1. No category

Kaya Hosé i Ñaña No. 10 Tel.: 568.1120
Maduro & Curiel’s Bank N.V.: number di kuenta 27164906, CRIB Nummer: 102394787
Kantor: Winkelcentrum Brievengat, K. H-6 Naast, Tel.: 736.6649
Orario di Ofisina: 09.00 -14.00 (non-stop)
PERSBERICHT
Kòrsou, 19 Aprèl 2015
FUNDASHON “E HENDE” TA BAI REUNI KU MIEMBRONAN DI PARLAMENTU P’ASINA
POR DUNA INFORMASHON ADISHONAL TOKANTE E KEHONAN DI KLIENTENAN DI
FUNDASHON KAS POPULAR
E Hende ku ta un fundashon ku a lanta pa defendé e interésnan di klientenan di
gobièrnu, èks Woningbedrijf/Semako i Fundashon Kas Popular, a aserka Parlamentu pa
medio di dos karta diferente ku e petishon pa por haña e oportunidat pa duna
informashon adishonal di e kehonan di e klientenan di FKP na Parlamentu.
Parlamentu a honra e petishon i diamars, 21 Aprèl 2015, pa 10’or di mainta e reunion
ku un ‘komishon fiho’ ta tuma luga.
T’asina ku durante e enkuentro ku Parlamentu, E hende lo pone enfasís riba e (2) dos
prioridatnan ku mester wòrdu atendé riba tèrmino kortiko.
E promé prioridat ta: ku tur e kasnan di Pueblo di gobièrnu di eks Woningbedrijf/
Semako mester wòrdu traspasá pa e hürdonan. E kasnan a ser trahá den e periodo
1945 – 1979 i nan a generá na hür, alrededor di 250 porshentu di e prijs di
konstrukshon.
I pa e hecho ku e kasnan di Pueblo pa mas ku 41 aña no a ser mantené, e hürdonan
mester bin na remarke pa haña un rekompensa pa no mantenshon.
E di dos prioridat ta: ku e klientenan ku gobièrnu i FKP a bende nan un kas sin apliká e
reglanan manera skibi den e lei AB 1962 no. 13 manera kambia, “Eilandsverordening,
houdende bepalingen nopens de verkrijging in eigendom van volkswoningen door de
huurders (Eilandsverordening eigendomsverkrijging volkswoningen Curaçao)” mester
haña restitushon di e sèn di mas paga ku interés.
E sobra kehonan i proposishonnan tambe lo wòrdu atendé segun e sekwensia di
prioridat.
Despues di e enkuentro ku Parlamentu, “E Hende” lo trahá un resumen p’asina tene
nos klientenan i Pueblo di Kòrsou na altura di e kontenido i desaroyo di e reunion.
Apart di e reunion planifiká pa e siman aki klientenan i Pueblo en general lo bai nota
mas desaroyo ku “E Hende” lo bai desplega pa haña klaridat riba interogatorionan di
nos klientenan.