scherptong, Clarinda, Janga, Seraus, Troeman, Mariana, Thielman,
Anthony, Wanga, Silberie, Makaay, de Palm, Ilario, Emerenciana, Merenciana,
Bomba, Goeloe, Pietersz, Siegfried Koeiman, Dortalina, Reina, Julia Pourier, Sint
Jago i St. Hill
Komèr i kompèrnan, ihánan, Iris i sobra bisiñanan, Virginia Pietersz, integrantenan
di Tipiko Boneriano, amigu i konosínan
Un danki di kurason na bruder Junny i zùsternan di Thuiszorg.
Nos diskulpa si den nos tristesa nos por a lubidá algun famia.
Ta risibí bishita di kondolensia djabièrnè 17 di òktober di 7’or pa 9’or di
anochi na Kaya Kamari 11 Tera Korá
Akto di entiero ta tuma lugá djadumingu 19 di òktober saliendo for di Misa
San Bernbardo pa Santana Katóliko na Playa. Ta kuminsá risibí bishita di
kondolensia for di 2’or na misa. Promé ku entiero tin un santu sakrifisio di
misa pa 4’or.
Despues di entiero NO por risibí bishita di kondolensia na kas.
Si tin persona lokal ku por tuma e trabou
NIUN IMIGRANTE LO HAÑA
RENOBASHON DI PÈRMIT MAS
KRALENDIJK — Respetá
hende, respetá imigrante. E
siman aki Partido Pro
Hustisia i Union (PHU), a
manda un karta na hefe di
Ministerio di Asuntunan
Sosial hasiendo pregunta
tokante di un maneho nobo
pa ku imigrante. Si PHU ta
komprondé
bon,
niun
imigrante
lo
haña
renobashon di su pèrmit mas,
si tin un persona lokal ku por
tuma e trabou. PHU a puntra
den e karta si a komprondé e
maneho nobo aki bon, algu ku
ta preokupá e partido hopi.
PHU ta pro pa hende lokal
haña trabou i ta pro tambe ku
hende lokal mester bin na
remarke promé ku un
kompania por buska imigrante
nobo di afó. Pero e partido no
ta di akuerdo ku ta perhudiká
imigrante ku ya ta akinan
kaba. Esnan ku ta aki kaba tin
derechonan humano i derecho
atkirí. Si nan a kumpli bon ku
nan trabou i si nan no a kometé
niun krímen, no ta hustu pa
kita trabou for di nan i skòp
nan afó. Asina no ta trata
hende.
Si tur partido polítiko ta
keda ketu, ta nan asuntu. PHU
ta pro tur grupo étniko na
Boneiru, tantu Boneriano,
Hulandes, imigrante. Pero
PHU ta kontra abuso semper.
I si un di e gruponan aki keda
tratá inhustamente, PHU ta
protestá i lo trata na korigí e
situashon.
Si enbèrdat e maneho nobo
a drenta na vigor manera PHU
ta kere, ta protestá kontra esaki
enérgikamente. Tur hende
mester haña un trato hustu.
No ta hustu pa kita trabou for
di hende ku forsa di estado i
duna na otro hende.
Si no tin sufisiente trabou pa
hende lokal, e medida korekto i
hustu ta pa no pèrmití imigrante
nobo pa drenta pa sierto tempu
te ora tin sufisiente trabou atrobe
pa tur hende. E ora ei por bolbe
duna pèrmit na imigrante nobo.
Pero mester respetá derechonan
humano i derechonan atkirí di
imigrante ku ya a aportá ku
sodó na nan frente na adelanto
di Boneiru. Ta p’esei PHU a
skirbi e karta pa pidi aklarashon
mas pronto posibel.
DETENSHON
KRALENDIJK — Djaweps pa
mas o ménos 10’or di anochi a
detené e hòmber di inisialnan
M.A.M.E.C., nasé na 1989 na
un kas situá na Amboina en
konekshon ku maltrato.
PRENSA A SERA KONOSÍ KU WARDA DI POLIS RENOBÁ
KRALENDIJK — Durante reapertura di Warda di Polis na
Playa, despues di e parti ofisial
kaminda tur e personanan a
hiba palabra i tambe kòrta
sinta na entrada prinsipal di e
edifisio, prensa a haña un paseo
den e edifisio pa por a tira un
bista
i
tambe
haña
informashon.
A ekskluí prensa pa
bishitá tur área den e edifisio i
a respetá esaki. Tin partinan di
e edifisio ku no ta
kompletamente kla, pero
práktikamente e lugá ta ful
operashonal.
Koninglijke Marechaussee
(KMar) su ofisinanan tambe ta
den e mesun edifisio di Warda
di Polis. Si tira bista di pafó di
e edifisio e ta manera un ‘L’ i
ora bo ta na entrada na bo man
drechi di e edifisio, ta e sekshon
di KMar i esun stret dilanti ta e
parti unda polis ta sinta. E
sekshon di KMar no ta
kompletamente kla, pero falta
algun rekisito pa finalisá.
Awor ora presentá na Warda
di Polis pa un òf otro motibu, e
trato ta muchu mas adekuá ku
den pasado.
E kombinashon di foto ta
mustra entre otro sierto
áreanan paden di e edifisio.
Tambe e diferente personanan
ku tabata na e re-apertura di
e edifisio renobá.
SGB DESEPSHONÁ
Mayornan a bai Inspekshon di Enseñansa tras di lomba di SGB
KRALENDIJK — Direktiva i
direktorado di Komunidat di
Skol Boneiru, SGB, durante un
enkuentro ku prensa ayera
mainta, a duna splikashon
tokante e echo ku mayornan
ku tin yu na e sekshon Liseo
Boneriano, a bai direktamente
Inspekshon di Enseñansa sin
a konsultá promé ku
direkshon di Liseo i sin ku a
komuniká ku direktor general
òf ku direktiva di SGB. Esaki
no ta kuadra ku prinsipionan
básiko di komunikashon. En
general ta e kustumber ku
mayornan ta dirigí nan mes
na e unidat promé na unda
nan yu ta bai skol. Si e mayor
ta sinti ku e no ta risibí
kontesta riba su pregunta òf
ku no ta atendé su
preokupashonnan na manera
respetuoso i atento, e por
akudí na direktor general.
Ta trata aki di un grupo di
19 mayor ku a dirigí un karta
na Inspekshon di Enseñansa
den kua ta duna kritiká riba e
práktikanan di enseñansa na
Liseo komo tambe riba sierto
desaroyonan den SGB en general. Direkshon i direktiva di
SGB ta semper dispuesto pa
komuniká ku mayornan,
pasobra ta mira e importansia
di partisipashon aktivo den
enseñansa di nan yunan. Si tin
puntonan den funshonamentu
di e skol ku no ta bon òf no ta
kuadra ku reglanan, SGB ta
dispuesto pa koregí i adaptá
si ta nesesario.
KOMUNIKASHON HABRÍ
Sinembargo, direktiva i
direktorado di SGB ta lamentá
ku e grupo aki a disidí di
komuniká direktamente ku
Inspekshon di Enseñansa, sin
ku a konsultá promé ku e
direkshon di Liseo i sin ku a
komuniká ku direktor general
òf ku direktiva di SGB.
Esaki no ta kuadra ku
prinsipionan básiko di
komunikashon. En general ta
e kustumber ku mayornan ta
dirigí nan mes na e unidat
promé na unda nan yu ta bai
skol. Si e mayor ta sinti ku e
no ta risibí kontesta riba su
Eki Arias i Yubi Thomas ta dos amigu inseparabel. For di
tempu ku Eki a bin biba i traha na Boneiru, el a topa ku
Yubi e tempu ei na Hotel Bonaire, kaminda el a bai traha
komo weiter. For di ei nan a bira dos bon amigu di otro te
awe. Manera Eki, kende awor ta taksista, haña oportunidat,
e ta pasa buska su bon yave na Nort Saliña pa asina dal un
keiru kuné. Tin bia Hendrina ta bira nervioso ku su papito
a tarda, pero e sa si ku Yubi ta den bon man.
pregunta òf ku no ta atendé
su preokupashonnan na
manera respetuoso i atento, e
por akudí na direktor general.
Asina mes, SGB ta asentuá
ku naturalmente mayornan
tin e derecho di akudí na
Inspekshon di Enseñansa i
prensa si nan ta sinti ku nan
tin motibu pa hasi esaki.
Solamente ta importante pa
duna skol e oportunidat pa
duna su banda di medaya i
pa huntu ku mayornan por
yega na solushon promé.
Den e karta ta menshoná
situashonnan ku no ta kuadra
kompletamente ku realidat. E
karta ta krea un imágen
inkorekto di e prosesonan di
mehorashon ku ta andando
den skol i tambe di e manera
kon direktiva di skol ta operá.
PROSESO DI
MEHORASHON
Por ehèmpel pa krea e
imáhen ku ta direktor general
a skirbi un plan di
mehorashon kaba. Esaki no ta
kuadra ku realidat. Ta
importante ku ta karga un
plan di mehorashon dor di e
dosentenan i personal nodosente mes. Direktor general
no por skirbi un plan di
mehorashon sintá den su
ofisina, sin kontribushon di
personal dosente i no-dosente.
Ta p’esei a krea gruponan
di trabou, kual ta konsistí di
dosentenan di kada unidat,
esta PRO, MAVO, HAVO, VWO,
VMBO i MBO. Den e gruponan
aki ta partisipá tambe personal di apoyo.
E gruponan di trabou aki
ta risibiendo tayernan den kua
nan ta profundisá nan mes den
e método di análisis, yamá
SWOT. Pa medio di e método
aki, nan ta siña kon pa hasi
análisis profundo, krítiko i
korekto di e situashon aktual
di e realidat di SGB. A base di
esaki nan ta haña sa tantu
kua ta e puntonan fuerte,
komo tambe e puntonan debil
di e skol. Una bes ku esei ta
hasí, nan lo studia den detaye
tur e rapòrtnan ku tantu
Inspekshon di Enseñansa
komo e kompania Capgemini
a skirbi tokante SGB, kual ta
duna un imáhen bastante
krítiko di SGB.
E proseso di mehorashon
na SGB ta un proseso
demokrátiko i interaktivo, den
kua henter personal ta haña e
Seraio Pop i Lydia Emerencia durante enkuentro ku prensa
ayera mainta.
oportunidat pa opiná i pa
kontribuí. Partisipashon den
e gruponan di trabou ta
boluntario i e dosente mes ta
disidí si e ta kontribuí si òf
nò.
Ministerio di OCW a pidi
direktiva di SGB pa traha un
plan di mehorashon i pa
entregá esaki pa aprobashon.
SGB ta kumpliendo ku e
petishon aki. Den esaki ta
tuma na konsiderashon tur e
puntonan ku a logra kaba den
e plan anterior i ta agregá
strategianan nobo pa algun
tema ku no a toka ainda
sufisientemente den e plan
anterior.
COACH I EKSPERTONAN
Den
e
proseso
di
mehorashon, SGB ta traha ku
diferente eksperto i konsehero.
Den esaki, direktiva aktual di
SGB ta traha ku diferente tipo
di ekspertisio, tantu lokal
komo di Hulanda Europeo i
tambe
internashonal.
Aktualmente tin dos coach di
dosente ta traha na SGB ku tur
siman ta ofresiendo coaching
na dosentenan. Esaki ta un
sistema ku ta funshoná
satisfaktoriamente.
Tin algun proyekto di
apoyo ku mester evaluá si nan
ta di sufisiente kalidat i si nan
ta ofresé e apoyo ku
realmente mester pa e
situashon aktual na Boneiru.
Den e dianan próksimo lo hasi
e evaluashon aki pa a base di
esaki disidí ku kua di e
proyektonan aki ta kontinuá i
kua nò.
Pues, no ta asina ku SGB
lo ta nengando apoyo i coaching. Al kontrario, ta buskando
apoyo di nivel profeshonal
haltísimo di sentronan di
ekspertisio na Hulanda, tambe
na
Aruba
i
Kòrsou.
Sinembargo, mirando e
medionan skars ku SGB ta
haña pa su trabou e mester ta
sumamente krítiko den e
apoyo ku e ta aseptá.
Tambe, komo parti di e
proseso di informashon, a
organisá 2 enkuentro ku
mayornan na Playa i na
Rincon. Asina mes, SGB ta
konsiente
ku
mester
komuniká mas ainda tokante
tur faseta di e trabou ku
mayornan i ku komunidat di
Boneiru, loke ta e intenshon
pa hasi.
Ta aspirá pa lanta e ofisina
di partisipashon di mayor i
apoyo pa mayor, pa medio di
kua lo traha na manera
profeshonal pa mehorá e
relashon ku mayornan. Tanten
ku no a lanta e ofisina aki
ainda, semper mayornan por
akudí na e direktor di unidat
di e skolnan i na e lidernan di
ekipo. Tambe por pidi sita ku
direktor general.
FUNSHONAMENTU
DIREKTIVA
Tambe direktiva di SGB ta
asentuá ku direktiva general,
independientemente di e
modelo di direktiva ku ta
vigente, semper tin un tarea i
responsabilidat
di
supervishon riba e direkshon
di e skol i riba e skol den su
totalidat. Direktor general na
otro banda tin e mandato di
direktiva pa manehá e skol i
pa responsabilisá na direktiva
tokante su maneho. Direktor
general no ta miembro di
direktiva di SGB i no ta disidí
pa direktiva.
Serapio Pop direktor di unidat
KRÍTIKA RIBA SGB NO TA HUSTU
KRALENDIJK – Durante e
enkuentro ku prensa djaweps
di Komunidat di Skol Boneiru,
SGB, en konekshon ku un
karta ku grupo di 19 mayor a
dirigí na Inspekshon di
Enseñansa den kua ta kritiká
e práktikanan di enseñansa
na SGB, e direktor di unidat,
Serapio Pop, a splika no ta
bèrdat ku tabatin un
pèrdèmentu di lès, manera ta
skirbí den e karta ku a bai pa
Inspekshon di Enseñansa. Tin
hopi otro pasashi den e karta
ku no ta kuadra ku realidat.
Pop, kende a kalifiká e
krítikanan komo inhustu, a
bisa ta asina den e karta ta
menshoná ku tabatin un
pèrdèmentu di lès enorme na
inisio di aña eskolar, esaki no
ta kuadra ku bèrdat, no por
konfirmá esaki. No ta bèrdat
ku no tabatin lès riba un base
struktura na Liseo.
Loke nos a komprondé ku
ta preokupashon di e
mayornan ku tin materia di
eksamen ku a kai afó i tin un
retraso enorme pa ku esakinan.
Esaki a pasa aña pasá den klas
2 i tabata un materia di idioma
i tin e materia aki na bista pa
atendé kuné. Esaki no tabata
un klas ku ta di eksamen, pero
ta di 2 bai 3, pues tin tempu pa
e studiante haña loke el a pèrdè
promé ku e yega eksamen klas.
ta trahando tur ku tin pa
maestronan duna lès èkstra pa
por gana loke e studiantenan a
keda tras kuné, Pop a bisa.
Pop a bisa, e parti di material di materia ku na
kuminsamentu di skol no
tabata tei, a saka kopia i a
duna lès te na momentu ku
Serapio Pop, direktor di
unidat di SGB.
buki a yega. Tambe segun e
mayornan, e normanan a baha,
esaki no por, pasobra ta wak e
kosnan diferente awor, ta wak
kada alumno ku nan no ta
kumpli ku sierto aspekto ta
atendé ku nan pa tur tin e
mesun chèns pa por pasa pa un
otro klas na final di e aña
eskolar.
Mayornan a bisa ku na
Liseo e diplomanan ta baha
di balor, esaki no por, di
akuerdo ku Pop. A duna un
ehèmpel kaba riba e punto aki
durante
un anochi di
informashon na mayornan, si
direktiva bisa un studiante e
por pasa maske e tin tur materia ménos ku 6, esaki no a
pasa, ta djis un ehèmpel. Si e
alumno bai bon i e pasa di
klas 2 bai klas 3 i bai klas 4,
esei ta nifiká ku el a kumpli.
E ta pasa pa sea VWO òf
HAVO 5 ku ta klas pa
eksamen i si e pasa su
eksamen ku éksito, esei ta
nifiká ku e por i a bai bon,
pasobra e alumno mester
kumpli ku tur norma i esaki
no ta kambia. E normanan ta
igual na Liseo i tambe esun di
Hulanda.
Kasi mayoria di eksamen ta
bin for di Hulanda. For di e aña
aki Hulanda ta responsabel pa
tur nos eksamennan, esun di
VMBO i otro aña ta kontinuá
ku HAVO i 2017 VWO, segun
plan. Pues, segun Pop, esaki ta
pa duna un bista ku nivel di e
diploma no ta baha i mayornan
por ta trankil.
Loke mester bai traha riba
dje, di akuerdo ku Pop, ta pa
ménos mucha ku ta kai afó
for di enseñansa. Mester bai
wak ta di kon i pa yuda pa
esaki
no
kontinuá
spesialmente na Liseo, esaki
ta un punto ku mester di
atenshon.
Durante ‘happy hour’ na It Rain’s Fishes
FUNMILES A TOPA KU SU PARTNERNAN NA BONEIRU
KRALENDIJK – Funmiles a
topa ku su partnernan na
Boneiru durante un ‘happy
hour’ djaweps atardi na It
Rain’s Fishes. E intenshon ta
pa minimalmente un bia pa
aña hasi e enkuentro aki.
Esaki ta e manera pa kua
Funmiles ke gradisí su
partnernan pa nan sosten i pa
enfatisá ku sin e aporte e
programa di Funmiles no por
ta eksitoso. Funmiles ta spera
di por sigui traha pa hopi
tempu ku su partnernan pa
un programa eksitoso i e
loyalidat lo rekompensá e
klientenan loyal. Esaki
Kristeny van Berkel di
Funmiles a bisa na e okashon
aki.
E último aña Funmiles
tabata okupá ta atendiendo ku
un kantidat di proyekto
inovativo. Komo ehèmpel van
Berkel a menshoná e ‘Fun
Magazine’, ku lo bini dentro
Grupo di Orashon
San Hudas Tadeo di
Playa ta partisipá ku
nobena na San Hudas
Tadeo ta kuminsá
djadumingu
19
oktober na misa San
Beranrdo na Playa pa
6’or atardi durante e
9 dianan.
Klousura pa e fiesta
di San Hudas ta
djamars 28 oktober
ku un santu sakrifisio
di misa pa 7’or anochi
na misa San Bernardo
na Playa.
di tèrmino kòrtiku. Pero tambe
riba término kòrtiku lo lansa
un ‘app’ mobil kaminda e
usuarionan por mira balans i
buska e lokalidatnan di e
partnernan, tambe na Boneiru.
Promé ku fin di aña
Funmiles ta bai kuminsá ku
un limpiesa i akshon pa
oumentá su data base. Esaki
nos ta yama ‘rikesa di profil’,
segun van Berkel. Na
Hulanda
e
yama
‘Postcodeloterij’ i nos ta yama
esaki ‘Fun Street Raffle’. Peor
tambe proyektonan komo
shòp via web-site, pago mobil,
kupòn i registrashon di
produktonan, ta trayektonan
ku Funmiles a logra.
Esakinan tur ta inisiá otro aña.
Resientemente Funmiles a
atkerí un Marketing Intelligence
Officer, un analista di data base,
pa analisá su data base. E ta
bai tene su mes okupá ku
análisis di e komportashon di
kompra. Nos ta pensa ku e
aktividatnan aki pa hasi e
usuarionan di karchi di
Funmiles mas aktivo i hasi nan
mas loyal na e partnernan, van
Berkel a bisa.
Vikario Pader Ivan satisfecho
ÚLTIMO MISA KU TUR SASARDOTE
“Ekstra Boneiru”
OPINION DI
PUEBLO
Ta un echo ku Regata no ta meskos ku e Regata ku nos a
konosé 10-20 aña pasá. Ora nos bai bèk den tempu i kòrda
e ambiente ku tabatin na Sunset Beach i den oranan di anochi
tur kaminda den kaya, e kantidat grandi di bishitante i
partisipantenan di Venezuela, Aruba, Kòrsou entre otro, ora
ku pensa riba Las Chicas del Can, Oscar de Leon i otro artista
renombrá, nos mester bisa ku algu ta bayendo robes ku e
selebrashon aki. Nunka den historia di Regata nos a yega di
tende rumornan ku Regata no ta bai dor pa motibu di sèn,
pero último tempu sí. Kiko boso ta kere ku ta e motibu ku
Regata ta den dekadensia?
***
Ántes Hotèl Bonaire ku Sasteco i Típiko Boneriano tabata hit.
E tempunan aya tabatin ambiente te bai i de sobra, ta manera
mi ta lesa aki kosnan a kai pisá.
***
Mi ta kere mester promové Regata henter aña i no na e
momentu ku e ta bai yega so... anto purba tòg di trese aktividat
ku ta atraé hende nan di afó tambe.
***
Trese premio atraktivo pa trese e botonan di piskadó bèk i
hasié pa e mirónes tambe mas atraktivo, muzik den dia, hasi
mas propaganda internashonalmente. Mi ta kere ku medionan
di komunikashon ku tin awendia esaki mester ta posibel, buska
spònsernan pafó di Boneiru etc., pero un marketing grandi tin ku
bai tuma lugá si bo ke a lo ménos igualá i mi promé añanan bèk
na Boneiru kaminda Chicas del Can a aktua, pero ya tempu di
defuntu Hotèl Bonaire tabata kampeon!!!! Sin duda!!!!!.
***
E kos mester bira algu ku gobièrnu, komishon di regata i
ofisina di turismo ta ‘brainstorm’ trempan pa un manera stratégiko
i buska pa logra.
***
Simplemente mester a keda mantené tradishon i atraé mas
turista! Hopi kos ku ta “Regata” a disparsé, manera kompetensia
di boto nan, ántes tabata tin kantidat nan grandi di boto ku
awendia bo ta pasa kant’i di awa den bo outo anto bo por konta
esnan ku tin, “Regata” ta òf mester ta konsentrá na un bich
manera ántes tabatin Hotèl Bonaire. Kaminda banda di dje tin
Eden Beach aktualmente por a mantené e espasio ei limpi pa e
atrakshon aki kaminda por pone stentnan i un stage pa e
“tradishon por a sigui”. Di mes anochi den kaya no ta haña ku
tur e bisitantenan t’ei pa sigui gosa. Regata pa mas ku 20 aña
kaba ta defuntu, por reanim’é?
***
I ku e regla hulandesnan ku mester kumpli kuné riba laman
niun boto di Kòrsou i Aruba no ta bini mas. Aruba si ta habri man
tuma tur hende pa nan regata di mini boats den e mes un siman
ku Boneiru tin di dje. Hopi Lamentabel, pasobra regata di Boneiru
tabata dushi di bèrdat.
***
Hopi dushi e tempu di Hotel Bonaire ku Regata tabata,
ambiente den Kaya Grandi di Playa, di kantu di Spritzer, Diskotèk
E WOWO ,dushi hòmbu. Yamer ku e tempunan ei no ta bini mas,
ma ‘recordar es vivir’.
***
Awèl si , Boneiru di tempu ku mi ta yòn tiner. Ai, esta dushi
noooo!!!! mi ta bisa no tabatin reklamo ku kosnan ta karu, tur
hende por a biba dushi i rustig .
***
Un kambio den e direktiva, hende nobo, karanan nobo,
ideanan nobo, si gobièrnu no tin e medio pa invertí manera ántes,
aserka spònsernan di otro islanan. Ami tin hopi nostalgia di nos
Regata di ántes esta dushi tempu, awor aki mi no a pèrdè nada!
***
E kos mester keda krioyo, nos mes tin yen di tópiko dushi
asina.
***
E motibu ta simpel... Organisashon... Sèn no mester ta
problema... pasobra komersio tei, pueblo tei, bishitante tei!
Hende pa para tras di e organisashon falta!. Ántes no tabatin
Internet, facebook, youtube etc... Tabatin ménos hende na
Boneiru! i Awor ku tur e kos nan ei ainda e no ta bai? E ta hopi
bisto... Pero si keda sin hasi nada e no ta drecha su so!
***
Plaka tin ku lora, e ta bai, pero ora bin bek tei den nos mester
kere pasobra si e bira firkant e no por lora mas hahahaaha.
***
KRALENDIJK — Djaweps
tabata e delaster Santa
Eukaristia general ku tur e
saserdotenan ku tabata di
bishita riba e isla aki en
konekshon ku e konferensha
di klero. Esaki a tuma lugá
na Misa San Bernardo.
K asi na final di Santa
Eukaristia, Vikario Pader Ivan
Dario-Perez, a gradisí tur
esnan ku a traha duru pa a
hasi e siman di e konferensha
posibel. Danki na Monseñor
Luis Secco tambe tur e
Padernan ku a hasi nan
esfuerso pa a bin Boneiru pa
kompañá nos. Nos tur komo
Pader ta komprometé pa resa
pa e komunidat Boneriano
entre otro. Tambe tur persona
por resa pa sostené nos
Padernan.
Despues ku Vikario Pader
Ivan a hiba palabra i tabata
satisfecho kon tur kos a kana
durante e siman, Monseñor
Secco a gradisí spesialmente e
muchanan ku tabata presente.
Pabien ku a kompañá nos durante e anochi aki, resa i pidi
Dios su bendishon pa nos tur.
Na final di misa a entregá
diferente Pader regalo manera
a sosodé tambe riba e otro
dianan durante Misa i a
finalisá kaminda Monseñor a
hasi orashon dilanti di imágen
di Mama Maria ku tabata te
dilanti den Misa i a pidi hopi
bendishon pa e isla di Boneiru.
PA PENSA ARIBA
Sloke di: ‘Maishi chikí na mondi tempu di sekura, ta
hende bibu mes a pon’é!
PALABRA DI SABIDURIA
Dushi tempu bieu
HÓBENNAN DI AMBACHTSCHOOL
Kada hende ku ta orguyoso di kurason ta un abominashon
pa SEÑOR; siguramente e lo no keda sin kastigu.
KUSTUMBERNAN
Dòkter Alfons Gabriel, kende a traha na Boneiru den dékada
binti di siglo pasá, ta konta ku mayoria hende di Boneiru pues
den pasado tabata warda te na último pa bai un dòkter. Nan
tabata purba nan mes remedinan di kas. "Entre otro nan a
bebe awa di laman, nan a kome kalbas bèrdè i a traha te di
diferente yerba - sin éksito".
Segun dòkter Gabriel, den kaso ku un persona no ta sinti
bon, e ta stòp inmediatamente di baña pa un tempu largu. E
hòmbernan den un situashon di enfermedat no tabata feita
òf pela nan kabei. Pa e motibu ei hopi di e pashèntnan ku
tabata akudí serka dje pa yudansa tabata mustra mal tené.
Gabriel a skirbi mas aleu den su buki Tschogogo: "E mucha
chikitunan tur ora ta karga algu di magia na nan kurpa. Rònt
di nan garganta nan tin algu mará, normalmente un djente di
nan mama òf tata. Esaki lo mester sòru pa nan djentenan sali
mas fásil, sin masha problema. Rònt di nan ènkel nan tin un
kadena di katuna - pa fortifiká nan pia. Na nan brasa robes
nan ta karga un saku chikitu konteniendo tres piedra, un bonchi
di kòfi, algun tenchi di konofló i blous - tur esaki ta suponé di
ta tene influensianan malu leu for di e mucha".
Segun dòkter Alfons Gabriel, semper tin un kantidat grandi di
pashènt na su ofisina di konsulta. Loke el a haña alarmante
ta e echo ku na Boneiru tabatin den e tempu ei hopi hende ku
infekshon malu na nan pia. Ku basta frekuensia el a señalá
kasonan di tífùs den e añanan ku el a traha na Boneiru. Te
asta el a topa ku pashèntnan ku lepra, ku despues mester a
bai Zakito na Kòrsou.
"Afortunadamente no tin kasonan di kentura hel. For di e pais
besiña, Venezuela, fásilmente e enfermedat aki por a yega
Boneiru i plama, konsiderando ku e sangura di kentura hel ta
presente riba e isla. Un epidemia di kentura hel na Boneiru
por ta desastroso."
BOLETIN DI TEMPU
Tempu: Por lo general parsialmente nublá i sin áwaseru
signifikante.
Temperatura máksimo lo ta 33°C i temperatura mínimo,
27°C.
Solo ta sali: 06:25 i e ta baha 18:16.
Bientu: Generalmente ost i moderá; forsa 3 te 4 (12 te 30
km/ora, 8 te 16 nudo). De bes en kuando ráfaga te basta
fuerte; forsa 5 (31 te 39 km/ora, 17 te 21 nudo).
Situashon general: Durante e próksimo dianan e
kombinashon di airu seku i stabil lo ta e patronchi ku ta
dominá e tempu. Di otro un banda, laman lo ta por lo general moderá ku un fluho di bientu generalmente moderá.
Riba e foto un grupo di hóben ku a bishitá Ambachtschool, edifisio kaminda awendia ta ofisina
di Servisio di Finansa na Playa Pariba. Hopi kara konosí. (Kolekshon Extra)
AGÈNDA BONEIRU
Numbernan importante
Polis 717-8000
Polis Emergensia 911
Brantwer 919
Wardakosta 913
Hòspital 717-8900
***
Storing awa òf koriente
9215
***
Orario bishita Hòspital
Mèrdia 11;30 pa 1’or;
anochi di mitar di shete
pa 8’or.
***
Asilo di Bestia
Kaminda Lagun 26
tel. 717-4989
***
Rekohé bestia morto
tel. 788-2999
***
MONCHI & TONCHI
Bo sa kiko ta mi deseo profundo?
Pa un dia mi por biaha pa luna. Kada
bes ku luna ta yen mi ta pensa
atrobe riba e deseo aki.
Awèl si. Kore rònt riba nos kareteranan
i bo ta topa ku kraternan meskos ku
riba luna. Asina bo por kuminsá sinti bo
mes riba luna.
Atrakshonnan
Parke WashingtonSlagbaai: 8’or pa 5’or tur
dia
Mangazina di Rei:
8’or pa 5’or den siman
***
Museo Bonaire (SKAL):
8’or pa 12’or/mitar di dos
pa 5’or den siman
We Dare to Care Park
1;00 p.m. – 7;00 p.m.
***
Orario selebrashon Santu
Sakrifisio di Misa:
Parokia San Bernardo
Djaluna, djarason,
djabièrnè,
djasabra 7;00 p.m. Djaweps
6;30 p.m. Djadumingu 8;00
a.m., 10;00 a.m., 7;00 p.m.
Bírgen Maria di Coromoto
Antriol
Djaluna 6;30 a.m., djamars
7;30 p.m., djaweps 7;30
p.m., djabièrnè 6;30 a.m.,
djasabra 6;00 p.m.
(na ingles), 7;30 p.m.
(papiamentu), djadumingu
9;00 a.m. – 6;00 p.m.
San Luis Beltran Rincon
Djaluna 7;00 p.m., djamars i
djarason misa den bario,
djaweps 7;00 p.m.,
djabièrnè
7;00 p.m., djasabra 7;00
p.m., djadumingu 7;00 a.m.
– 10;00 a.m. – 6;00 p.m.
(na spañó)
***
SNECHI DI
PALABRA DI DIOS
18.10. Lk. 10, 1-9. San Lukas Evangelista.
Den e tempu aya Señor a skohe 72 otro disipel
i a manda nan bai Su dilanti dos dos, den tur
pueblo kaminda E mes mester a bai. El a bisa
nan: Kosecha ta grandi, ma trahadó ta poko.
Pidi doño di kosecha pa manda trahadó pa
kosechá. Bai numa! Mi ta manda boso manera
lamchi di karné meimei di lobo … Si boso yega
un siudat kaminda nan risibí boso bon, kome
loke nan pone boso dilanti, kura esnan ku ta
malu einan i bisa nan: ‘Reino di Dios a yega serka
di boso’. Palabra di Señor.
Nos Iglesia Katóliko ta un Iglesia misionero. Nos
n’por praktiká nos fe den privasidat. Más bien, nos
mester kompartí nos fe ku palabra i obra den nos
famia i komunidat kristian katóliko. Pero pa no pèrdè
e outensidat i no distorshoná nada di e bèrdat di e
doktrina kristian, Hesus ta manda nos dos – dos.
Asina mutuamente, nos por animá i korigí otro.
Kosecha ta grandi, trahadó ta poko. Pero ounke e ta
poko, no bai solitario, pa no anunsiá bo mes
pensamentunan, sino bai ku un otro i anunsiá e
Reino di Dios.
Señor! Laga Bo Reino bini na nos.
PADERNAN KATÓLIKO A
INVADÍ MISA DI PLAYA
KRALENDIJK — Djaluna
último tabata un dia históriko
unda pa promé biaha por a mira
un kantidat asina grandi di pader
den Misa na Playa. Tabata algun
minüt promé ku 7or di anochi
ku un kantidat di pader den
proseshon a drenta Misa San
Bernardo ku e sirbidónan di Misa
nan dilanti. Tabata un momentu
impreshonante.
Despues ku tur Pader a
drenta Misa i a para dilanti di e
públiko a inisiá ku Santa
Eukaristia. Esaki tabata e promé
dia di e Konferensha di Klero,
unda e padernan huntu ku
Monseñor Secco ta reuní pa papia
riba diferente tópiko durante e
dianan aki.
Fotonan ta mustra e diferente
padernan durante Santa
Eukaristia na Misa di San
Bernardo na Playa.
KAMPAÑA SERBES AMSTEL
“TAPA DI ORO KUNÉ MI TA GANA”
18 di òktober Dia kontra trafikashon di hende
TRAFIKASHON DI HENDE UN
PROBLEMA INTERNASHONAL
KRALENDIJK – Mañan
djadumingu 18 di òktober ta
Dia kontra trafikashon di
hende. Trafikashon di hende ta
un problema internashonal i
hopi bia no ta bisto i den e
sentido amplio di palabra fòrsa
hende pa traha òf duna
servisionan seksual òf pa pone
nan órganonan na disposishon.
Señalnan di e delito di
trafikashon di hende ta entre
otro kitamentu di pasport,
traha oranan largu tras di otro
sin periodo di deskanso, pues
eksplotashon di labor, traha
bou di sirkunstansianan
malu, pago di sueldo inhustu,
alohamentu di traha malu,
traha
bou
di
sirkunstansianan ku no ta
salú i peligroso, engaño,
obligashon i afekto di
integridat, kitamentu di
libertat for di un persona.
Trafikashon di hende tin
diferente kara, e no ta eksistí
solamente den prostitushon,
pero tambe den sektor di
konstrukshon, den hóreka i e
ta sosodé tambe ku hendenan
ku ta traha komo ayudo den
kas.
Víktimanan di ‘loverboys’
tambe ta kai bou di e
definishon di trafikashon di
hende. ‘Loverboys’ ta mucha
hòmber i hòmbernan ku ta
hasi mucha muhé i muhénan
yòn,
emoshonalmente
dependiente i seguidamente
ta usa nan pa prostitushon òf
ta abusá di nan di otro
maneranan. Mucha hòmber
tambe por bira víktima di
‘loverboys’. Nan ta usa i
abusá di hòmber i muhénan
yòn pa nan mes kombiniensa.
Pa mas informashon ta
referí
na
e
wèpsait
www.mensenhandel.nl. Si bo
ta rekonosé señalnan serka un
hende den bo besindario,
tuma kontakto trankil ku e
liña di tep di polis na number
717-7251.
KRALENDIJK—J.C. Herrera N.V.
djaweps último durante
konferensha di prensa den oranan
tempran di anochi na “Spiker
Bich”, a lansa su kampaña di
Amstel, “Tapa di Oro, kuné mi ta
gana”!
Tabata presente di parti J.C.
Herrera sr. Gilbert Teffer i sr. Harms
ku a bini for di Kòrsou
spesialmente pa esaki.
Despues di e kampaña eksitoso
den 2012 di Amstel “Mi Ke mi Tapa”
i den 2013 “Tuma bo tapa di Oro”,
Amstel ta orguyoso di lansa su
kampaña di bou di tapa pa 20142015; “Tapa di Oro, kuné mi ta
gana”.
E kampaña a kuminsá entrante
16 di òktober 2014 i lo dura te ku
mart 2015.
Ku e kampaña “Tapa di Oro,
kuné mi ta gana” tur dia por tin
un ganadó. Kumprando un bòter
di Amstel premium Lager, e chèns
ta grandi ku bou di e “Tapa di Oro”
tin premio.
Lo tin 4 diferente premio ku e
kliente por gana:
E 4 premionan ta:
1 Serbes Amstel grátis.
1 bale di 100 USD pa por
kumpra na e supermerkadonan
partisipante.
Partisipashon pa por drei e “Wil
di premio di Amstel” pa asina gana
premionan sumamente atraktivo.
Gana USD10,- kèsh.
Si ta un Amstel grátis tin bou
di e tapa e kliente ta haña esaki
mesora na e establesimentu.
Tambe e kliente tin e opshon di
troka su dòpi na ofisina di JC
Herrera, Kaya Amsterdam # 27.
Si e kliente haña su dòpi ku e
símbolo di “Supermarket” e tin ku
warda e dòpi aki bon i entregá
esaki únikamente na ofisina di JC
Herrera, Kaya Amsterdam # 27.
Na ofisina di JC Herrera ta
registrá e kliente i dun’é un bale di
USD 100,00 pa e por hasi kompra
na un di e supermerkadonan
partisipante.
Si e kliente haña su dòpi ku e
símbolo di “Wheel of Prizes” e tin
ku warda e dòpi aki bon i entregá
esaki únikamente na ofisina di JC
Herrera, Kaya Amsterdam # 27.
Na ofisina di JC.Herrera ta registrá
e kliente pa e por partisipá den e
evento “Drei e Wil di Oro di
Amstel”. Aki e kliente tin chèns di
gana premionan atraktivo manera;
sèn kèsh, i-pad, i-pod, pasashi pa
eksterior i e premio grandi di
Amstel.
Si e kliente haña su dòpi ku e
símbolo “10,= kèsh” e kliente ta
haña esaki mesora na e
establesimentu partisipante òf por
pasa kuné na ofisina di JC Herrera,
Kaya Amsterdam # 27 pa por
kobra esaki.
Tapa ku no ta premio
inmediato:
Si e kliente haña e símbolo
“Try Again” esaki ta nifiká ku e no
tin premio, pero esaki por sirbi pa
otro posibilidatnan durante di e
kampaña “Tapa di Oro, kuné mi
ta gana”, pues spar bo tapanan.
E kampaña ta konta pa tur
establesimentu kaminda e kliente
por konsumí su Amstel Premium
Lager.
Dal bo Amstel Premium Lager
bon friu i pidi pa bo “Tapa di Oro”
paso “Kuné abo ta gana”.
JC Herrera NV ta bisabo pa bebe
responsabel.
Riba foto momentu ku a duna
informashon a prensa relashoná
ku e kampaña djaweps último na
“Spice Beach”.
Krus Kòrá no a spar niun energia pa dun’é un entiero ku honor
DESPEDIDA DI BROERTJE
MOLINA BUNITA PA SU DOÑO
Bishita na parke di bestia Manila Zoo (2)
Tin tur sorto di bestia den e parke manera mi a komentá
kaba. Un di nan ku sigur a hala mi atenshon enorme ta e
hipopotamus. Esaki ta un bestia di laman i tera ku por keda
tantu den awa komo riba tera. Nan ta kai bou di e nòmber di
amfibia, kual ta un bestia ku por biba tantu den awa komo
riba tera.
Asina pues tin un par mas den e kategoria aki. Un di nan sigur
ta e turtuga ku tambe tin den e parke.
Aki nos por opservá e baki di e turtuganan hopi den awa i
algun riba e rant di e baki.
Loke a hala mi atenshon ta e variashon di bestia ku tin den e
parke. Tin sigur pe muchanan ku ta haña enseñansa hopi
oportunidat pa sera konosí bibu ku e bestianan. Hopi mucha a
yega di mira nan na televishon, pero nunka bibu asina serka.
Mi mes pa bisa bèrdat nunka a mira un hipopotamus djaserka.
Ata e oportunidat a presentá pa nos a gosa. Athuntu mi ta
ilustrá esaki ku un portrèt kon e bestia ta parse.
Na momentu kubo opserv’é djaleu e parse un porko grandi i
gordo, pero e realidat ta ku e ta sumamente grandi i grueso
ku ta pisa alrededor di 1 ton asina. Manera nos por opservá e
ta kome yerba.
Pa: Edson Pietersz
KRALENDIJK – Djadumingu
último a hiba Ambrosio Albert
Molina, mihó konosí komo Broer
òf Broertje, na su último lugá di
sosiegu. Tabatin henter un
programa ku a kuminsá for di kas
mortuario 12or di mèrdia, pa
despues bai pasa na kas unda
Broertje a biba i kontinuá pa
Rincon na Museo Kas Chichi Tan.
Pa 2or e defuntu a yega na Misa
Katóliko di Rincon San Luis
Beltran. Na Misa a kanta Deetje
Coco durante ku personanan
tabata duna kondolensia na e famia
di e defuntu. Maikel Janga a hiba
palabra e atardi tambe, Maritsa
Silberie na nòmber di Krus Kòrá
Boneiru ku tambe tabata enkargá
ku mayoria di kos rondó di e
entiero di Broertje. Maritsa a bisa
ku Broer tabata un presidente ku
tur miembro tabatin hopi apresio
p’e.
Maritsa Silberie: “Broertje
Molina despues di a yama ayó na
su koleganan di ministerio di
Enseñansa, Kultura, Siensia (OCW)
tabatin su plan kaba pa den su
tempu liber bai reaktiva e kuerpo
di Krus Kòrá Boneiru, ku no
tabata funshoná manera mester ta.
Esaki Broertje Molina a logra
tambe huntu ku e direktiva. Broer
a logra tambe. El a hasi
kontaktonan pa a yega na un
ehersisio di desaster grandi aki na
Boneiru, i di e forma aki Krus Kòrá
Boneiru ta riba pia i bon motivá
pa por yuda e komunidat di
Boneiru den kualke eventualidat
ku por sosodé. E ehersisio tabata
un éksito kompletu. Tabatin
partisipante for di Aruba, Kòrsou,
Saba, Sint Maarten, Statia, St.
Eustatius i Hulanda.”
“Na luna di yüli Broerje Molina
a manda un karta pa direktiva di
Krus Kòrá ku ta bisa e ta bai
evaluá si e ta kontinuá den
direktiva, debí ku el a kibra su
brasa i esaki ya pa di 2 bia. “E
karta aki a duel nos hopi, pasobra
ta un persona ku ta motivá nos
hopi i kon ta hasi sin dje. Asina
dia a sigui i ku algun siman pasá
Broer a hañ’é den situashon di salú
difísil i mester a bai Kòrsou pa
tratamentu. El a hiba un bon lucha
te final, ku su fe grandi den Dios.
Nunka direktiva i miembronan di
Krus Kòrá ta lubidá kiko bo a
nifiká pa nos. Sigur esaki tabata
un sla hopi duru pa nos”, Maritsa
Silberie a trese dilanti.
Promé ku a sali for di Misa a
entregá e bandera di Krus Kòrá ku
tabata riba e kaha di morto na
esposa di Broertje Molina, pa
despues hiba e defuntu pa su
último lugá di sosiegu. Hopi difísil
ta pa aseptá loke nos sa for di
antemano ku ta bai pasa. Asina
bida ta awe: bo t’ei, mañan bo no
t’ei mas.
Un persona manera Broertje
Molina, un hende serio, motivá i
ku hopi amor pa loke e tabata den
bida, sigur ta hasi hopi falta i doló
serka su famia. Na situashonnan
asin’aki palabra di niun hende por
konsolá e doló ku e persona ta
laga atras den nan kurason. Bo no
por imaginábo loke un famia ta
sinti momentu ku e mester tira tera
riba un kaha unda kasa òf tata ta
drumi aden pa yam’é di e forma
aki ayó. Solamente Dios sa kon pa
hasi esaki. Forsa na e famia i ku
Bon Dios sa di yena e bashí ku
Broer a laga.
Presidente Elias Bernabela
S.V. VITESSE/TELBO FIRME NA DI SEIS LUGÁ
KRALENDIJK—Segun e
presidente di s.v. Vitesse, sr.
Elias Bernaberla, e ekipo ku
su orguyoso spònser ku ta nos
kompania
lokal
di
telekomunikashon, Telbo nv,
aktualmente ta den lucha
tenas pa mantené su mes den
kontienda
pa
un
klasifikashon pa plei-òf
kampionato 2014 di futbòl di
nos isla.
Vitesse despues di un
tremendo partido a sa di gana
un di su kontrinkantenan ku
ta Vespo ku skor di 3-2 pa
asina mantené su mes ku
posibilidat pa klasifiká.
Vitesse tin un ekipo hopi
hóben ku aña pasá a debutá
den kampionato i sali na di
último lugá.
Bou di nan entrenadó nobo
tresé for di Hulanda, sr. Iwan
Koolen, e ekipo ta progresando
i esaki ta bisto dunando tur
kontrinkante doló di kabes i
nan ta tur na miedo ora ta bai
topa Vitesse.
Federashon tin pendiente
ainda dos protesta di sv
Vitesse/Telbo pa trata for di
prinsipio di kampionato, pero
parse ku tin un kòmplòt pa
no trata e protestanan aki
pasobra nan ta digno di ser
ganá i asina duna e ekipo 6
punto mas.
Ta trata di hungadónan di
Uruguay i Juventus ku a hunga
ESTRELLAS – VESPO MAÑAN ANOCHI
KRALENDIJK—Despues di
kontinuashon di kampionato
2014 di futbòl di nos isla
ayera nochi ku e partido entre e ekiponan Juventus i
Arriba Perú, e kampionato ta
sigui mañan djadumingu 19
di òktober 2014 pa 7or anochi
na Kompleho Deportivo
AntonioTrenidad den su di dos
buèlta ku e partido entre
Estrellas di Nort Saliña i
Vespo di Rincon.
Estrellas ta bini di viktoria
di 2-0 riba e peruanonan di
Arriba Perú, miéntras ku Vespo
ta bini di derota di 3-2 kontra
Vitesse.
E ekiponan aki den promé
buèlta di e kampionato,
tabata Vespo ku a gana ku
skor mínimo di 1-0, loke ta
nifiká ku Estrellas tin kos di
regla ku Vespo i ta bin pa saka
un viktoria i e tres puntonan
di e partido rumbo pa su
klasifikashon den e promé
kuaternan.
Pa motibu di luto
KAMBIO WEGA LA SONRISA
KRALENDIJK—Federashon
di Sòftbòl Boneriano den
komunikado ta partisipá na
prensa i e fanatikada, ku
despues ku Blue Jays a duna
konfirmashon pa kambia e
wega di djadumingu awó 19
òktober 2014 11or mainta, pa
motibu di luto i komo tambe
ku La Sonrisa a trata e parti
di kambio na tempu ku Blue
Jays, direktiva di FSB ta
anunsiá ku e wega entre La
Sonrisa i Blue Jays ta tuma
lugá dia 8 di novèmber 2014
pa 1or di mèrdia i no
djadumingu awó.
Ku esaki tambe Federashon
di Sòftbòl Boneriano ta
ekstendé su palabranan di forsa
na e hungadó di SBC La
Sonrisa, sr. Heinrich “Micho”
Koeiman, ku e pèrdida di su
abuelo.
Ku sr. Pio Emeterio “Theo”
Scherptong sosegá na Pas den
Reino di Dios
$ 17.80 KÈSH pa 25 palabra inklui 6% ABB
ta risibí aviso te ku 3’or di tardi
SUPER
KLASIFIKADO
MERKANSIA
Dushi Shoes i Reef Store a
haña hopi merkansia nobo,
eo slòf, keds, t-shirt, short,
tas, potmoni. Reef-Guess,
Birkenstock, DC, Nike,
Clarks i Fitflop. Nos ta warda
bo na Kaya Grandi/tel.7177080.
TA BENDE
un outo Daihatsu 2006,
motro 3Cy. Den bon
kondishon. Pa mas inf.
por yama 780-4616
den wega siendo ku nan ta
inskribí ainda na Hulanda den
timnan serka KNVB i nan no a
haña retiru pa por partisipá
legalmente den kampionato
lokal.
Vitesse lo manda un
rekordatorio pa FFB i pa
Komishon di Protesta ku tambe
ta komishon di kastigu pa sa kon
a para ku tratamentu di e dos
protestanan bon fundá aki.
Faltando dos wega mas pa
hunga Vitesse lo por yega na 21
punto i ku e dos weganan bou
di protesta por yega
un total di 27 punto i
klasifiká komo number 4 pa pleiòf final.
Vitesse ta a la karga, otronan
ta temblando, segun e presidente
di s.v. Vitesse, sr. Elias
Bernabela, fundadó/èks-hungadó
di e ekipo aki ta trese dilanti den
komunikado e siman aki.
Riba foto e ekipo djunior di
Vitesse ku na aña 1994 a titulá
kampion di nos isla den su
kategoria.
SHARP SHOOTERS A GANA MASTERTOUCH
KRALENDIJK—E ekipo di biar
bola-8 di Kaya Emerenciana
Nikiboko Sùit, e ekipo Sharp Shooters, djaweps último 16 di òktober
2014, den nan promé partido di e
di dos buèlta di e kampionato 2014,
a gana di e ekipo di Mastertouch
di Kaya Nikiboko Sùit ku skor di
5-2 den e kontinuashon di e
kampionato.
Ku e viktoria aki Sharp Shooters ta di 7-1, 7 partido ganá 1 pèrdí
den e kampionato i na di dos lugá
riba tabla di posishon, tras di e
kampionnan di Azteca invikto ku
8 ganá 0 pèrdí.
Mastertouch ku e derota ta
empatá ku The Untouchable na di
kuater lugá ku 4 ganá 4 pèrdí, pero
debí na saldo di sèt negativo ménos
favorabel ta keda di sinku lugá
riba e tabla posishon.
The Untouchable tin un saldo
di sèt positivo di
12+, Mastertouch un saldo di
sèt negativo di -1.
Den e partido djaweps último
dado momentu Sharp Shooters
tabata dilanti 4-0, pero
Mastertouch ta reakshoná i gana
dos siguí pa kòrta bentaha na 2-4,
loke tabata tur tambe pa e ekipo
aki, ya ku despues di esaki Sharp
Shooters ta gana un mas pa bai
ku e viktoria di 5-2.
Aki ta sigui e sètnan di e
partido djaweps último.
Mastertouch 2 – Sharp Shooters 5.
Vladimir Melaan – Carino
Molina 1-2.
Kerrel Alberto – G. Martis 0-2.
Naigel Coffie – J. Martis 1-2.
E. Soliano – R. Alberto 0-2.
Janiro Chatlein – Cherswin
Stokkel 2-1.
Pèmpi Winklaar – I. Martis 21.
D. Cicilia – J. Goeloe 0-2.
THE UNTOUCHABLE A
GANA NIKIBOKO STARS
KRALENDIJK—E ekipo di biar
bola-8 di Kaya Papa Cornes
Antriòl Pariba, e ekipo The Untouchable, den su promé partido
di e di dos buèlta di kampionato
2914 di biar bola-8, a gana di e
ekipo di Nikiboko ku ta Nikiboko
Real Stars ku skor di 5-0.
The Untouchable ta logra e
viktoria aki despues di tabatin
tres derota siguí tras di otro pa
finalisá e promé buèlta.
Ku e viktoria aki The Untouchable ta bai di 4-4 den e
kampionato, 4 partido ganá 4
pèrdí i ta empatá ku
Mastertouch na di kuater lugá,
pero pa saldo di sèt mas
favorabel The Untouchable ta den
bentaha riba Mastertouch i ta
posishoná na di kuater lugá i
Mastertouch di sinku lugá riba
tabla di posishon.
Nikiboko Real Stars ku e
derota ta keda ku 1 ganá 7 pèrdí
na di shete o sea penúltimo lugá
riba tabla di posishon.
Aki ta sigui e sètnan di e
partido.
The Untouchable 0 –
Nikiboko Real Stars 0.
David Zhen – H. A. Welvaart
2-0.
Oswin Margaritha – E.
Soliano 2-0.
Rovian Graanoogst jr – K.
Anthony 2-0.
Gabriel Alberto – H. Welvaart
2-1.
Ellery Chirino – E. Sambo 21.
Aki ta sigui posishon di e
ekiponan te ku djaweps último.
Azteca 8 ganá 0 pèrdí, 40 sèt
na fabor 13 kontra (+27)
Sharp Shooters 7 ganá 1
pèrdí, 38 sèt na fabor 16 kontra
(+22)
La Tropicana 5 ganá 3 pèrdí,
28 sèt na fabor 25 kontra (+3)
The Untouchable 4 ganá 4
pèrdí, 33 sèt na fabor 21 kontra
(+12)
Mastertouch 4 ganá 4 pèrdí,
28 sèt na fabor 29 kontra (-1)
Home Stars 2 ganá 6 pèrdí,
15 sèt na fabor 34 sèt kontra (19)
Nikiboko Stars 1 ganá 7 pèrdí,
15 sèt na fabor 35 kontra (-20)
Ricochet 1 ganá 7 pèrdí, 15
sèt na fabor 39 kontra (-24)
Na Cocari tabatin diferente selebrashon e siman aki.
Theresa Hellemun, kariñosamente yamá Theresita, a kumpli
88 aña. Amelia Finies, Meme, manera kariñosamente ta
yam’é, a kumpli 78 aña. Otro motibu pa fiesta na Cocari, e
bia aki ta Carmen Goeloe, mihó konosí komo Shon Ka, mes
ta di fiesta. Shon Ka a kumpli e bunita edat di 76 aña.
Serafina Tjietjie, kariñosamente yamá Fina, tambe tabata
di fiesta. El a kumpli 84 aña. Finalmente a selebrá e echo
ku Margaritha Balentien, kariñosamente yamá “Margot” a
kumpli e bunita edat di 89 aña. Tur tabata motibu pa henter
Cocari manda tur bon deseo i naturalmente kaluroso pabien
na tur e kumpleañeranan.
E stènt Indonesian Food a kumpli 20 aña aktivo durante
Festival di Regata. Esaki tabata motibu pa selebrá huntu
ku tur esnan ku semper a duna un man pa e stènt di Indonesian Food por a bira eksitoso den su operashon. E fotonan
ta duna bista di e selebrashon.
POLIS A SERA SIMAN DI KUERPO KU SHOW KULTURAL
KRALENDIJK — Polis a sera
siman di Kuerpo Polisial ku un
tremendo anochi kultural.
Esaki a tuma lugá na Tera
Kòrá Ranch djarason último. E
anochi a kuminsá unda
diferente grupo folklor, entre
otro di Kòrsou tambe di
Boneiru, a duna diferente
presentashon.
Na final di presentashon di
e gruponan folklor, Hildegard
Buitink, hefe di Kuerpo di Polis
Boneiru, a gradisí e tim ku a
traha duru pa organisá henter
e siman unda e diferente
islanan a bini huntu pa aparte
di hasi diferente weganan
amistoso, tambe sera amistat
personal mas serka ku otro. A
yama tur persona ku a traha
pa a realisá e siman di
aktividat pa polisnan ku tabata
eksitoso riba esenario i a
entrega nan tur un regalo komo
muestra di apresio.
Buitink a sigui bisa ku e
hendenan aki a traha duru den
un tempu kòrtiku pa a logra
organisá e aktividatnan loke ta
di aploudí. Tambe a menshoná
ku e aña aki tabata pa promé
bia ku a organisá un festival
di kanto ku a resultá den un
éksito total.
Mas na final Ibi ‘Kampin’
Statie, a entregá un bandera
di Boneiru na representante di
e grupo di polis di Sürnam ku
tabata na Boneiru, en
konekshon ku e siguiente
Siman di Kuerpo Polisial di
otro aña ku ta tuma lugá na
Sürnam.
Despues di a entrega
regalo na e diferente
personanan, a kontinuá ku
un tremendo show di vürwèrk
i a sera e anochi ku Foyan
Boys ku músika krioyo te den
oranan lat di anochi.
Temporada krusero drùk na kaminda
TCB PREPARANDO PA TEMPORADA KRUSERO
KRALENDIJK — Tourism Corporation Bonaire (TCB), ta
preparando pa e temporada
krusero nobo ku ta inisiá 8 di
novèmber i terminá 26 di aprel
2015. Boneiru ta proyektando pa
e temporada 2014/2015
aproksimadamente 190 mil
pasahero, ku ta un oumento di 20
mil pasahero kompará ku e
temporada anterior.
Pa e aña kalendario 2015 ta
proyektando 250,000 pasahero.
Esaki ta un temporada basta
okupá i sentro di suidat lo tin
Awe ta di fiesta mama i yu.
Nan ta haña felisitashon di parti yu Egbert, Misha, Erickson,
Shari i nieta Mishiely. Tambe di mama tata i rumannan,
subrina i subrinonan. Bendishon pa mama i Steven.
basta moveshon. Shofùrnan lo tin
ku tene na kuenta di sierto
áreanan ku lo bai ta será.
Den kuadro pa duna mas mihó
servisio pa e pasaheronan krusero,
sentro di suidat lo bai ta será pa
vehíkulo na momentu ku tin mas
di 1200 pasahero pa dia. E
áreanan ku lo sera ta na altura di
Plasa Machi Mimi i lugá di parker
di Ofisina Prinsipal di
Gobernashon. Na momentu ku
tin bishita di dos barku den haf, e
intersekshon lo ta na Kaya C.E.B.
Hellmond i Kaya Betico Croes,
tambe lo ta será pa tráfiko.
Tur kompania ku ta ligá na e
operashon krusero di TCB, lo un
badge visibel ku ta permití nan
operá dentro di sentro di suidat durante temporada krusero aki. E
badgenan aki ta den produkshon.
Pa kualke informashon
adishonal enkuanto e skema di
barku, ta optenibel via internet na:
www.tourismbonaire.com òf http:/
/www.tourismbonaire.com/includes/Cruise_Calendar.pdf.
Por bishitá TCB pa un kopia di
e skema krusero aki.