1. No category

.
“Polítika di Fiansa”
Stipulá dor Bestür di ACU dia 6-5-2015 konforme artíkulo 14 insiso 1 di Reglamentu Doméstiko di ACU
Kontenido
pág.
KONTENIDO .......................................................................................................................................... 2
DEFINISHONNAN .................................................................................................................................. 3
INTRODUKSHON .................................................................................................................................. 4
PETISHONNAN DI FIANSA .................................................................................................................. 4
MONTANTE DI FIANSA ........................................................................................................................ 5
FIANSANAN KOMUN ........................................................................................................................... 6
KASONAN DI EKSEPSHON O DI URGENSIA ................................................................................... .9
DEBE ATRASA .................................................................................................................................. .10
“FIANCUITO”....................................................................................................................................... 10
FIANSA PA KOMPRA DI OUTO NOBO ............................................................................................. 10
DO
FIANSA PA KOMPRA DI OUTO 2
MANO ...................................................................................... 11
FIANSA PA IMPUESTO I SEGURO DI OUTO: “SEGUIMPUESTO”................................................. 12
FIANSANAN TEMPORAL KU KONDISHON DI PAGO I INTERES SPESIAL: “SPECIALS” .......... 12
FIANSANAN PA SOSIONAN STUDIANTE: “ESTUDIANTIL” ........................................................... 12
FIANSANAN DI MAKSIMAL 120 LUNA: ALIVIANSA PLÙS ............................................................ 13
KANSELÁ FIANSA KU AKSHON/LANTA FOR DI AKSHON ............................................................ 14
STIPULASHONNAN FINAL ................................................................................................................ 14
2
“Polítika di Fiansa” di ACU, vershon 3 di mei 2015
Definishonnan
Den e reglamentu aki ta ser komprondé lo siguiente bou di:
a. ACU: “Algemene Spaar en Kredietcoöperatie ACU”;
b. Statüt: Reglanan i stipulashonnan aprobá dor di Reunion General di ACU ku tur sosio i
órganonan statutario di ACU mester obedesé na dje;
c. Bestür: e órgano statutario elegí dor di sosionan ku ta enkargá ku maneho i direkshon
di ACU na nòmber di sosionan di ACU konforme artíkulo 36 di Statüt di ACU;
d. Konseho di Supervishon: órgano statutario elegí dor di sosionan ku ta enkargá ku
supervishon i kontròl riba maneho i direkshon di ACU na nòmber di sosionan di ACU
konforme artíkulo 46 di Statüt di ACU;
e. Komishon di Krédito: órgano statutario elegí dor di sosionan ku ta enkargá ku
evaluashon i aprobashon di petishonnan pa fiansa konforme artíkulo 21 di Statüt di
ACU;
f. Gerensia: Direktor General di ACU i/o su remplasante(nan);
g. Sosio: persona natural ku riba su petishon a ser akseptá komo sosio dor o na nòmber
di Bestür di ACU konforme artíkulo 7 i 8 di Statüt di ACU
h. “Polítika di Fiansa”: maneho tokante fiansa stipulá dor di Bestür di ACU ku regla i
kondishonnan bou di kua un sosio por hasi petishon pa fiansa i keda otorgá esaki;
i. Fiansa: suma di plaka ku ACU ta pone disponibel na un sosio su disposishon a base di
un kombenio pa esaki firmá entre Gerensia di ACU i e sosio i ku e sosio ta komprometé
su mes pa paga bèk segun kondishon - i reglanan stipulá pa esaki den e “Polítika di
Fiansa”;
j. Entrada mensual brutu: total di entrada struktural o regular, na wisio di Komishon di
Krédito i/o Gerensia, ku e sosio ta risibí riba un base mensual manera e.o. hür di
biennan inmóbil a base di kontrakt, alimentashon, AOV, AWW, pago di invalides, i/o
kompensashonnan fiho mará na salario (= “toelage”) i/o otro entrada(nan) mensual
bruto inkluyendo benefisionan a base di kontrakto di trabou manera: sèn di vakashon,
pagonan di prima, gratifikashon, kompensashon pa outo, pagonan di fin aña i otro
pagonan eksepshonal kual nan ta keda pagá anualmente i ku un durashon mínimo ku
ta igual na e tèrmino di pago bèk di e fiansa;
k. Garantia di Hipotek: bien(nan) inmóbil di e sosio ku ta para komo garantia di pago bèk
pa fiansa(nan) otorgá na e sosio a base di un akta notarial;
l. Bòrg: terser persona(nan) natural ku ta para komo garantia di pago bèk pa fiansa(nan)
otorgá na e sosio i di kual suma di pago bèk riba e fiansa(nan) di e sosio, e terser
persona(nan) natural en kuestion por karga pago di e fiansa(nan) en kuestion otorgá
konforme stipulashonnan di ACU;
m. “Cessie”: sumanan i/o “claim” nan finansiero di o ku e sosio tin i ku ta para komo
garantia di pago bèk pa fiansa(nan) otorgá na e sosio a base di un kombenio pa esaki
entre e sosio i ACU1;
n. Outo: tur tipo di vehíkulo motorisá riba 2, 3, 4 òf mas wil i ku ta kumpli kompletamente
ku reglanan vigente di outoridatnan lokal pa por keda usá riba kareteranan públiko;
o. Ko-responsabilidat di kasá: kasá di un sosio ku riba eksigensia di Komishon di
Krédito i/o Gerensia ta keda pidí, pa den kasonan ku esaki ta nesesario, firma fiansa di
e sosio en kuestion komo kofirmante ku tambe ta karga tur responsabilidat pa ku
kondishonnan di e fiansa otorgá.
1
Konforme lei no ta akseptá “cessie” riba sumanan akumulá o di spar
den fondonan di spar i seguridat (spaar- en voorzieningsfonds),
manera deskribí den artíkulo 9.1.2 di “Handleiding
Loonbelasting”, komo seguridat di pago bèk pa petishonnan fiansanan.
“Polítika di Fiansa” di ACU, vershon 3 di mei 2015
3
“Polítika di Fiansa” di “Algemene Spaar- en
Kredietcoöperatie ACU”
Introdukshon
“Polítika di Fiansa”, basá riba artíkulo 21 di Statüt i artíkulo 11 insiso 1 di Reglamentu
Doméstiko, ta regla kondishonnan bou di kua fiansanan ta keda otorgá na sosionan. Bestür
ta aprobá e “Polítika di Fiansa”, despues di a “tende” Konseho di Supervishon i Komishon
di Krédito riba esaki. Komishon di Krédito konforme artíkulo 21 di Statüt, ta e Órgano
Statutario di ACU ku por aprobá, ratifiká o desaprobá un petishon di fiansa. Gerensia
tambe, konforme artíkulo 21 insiso 3 di Statüt, artíkulo 13 insiso 2 di Reglamentu
Doméstiko i artíkulo 29 di e “Polítika di Fiansa” aki ta outorisá i apoderá pa - na nòmber di
Komishon di Krédito - aprobá o desaprobá petishonnan di fiansa akumulá te un suma
máksimo di ANG 35.000,= (trintisinku mil florin). Interesnan stipulá pa fiansanan deskribí
den e “Polítika di Fiansa” aki ta suheto na kambio a base di desishon di Bestür, segun surgi
kambio pa ku esakinan riba e merkado finansiero. Konforme artíkulo 14 insiso 3 di
Reglamentu Doméstiko, e “Polítika di Fiansa” mester keda poné na konosementu di
sosionan. Athuntu ta sigui e kondishonnan di e “Polítika di Fiansa” eksistente, bou di kua
fiansanan ta keda otorgá na sosionan.
Petishonnan di Fiansa
Artíkulo 1
Petishon pa fiansa mester keda hasí por eskrito dor di e sosio en kuestion pa medio di un
formulario aprobá dor di Bestür i distribuí dor di Gerensia i entregá na personal enkargá ku
petishonnan di fiansa o na “loan-officers”. Ora esaki ta téknikamente posibel por hasi e
petishon “on line” (Internèt).
E formulario di petishon pa fiansa mester keda yená kompletu dor di e sosio en kuestion i
mester menshoná e.o.:
a. tur dato relevante di e sosio i su kasá o partner;
b. motibu pa kiko e fiansa lo bai keda usá;
c. tur otro informashon i/o dokumentashon relevante pa por evaluá i ku por fasilitá
aprobashon di e fiansa.
Huntu ku tur petishon pa fiansa e sosio mester entregá su 2 último slep di salario o 2 último
komprobantenan di entrada(nan) mensual, 2 último “statement” di hinter luna di su
banko(nan), un identifikashon bálido di su persona, deklarashon di trabou di e sosio en
kuestion pa e 1e fiansa i despues un (1) bes pa aña si hasi petishon di fiansa i otro
dokumentashon relevante o nesesario òf ku a keda pidí dor di Gerensia i/o Komishon di
Krédito pa su petishon spesífiko manera:
• rapòrt di taksashon di biennan inmóbil no mas bieu ku seis (6) luna di taksadónan
akseptá dor di ACU den kaso un òf mas biennan inmóbil ta para bòrg pa e
fiansa(nan). Komishon i/o Gerensia por pidi esaki(nan) durante e periodo di e
fiansa.
• Seguro di kandela ku ACU komo benifisiario i ku esaki lo keda pidí
anual durante periodo di e fiansa.
• Komprobante di seguro di risíko pa e fiansa(nan) ku lo bai keda otorgá na e sosio
en kuestion.
Petishonnan di fiansa kual nan lo bai keda utilisá pa finnan ku ta kontra stipulashonnan di
lei di Pais Kòrsou i/o otro paisnan lo no keda evaluá pa posibel aprobashon di esakinan
dor di Komishon di Krédito, Gerensia o miembronan di personal di ACU.
4
“Polítika di Fiansa” di ACU, vershon 3 di mei 2015
Artíkulo 2
1. Komishon di Krédito por delegá evaluashon i aprobashon di petishonnan di fiansa na
Gerensia konforme artíkulo 25 di e “Polítika di Fiansa” aki. Gerensia, despues di a
aprobá o desaprobá petishonnan di fiansa, lo manda e petishonnan en kuestion pa
Komishon di Krédito, konforme artíkulo 10 insiso 3 di Reglamentu Doméstiko.
Komishon di Krédito, Gerensia o miembronan di personal di ACU konforme artíkulo 13
insiso 1 di Reglamentu Doméstiko lo evaluá petishonnan di Fiansa pa posibel
aprobashon o desaprobashon di esakinan denter di un (1) siman.
2. Gerensia tin e prerogativa, konforme artíkulo 10 insiso 5 di Reglamentu Doméstiko, pa
hasi informashon riba datonan personal, situashon finansiero personal i siguridat riba
pago bèk di fiansa di un sosio ku a hasi un petishon pa fiansa, pa averiguá i komprobá
pa su mes, si e sosio en kuestion ta den e posishon pa kumpli ku pago bèk riba e
fiansa pidí durante e periodo konsedé komo pago bèk.
3. Komishon di Krédito mes ta fungi komo instansha di apelashon pa petishonnan di
fiansa (artíkulo 51 insiso 7 bou di lèter “e” di Statüt) desaprobá dor di Gerensia òf
miembronan di personal di ACU konforme artíkulo 25 insisonan 1 i 2 di e “Polítika di
Fiansa” akí. E apelashon mester ta kontra desaprobashon di e fiansa, e suma òf e
kondishonnan bou di kua e fiansa en kuestion lo keda otorgá. Den kaso e sosio en
kuestion no ta satisfecho ku desishon di Komishon di Krédito e por apelá serka
Konseho di Supervishon komo último instansha, ku ta tuma un desishon final pa ku e
apelashon.
Artíkulo 3
Petishonnan pa fiansa ku no ta kumpli ku regla i/o kondishonnan di e “Polítika di Fiansa”
eksistente lo no ser aprobá.
Montante di Fiansa
Artíkulo 4
E montante máksimo ku un sosio por fia ta keda determiná dor di:
1. E suma di pago riba su fiansa inkluso pago riba otro fiansanan (personal), hipotek,
prima di seguro mará na fiansanan i/o hipotek, pago riba tarhetanan di krèdito, pago
mensual pa alimentashon i pago mensual di hür di kas no mag surpasá 37% di e suma
total na salarionan bruto, kompensashonnan mará na salario (= “toelage”) i/o otro
entrada(nan) mensual bruto inkluyendo benefisionan a base di kontrakto di trabou
manera: sèn di vakashon, pagonan di prima, gratifikashon, kompensashon pa outo,
pagonan di fin aña i otro pagonan eksepshonal, kual nan ta keda pagá anualmente.
Pagonan riba tarhetanan di krédito i pagonan mensual pa alimentashon dor di e sosio
ta keda konsiderá komo fiansa (personal).
2. Saldo di su akshon ku mester ta:
a. pa “Fiansanan Komun” 1/8 parti di saldo total di su fiansa(nan) komun
eksistente, huntu ku e suma di fiansa pidí;
b. pa fiansanan pa kompra di outo nobo i/o outo 2do mano 1/10 parti di saldo total di
e suma di fiansa(nan) pidí;
c. pa fiansanan pa impuesto i seguro di outo: “Seguimpuesto” 1/10 parti di saldo
total di e suma di fiansa pidí;
d. pa fiansanan “Specials” 1/10 parti di saldo total di e suma di fiansa pidí;
e. pa fiansanan “Estudiantil” 1/10 parti di saldo total di e suma di fiansa pidí;
f. pa fiansanan “Aliviansa Plùs” 1/10 parti di saldo total di e suma di fiansa pidí;
g. pa fiansanan ku ta ser konsiderá komo kasonan di eksepshon o di urgensia
konforme artíkulo 12 di e “Polítika di Fiansa” aki, 1/8 parti di saldo total di su
fiansa(nan) komun, huntu ku e suma di fiansa pidí.
3. Historia di pago bèk riba su fiansanan anteriormente otorgá;
“Polítika di Fiansa” di ACU, vershon 3 di mei 2015
5
4. Otro reglanan di “Polítika di Fiansa” i/o kondishonnan spesífiko, determiná dor di
Komishon di Krédito òf Gerensia, pa seguridat di pago bèk di e fiansa en kuestion.
5. Gerensia lo warda tur tipo di fiansa aprobá pa minimal dies (10) aña despues di periodo
di pago a tèrminá i fiansanan desaprobá pa minimal dies (10) aña despues di esaki.
6. Na momentu di entrega di fiansa na e sosio en kuestion lo duna esaki un tabèl ku e
pagonan mensual riba e fiansa durante e periodo di pago riba saldo di e fiansa i riba
interes di e fiansa.
7. Tambe na momentu di entrega di fiansa na e sosio en kuestion lo pidi e sosio pa
konfirmá pa ACU ku e fiansa ta sigurá durante e periodo di pago riba saldo di e fiansa.
Fiansanan Komun
Artíkulo 5
Fiansanan Komun ta keda karakterisá pa siguiente kondishonnan:
1. Interes riba fiansanan komun otorgá ta di 1.25% pa luna riba saldo di e fiansa na fin
di kada luna ku eksepshon pa tipo di fiansanan menshoná den e “Polítika di Fiansa” pa
kual spesífikamente tin stipulá un otro interes pa luna riba saldo di e fiansa na fin di
kada luna.
2. Tur pago bèk riba fiansanan otorgá mester bai a base di dedukshon direkto via doño di
trabou. Komishon di Krédito i/o Gerensia ta keda ku e prerogativa pa den kasonan
eksepshonal permití pago bèk riba e fiansa(nan) en kuestion sosodé via un instituto
finansiero nashonal.
3. Pa bin na remarke pa e montante di fiansa pidí, e sosio en kuestion mester kumpli ku
artíkulo 11 insiso 3 di Statüt di ACU di 12 di desèmber 2013 tokante e stipulashon pa
sosionan obligatoriamente spar mensual ANG 25,= riba nan kuenta di akshon na ACU i
tambe e mester entregá komprobante (prueba) di su deber mensual di pago riba su
fiansa(nan) i sparmentu riba su akshon. Den kaso e sosio no ta kumpli ku esaki e sosio
mester stòrt tur e atraso di sumanan di akshon riba su kuenta di akshon na ACU òf pidi
pa ACU finansiá esaki(nan) den su fiansa konforme artíkulo 6 insiso 1 bou di lèter “c” di
e “Polítika di Fiansa” aki.
4. Pa kada petishon di fiansa Komishon di Krédito òf Gerensia ta disidí riba e periodo di
pago bèk konforme tabèl 1 i a base di siguiente entradanan mensual brutu konforme
tabèl 2:
Tabel 1
E siguiente periodonan di pago bèk ta konta pa sumanan
di fiansanan pidí:
6
Montantenan di fiansa
Periodo di pago bèk
250,= t/k 1.500.=
1.501,= t/k 3.000,=
3.001,= t/k 5.000,=
5.001.= t/k 10.000,=
10.001.= t/k 25.000,=
For di 25.001,=
1 aña
2 aña
3 aña
4 aña
5 aña
6 òf 7 aña
“Polítika di Fiansa” di ACU, vershon 3 di mei 2015
Tabel 2
E siguiente entradanan mensual brutu ta konta pa
sumanan maksimal di fiansanan pidí:
Entradanan mensual brutu
Montantenan maksimal pa
fiansanan pidí
t/k 1.500.= p/l
1.501,= t/k 3.000,= p/l
3.001,= t/k 5.000,= p/l
5.001.= t/k 7.500,= p/l
7.501.= t/k 10.000,= p/l
For di 10.001,= p/l
20.000,=
35.000,=
55.000,=
75.000,=
100.000,=
100.001,= t/k 250.000,=
5. Komishon di Krédito i/o Gerensia ta keda ku e prerogativa pa den kasonan ku esaki ta
nesesario pa eksigí garantia den forma di bòrg, hipotek, “cessie”, “fiduciair
eigendomsrecht overdracht” i ko-responsabilidat di kasá pa un petishon di fiansa òf un
otro forma satisfaktorio di seguridat pa e montante di fiansa solisitá. Pa tur fiansa
separá o huntu, ku nan saldo total ta surpasá e suma di ANG 55.000,= Komishon di
Krédito lo eksigí garantia di pago bèk den forma di sea hipotek, “cessie” di un suma
komo “Depósito a Largu Plaso” na ACU, di kual saldo di esaki ta igual òf mas tantu ku e
suma di fiansa solisitá, ku eksepshon di fiansanan tipo “Fiancuito” konforme
artíkulo 14, no opstante saldo di ‘Fiansa Komun’ i otro fiansa(nan) eksistente di e
sosio en kuestion huntu ta surpasá ANG 55.000,= o e suma solisitá komo
‘Fiancuito’ despues di aprobashon lo pone saldo di e ‘Fiansa Komun’ di e sosio
en kuestion surpasá ANG 55.000,=.
6. E eksigensia di siguridat riba pago bèk pa fiansanan manera deskribí bou di insiso 5
den forma di bòrg, hipotek, “cessie”, ko-responsabilidat di kasá pa fiansa òf un otro
forma satisfaktorio di seguridat pa e montante di fiansa solisitá, lo keda konta pa hinter
e tèrmino di pago bèk di e fiansa i pues lo por keda kitá (= kanselá) solamente na
final di e tèrmino di pago di e fiansa en kuestion, ora i den kaso ACU a risibí tur pago
korespondiente riba e fiansa en kuestion o den kaso e sosio kanselá saldo kompleto
eksistente di e fiansa en kuestion durante e periodo di pago bèk di e fiansa.
Artíkulo 6
1. E siguiente sumanan adishonal lo keda inkorporá komo parti di e montante total di un
fiansa otorgá:
a. gastu atministrativo un biaha di ANG 10,00 mas impuesto O.B.;
b. 1% di e suma na fiansa solisitá komo “afsluitprovisie” mas impuesto O.B.;
c. eventual un suma di maksimal ANG 3.750,= komo akshon pa asina e sosio por
kumpli ku regla di “saldo di akshon” dependiendo di e produkto di fiansa.
2. Den kaso e seguro di rísiko ta bai via ACU lo kobra tambe un “prima di seguro” di 5 0/00
pa aña riba e suma di fiansa inkluso 1a., 1b. i 1c. i eventual un “rekargo” riba e “prima
di seguro” pa kasonan kaminda esaki ta keda eksigí dor di seguro ku lo no keda
inkorporá den e suma di fiansa, pero ku lo keda kobrá tur luna separá.
Artíkulo 7
Un persona ku a bira sosio nobo no ta bin mesora na remarke pa haña fiansa. E mester
warda por lo ménos tres (3/) luna promé ku e por hasi petishon pa fiansa i durante e 3
lunanan aki e mester a spar regular riba su kuenta di akshon. Despues di e periodo di 3
luna un sosio nobo por apliká pa un fiansa, kontal ku e sosio nobo en kuestion regla i
presentá un komprobante di su pago bèk di e fiansa dirèkt for di salario promé ku e risibí e
fiansa. Komishon di Krédito ta keda ku e prerogativa pa hasi eksepshon pa kasonan
speshal.
“Polítika di Fiansa” di ACU, vershon 3 di mei 2015
7
Artíkulo 8
Un sosio ku no ta spar regular riba su kuenta di akshon i ku a hasi un petishon pa fiansa
mester spar por lo ménos tres (3) luna konsekutivo riba su kuenta di akshon via pago
outomátiko na banko òf dirèkt via salario o entrada mensual, promé ku e por hasi un
petishon pa fiansa i risibí esaki. Komishon di Krédito ta keda ku e prerogativa pa hasi
eksepshon pa kasonan speshal
Artíkulo 9
Un sosio di 68 aña di edat òf mas por apliká pa un fiansa te na un máksimo di ANG
35.000,= (trintisinku mil florin) sin e eksigensia di siguridat pa fiansa i konforme otro
stipulashonnan di e “Polítika di Fiansa” eksistente. Pa petishonnan di fiansa di sosionan di
68 aña di edat òf mas ku ta monta mas ku ANG 35.000,= (trintisinku mil florin) Komishon
di Krédito i/o Gerensia ta eksigí garantia den forma di bòrg, hipotek òf un otro forma
satisfaktorio di seguridat pa e montante di fiansa solisitá.
Artíkulo 10
1. “Fiansanan Komun” i fiansanan tipo “Estudiantil”, por ser renobá kada diesdos (12)
luna, teniendo kuenta ku tur otro stipulashon- i reglanan di e “Polítika di Fiansa”
eksistente i posibel kondishonnan spesífiko stipulá dor di Komishon di Krédito o
Gerensia.
2. Den kaso un sosio no a yega su suma maksimo di fiansa konforme artíkulo 5 insiso 4 di
e “Polítika di Fiansa” eksistente, e sosio en kuestion por hasi petishon(nan) di fiansa pa
renobá su “Fiansa Komun” o fiansa estilo “Estudiantil” te maksimal 2 biaha pa aña
kalendario i no mester warda diesdos (12) luna despues ku e último “Fiansa Komun” o
fiansa tipo “Estudiantil” a keda otorgá na su persona, kontal e sosio en kuestion no a
yega su suma maksimo di fiansa konforme artíkulo 5 insiso 4, ya menshoná. Komishon
di Krédito despues di evaluashon di su petishon(nan) di fiansa, konforme stipulashon- i
reglanan di e “Polítika di Fiansa” eksistente, por aprobá su fiansa(nan).
Artíkulo 11
1. Komishon di Krédito òf Gerensia ta aprobá petishonnan di fiansa, teniendo kuenta ku
lokual ta stipulá den Estatutonan, Reglamentu Doméstiko i “Polítika di Fiansa”
eksistente i konforme Leinan di Pais Kòrsou, Pais Sint Maarten i Islanan BES.
2. Gerensia, na nòmber di Komishon di Krédito, ta keda responsabel pa e momento i e
forma di otorgá e fiansanan aprobá na sosionan, teniendo kuenta ku artíkulo 1 i otro
reglanan di e “Polítika di Fiansa” eksistente i instrukshonnan i kondishonnan di
aprobashon stipulá pa e fiansa en kuestion, dentro di maksimal shete (7) dia di
trabou despues di aprobashon di esakinan dor di Komishon di Krédito òf Gerensia
mes, kontal Gerensia o ofisina di ACU a risibí tur dokumento relevante ku ta nesesario
pa por otorgá e fiansa en kuestion, ekskluyendo kasonan di karakter speshal, di kual
aprobashon di esakinan ta eksigí mas tempu e.o. petishon di fiansanan ku ta rekerí
garantia den forma di bòrg o hipotek i petishon di fiansanan pa outo i petishon di
fiansanan di sosionan bibá den eksterior o na Islanan BES.
3. Pa sumanan di fiansa te ku ANG 35.000,= Gerensia mes por aprobá e petishon.
Despues e fiansanan akٕí ta keda ofresé na Komishon di Krédito konforme artíkulo 10
insiso 3 di Reglamentu Doméstiko.
4. Tambe Gerensia na nòmber di Komishon di Krédito por eksigí garantia den forma di
bòrg, “cessie”, hipotek i kasá ko-responsabel òf un otro forma satisfaktorio di seguridat
pa e montante di fiansa solisitá, komo kondishonnan adishonal pa kualke fiansa aprobá
por keda otorgá na e sosio en kuestion.
5. Tur petishon di fiansa ku a keda aprobá i di kual e sosionan en kuestion no a bin firma
nan konvenio di fiansa pa asina esakinan por keda otorgá na nan persona, sin
eksepshon lo vense outomátikamente despues di trinta (30) dia, kontando for di e dia di
aprobashon dor di Komishon di Krédito o Gerensia.
8
“Polítika di Fiansa” di ACU, vershon 3 di mei 2015
6. Pa tur tipo di fiansa pa kual e sosio su saldo di akshon no ta kumpli ku e regla di “saldo
di akshon” manera stipulá bou di artíkulo 4 insiso 2, esaki dependiendo di e tipo di
fiansa, e sosio en kuestion ta bin na remarke serka ACU pa laga inkorporá esaki den su
fiansa pa asina su saldo di akshon ta kumpli ku e total di fiansanan eksistente i nobo,
un ke otro konforme artíkulo 6 insiso 1 lèter “c” di e “Polítika di Fiansa” eksistente.
Kasonan di eksepshon o di urgensia
Artíkulo 12
1. Komo kasonan di eksepshon o di urgensia ku karakter sosial finansiero i pa kual
Komishon di Krédito tin e prerogativa pa hasi eksepshon riba stipulashonnan di
e “Polítika di Fiansa” eksistente kontal e sosio por entregá prueba pa esakinan,
ku eksepshon di sosionan ku tin un fiansa tipo “Aliviansa”, ta keda konsiderá
e.o. e siguiente situashonnan ku surgi:
a. Fayesimentu, entiero di miembronan di famia di e sosio te ku 2do grado te
ku un máksimo di ANG 7500,= i ku un tèrmino di pago bèk di maksimal 84
luna;
b. Gastunan médiko lokal di e sosio o miembronan di su famia te ku 2do grado
te ku un máksimo di ANG 5000,= i ku un tèrmino di pago bèk di maksimal
84 luna;
c. Gastunan médiko internashonal di e sosio o miembronan di su famia te ku
2do grado te ku un suma máksimo di ANG 10.000,= i ku un tèrmino di
pago bèk di maksimal 84 luna;
d. Gastunan di primera nesesidat ku ta enserá e.o. kompra di frishidèr, stof,
wasmashin, gastunan relashoná ku outo i tur otro kompra ku ta kai bou di
primera nesesidat sosial ekonómiko di e sosio te ku un suma máksimo di
ANG 3500,= i ku un tèrmino di pago bèk di maksimal 36 luna;
e. Gastunan di awa i/o koriente kòrtá i ku Komishon di Krédito i/o Gerensia lo
por hasi un (1) biaha pa aña eksepshon pa esakinan pa kada sosio te ku un
suma máksimo di ANG 2000,= i ku un tèrmino di pago bèk di maksimal 24
luna;
f. Pa kasonan kaminda loke sobra di e sosio su 37% di su salario i/o
entrada(nan) mensual brutu, ta surpasá e suma di pago bèk riba su fiansa
solisitá, pero ku e sosio en kuestion ya tin un suma ta pagando bèk riba un
fiansa eksistente na ACU pa por lo ménos tres (3) luna òf mas, riba e
fiansa nobo otorgá, te ku un tèrmino di pago bèk konforme e fiansa original
ku a keda otorgá na e sosio enkuestion;
g. Pa kasonan kaminda loke sobra di e sosio su 37% di su salario i/o
entrada(nan) mensual brutu, ta surpasá e suma di pago bèk riba su fiansa
solisitá, pero ku e sosio en kuestion tin un suma(nan) na saldo di akshon i/o
DALP na ACU, kual saldo di esakinan separá o huntu ta igual òf mas tantu
ku e suma na fiansa solisitá, huntu ku posibel otro fiansa(nan) eksistente na
ACU, teniendo kuenta ku artíkulo 5 insiso 4 di e “Polítika di Fiansa”
eksistente pa loke ta tèrmino di pago bèk pa e fiansa nobo otorgá:
“Fiansanan Back to Back”;
2. Pa kasonan di urgensia ku karakter sosial finansiero di sosionan ku tin un fiansa
eksistente tipo “Aliviansa” i pa kual na huiso di Komishon di Krédito esakinan
ta hustifiká pa bin na remarke pa risibí un fiansa den forma di eksepshon, e
sosio en kuestion un (1) bes pa aña kalendario por hasi un petishon di fiansa
pa un kaso manera deskribí ariba, te ku un suma máksimo di ANG 1500,= i
ku un tèrmino di pago bèk di maksimal 12 luna.
Riba fiansanan manera deskribí bou di artíkulo 12, fiansanan den forma di “Fiancuito” no ta
aplikabel. No por renobá esakinan den forma di “add on”, ku eksepshon pa fiansanan
“Polítika di Fiansa” di ACU, vershon 3 di mei 2015
9
deskribí bou di lèter “f”. Otorgamentu di tur suma di fiansa manera deskribí bou di artíkulo
12 insiso 1 i 2, sin eksepshon, lo sosodé den forma di cheque bankario na nòmber di e
instansha(nan) o tersernan konserní, ku eksepshon pa fiansanan pa gastunan médiko
internashonal manera deskribí bou di insiso 1 lèter “c” i otro fiansanan pa kual Komishon di
Krédito, mirando e motibunan di urgensia ku karakter sosial finansiero di e fiansanan aki, a
aprobá pa esakinan keda otorgá den forma ‘kèsh’ na e sosionan en kuestion.
Debe atrasá
Artíkulo 13
1. Un sosio ku debe atrasá di pago bèk riba su fiansa, ku òf sin areglo, no por bin na
remarke pa apliká pa ningun tipo di fiansa miéntras ku e atraso kompleto no ser
kanselá.
2. Un sosio ku a kaba ku un areglo speshal di pago bèk (L008) debí na un debe atrasá, di
pago bèk riba su fiansa mester warda seis (6 luna, kontando for di e dia ku e debe
atrasá a keda kanselá kompletu, promé ku e por bin na remarke pa apliká pa un fiansa.
3. Na momentu ku un sosio ku debe atrasá (L004) a kaba di paga su debe kompleto,
Gerensia konforme artíkulo 22 di Statüt, por proponé pa e sosio en kuestion keda rayá
komo sosio.
“Fiancuito”
Artíkulo 14
1. Un sosio ku tin un “Fiansa Komun” eksistente por bin na remarke pa fiansanan den
forma di "Fiancuito" durante un (1) aña kalendario (maksimal 2 bes pa aña) te ku e
suma máksimo di ANG 3000,= (tres mil) pa aña kalendario. Den e kasonan aki, ku
eksepshon di artíkulo 10 i teniendo kuenta ku artíkulonan 5 t/k 11 di e “Polítika di
Fiansa” aki, ta prolongá e plaso di pago bèk di su kuenta di “Fiansa Komun” en
kuestion, miéntras ku tur sobra kondishonnan di e fiansa eksistente ta keda konforme e
último konvenio di fiansa di e sosio i akordá den un konvenio nobo. Pa petishonnan pa
“Fiancuito” e sosio mester entregá su último slep di salario, su último “statement” (nan)
di banko(nan), karta di trabou si ta nesesario i meshoná e motibu pa esaki.
2. Un sosio por bin na remarke pa risibí un “Fiancuito” kontal ku esaki no ta en pugna ku
artíkulonan 1 t/k 11 di e “Polítika di Fiansa” aki.
Fiansa pa kompra di outo nobo
Artíkulo 15
1. Sumanan di fiansa nobo ku lo ser utilisá pa kompra di outo nobo i eventualmente pa
paga seguro i belasting di e outo nobo en kuestion i ku ta kumpli kompletamente ku tur
otro regla i kondishonnan di e “Polítika di Fiansa” eksistente, inkluso esnan pa ku
seguridat di pago bèk di fiansa, ta haña un tèrmino di pago bèk di maksimal sesenta
(60) luna.
2. Pa tur fiansa manera deskribí bou di insiso 1, Komishon di Krédito i/o Gerensia lo
eksigí siguransa di pago bèk den forma di “fiduciair eigendomsrecht overdracht” riba e
outo nobo en kuestion.
3. Pa fiansanan manera deskribí bou di insiso 1 lo eksigí pa e outo nobo en kuestion keda
sigurá “All Risk” durante hinter e periodo di pago bèk i ku ACU komo benefisiario.
4. Riba fiansanan manera deskribí bou di insiso 1 lo konta un interes di 0.65% riba e saldo
di fiansa na fin di kada luna di e periodo di pago bèk riba e fiansa.
5. Saldo di fiansa manera deskribí bou di insiso 1 no por surpasá en total dies (10) biaha
su saldo di akshon.
10
“Polítika di Fiansa” di ACU, vershon 3 di mei 2015
6. Mas aleu aprobashon i forma di otorgá e montante ku un sosio a apliká p’e ta keda
determiná konforme artíkulonan 1 t/k 11 di e “Polítika di Fiansa” aki.
7. E eksigensia di garantia di pago bèk pa fiansanan manera deskribí bou di insiso 1 den
forma di sea “fiduciair eigendomsrecht overdracht” di e outo nobo en kuestion lo keda
konta pa hinter e tèrmino di pago bèk di 60 luna i pues lo por keda kitá (= kanselá)
dor di ACU solamente na final di e tèrmino di pago di 60 luna, ora i den kaso ACU a
risibí tur 60 pagonan korespondiente riba e fiansa en kuestion o den kaso e sosio
kanselá saldo kompleto eksistente di e fiansa en kuestion durante e periodo di pago
bèk di 60 luna.
8. Komo “outo nobo” ta keda konsiderá, outonan di kual e aña di fabrikashon ta igual ku
e aña koriente i outonan di kual e aña di fabrikashon ta e aña anterior na esun koriente
den kual aplikashon pa e fiansa a keda hasí i kual nan no ta tin un ‘promé doño’.
9. Riba fiansanan manera deskribí bou di insiso 1, fiansanan den forma di “Fiancuito” no
ta aplikabel, i no por renobá esakinan den forma di “add on”.
10. Un sosio por tin mas ku un (1) fiansa manera deskribí bou di insiso 1 pa un òf mas
outo(nan) nobo, un ke otro konforme sobrá insisonan 2 te ku 9 ariba deskribí i kual
fiansa(nan) ta kumpli ku tur otro regla i kondishonnan di e “Polítika di Fiansa”
eksistente, inkluso esnan pa ku seguridat di pago bèk di fiansa.
Fiansa pa kompra di outo 2do mano
Artíkulo 16
1. Sumanan di fiansa nobo ku lo ser utilisá pa kompra di outo 2do mano i eventualmente
pa paga seguro i belasting di e outo 2do mano en kuestion i ku ta kumpli kompletamente
ku tur otro regla i kondishonnan di e “Polítika di Fiansa” eksistente, inkluso esnan pa ku
seguridat di pago bèk di fiansa, ta haña un tèrmino di pago bèk di maksimal sesenta
(60) luna.
2. Pa tur fiansa manera deskribí bou di insiso 1, Komishon di Krédito i/o Gerensia lo
eksigí siguransa di pago bèk den forma di “fiduciair eigendomsrecht overdracht” riba e
outo 2do mano en kuestion.
3. Pa fiansanan manera deskribí bou di insiso 1 lo eksigí pa e outo 2do mano en kuestion
keda sigurá “All Risk” durante hinter e periodo di pago bèk i ku ACU komo benefisiario.
4. Riba fiansanan manera deskribí bou di insiso 1 lo konta un interes di 0.75% riba e saldo
di fiansa na fin di kada luna di e periodo di pago bèk riba e fiansa.
5. Saldo di fiansa manera deskribí bou di insiso 1 no por surpasá en total dies (10) biaha
su saldo di akshon.
6. Mas aleu aprobashon i forma di otorgá e montante ku un sosio a apliká p’e ta keda
determiná konforme artíkulonan 1 t/k 11 di e “Polítika di Fiansa” aki.
7. E eksigensia di garantia di pago bèk pa fiansanan manera deskribí bou di insiso 1 den
forma di sea “fiduciair eigendomsrecht overdracht” di e outo 2do mano en kuestion lo
keda konta pa hinter e tèrmino di pago bèk di 60 luna i pues lo por keda kitá (=
kanselá) dor di ACU solamente na final di e tèrmino di pago di 60 luna, ora i den kaso
ACU a risibí tur 60 pagonan korespondiente riba e fiansa en kuestion o den kaso e
sosio kanselá saldo kompleto eksistente di e fiansa en kuestion durante e periodo di
pago bèk di 60 luna.
8. Komo “outo 2do mano” ta keda konsiderá, outonan ku no ta mas ku kuater (4) aña
bieu, kontando for di nan aña di fabrikashon.
9. Riba fiansanan manera deskribí bou di insiso 1, fiansanan den forma di “Fiancuito” no
ta aplikabel, i no por renobá esakinan den forma di “add on
10. Un sosio por tin mas ku un (1) fiansa manera deskribí bou di insiso 1 pa un òf mas
outo(nan) 2do mano, un ke otro konforme sobrá insisonan 2 te ku 9 ariba deskribí i kual
fiansa(nan) ta kumpli ku tur otro regla i kondishonnan di e “Polítika di Fiansa”
eksistente, inkluso esnan pa ku seguridat di pago bèk di fiansa.
“Polítika di Fiansa” di ACU, vershon 3 di mei 2015
11
Fiansa pa impuesto i seguro di outo: “Seguimpuesto”
Artíkulo 17
1. Sumanan di fiansa o renobashon di fiansanan eksistente ku lo ser utilisá pa pago di tur
tipo di seguro i pa impuesto di outo i ku ta kumpli kompletamente ku tur otro regla i
kondishonnan di e “Polítika di Fiansa” eksistente , inkluso esnan pa ku seguridat di
pago bèk di fiansa, ta haña un tèrmino di pago bèk di maksimal diesdos (12) luna.
2. Fiansanan manera deskribí bou di insiso 1 ta di maksimal ANG 5000,= (sinku mil
florin).
3. Riba fiansanan manera deskribí bou di insiso 1 lo konta un interes di 0.65% riba e saldo
di fiansa na fin di kada luna di e periodo di pago bèk riba e fiansa.
4. Saldo di fiansa manera deskribí bou di insiso 1 no por surpasá en total dies (10) biaha
su saldo di akshon.
5. Mas aleu aprobashon i forma di otorgá e montante ku un sosio a apliká p’e ta keda
determiná konforme artíkulonan 1 t/k 11 di e “Polítika di Fiansa” aki.
6. Riba fiansanan manera deskribí bou di insiso 1, fiansanan den forma di “Fiancuito” no
ta aplikabel i no por renobá esakinan den forma di “add on”.
7. Otorgamentu di tur suma di fiansa manera deskribí bou di insiso 1, sin eksepshon, lo
sosodé den forma di cheque na nòmber di e kompania(nan) di seguro o “broker” nan i/o
pago di impuesto di outo dirèkt na kasa di ACU.
Fiansanan temporal ku kondishon di pago i interes spesial: “Specials”
Artíkulo 18
1. Komishon di Krédito i/o Gerensia por proponé durante sierto periodonan di aña
kalendario un òf mas biaha fiansanan temporal pa sosionan ku kondishon di pago i
interes spesial, esta ku ta desviá for di esnan stipulá den e “Polítika di Fiansa” aki,
denominá komo “Specials” i ku ta kumpli kompletamente ku tur otro regla i
kondishonnan di e “Polítika di Fiansa” eksistente, inkluso esnan pa ku seguridat di pago
bèk di fiansa.
2. Pa tur fiansa manera deskribí bou di insiso 1, Komishon di Krédito o Gerensia ta keda
ku e prerogativa pa eksigí siguransa di pago bèk den forma di sea bòrg, “fiduciair
eigendomsrecht overdracht”, “cessie” di un suma komo “Depósito a Largu Plaso” na
ACU, di kual saldo di esaki ta igual òf mas tantu ku e suma di fiansa solisitá òf un otro
forma satisfaktorio di seguridat pa e montante di fiansa solisitá.
3. Riba fiansanan manera deskribí bou di insiso 1 lo konta un otro interes riba e saldo di
fiansa i un otro tèrmino di pago bèk, kual nan ta keda determiná dor di Bestür .
4. Saldo di fiansa manera deskribí bou di insiso 1 huntu ku saldo di posibel otro
fiansa(nan) ku e sosio en kuestion por tin na ACU no por surpasá en total dies (10)
biaha su saldo di akshon.
5. Mas aleu aprobashon i forma di otorgá e montante ku un sosio a apliká p’e ta keda
determiná konforme artíkulonan 1 t/k 11 di e “Polítika di Fiansa” aki, ku eksepshon di e
stipulashonnan pa ku “periodo di pago bèk” i “interes riba fiansa”.
6. Riba fiansanan manera deskribí bou di insiso 1, fiansanan den forma di “Fiancuito” no
ta aplikabel i no por renobá esakinan den forma di “add on”.
Fiansanan pa sosionan studiante: “Estudiantil”
Artíkulo 19
1. Sosionan te ku 26 (bintiseis) aña di edat i ku ta inskribí komo studiante na un instituto di
edukashon i ku ta risibiendo un kompensashon finansiero fiho komo entrada, por apliká
pa fiansanan forma ‘Estudiantil”, kual saldo di esakinan no por surpasá e suma di ANG
3.500,= (tres mil sinkushen) total i ku lo ser utilisá pa kompra di buki, kòmpiuter, pago
“Polítika di Fiansa” di ACU, vershon 3 di mei 2015
12
2.
3.
4.
5.
6.
di estudio, pago di otro gastunan di estudio i ku ta kumpli kompletamente ku tur otro
regla i kondishonnan di e “Polítika di Fiansa” eksistente, inkluso esnan pa ku seguridat
di pago bèk di fiansa, ta haña un tèrmino di pago bèk di maksimal diesdos (12) luna òf
un tèrmino di pago bèk ku ta ekivalente ku e periodo durante kual e sosio en kuestion
ta sigurá - konforme kombenio - di lo risibí un kompensashon finansiero fiho komo
studiante.
Pa tur fiansa manera deskribí bou di insiso 1, Komishon di Krédito o Gerensia ta keda
ku e prerogativa pa eksigí siguransa di pago bèk den forma di sea bòrg, “cessie” di un
suma komo “Depósito a Largu Plaso” na ACU, di kual saldo di esaki ta igual òf mas
tantu ku e suma di fiansa solisitá òf un otro forma satisfaktorio di seguridat pa e
montante di fiansa solisitá.
Riba fiansanan manera deskribí bou di insiso 1 lo konta un interes di 0.75% riba e saldo
di fiansa na fin di kada luna di e periodo di pago bèk riba e fiansa.
Saldo di fiansa manera deskribí bou di insiso 1 huntu ku saldo di posibel otro
fiansa(nan) ku e sosio en kuestion por tin na ACU no por surpasá en total dies (10)
biaha su saldo di akshon.
Mas aleu aprobashon i forma di otorgá e montante ku un sosio a apliká p’e ta keda
determiná konforme artíkulonan 1 t/k 11 di e “Polítika di Fiansa” aki, ku eksepshon di e
stipulashon pa entregá 2 último slep di salario konforme artíkulo 1 di e “Polítika di
Fiansa” aki”.
Riba fiansanan manera deskribí bou di insiso 1, fiansanan den forma di “Fiancuito” no
ta aplikabel.
Fiansanan di maksimal 120 luna: “Aliviansa Plùs”
Artíkulo 20
1. Sosionan ku no ta kumpli ku e stipulashon di 37% di su salario i/o entrada(nan)
mensual brutu konforme artíkulo 4 insiso 1 i kual nan a solisitá pa un fiansa pa
sentralisashon o renobashon di fiansanan eksistente na ACU i/o fiansanan di otro
instanshanan finansiero o tersernan ku ta kai bou di supervishon di Banko Sentral di
Kòrsou i Sint Maarten, konforme kondishonnan di e “Polítika di Fiansa”, inkluso esnan
pa ku seguridat di pago bèk di fiansa, ta bin na remarke pa haña un fiansa ku un
tèrmino di pago bèk di 7, 8, 9 òf 10 aña: “Aliviansa Plùs”.
2. Un sosio por bin na remarke pa e tipo di fiansa aki solamente un (1) biaha. No por
renobá e fiansa aki i e sosio en kuestion por keda otorgá un suma den forma kèsh te
maksimal ANG 3000,= komo parti di e fiansa manera deskribí bou di insiso 1.
3. Pa fiansanan manera deskribí bou di insiso 1 e sosio en kuestion mester tin un òf mas
fiansa eksistente na ACU, i e relashon entre e sosio su fiansanan i entradanan mensual
brutu mester ta mas ku 50%. Komishon di Krédito i/o Gerensia ta keda ku e prerogativa
pa eksigí un forma di garantia pa pago bèk di e fiansa. Komishon di Krédito i/o
Gerensia sin eksepshon lo eksigí pa salario i/o entrada(nan) di sosio pasa via ACU
komo kondishon adishonal pa fiansanan tipo “Aliviansa Plùs”.
4. Pa fiansanan otorgá manera deskribí bou di insiso 1 e sosio en kuestion mester spar
25% di loke su persona a benefisiá di dje komo ‘pago bèk riba fiansa’ i e sumanan aki
ku ta keda di spar mensual lo ser blòkia riba un kuenta na ACU i solamente pa
motibunan sosial hopi urgente e sosio por lanta saldo di esaki, ku outorisashon di
Komishon di Krédito.
5. Fiansanan manera deskribí bou di insiso 1 ta di mínimo ANG 10.000,=.
6. Sosionan di 68 aña òf mas ta bini na remarke pa maksimal ANG 35.000,= (trintesinku
mil florin) na fiansa den forma di “Aliviansa Plùs” i si e suma solisitá ta surpasá e suma
di ANG 35.000,= (trintesinku mil florin), Komishon di Krédito, teniendo kuenta ku
insiso 3, lo eksigí garantia di pago bèk den forma di sea hipotek, “cessie” di un suma
komo “Depósito a Largu Plaso” na ACU, di kual saldo di esaki ta igual òf mas tantu ku e
suma di fiansa solisitá.
“Polítika di Fiansa” di ACU, vershon 3 di mei 2015
13
7. Riba fiansanan manera deskribí bou di insiso 1 lo konta un interes di 0.65% riba e saldo
di fiansa na fin di kada luna di e periodo di pago bèk riba e fiansa.
8. Saldo di fiansa manera deskribí bou di insiso 1 no por surpasá en total dies (10) biaha
su saldo di akshon.
9. Mas aleu aprobashon i forma di otorgá e montante ku un sosio a apliká p’e ta keda
determiná konforme artíkulonan 1 t/k 11 di e “Polítika di Fiansa” aki.
10. Riba fiansanan manera deskribí bou di insiso 1, fiansanan den forma di “Fiancuito” no
ta aplikabel i no por renobá esakinan ku e fiansa nobo den forma di “add on”.
Kanselá Fiansa ku akshon/Lanta for di akshon
Artíkulo 21
Un sosio ku tin fiansa i pidi pa lanta un suma for di su akshon konforme artíkulo 14 di Statüt
no por bin na remarke pa hasi petishon pa ningun tipo di fiansa pa seis (6) luna largu
despues ku e la lanta e suma en kuestion for di su akshon, kontando for di e dia ku e la
lanta for di akshon. Komishon di Krédito ta keda ku e prerogativa pa den kasonan di
urgensia finansiero sosial hasi eksepshon den esaki i desviá for di e periodo stipulá di seis
(6) luna.
Stipulashonnan final
Artíkulo 22
Pagonan adishonal riba fiansanan eksistente ta permití i ta keda atministrá konforme
artíkulo 5 insiso 1 di e “Polítika di Fiansa” aki. Den kaso di kanselashon tempran di e
fiansa(nan) kompletu, tambe artíkulo 5 insiso 1 di e “Polítika di Fiansa” aki ta keda apliká i
tur siguridat pa ku pago bèk di e fiansa(nan) konserní lo keda kanselá c.q. lo kai liber.
Artíkulo 23
Un sosio ku pidi pa baha e suma di pago bèk di su fiansa(nan) i keda konsedé esaki dor di
Komishon di Krédito o Gerensia konforme reglanan vigente di ACU, no por bin na remarke
pa hasi petishon pa ningun tipo di fiansa pa diesdos (12) luna largu despues ku a baha e
suma di pago bèk di su fiansa(nan), kontando for di e dia ku ACU a risibí e promé pago di e
suma nobo rebahá di pago bèk di su fiansa(nan). Den kaso ku e sosio en kuestion likidá su
debe kompleto promé ku e tèrmino di “diesdos luna” e stipulashon aki no ta bálido.
Komishon di Krédito ta keda ku e prerogativa pa den kasonan di urgensia finansiero sosial
hasi eksepshon den esaki i desviá for di e periodo stipulá di diesdos (12) luna.
Artíkulo 24
Den kaso un sosio sin previo aviso òf notifikashon na Gerensia bandoná Pais Kòrsou,
Pais Aruba, Pais Sint Maarten o Islanan BES pa periodo indefiní, Gerensia sin
eksepshon i konforme artíkulo 16 lèter “b” di Reglamentu Doméstiko lo eksigí mesora pago
inmediato di e saldo total di su fiansa(nan) eksistente, sino lo pasa kobramentu di su debe
total pa “incasso-bureau” o demand’é na korte di hustisia. Tambe den tur otro kaso
menshoná den artíkulo 13 bou di lèternan “c” t/k “j” di Reglamentu Doméstiko lo eksigí
mesora pago inmediato di saldonan total di fiansanan eksistente.
Artíkulo 25
1. Na momentu ku e “Polítika di Fiansa” aki drenta na vigor, Gerensia konforme artíkulo
21 insiso 3 di Estatutonan i artíkulo 10 insiso 2 di Reglamentu Doméstiko ta keda
outorisá i apoderá pa na nòmber di Komishon di Krédito, tuma petishonnan di fiansa
den tratamentu, aprobá i otorgá esakinan na e sosionan en kuestion o desaprobá e
petishonnan di fiansa di e sosionan en kuestion, un ke otro konforme stipulashonnan di
e “Polítika di Fiansa” aki i entregá esakinan denter di dos (2) siman na Komishon di
14
“Polítika di Fiansa” di ACU, vershon 3 di mei 2015
Krédito pa ratifikashon, kontal e petishonnan aki no ta surpasá e suma di ANG
35.000,=.
2. Na momentu ku e “Polítika di Fiansa” aki drenta na vigor, Gerensia ku aprobashon di
Bestür i ku un karta di “Deklarashon di ningun opheshon” di Komishon di Krédito, ta
outorisá pa apoderá miembronan di personal di ACU konserní pa, na nòmber di
Gerensia, tuma petishonnan di fiansa den tratamentu, aprobá i otorgá esakinan na e
sosionan en kuestion o desaprobá e petishonnan di fiansa di e sosionan en kuestion,
un ke otro konforme stipulashonnan di e “Polítika di Fiansa” aki i entregá esakinan
denter di dos (2) siman na Komishon di Krédito pa ratifikashon, kontal e petishonnan
aki no ta surpasá e suma di ANG 35.000,=.’”
Artíkulo 26
Petishonnan di fiansa di sosionan bibá na Islanan BES na promé instante lo keda evaluá
pa posibel aprobashon konforme e lei “Wet financiële markten BES” (“Wfm BES”) i
dekreto real “Besluit financiële markten BES” (Bfm BES”) i por lo demas
stipulashonnan di e “Polítika di Fiansa” aki lo konta pa e petishonnan di fiansa ariba
menshoná. Den kaso stipulashon-, reglanan i kondishonnan di e “Polítika di Fiansa” aki ta
en pugna ku leinan i stipulashonnan di Islanan BES, e leinan i stipulashonnan di Islanan
BES ta konta.
Artíkulo 27
Petishonnan di fiansa entregá te ku 30 di aprel 2015 lo keda prosesá i evaluá dor di
Komishon di Krédito i Gerensia pa aprobashon òf desaprobashon konforme stipulashonnan
di e “Polítika di Fiansa” ku a drenta na vigor dia 1 di febrüari 2013 vershon 20 di novèmber
2012.
Artíkulo 28
Den kaso stipulashon -, reglanan i kondishonnan di e “Polítika di Fiansa” aki ta en pugna
ku Statüt i Reglamentu Doméstiko, stipulashon - i reglanan di Statüt i Reglamentu
Doméstiko ta konta.
Artíkulo 29
E “Polítika di Fiansa” aki ta drenta na vigor pa organisashon di ACU entrante 3 di mei 2015
i te ku otro aviso mediante desishon di Bestür di ACU di dia 3-5-2015 konforme artíkulo 20
di “Reglamentu pa Reunionnan di Bestür di ACU” i ratifiká dor di Bestür di ACU dia 6 di
mei 2015.
Asina stipulá i disidí konforme artíkulo 14 insiso 1 di Reglamentu Doméstiko di “Algemene
Spaar- en Kredietcoöperatie ACU” pa Bestür di “Algemene Spaar- en Kredietcoöperatie
ACU”, mediante desishon di Bestür di ACU di dia 6 di mei 2015.
Na nòmber di Bestür di “Algemene Spaar- en Kredietcoöperatie ACU”,
_______________
Presidente,
Franklyn A. Vicario
__________________
Sekretario,
Kenrick A. Martis LL.M.
_________________
Tesorero,
Rugene M.C. Minguel
“Polítika di Fiansa” di ACU, vershon 3 di mei 2015
15
Anekso: resúmen di fiansanan eksistente di “Polítika di Fiansa” i kuentanan
1. “Specials”: fiansanan temporal ku kondishon di pago i interes spesial;
2. “Estudiantil”: fiansanan di maksimal ANG 3.500,= pa sosionan studiante
te ku 26 aña, ku un interes di 0.75% i un periodo di pago bèk di maksimal 12
luna o ekivalente na e periodo durante kual ta sigurá ku e sosio lo risibí un
kompensashon finansiero fiho di studiante i pa kual e montante na fiansa
por ta maksimal 10 biaha e saldo na akshon akumulá di e sosio;
3. “Seguimpuesto”: fiansanan pa pago di impuesto i/o seguro di outo ku un interes di
0.65% i un periodo di pago bèk di maksimal 12 luna i pa kual e
montante na fiansa por ta maksimal 10 biaha e saldo na akshon
akumulá di e sosio;
4. “Fiansanan Komun”: fiansanan konforme artíkulonan 1 t/k 11 di e “Polítika di
Fiansa” aki ku un interes di 1.25% i ku periodonan di pago
bèk di 12, 24, 36, 48, 60, 72 òf 84 luna i pa kual e montante na
finasa por ta maksimal 8 biaha e saldo na akshon akumulá di e
sosio:
5. “Fiansanan pa kompra di outo nobo”: fiansanan pa kompra di outo nobo ku un
interes di 0.65% i un periodo di pago bèk di
maksimal 60 luna i pa kual e montante na
fiansa por ta maksimal 10 biaha e saldo na
akshon akumulá di e sosio;
6. “Fiansanan pa kompra di outo 2
do
mano”: fiansanan pa kompra di outo 2do mano
ku un interes di 0.75% i un periodo di
pago bèk di maksimal 60 luna i pa kual
e montante na fiansa por ta maksimal
10 biaha e saldo na akshon akumulá di
e sosio;
7. “Fiancuito”: fiansanan konforme artíkulo 14 di e “Polítika di Fiansa” aki ku un interes
di 1.25% i ku ta mará na “Fiansanan Komun” konforme artíkulonan
5 t/k 11 di e “Polítika di Fiansa” aki;
8. “Aliviansa Plùs”: fiansanan di mínimo ANG 10.000,= pa sentralisashon di debe, ku un
interes di 0.65% i pa kual e sosio no ta kumpli ku stipulashon di 40%
di su salario o entrada(nan) mensual brutu i ta mas ku 50%, ku un
periodo di pago bèk di 7, 8, 9 òf 10 aña i pa kual e montante na fiansa
por ta maksimal 10 biaha e saldo na akshon akumulá di e sosio;
9.
10.
11.
12.
13.
14.
15.
16.
17.
S001: ............... kuenta di akshon di sosio;
S100: ............... kuenta di akshon di sosio;
S101: ............... kuenta di akshon di sosio;
S002: ............... kuenta di depósito di sosio ku interes di 3.7% anual;
S005: ............... kuenta di spar pa pago di belasting di outo ku interes di 3.7% anual;
S008: ............... kuenta koriente di sosionan penshonado ku 2.0% di interes anual;
S009: ............... kuenta koriente di sosio sin interes;
S070 t/k S084: kuentanan di depósito a largu plaso ku interesnan di 4.0% anual: DALP;
S400: ............... kuentanan di spar pa Hubenil i pa Hóbennan “Abeguitu” ku interesnan di
5.75% anual;
18. S700/S800: ...... kuentanan di spar pa Hubenil i pa Hóbennan “Abeguitu Plús” ku
interesnan di 5.25% anual;
16
“Polítika di Fiansa” di ACU, vershon 3 di mei 2015