1. No category

Kaya Industria 15c
Kralendijk, Bonaire
Tel.: 717-3200
Faks: 717-3276
Website:
www.acubonaire.com
E-mail: [email protected]
Kuenta di spar Abeguitu PLÙS
Abeguitu PLÙS ta e kuenta di spar di ACU spesial
pa mucha– i hóbennan di 0 te ku 27 aña di edat ku
ta bai skol òf ta sigui un estudio. Meta di ACU ta
pa siña e mucha i hóben ku ta sabí pa kuminsá
spar for di tempran, asina por logra metanan
proponé pa futuro manera estudio, saka reibeweis,
e promé outo etc. Ademas tin rekompensa den
forma di interes pa e spardó.
Interes
Abeguitu PLÙS ta duna un interes di 5.25%,
kalkulá a base di e saldo diario di e kuenta di spar
i na final di aña ACU ta depositá esaki riba e
kuenta di spar di e mucha òf hóben.
Depósito
Por depositá mínimo $5,49 i máksimo $137,36 pa
luna. Depósitonan èkstra pa luna no mag surpasá e
montante di $137,36.
Inskripshon
Tur Sosio di ACU por habri un kuenta di spar
Abeguitu PLÙS pa nan yu, ñetu i bisañetu.
Pa habri un kuenta e Sosio mester pasa na nos
departamentu di Servisio na Kliente ku e
siguiente rekisitonan:
1. Depósito di mínimo $5,49
2. “Uittreksel” òf troubuk
a. Di e Sosio den kaso ta habri kuenta
di Abeguitu PLÙS pa un yu.
b. Di e Sosio i di yu di Sosio den kaso
ta habri kuenta di Abeguitu PLÙS
pa un ñetu.
c. Di e Sosio, yu i ñetu di Sosio den
kaso ta habri kuenta di Abeguitu
PLÙS pa un bisañetu.
3. ID di e Sosio
4. ID di e mucha di 12 aña pariba
Dedukshon outomátiko
Pa fasilitá depósito di e montante mensual,
Sosio por yena un outorisashon pa ACU, di
forma ku outomátikamente e montante palabrá
ta subi kuenta di e yu, ñetu òf bisañetu.
Spardónan mayor di edat
Yunan, ñetunan i bisañetunan, mayor di edat
(18 aña òf mas ), di Sosionan di ACU, tin e
obligashon pa entregá tur aña un deklarashon
di skol òf di estudio. Esaki pa demostrá ku ainda
nan ta bai skol (pues no ta traha) i
outomátikamente ta keda ku e derecho di tin un
kuenta di spar Abeguitu PLÙS.
ACU ta brinda e oportunidat tambe ku hóbennan
mayor di edat, ku ta disponé di un bùrs, por bira
miembro di ACU. Komo miembro di ACU, bo por
hasi uso di tur e benefisionan ku ACU ta ofresé,
pero bo ta pèrdè e derecho di por mantené e
kuenta di spar Abeguitu PLÙS.
Benefisio di Abeguitu PLÙS
Pa tur mucha òf hóben ku habri un kuenta di
spar serka nos, nos tin un regalo miéntras tin na
stòk.
Mas informashon
Pa mas informashon tokante e kondishonnan di e
kuenta di spar Abeguitu PLÙS, tuma nota di e
dokumento “Overeenkomst
Jongerenspaarrekening Abeguitu PLÙS” i
“Algemene Voorwaarden
Jongerenspaarrekening Abeguitu PLÙS” ku bo
ta risibí ora bo habri un kuenta di spar na ACU.