1. Espiritual

Mester resa pa defunto?
Pa medio di morto, nos ta topa cu Dios cu ta yama nos pa
participa den bida eterno. Sinembargo, ningun persona por
keda admiti den intimidad cu Dios si prome no ta keda
purifica di e consecuencianan personal di tur su picanan.
E purificacion aki iglesia ta yama: purgatorio. E ta totalmente
distinto di castigo di esnan condena. E doctrina riba
purgatorio a keda presenta principalmente pa medio di
Concilionan di Florencia y Trento.
Fo’i aki ta bini e custumber piadoso di ofrece sufragionan (oracion) pa almanan den
purgatorio, cu ta un suplica insistente na Dios pa tene misericordia di fielnan
defunto y purifica nan cu candela di su amor y laga nan drenta e reino di luz y bida.
Oracionnan aki ta un expresion di nos fe den Comunion di Santonan. Den versiculo
2 Macabeonan 12,46 nos ta lesa: “ta santo y saludabel e pensamento di resa pa
defuntonan pa nan keda libra di nan picanan”. E “sufragionan” aki ta na prome luga:
celebracion di sacrificio eucaristico (misa), oracion personal, oracion comunitario di
fielnan, obranan di misericordia y indulgencianan cu ta keda aplica ta en fabor di
almanan di purgatorio.
Sagrado Scritura ta siña nos: “bienaventura esnan limpi di curason – nan lo mira
Dios” (Mt. 5, 8) (nan ta bay shelo).
Esnan cu a rechasa Dios su ofrecemento di salbacion y no a converti mientras nan
alma tabata den nan curpa lo keda separa di Dios (ta bay fierno).
Finalmente esnan cu a sirbi Señor, pero na ora di muri no tabata plenamente
purifica di nan picanan ta bay purgatorio. Aki Dios den su misericordia infinito ta
purifica almanan, pa liber di pica nan por drenta su gloria pasobra “nada impuro por
drenta Reino di shelo” Ap. 21,27.
● ● ●
► Si tin grupo cu ta interesa pa publica algo den e boletin, por fabor
entrega e material 3 siman prome, pa asina por tene cuenta cu espacio y
pa realisa e edicion na tempo.
► Si kier pone un folder, aviso of algo otro den misa of capiya, por fabor,
sea asina bon di acerca pastoor pa pidi permiso prome cu haci esaki.
Boletin Informativo
di Savaneta
y Pos Chikito
november 2014
www.sagradocurason.com
Rumannan!
Nos ta drentando den e ultimo luna di Aña liturgico. Nos dilanti tin e Fiesta di tur Santo y
despues dia di nos rumannan defunto. E dos celebracionnan aki mester yuda nos biba e
realidad di ”Comunion di Santonan”, y compronde miho cu e Santonan den shelo y esnan
den purgatorio ta forma hunto cu nos e parti di mesun Iglesia di Cristo. E liturgia di e luna
aki ta prepara nos pa Solemnidad di Cristo Rey cu ta cera e aña liturgico.
E luna aki tambe, nos ta celebra memoria di Santa Cecilia patrono di musica sacral. Mi
kier probecha e espacio aki pa, en conexion cu su memoria, expresa mi gratitud na tur
nos rumannan cu ta anima nos liturgia cu musica y canto sacral. Mi ta referi na tur esnan
cu ta forma parti di koornan asocia na nos parokia como tambe tur solista y musico.
“Esun cu ta canta ta resa dos biaha”. Trata boso participacion den misa como un
oracion personal, y alabes yuda otro participa den nos celebracionnan liturgico unda nan
por resa y alaba Dios bou boso guia. Boso canto, cu mester ta di acuerdo cu tempo
liturgico, momento di misa y tin cu cuadra cu e lecturanan di dia, ta complementa y
accentua e mensahe cu Dios kier transmiti na su fielnan. Ta boso pa medio di canto y
musica ta sirbi pueblo e mensahe spiritual na un manera mas dushi, agradabel y bunita.
Trata boso don y asociacion na un koor parokial como un privilegio, compromiso y
responsabilidad. Aki no ta trata di duna un concierto, sino yuda guia y embeyece nos
liturgia. P’esey tambe, sea semper ‘al tanto’ di normanan liturgico y como esunnan prome
cu ta participa plenamente den misterio di Eucaristia of otro celebracionnan liturgico. Si
tin mester, yuda cu formacion na esnan cu ta bin canta (presenta), pero no sa di participa.
Mi kier pidi boso pa tur aña boso reserva e fecha di memoria di Santa Cecilia (22 di
november) pa nos celebra dia di comunion di tur nos koornan, dia di reflexion y gratitud
na Dios pa e don cu boso a haya, y uz’e pa Dios Su gloria y na fabor di nos parokia(nan).
Dia 22 di november mi ta invita tur koor y solista pa un misa special na honor di Santa
Cecilia. Como e biaha aki e ta cay riba un diasabra, cu ta coresponde pa celebra
solemnidad di Cristo Rey di Universo, e liturgia lo ta di Cristo Rey combina cu misa na
honor di Santa Cecilia. Despues di misa mi ta invita boso pa un encuentro social den nos
hofi. Cu hopi gratitud y aprecio pa sirbishi di cada un di boso.
P. Andres
Dianan festivo den luna di
november
01.11: Fiesta di tur Santo
02.11: Dia di tur defunto
03.11: San Martin di Porres, broeder
04.11: San Carlo Borromeo, obispo
07.11: San Wilibrordo, obispo
09.11: Dedicacion di Basilica Lateranense
Fiesta
10.11: San Leo Magno, papa y doctor di
Iglesia
12.11: San Yosafat, obispo y martir
15.11: San Alberto e Grandi, obispo y doctor
di Iglesia
18.11: Dedicacion di Basilica di San Pedro y
San Pablo
21.11: Presentacion di La Birgen Maria den
tempel
22.11: Santa Cecilia, Birgen y martir
23.11: Nos Señor HesuCristo, Rey di
Universo (Fiesta Patronal di parokia
di Brazil)
24.11: Santonan Andres Dung-Lac y
compañeronan, martirnan di Vietnam
27.11: La Birgen Maria di e medaya
milagroso
30.11: Prome diadomingo di Advent
TA CUMINSA AÑA LITURGICO “B”
MISA PA MUCHA
Diadomingo 2 di november pa
10:00am nos lo tin e siguiente misa
pa mucha. Nos ta invita tur mucha
cu nan mayornan pa participa den e
misa aki. Ta un bon oportunidad pa
e dia aki duna atencion y resa pa
nos sernan keri cu a bay laga nos.
Misa den santana
Diadomingo 2 di november pa
6:00pm lo tin Santo Sacrificio di
misa den nos santana na
Savaneta pa tur nos fielnan
difunto. Ta invita tur nos
parokianonan pa probecha e
dianan previo pa duna atencion y
mantencion di graf, bishita, haci
oracion y, riba tur cos, ofrece e
dia aki un Misa pa descanso di
alma di nos rumannan defunto
Kalender Liturgico
(sea na misa of preferibel den
Esnan interesa pa cumpra un ehemplar santana 6:00pm).
di e Kalender Liturgico oficial aña B
2014-2015 por inscribi pa esaki durante
Grupo di limpiesa
orario di oficina parokial. Asina cu e ta
disponibel lo participa esaki durante Dialuna 3 di november en conexion cu
memoria di San Martin de Porres lo tin
Misa.
un celebracion special pa nos rumannan
■■■
cu ta yuda den limpiesa den nos parokia.
Despues di misa lo tin un brindis como
■ Dia 7 di november ta prome
muestra di gratitud pa trabou boluntario di
diabierna di luna, pa 6:30pm tin
nos rumannan.
oracion di rosario y despues misa
cu
adoracion
di
Santisimo
CONFESION Y CONFIRMACION Sacramento y letania na Sagrado
Curason di Hesus.
Diaranson 5 di
■
Dialuna 10 di november pa
november
fo’i
8:00pm lo tin reunion di Conseho
5:00pm ta cuminsa
Parokial
cu confesion pa tur
■ Diamars 11 di november ta invita
hoben y adulto cu ta
e representantenan di e koornan di
den preparacion pa
nos parokia pa un reunion 7:00–
Confirmacion. Ta
7:30pm pa
defini
e
ultimo
invita tambe mayornan di hoben, madrina, detayenan pa e celebracion di
padrino pa probecha e dia aki pa haci Santa Cecilia.
confesion. Esnan cu no por e dia ey, por
fabor probecha cualkier otro dia 30 minuut
prome
cu
Santo
Sacrificio
(den
confesionario).
Sacramento di Confirmacion den nos
parokia lo tuma luga diasabra 8 di november
pa 9:00am.
Triduo La Birgen Milagrosa
■ Diabierna 21 di november lo tin e
Misa Carismatico pa 7:00pm anima
cu canto y alabansa na nos Señor
combina cu adoracion di Santisimo.
Bini un, bini tur pa como un
comunidad nos glorifica nos Dios y
gradiciE pa tur cos na e clausura di
e aña liturgico 2014 y alabes
celebra e vispera di e Solemnidad di
Cristo Rey.
Diahuebs 27 di november pa 7:00pm
■
Dialuna 24 di november pa
nos lo celebra Santo Sacrificio di Misa 8:00pm ta invita tur miembro di
na honor di La Birgen Milagrosa, team liturgico pa “Lectio Divina”.
patrona di Legion di Maria. Pa e ocasion
aki lo tin un triduo cu lo tuma luga:
dialuna 24; diamars 25; y diaranson 26,
pa 6:15pm na misa di Savaneta.
Ta invita tur miembro activo y auxiliar
di Legion di Maria y parokianonan pa
participa na e triduo y celebracion na
honor di La Birgen Milagrosa.