1. Turismo

Kamay Electrónico
Llaktapi Kawsakkunapa Hataripa Kamayka, kay 2014 wata, mayo killami,
Electrónico Kamaypa Shamuk Punchakunapa Ruranata riksichirka. Kuchulla
Kamay, Paskariyak Kamay, Alli allipash Kutsipash Kamay tukuchunmi kan.
Shamuk Punchakunapa Ruranaka llaktapi kawsakkunatami chuskupi rakishka.
Paykunata kimichinkapakmi chashna rurashka. Kayka kashnami kan:
Kamaymi llaktapi kawsakkunapa kakrin (G2C)
Kamaymi imakunata rurakkunapa kakrin (G2B)
Kamaymi Suyupa wasikunapi llankakkunapa kakrin (G2E)
Kamaymi Suyupa shikan wasikunawan, shuk Suyukunawan kakrin (G2C)
Kamay Electrónico ima shina kanaka chusku shinapimi samakun, kaykunaka
patakupa chakikuna shina, imaman chayankapak munashkakuna, ima shina
chayman
chayanakuna,
imapash
harkaykuna
tiyakpi
chaykunata
allichinkapakkunapashmi kan. Patakupa chakikuna nishkaka Electrónico Kamaypa
rurarinapa ima tiyashkakunami kan. Kaypika kamachikuna, mushuk yachaywan
willanakuna, runakunapashmi kan. Imaman chayankapak munashkakunaka
Electrónico Kamaypa rurana maykaman chayanatami rikuchin. Ima shina chayman
chayanakunaka munashkakunata ima shina paktachinami nikun. Harkaykunapa
allichinakuna tiyakpika, Electrónico Kamaytami hatunyachin; rurankapak
munashkakunata paktachinapipashmi yanapan. Kutin Imapash Harkaykuna
Tiyakpi Chaykunata Allichinkapakkunaka shikan ruranakunami kan, kaykunaka
rurankapak munashkakunata paktachinapimi yanapan.
Kallari shukniki rurankapak munashkaka Kuchulla Kamay nishkami kan. Shinami
Kamayka ima tiyashkakunata Internet nishkapi churan. Chay shinami Internet
Subsecretaría de Gobierno Electrónico
nishkaman yaykushpa, shukllamanta imakunatapash surkuchinalla kanka,
chashnami surkuchinapi mana yapata unayarinka, mana yapa kullkita
minishtirinka.
Ishkayniki rurankapak munashkaka Paskariyak Kamay nishkami kan. Pipash
Kamaypa imapash rurakushkata yachay chayankallami. Shinami imatapash ni
ushanka, rikunalla kanka, mana pakashkachu kanka. Chashnami llaktapi
kawsakkuna, llankachikkuna, Suyupa shikan wasipi llankakkuna, Suyupa shikan
Wasikunapash Kamay ima rurakushkata yachay chayanka, yupaykunata rikunka,
yuyashkakunata shikan wasikunapa pushakkunaman ni ushanka. Paskariyak
Kamayka Ecuador shuk chashnakunata charik mama llaktakunawanmi kimichin.
Chashna kashkamantami llaktapi kawsakkunaka ima tiyashkakunata yachay
chayanka. Shinallatak mana Suyupa wasikunapi llankakkuna, yachakunapi
kakkuna, maykanpash kari warmikunami, chay willashkakunawan, imapash
mushukta ruray ushanka; mana kashpaka, llaktakunaka imapash yachashkakunata
riksichinakushpami, llaktaman shamukkunata kutsilla chaskinka.
Kimsaniki rurankapak munashkaka shuk alli allipash, kutsillapash Kamay
tiyanatami nikun. Chaypami yuyashpa mushuk yachaykunata minishtishkakunata
paktachinkapak churana kashkata nin. Shinaka kashnata paktachinkapakka ima
tiyashkakunatami allita allichina kan, shinallatak chaywan llankakkunatami
ashtawan yachachina kan. Shinami pushakkunata mushuk yachaykunapi
ashtawan yachachina kan, chashnami Electrónico Kamayta mana mushuk
yachaykunata churankapaklla kashkata rikunka, ashtawanka wasikunata
Electrónico Kamaypa Shamuk Punchakunapa Ruranapi kimichinkapak yanapanka.
Electrónico Kamaypa Shamuk Punchakunapa Ruranaka, kunanka, shikanyakunmi,
imapash allichinkapak tiyashkatami kimichikun, chashnami ima shina
ruranakunapash, shuk ruranakunapash Electrónico Kamaypa, Sumak Kawsaypa
Llaktapa Ruranapa munashkakunata paktachinapi kanka.
Subsecretaría de Gobierno Electrónico